Vllaznia bie në Laç, pasi u mposht me rezultatin e ngushtë 1-0 në një ndeshje plot emocione dhe të ndarë në dy tablo. Redon Xhixha ishte autori i golit për kurbinasit, që marrin pikët e plota dhe fitoren e dytë në kampionat.
Shkodranët mund të gëzohen prej fakti që edhe Kukësi u mposht në transfertë me Kastriotin. Një gol i Patrik Bardhit nxori verilindorët pa pikë pas pesë ndeshjes. Në Fier Lorenco Vila i dha tre pikët Teutës pas gjashtë ndeshjes, kurse në Korçë Tirana dhe Skënderbeu u ndanë në barazim 1-1./ abcnews.al
KATEGORIA SUPERIORE – JAVA 9
E shtunë, më 19 dhjetor 2020, ora 13:45
Kastrioti-Kukësi 1-0
Shënues: Bardhi 17′
Skënderbeu-Tirana 1-1
Shënues: Mara 42′ / Batha 70′
Laçi-Vllaznia 1-0
Shënues: Xhixha 87′
Apolonia-Teuta 0-1
Shënues: L. Vila 30′
87′ Redon Xhixha ka ndëshkuar portierin Zogovic të Vllaznisë dhe i ka dhënë avantazhin skuadrës së Laçit
70′ Idriz Batha vendos baraspeshën në Korçë, duke realizuar për Tiranën. Fillimisht e ndali shtylla, kurse tentativa e dytë u ndal në rrjetë.
42′ Kundërsulm i Skënderbeu, me Mensah që shpërthen në krah dhe pason në zonë më pas për Marën. Ky i fundit nuk fal dhe shënon në portën e Tiranës
30′ Lorenco Vila zhbllokon ndeshjen në Fier, teksa ndëshkoi pas një goditjeje këndi portierin Harizaj të Apolonisë
17′ Patrik Bardhi realizon me një goditje të bukur nga jashtë zone. Portieri Tafa tenton ta devijojë topin, por nuk ia del dot
