Bota

nurseeeee.jpg
Sid Orela16:39 | 30/03/2020

Një adoleshente angleze e cila punon në repartin ku ndodhen pacientët me koronavirus ka ndarë një foto të sajën në përpjekje për për të sensibilizuar anglezët që të qëndrojnë në shtëpi.

19-vjeçarja Lucy Hutchings punon 13 orë në ditë duke u shërbyer pacientëve të moshuar me koronavirus. Disa prej pacientëve të saj janë në gjendje të rëndë në kujdesin intensiv, shkruan abcnews.al

Hutchings punon si asistente e mjekëve në Spitalin Gjeneral Southampton, dhe tregoi se spitali ku ajo punon së shpejti nuk do të ketë më as pajisje mbrojtëse për personelin mjekësor. Ajo është e shqetësuar për situatën që mund të krijohet nëse numri i pacientëve rritet në ditët në vijim.

Shumë prej reparteve në spitalin ku ajo punon, përfshirë dhe të sajin, janë mbyllur dhe janë vënë në dispozicion të pacientëve me Covid-19.

Lucy thotë:

“Ne kemi këtu njerëz që janë në gjendje të rëndë dhe njerëz që nuk kanë nevojë për ventilatorë. Shumica e pacientëve që kanë nevojë për oksigjen janë në të gjashtëdhjetat apo nëntëdhjetat. Mund ta shohësh në sytë e tyre që disa prej tyre janë duke vuajtur, ata mund të thonë që janë mirë, por nuk është e vërtetë. Është shumë e trishtë të shohësh njerëz me virusin…”

Hutchings thotë se sa më shpejt që njerëzit ta kuptojnë rëndësinë e të ndenjurit brenda, aq më shpejt kjo situatë do të përfundojë. /abcnews.al

l5.jpg
Sid Orela16:12 | 30/03/2020

Një DJ i njohur nga Anglia, i cili prej dy vitesh ka luftuar leuceminë, u kërkoi mjekëve që të shpëtonin jetën e dikujt tjetër pasi mori vesh se ishte infektuar me koronavirus.

Liam Downing mori lajmin e keq se ishte infektuar me virusin korona ndërsa ndodhej në spital duke menduar se kishte ndonjë infeksion të zakonshëm.

Ai e mori lajmin e trishtë vetëm disa ditë pasi kishte mbushur 30 vjeç. DJ nga Middleton-i mori gjithashtu lajmin nga mjekët se nuk kishte mbetur më asgjë për t’u bërë për të shpëtuar nga kanceri. I gjendur përpara kësaj situate, Liam vendosin që mjekët të mos “harxhonin” medikamente për të trajtuar atë, por t’i përdornin për të shpëtuar dikë tjetër.

Doëning e humbi betejën me leuceminë dhe koronavirusin të premten. Familja e tij po shpresonte që ai të kishte edhe disa muaj jetë, edhe pse e dinin që kanceri që ai kishte ishte i pashërueshëm.

Për fat të keq, koronavirusi e përshpejtoi “udhëtimin” e tij të fundit. /abcnews.al

http___cdn.cnn_.com_cnnnext_dam_assets_200325165453-byemom.jpg
So Nila15:55 | 30/03/2020

Eihab Boraie është një artist multimedial, organizues festivalesh dhe shkrimtar i pavarur, i cili ka fituar shumë çmime ndërkombëtare dhe tani është anëtar i ekipit ‘CairoScene’.

Të qëndroja në Kajro me familjen apo të kapja avionin e fundit për në Kanada që të takoja dashurinë e jetës time? Më duhej të vendosja shpejt por kisha frikë se udhëtimi gjatë kësaj pandemie ishte ekuivalent i vetëvrasjes, ose më keq, vrasje.

Kur Covid-19 filloi të përhapej në të gjithë botën, besoja se asnjë vend nuk ishte i sigurtë dhe vetë-izolimi ishte gjëja më e mirë e mundshme. Prapëseprapë, dashuria do ju bëjë të bëni marrëzira.

Unë jam një kanadez-egjiptian dhe e dashura ime është italiano-amerikane, Francesca Brundisini, e cila po punon në qytetin Quebec. Ajo është e re në qytet dhe u frikësua se izolimi i vetëm, pa miq apo familjen, do të ndërpriste komunikimin, nëse prekej nga virusi.

Kur lajmet për pandeminë shpërthyen në të gjithë botën, të dy kuptuam se kjo krizë do të zgjaste më shumë se disa javë. Ishte distanca, pasiguria dhe një nënë italiane e alarmuar, që më shtyu të bëja diçka.

Nuk kisha asnjë garanci që do të gjeja një biletë dhe lënia e familjes vetëm, ishte torturuese. Të dy prindërit e mi janë rreth të 60-ve dhe janë shumë të rrezikuar, sepse vuajnë nga probleme të ndryshme shëndetësore, përfshirë diabetin dhe problemet me zemrën. Të largohesha prej tyre do të thoshte se mund të mos i shihja më kurrë.

Ata më inkurajuan të provoja të gjeja një biletë, sepse ishin të shqetësuar për partneren time që ndodhej e vetme në Kanada, por edhe sepse ne të gjithë menduam se gjetja e një bilete do të ishte e pamundur.

Sapo Egjipti njoftoi që aeroportet e tij do të mbylleshin më 19 mars, biletat e vetme të mbetura u rritën nga 700 dollarë në mbi 3,000 dollarë, shumica prej të cilave do të ndalonin në vendet e shkatërruara nga virusi. Vendosa të provoja shansin dhe shënova emrin në listën e pritjes të EgyptAir për një fluturim të drejtpërdrejtë në Toronto, duke shpresuar për një mrekulli. Supozoja se mënyra e vetme për t’u kthyer në shtëpi ishte nëse qeveria kanadeze dërgonte një aeroplan për kanadezët e bllokuar.

Në mënyrë të pabesueshme, disa orë para mbylljes së aeroportit, unë mora një telefonatë që vërtetonte se kisha një vend në fluturimin e fundit për në Kanada.

Nxitova për në zyrën e EgyptAir dhe mora biletën. Teksa dilja, syri më kapi një dyqan bizhuterish aty afër. Ishte qesharake që një dyqan i tillë, jo thelbësor, ishte i hapur, por dukej sikur universi e dinte që kisha nevojë për një në atë moment.

Rrugës për në shtëpi, pashë ushtarakët e Egjiptit që shpërndaheshin nëpër qytet duke u përgatitur për të zënë vendet përkatëse, veprim që shpesh tregon që një shtetrrethim mund të ndodhte.

Kujtimet e shtetrrethimit të detyrueshëm gjatë kryengritjeve të Egjiptit filluan përsëri, por këtë herë, këto masa, çuditërisht ishin për të kufizuar infeksionet.

 

Arrita në aeroport dhe i dhashë një përqafim të madh prindërve, duke shpresuar se nuk do të ishte i fundit. I mbingarkuar me emocione, hyra në terminal duke pritur të shihja skena kaosi. Në vend të kësaj, ndërtesa ishte bosh.

Para kësaj pandemie, Aeroporti i Kajros kishte qenë shumë i qetë, pasi turizmi ishte përballur me trazirat e fundit politike dhe shoqërore, pas kryengritjeve të Egjiptit. E kisha parë bosh gjatë atyre kohërave, por këtë herë ishte ndryshe. Nuk kishte radhë gjatë kontrollit të sigurisë. Përgjatë aeroportit, dukej se shumica e punëtorëve mbanin maska ​​dhe ndonjëherë doreza, por jo të gjithë. Vura re që disa punëtorë që merreshin me karrocat e bagazhit nuk kishin marrë masa.

Kur mbërrita tek sporteli i kontrollit, m’u tha se ky ishte fluturimi i fundit për në Kanada. Në atë kohë nuk kishte asnjë fluturim tjetër. Mungesa e nisjeve ishte një lehtësim, pasi lejonte pasagjerët të distancoheshin shoqërisht nga njëri-tjetri. Në asnjë moment nuk u kontrollua temperatura ime dhe askush nuk pyeti për ndonjë simptomë. Më vonë mësova nga një i afërm, i cili mori të njëjtin aeroplan, se u kishin kontrolluar temperaturën gjatë mbërritjes në aeroportin e Kajros.

Radha për të hipur në aeroplan ishte shumë e populluar dhe e pakëndshme. Shumica e pasagjerëve kishin veshur maska dhe dorashka, duke zbuluar vetëm nervozizmin tek sytë. Ata që nuk mbanin maska ishin shpesh të moshuarit apo të rinjtë indiferentë ndaj krizës në fjalë.

 

Dy pasagjerë nuk pranuan të zinin vendet e tyre, sepse u duhej të uleshin pranë tualeteve. Pas një përpjekjeje të dështuar për të ndërruar vendet, ata më në fund vendosën të humbnin biletat e fundit. Çdo vendim i marrë në këtë udhëtim dukej i lidhur me jetën ose vdekjen. Ulja pranë tualetit në një fluturim tërësisht të rezervuar, me siguri, mund të kshte rritur shanset për t’u infektuar.

Skenari më i keq do të kishte qenë ulja pranë një pasagjeri me simptoma, që është pikërisht vendi ku gjeta veten. I ngecur mes një nëne 72-vjeçare dhe vajzës së saj 38-vjeçare, më bëri që t’u ofroja menjëherë dezinfektues për duart. Nëna mbante një maskë, por kishte rrjedhje hundësh dhe kollë.  Ndërsa vajza, që ishte ulur nga dritarja, nuk kishte asnjë masë mbrojtëse dhe nuk dukej shumë e shqetësuar për rrezikun gjatë të udhëtuarit.

Nuk kishte një pasagjer në bord që mund të parashikonte serinë e vendimeve të marra atë javë dhe dukej se të gjithë duhej të përlesheshin për një biletë. Nisja u vonua nga pasagjerët që nuk pranuan të uleshin afër tualetit.

 

Nëna përmendi se përpjekjet e tyre për të marrë ndihmë nga konsullata nuk ishin të kota. Vajza e saj besonte se vizita personalisht në zyrën e EgyptAir ishte arsyeja që gjetën vende.

Gjatë fluturimit isha në ankth të madh, pasi çdo kollitje më kujtonte se isha përkrah armikut të padukshëm. E pyeta nënën nëse ndihej mirë, por ajo vazhdoi të më siguronte që ishte në rregull.

 

Arrita në Toronto dhe prita që aeroporti të mbushej me kanadezë që ktheheshin nga e gjithë bota, pasi Kryeministri Justin Trudeau, kohëve të fundit, u kishte kërkuar qytetarëve jashtë shtetit të shkonin në shtëpi. Për habinë time, aeroporti ishte po aq shterpë sa ai i Kajros. Kur zbritëm nga aeroplani, personeli i sigurimit shpërndante broshura për të kujtuar njerëzit që të izoloheshin për dy javë.

Në doganë, ata rastësisht më pyetën nëse kisha ndonjë simptomë, por përsëri nuk ma kontrolluan temperaturën. Asnjë nga punonjësit në sportel nuk kishte maska. Deri në fluturimin tjetër, më kishin mbetur 7 orë kohë. Vendosa të eksploroja aeroportin dhe zbulova një klinikë mjekësore. Pyeta nëse bënin test për Covid-19, por ata hapën sytë dhe më dhanë një numër të cilit mund t’i telefonoja nëse kisha simptoma.

Deri në mesditë, në aeroport kishte mbetur vetëm një grusht udhëtarësh.

“Unë punoja këtu gjatë SARS, por edhe atëherë, aeroporti nuk ka qenë kurrë kaq bosh,”- më tha një roje i sigurisë së aeroportit.

Aeroplani për në Quebec City ishte gjysëm i zbrazët, duke bërë që shumica e pasagjerëve të uleshin vetëm. Pas mbërritjes kuptova se kisha udhëtuar nga Kajro në qytetin e Quebec gjatë një pandemie globale, pa asnjë kontroll themelor.

Kur arrita atje, më shumë se një mijë njerëz kishin vdekur nga Covid-19 dhe numri i të prekurve kishte kapërcyer shifrën 10,000 në botë.

 

Kur e dashura ime Francesca mbërriti, u ula në gjunjë dhe i propozova. Ajo pranoi propozimin tim, ne i hoqëm maskat dhe e bëmë zyrtare me një puthje të gjatë.

U lehtësova shumë kur më tha PO, sepse kjo tregonte se udhëtimi ia kishte vlejtur. Nuk mund ta imagjinoj çfarë do të kisha bërë nëse ajo do më refuzonte, pasi nuk mund të kthehesha në Egjipt.

E fejuara e pëlqeu shumë unazën, por të dy e dinim se puthja vulosi çdo gjë, pasi ajo pranoi të infektohej me virusin, të cilin shpresoja të mos e kisha. Kur familja dhe miqtë e saj dëgjuan për fejesën, të gjithë na uruan. Për shumë prej tyre ky ishte i pari lajm i mirë që kishin dëgjuar brenda më shumë se një muaji.

 

Nëse mësova ndonjë gjë nga kjo krizë është se koha është paparashikueshmërisht e shkurtër dhe nëse do të isha i gatshëm të rrezikoja shëndetin e saj, unë gjithashtu duhet të isha i gatshëm për të kaluar pjesën e mbetur të jetës së bashku.

Shpresa jonë është që do të shijojmë njëri-tjetrin përtej dy javëve të ardhshme, por të dy e dimë se nuk ka asnjë siguri nëse rreziku i udhëtimit ia vlejti, derisa karantina jonë të mbarojë.

Kur bota të shërohet, plani ynë është që të martohemi në Itali, në ishullin Giglio, por është e vështirë të imagjinohet kur mund të ndodhë kjo. Deri atë ditë, qëllimi i vetëm është të qëndrojmë të izoluar dhe të mbijetojmë në karantinë./abcnews.al

benjamin-foto.jpg
ger ta15:43 | 30/03/2020

Kryeministri izraelit Benjamin Netanyahu dhe stafi i tij do të izolohen përkohësisht pasi një këshilltare e tij rezultoi pozitiv me Covid-19.

Ky vendim është marrë si masë parandaluese, ndërsa zyrtarët e qeverisë thanë se ka pak gjasa që kryeministri të jetë infektuar.

Tashmë kryeministri do t’i nënshtrohet testit për të parë nëse është infektuar.

Ndonëse Netanyahu nuk kishte kontakte të ngushta me këshilltaren Rivka Paluch, e cila merret me çështje parlamentare, ai do të vetëizolohet derisa të përfundojnë hetimet epidemiologjike. /abcnews.al

 

82b459a3-6174-465b-a015-5c52cd90ce11.jpg
So Nila15:35 | 30/03/2020

Spitali Mount Sinai në New York po punon me një organizatë humanitare  për të ngritur një spital  në Central Park për të ndihmuar në fluksin e vazhdueshëm të pacientëve gjatë pandemisë koronavirus.

Tendat në Central Park pritet të kenë 70 shtretër të rregullt dhe 10 shtretër të kujdesit intensiv dhe do të hapet të martën, tha një zëdhënës i spitalit.

Spitali do të ndërtohet në partneritet me Samaritan’s Purse, një organizatë ungjillore e ndihmës së krishterë.

Punonjësit e kujdesit shëndetësor në të gjithë SHBA janë duke u përgatitur për fluksin e pacientëve dhe janë duke bërë thirrje për mungesën e pajisjeve mbrojtëse dhe respiratorëve të nevojshëm për të trajtuar nurmin e lartë të rasteve.

Në një konferencë shtypi të dielën, Guvernatori Andrew Cuomo tha se ai pret që të ketë një numër të lartë vdekjesh nga virusi në shtetin e Nju Jorkut. Deri më tani, 59.513 njerëz kanë testuar pozitiv për COVID-19, sëmundja e shkaktuar nga koronavirusi dhe 965 kanë vdekur.

Një spital tjetër në terren ka qenë gjithashtu në ndërtim e sipër nga Korpusi i Inxhinierëve të Ushtrisë amerikane në Qendrën e Kongresit Javits të qytetit. Spitali i përkohshëm pritet të hapet të hënën me gati 3,000 shtretër, dhe është planifikuar që të trajtohen pacientët që nuk kanë COVID-19./abcnews.al

 

trumpss.jpg
Sid Orela15:31 | 30/03/2020

Administrata e Ushqimit dhe Barnave në SHBA ka dhënë aprovim emergjent për medikamentet anti-malarje që do të përdoren për të trajtuar pacientët me koronavirus.

Vendimi vjen një javë pasi presidenti amerikan i quajti këto medikamente si “një dhuratë nga Zoti”.

Në një deklaratë të publikuar të dielën, Departamenti Amerikan i Shëndetit dhe Shërbimeve Njerëzore detajoi medikamentet që ndodhen në stok kombëtar, përfshirë këtu edhe “chloroquine” dhe “hydroxychloroquine” të cilat po konsiderohen për trajtimin e të sëmurëve me Covid-19.

Më tej në raport thuhej se FDA kishte autorizuar shpërndarjen dhe dhënien me recetë të këtyre medikamenteve për pacientët e rritur apo adoleshentë me koronavirus.

Presidenti Trump u shpreh javën e kaluar se këto dy medikamente janë “një dhuratë nga Zoti”, pavarësisht se shkencëtarët kanë paralajmëruar për efektet e rrezikshme anësore që mund të vijnë nga këto medikamente.

Lajmi vjen në një kohë kur numri i personave të infektuar me koronavirus në vend  ka shkruar në 142,793 ndërsa kanë ndërruar jetë 2,490 persona. /abcnews.al

skynews-alexander-lukashenko_4957962-1280x720.jpg
So Nila15:15 | 30/03/2020

Në Bjellorusi janë marrë shumë pak masa për të parandaluar përhapjen e koronavirusit. Qytetarët po nxiten të pijnë vodka dhe të bëjnë sauna nga vetë presidenti i vendit.

Presidenti bjellorus, Alexander Lukashenko, i ka injoruar paralajmërimet për Covid-19 dhe e demonstroi këtë më së miri të dielën, pasi lejoi që ndeshjet e futbollit të vijonin si normalisht. Në dallim nga shtetet e tjera që i kanë udhëzuar qytetarët të qëndrojnë në shtëpi, bjellorusët fërkoheshin dhe gëzonin si të ishte një fundjavë si gjithë të tjerat.

Nga imazhet e siguruar nga Sky news vihen re se po zbatohet vetëm disa masa, por nuk po ruhet distanca nga të tjerët. Tifozët iu nënshtruan matjes së temperaturës para se t’u lejohej hyrja në stadium. Një numër i vogël prej tyre mbanin maska, por sidoqoftë, qëndronin ngjitur me të tjerët.

 

 

Organizatorët thanë se s’kanë ndërmend të shtyjnë ndeshjet apo të anullojnë sezonin. Udhëheqësi i vendit gjithashtu ka lënë të kuptohet se dëshiron që eventet sportive të mbahen edhe në këtë periudhë.

Presidenti Alexander Lukashenko mori pjesë në një ndeshje hokej në akull të shtunën e kaluar dhe deklaroi se sporti “është kura më e mirë kundër virusit.”

Gjatë ndeshjes, i tha një gazetari: “Më mirë të vdesësh në këmbë, se të jetosh në gjunjë.”

Kur u pyet në do ta tërhiqte gjë nga loja, Lukashenko tha: “Ka mundësi, por pse? S’e kuptoj. S’ka viruse këtu. Shihni ndonjë virus vërdallë? Unë s’shoh gjë. Ky është një frigorifer.”

 

Deri më tani, janë raportuar 94 raste me koronavirus në Bjellorusi. Shteti ish-sovjetik ka një popullsi prej 9.5 milionë banorësh.

Javët e fundit, presidenti Lukashenko ka këshilluar që qytetarët të pijnë 50ml vodka në ditë për të larguar virusun, por jo kur janë në punë. Këshilla këto, që bien ndesh me rekomandimet e Organizatës Botërore të Shëndetit.

Gjithashtu, Lukashenko tha se saunat, puna dhe konsumimi i mëngjesit në kohë janë mënyra më e mirë për të ruajtur shëndetin.

Ai shtoi se Bjellorusia do të festojë Ditën e Fitores më 9 maj – një festë ku veteranët e Luftës së Dytë Botërore parakalojnë në rrugë. Fakti që moshat e mëdha janë më të rrezikuar nga koronavirusi nuk përbën asnjë ndryshim për Lukashenkon.

Sipas Agjencisë Telegrafike Bjelloruse, presidenti tha: “Nuk do të anullojmë asgjë. Do t’i mbajmë të gjitha festat. Le të na mbrojë Zoti nga koronavirusi.”/abcnews.al

 

F200308YS61-1280x853.jpg
eri Ida14:55 | 30/03/2020

Kryeministri izraelit Benjamin Netanyahu do të hyjë në karantin. Zyra e kryeministrit Netanyahu, ka konfirmuar se një vendim i tillë është marrë pasi një ndihmës i ngushtë i tij ka rezultuar pozitiv me koronavirus.

Ndërkohë bashkë me kryeministrit pritet që në karantinë të jenë dhe këshilltarët e tij të ngushtë.

Zyra e kryeministrit tha se kjo masë është marrë para përfundimit të hetimit epidemiologjik.

Sipas urdhrave të Ministrisë së Shëndetësisë, dhjetëra mijëra izraelitë janë në vetë-karantinë për shkak të ekspozimit të mundshëm ndaj virusit dhe i gjithë vendi është në një bllokim pothuajse të plotë./abcnews.al

26559032-0-image-a-24_1585525909429-1280x769.jpg
So Nila14:50 | 30/03/2020

Presidenti Donald Trump është shprehur qartë dhe shkurt se Shtetet e Bashkuara nuk do ta mbështesin ligjin për sigurinë e Princit Harry dhe Meghan pas raporteve se dyshja është zhvendosur nga Kanadaja në SHBA.

Trump bëri një publikim në Twitter ku shkruan se është “një mik dhe admirues i madh i Mbretëreshës dhe Mbretërisë së Bashkuar”, por shtoi se ata duhet të paguajnë vetë për mbrojtjen dhe sigurinë e tyre.

 

 

“Jam një mik i madh dhe admirues i Mbretëreshës dhe Mbretërisë së Bashkuar. U raportua se Harry dhe Meghan, të cilët lanë Mbretërinë, do të banojnë përkohësisht në Kanada. Tani ata janë larguar nga Kanadaja për në Shtetet e Bashkuara, gjithsesi Shtetet e Bashkuara nuk do të paguajnë për sigurinë e tyre. Ata duhet të paguajnë!”, shkruan Trump.

Ndërkohë Harry dhe Meghan thanë që ata nuk kishin plane për të kërkuar siguri të financuar nga amerikanët.

Ata raportohet se janë zhvendosur në shtëpinë e Meghan në Kaliforni, në mes të shpërthimit intensiv të koronavirusit.

Harry dhe Meghan do të tërhiqen zyrtarisht nga pozicionet e tyre në familjen mbretërore më 31 mars dhe nuk do të kryejnë më detyra në emër të Mbretëreshës, por këto angazhime do të rishikohen pas një viti.

Në një deklaratë të lëshuar përmes një zëdhënësi të dielën, çifti tha: “Duka dhe Dukesha nuk kanë plan të kërkojnë nga qeveria amerikane burime për sigurinë. Janë bërë rregullime të sigurimit të financuar nga privatët”./abcnews.al

mesuesja.jpg
ger ta14:35 | 30/03/2020

Një mësuese e shkollës së mesme nga Anglia me diabet tip 1 ka treguar se si arriti të mposhtë koronavirusin

Sarah Hall, 26 vjeç, tregoi frikën që e kishte pushtuar, pasi kuptoi që ishte infektuar. Mësuesja vuan gjithashtu nga një sëmundje e quajtur A1AT, e cila prek mushkëritë dhe mëlçinë.

Në fillim të marsit, ajo filloi të shfaqte probleme shëndetësore, por ia vuri të gjithë fajin lodhjes dhe stresit të mësimdhënies.

Mirëpo, më pas ajo filloi të vëreje se ishte më e ndjeshme ndaj të ftohtit se zakonisht. Një ditë më pas filloi të kishte një kollë, e cila çoi në izolim për një periudhë prej 14 ditësh.

Pasi telefonoi urgjencën, asaj iu tha që ka të ngjarë që të kishte koronavirus. Por Sara vazhdoi të punonte nga shtëpia, pavarësisht se ndjehej shumë e lodhur.

“U përpoqa të ruaja qetësinë, piva shumë lëngje dhe e hoqa mendjen nga Covid 19”, rrëfen ajo.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono