Vllaznia

shtubina-1.png
Vladimir Prenga11:40 | 31/03/2020

Futbolli u mungon shumë të gjithëve, por ka një dakordësi prej të gjithëve se jeta vjen e para dhe për momentin të gjithë e kanë mendjen te kalimi i kësaj situate të vështirë. Futbollistët aktualisht po mundohen të stërviten në shtëpi, që të jenë gati për rinisjen e kampionatit.

Po bëhet gati një muaj nga ndalimi i kampionateve në vendin tonë dhe synimi është që gara të nisë sërish në muajin maj dhe kjo do të mundësonte përfundimin në kohë të këtij sezoni futbollistik. Gjatë kësaj periudhe duhet të argëtohemi me postimet e futbollistëve në rrjetet sociale.

Ndriçim Shtubina, pasi një ditë më parë kërkoi nga qeveria dhe kryeministri Edi Rama që të mendojë edhe për krizën financiare në futboll, sot ka publikuar një video ku shfaqen Denis Pjeshka dhe Gjergji Muzaka, gjatë një ndeshjeje mes Tiranës dhe Vllazninë në Shkodër.

“Ndeshja e parë pas karantinës”, shkruan Shtubina, duke tentuar të tregojë se pas këtij pushimi të gjatë edhe do kenë harruar të luajnë dhe do të nisin për përdorin duart, siç ndodh në video. /abcnews.al

Vllaznia-e1585323017129.png
Igli Nikolli14:54 | 30/03/2020

Vjen edhe reagimi i Vllaznisë. Klubet shqiptare po kërkojnë ndihmë nga shteti shqiptar për të përballuar krizën e shkaktuar nga koronavirusi. Bylis dhe Laçi i kërkuan qeverisë të ndihmojnë futbollin shqiptar, duke marrë shembullin e Kosovës, aty ku Ministria e Sporteve ka akorduar një fond prej 5 milion eurosh.

Klubi shkodran thekson se vështirësitë për të shlyer detyrimet financiare mujore janë të mëdha dhe kjo situatë është shkatërruese për sportin dhe futbollin. Kuqeblutë kërkojnë ndihmë nga qeveria, që ftohet të marrë shembullin e Kosovës dhe shteteve të tjera.

Prej tre javësh vendi ynë ndodhet në një situatë të pazakontë, e ardhur kjo nga pandemia që e ka pushtuar atë dhe mbarë Botën. Në kushte të tilla kuptohet që askush nuk e ka mendjen tek sporti, por në rradhë të parë tek rikthimi i normalitetit të jetës. Por nga ana tjetër, duhet të mendojmë edhe për vazhdimësinë, por konstatojmë se pasojat e kësaj ndërprerje do të jenë të mëdha.

Ashtu si në mbarë botën sportive, edhe tek ne një gjë e tillë ka filluar të ndihet dhe sidomos tek klubet e futbolli, përfshi këtu edhe KF Vllazninë. Edhe për ne, është shumë e vështirë që të likujdohen detyrimet financiare mujor, sigurimet shoqërore, tatimi në burim dhe tatimi mbi fitimin, të cilat janë shifra jo të pakta në vlera.

Nga ana tjetër, futbollistët kanë filluar me të drejtë të kërkojnë rrogat sepse duan të mbajnë familjet e tyre ngaqë e kanë atë mjetin e vetëm të të ardhurave. Në këto kushte, jemi të bindur se futbolli ka nevojë për mbështetjen e shtetit. Qeveria duhet të garantojë që futbolli të mos dalë tërësisht i dëmtuar nga kjo situatë. Dëmi që po shkaktohet nga ndalimi i çdo eventi, grumbullimi dhe stërvitje, është shkatërrues për sportin.

Kosova dhe vende të tjera kanë marrë ndërkohë masat për mbështetjen e sportit dhe besojmë se këtë gjë duhet ta bëjë edhe Qeveria jonë. Mbetemi me shpresën që kjo kërkesë e jona të merret parasysh duke shpresuar në normalizimin sa më të shpejtë të situatës dhe rikthimin e normalitetit në jetën e shqiptarëve por njëkohësisht edhe në sport“, lexohet në deklaratën e Vllaznisë. /abcnews.al

hygor.png
Vladimir Prenga09:39 | 29/03/2020

Momente të vështirë për çdo qytet në vendin tonë. Shkodra nuk bën përjashtim dhe gjatë kësaj periudhe janë të shumtë njerëzit që mundohen të japin kontributin e tyre për ata që kanë nevoja jetike, siç është sigurimi i ushqimit.

Tre lojtarë të Vllaznisë i janë bashkuar iniciativës për të ndihmuar dhe diçka të tillë e bën me dije braziliani Hygor, i cili ka bërë një postim në llogarinë e tij në “Instagram”. Mesfushori tregon se i janë bashkuar nismës së dy miqve të tij, që kishin iniciativën.

“Faleminderit miqve të mi @rosevianapina dhe Eduardo për iniciativën. Puna juaj është e bukur. Urime, gjithmonë na llogarisni edhe ne. Zot do vazhdojë tua bekojë jetën. Të tre ne, unë, Silvio dhe Eugen, arritëm vetëm të shtojmë diçka. Bota ka nevojë për bamirësi. Zoti i ndihmoftë të gjithë. Ne jemi bashkë”, shkruan Hygor mes të tjerash në llogarinë e tij në “Instagram”. /abcnews.al

Vllaznia-e1585323017129.png
Igli Nikolli16:13 | 27/03/2020

Situata te Vllaznia është e vështirë. Futbollistët dhe stafi teknik presin të marrin rrogat e prapambetura, aq të nevojshme në këtë periudhë të vështirë. Kryetarja e Këshillit Bashkiak të qytetit më të madh verior, Brisela Truma Kadija ka sqaruar situatën me anë të një reagimi në rrjetet sociale.

Në cilësinë e kryetares së Këshillit Bashkiak Shkodër dhe si përfaqësuese e vullnetit të tij, e ndjej të domosdoshme të sqaroj publikisht qytetarët e Shkodrës dhe punonjësit e KF Vllaznia sh.a në lidhje me shqetësimin e ngritur nga Bashkia Shkodër për pagesat e palikuiduara të punonjësve të këtij klubi sportiv. Fillimisht më duhet të theksoj që Këshilli Bashkiak Shkodër vazhdon të ndjekë me përgjegjshmëri maksimale situatën, shqetësimet dhe problematikat e gjeneruara si rezultat i pandemisë COVID-19, sigurisht të ndjekë dhe të marrë në konsideratë edhe ushtrimin e vijimësinë e aktivitetit të tij.

Asamblea e KF Vllaznia sh.a kishte planifikuar për të zhvilluar mbledhjen e saj të radhës në datën 10.03.2020 pas një mbledhje të parealizuar me datën 05.03.2020, në të cilën kishte si rend dite:
Miratimin e projekt/vendimit “Për miratimin e buxhetit të shoqërisëpër vitin 2020
Disa shtesa të rendit të ditës të propozuar nga anëtarët e Asamblesë.

Mbledhje e cila nuk u zhvillua për shkak të VKM që anulonte çdo veprimtari ose tubim, duke përfshirë këtu edhe mbledhjet e organeve kolegjiale, në menyrë që të pengohej përhapja e pandemisë së Covid-19. Duke iu rikthyer shqetësimit në fjalë duhet të themi se problemet e K.F Vllaznia janë tërësisht organizative. Duhet që kryetarja e bashkisë / Asambleja e mëparshme (fraksioni përjashtues vjen për shkak të vakumit ligjor) të kishte zgjedhur Këshillin Mbikqyrës që në Dhjetor të 2018, gjë të cilën nuk e ka bërë.

Ne si Asamble aksionerësh na lind e drejta ligjore të mos pranojmë të na sillet për diskutim një buxhet, i cili më parë nuk ka kaluar në një shqyrtim të Këshillit Mbikqyrës. Buxheti i planifikuar për KF Vllaznia sh.a në Buxhetin 2020 të Bashkisë është në vlerën 40 milion lekë. Ndërsa buxheti i sh.a që miratohet nga Asamblea e aksionerëve përfshin edhe zëra të tjerë të ardhurash dhe mbi të gjitha, ka pasoja kontraktuale që janë përtej përgjegjësive tona, janë marrëdhënie që nxjerrin penalitete të rënda ekonomike dhe morale për shoqërinë në fjalë.

Për këtë arsye ekziston Këshilli Mbikqyrës për të mbikqyrur zbatimin e politikave të rregullta dhe korrekte tregtare. Është detyrë e Këshillit Mbikqyrës që të sjellë në Asamble një buxhet të Sh.a.Vllaznia në mënyrë që më pas të shtrohet për diskutim. Sidoqoftë duke dashur të sqaroj publikun e gjërë më duhet të them që situata në të cilën ndodhemi është e pazakonte, dhe në këto kushte Bashkia Shkodër nuk po tregohet transparente për të sqaruar të vërtetën të cilën vazhdon ta manipulojë dhe t’ua hedhe fajin të tjerëve, padyshim për arsye politike.

Nga sa më sipër na lind e drejta të parashtrojmë disa pyetje, kryetares së bashkisë, që sigurisht duhet të marrin përgjigje: qoftë për të sqaruar publikun e gjërë, qoftë edhe për ti dhënë një sqarim teknik dhe jo politik çështjes. Me vendimin nr.1, datë 6.2.2020 keni vendosur shtyrjen e afatit dhe emërimin e anëtarit të ri të Këshillit Mbikqyrës të Sh.a.K.F.Vllaznia

Kjo vendim-marrje përbën tejkalim/mbivendosje të kopetencave me funksionet e Asamblesë së Përgjithshme, e cila bazuar në ligjin nr.9901, datë 14.8.2008 “Për tregtarët dhe shoqëritëe tregtare”, por dhe në nenet 21 dhe 23 të statutit të shoqërisë (të cilat ju i citoni si bazë ligjore në vendim-marrjen tuaj), ka kopetencë të zgjedhë vetë Këshillin Mbikqyrës.

Nëse në vlerësimin tuaj vendim-marrja e sipërcituar është e drejtë, a keni dijeni nëse ky Këshill Mbikqyrës ka një raport apo vlerësim paraprak, i cili është detyrim ligjor, mbi projekt buxhetin e shoqërisë, të paraqitur nga Administratori i Vllaznisë, por pa asnjë dokument shoqërues të firmosur nga Këshilli Mbikqyrës?

Cila është baza ligjore e shtyrjes së afatit të 4 anëtarëve të Këshillit Mbikqyrës? A ka patur ndonjë vlerësim përformance në punë të këtyre anëtarëve për të cilët është vendosur shtyrja afatit? Nese ka patur, a i është vënë në dispozicion, të paktën si informacion edhe për transparencë Asamblesë së Përgjithshme? Në këtë vendim është miratuar dhe një antar i ri. Cila është proçedura e ndjekur për emërimin e këtij anëtari dhe a është vënë në dijeni paraprakisht Asambleja për këtë kandidaturë?

Në vendimin e shtyerjes së afatit dhe emërimin e anëtarit të ri të Këshillit Mbikqyrës të Shoqërisë, keni firmosur në cilësinë e përfaqesuesit të Aksionerit të Vetëm të Shoqërisë (Bashkia Shkodër)? Në keto kushte, nëse ju jeni përfaqësues i aksionerit të vetëm, cili është Roli i Asamblesë në vijim? Nëse Bashkia si ortak i vetëm përfaqësohet nga ana juaj, atëherë kompetencat e Asamblesë bien, pasi ato funksione kryhen nga vetë ortaku i vetëm që është Bashkia Shkodër, e përfaqesuar nga ju.

Këshilli Bashkiak, dhe pse i majtë, ka treguar përgjegjshmëri maksimale në vendimarrjen e tij dhe ka qenë konseguent dhe konstant në qëndrimin e tij, duke vënë prioritet kryesor dhe duke mbështetur çdo projekt në të mirë të qytetit të Shkodrës dhe qytetarëve të saj.

Duke qënë se VKM, që ndër të tjera ndalon edhe mbledhjen e organeve kolegjiale, vazhdon të jetë në fuqi, Këshilli Bashkiak Shkodër është duke punuar dhe duke vënë në veprim, komunikimin online dhe zhvillimin online të mbledhjeve të këshillit. Një mbledhje e tillë, dhe jo vetëm, do të realizohet shumë shpejt duke qënë se ka çështje shumë emergjente, për tu diskutuar, të cilat na i ka imponuar situata e pandemisë se Covid-19”.

Pa dashur t’i shmangemi përgjegjësive tona institucionale, në një situatë të tillë si kjo që po kalon vendi jonë rekomandojmë secilin të përqendrohet në këshillat që institucionet japin për tejkalimin e kësaj situate, të qëndrojë në shtëpi dhe të bëjë më të mirën për ato që ka pranë”, përfundon kryetarja e Këshillit Bashkiak të qytetit të Shkodrës. /Brisela Kadija, Facebook

vllaznia-ne-oher.jpg
Vladimir Prenga18:12 | 26/03/2020

Vllaznia, si gjithë klubet e tjera të Superiores, është shpërndarë gjatë kësaj periudhe dhe pret lajme të reja në lidhje me rifillimin e kampionatit. Nga ana tjetër ka edhe një problematikë tjetër, që lidhet me pagesat e futbollistë. Bashkia e Shkodrës ka dale edhe me një deklaratë për këtë ccështje.

“Bashkia Shkodër po ndjek me shqetësim situatën e krijuar pranë KF Vllaznia, për shkak të mos miratimit të pasqyrave financiare nga ana e Këshillit dhe dështimit disa herë të mbledhjes së Asamblesë së KF Vllaznia (Këshillit Bashkiak).

Të gjendur në këtë situatë, dhe në mungesë të një vendimmarrje nga Këshilli, ka ngelur pezull edhe procesi i likuidimit të pagesave për punonjësit e KF Vllaznia.

Stafi që administron KF Vllaznia sh.a, është i gatshëm të likuidojë të gjitha paratë menjëherë, sapo të ketë vendimmarrjen për tabelat financiare. Bashkia Shkodër, shpreh publikisht shqetësimin që kjo procedurë po vonon, duke vështirësuar punën e Bashkisë Shkodër dhe të KF Vllaznia sh.a!”, thuhet në deklaratë. /abcnews.al

Mirsad-Jonuz-1-696x457-1.jpg
Vladimir Prenga14:37 | 20/03/2020

Vllaznia është shpërndarë. Lojtarët po qëndrojnë në shtëpitë e tyre, në pritje për të mësuar se kur do të rikthehet kampionat. Trajneri Mirsad Jonuz ndodhet në Maqedoninë e Veriut dhe u bën thirrje shkodranëve dhe shqiptarëve të ndjekin udhëzimet e autoriteteve.

“Në radhë të parë dua të uroj futbollistët e mi dhe gjithë shkodranët për ta përballuar me sukses këtë situatë të krijuar së fundmi nga COVID-19. Do t’u kërkoja atyre të kenë kujdes për veten dhe njerëzit e tyre, të rrinë në shtëpi dhe të respektojnë atë çfarë thonë doktorët. Unë për vete jam duke qëndruar këtu në shtëpi, bashkë me pjesëtarët e tjerë të familjes, duke respektuar rregullat e karantinës”, shprehet Jonuz për faqen zyrtare të klubit shkodran.

Kjo periudhë normalisht ka ndikimin e vet te skuadra shkodrane dhe në çdo ekip futbolli. “Në fakt është një situatë aspak e favorshme dhe që ka ndikimin e vet tek të gjitha skuadrat, normalisht edhe tek Vllaznia. Unë i kam udhëzuar futbollistët në Shkodër të mundohen të bëjnë maksimumin në kushtet që kanë, për të ruajtur deri diku formën.

Ndërkohë, këto lojtarët maqedonas këtu, po stërviten rregullisht çdo ditë sepse këtu masat nuk janë shumë shtrënguese dhe ata dalin jashtë për të bërë vrapime dhe përgjithësisht kanë një formë të mirë. Shpresoj që edhe ata në Shkodër të jenë në të njëjtin kondicion”, shton Jonuz.

“Shpresoj që situata të normalizohet brenda një muaji dhe nga data 15- 20 prill ne t’i rikthehemi normalitetit në stërvitje. Do të jetë pak e vështirë për të kapur ritmin, sepse për një periudhë afër njëmujore do të na duhet të zhvillojmë 10 ndeshje. Gjithsesi besoj se do ia dalim. E rëndësishme është që kjo situatë të normalizohet sa më shpejt, të tjerat do i rregullojmë”, përfundon trajneri i Vllaznisë. /abcnews.al

malota-me-flamur-.jpg
Vladimir Prenga09:46 | 14/03/2020

“Malota from Chile”. Flasim për Renaton, lezhjanin e Vllaznisë, i cili ka spikatur me ekipe si Dinamo, Kukësi e Partizani. Po Kili ku hyn këtu? Nëse hapni profilin e qendërmbrojtësit në Transfermarkt, do e gjeni edhe përgjigjen.

Krahas flamurit shqiptar do të gjeni edhe atë të Kilit. Një gabim, që Malotës i ka dhënë edhe pasaportën e shtetit të Amerikës së Jugut. Sigurisht, vetëm në Transfermarkt.

 

Profili i Malotës në Transfermarkt

Sigurisht ai gabim duhet ndarë edhe me qendërmbrojtësin, i cili më në fund arrin të zbulojë një nga dilemat që e kishin shoqëruar atë në pesë vitet e fundit.

“Ku ta marr edhe unë atë pasaportë”, na thoshte para disa kohësh me shaka Malota, kur pa faksimilen e profilit të tij në Transfermarkt. Mbrojtësi zbulon për ABC News edhe diçka tjetër interesante.

“Ka më shumë se 4-5 vite që më shkruajnë gazetarë nga Kili. Ju betohem, është e vërtetë. Tani e kuptoj edhe arsyen pse më kanë shkruar”, rrëfen miqësisht Malota, lezhjani që gabimisht ka marrë pasaportën e Kilit prej një gabimi njerëzor, online. Ndodh edhe kështu… / abcnews.al

Vllaznia.jpg
Veronik Istrefaj20:08 | 11/03/2020

Ekipi i Vllaznisë i është rikthyer stërvitjes dhe sot kanë kryer seancën e parë stërvitje. Dy pjesëtarët e stafit mjekësor, Ilirjan Haxhaja dhe Redis Mesi, kanë testuar të gjithë futbollistët e Vllaznisë për koronavirus, si dhe janë dezinfektuar të gjitha ambientet e fushës dhe dhomat e zhveshjes.

Njoftimi i Vllaznisë:

“Ekipi i Vllaznisë, i është rikthyer pasditen e sotme procesit stërvitor duke nisur kësisoj përgatitjet për ndeshjen e së shtunës me Flamurtarin. Por përpara fillimit të saj, në kuadrin edhe të Protokollit të shpërndarë nga Federata Shqiptare e Futbollit për të gjithë klubet e futbollit në lidhje me masat që ata duhet të marrin për procesin stërvitor për të bërë të mundur parandalimin dhe përhapjen e virusit COVID-19, është bërë një plan pune që është ndjekur nga pjesëtarët e stafit mjekësor, Ilirjan Haxhaja dhe Redis Mesi.

Ata kanë zbatuar të gjithë masat që duhen ndërmarrë për një rast të tillë duke filluar që nga dezinfektimi i dhomave të zhveshjes dhe ambienteve të tjera të fushës ku ekipi ka zhvilluar stërvitjen. Po ashtu, është bërë edhe vendosja e dezinfektuesve të duarve në të gjithë këto mjedise ndërkohë që stafi është pajisur me maskat dhe dorezat e duhura.

Pjesëtarët e stafit mjekësor u kanë shpjeguar lojtarëve dhe stafit teknik edhe njëherë tjetër masat që duhen ndërmarrë gjatë kësaj periudhe, historinë e këtij virusi dhe po ashtu i kanë udhëzuar se çfarë duhet të bëjnë për mbrojtjen prej tij. Më pas, është vijuar me matjen e temperaturës për të gjithë pjesëtarët e skuadrës teksa të gjithë kanë rezultuar me temperaturë normale- 36 gradë.

Ndërkohë duke filluar që sonte dhe për të vazhduar nesër në orën 10.00, të gjithë pjesëtarët e ekipit do të jenë sërish në qendrën e rehabilitimit të klubit për të marrë matjen e temperaturës me kamerë termike dhe po ashtu edhe testin e frymëmarrjes.

Në këtë mënyrë, do të veprohet edhe me të gjithë ekipet e tjera të cilët vërtetë është shumë e rëndësishme që të mos privohen nga procesi stërvitor, por duhet të bëjnë maksimumin e kujdesit për evitimin e këtij virusi. Pas gjithë këtij procesi, ekipi ka vijuar normalisht stërvitjen dhe gjithçka ka shkuar ashtu si duhet”./abcnews.al

vllaznia-partizani.jpg
Vladimir Prenga09:46 | 10/03/2020

Partizani u mund një ditë më parë nga Vllaznia dhe protagonist ishte arbitri Kreshnik Cjapi. Fieraku akordoi një penallti në favor të kuqebluve, që ishte shumë e dyshimtë. Thuhet se në atë moment ishte anëësori që sinjalizoi kryesorin dhe u mor ai vendim.

Në rastin tjetër pati pretendime nga Partizani për 11-metërsh dhe Cjapi ishte shumë pranë aksionit dhe pa gjithçka. Mbrojtësi Adili shtyu mesfushorin Ron Broja dhe të kuqtë protestuan, por për të nuk ishte penallti.

E çuditshme në fakt, kur sheh pamjen e qartë që arbitri ka pasur. Pa asnjë diskutim që Partizanit i mungon një penallti, që me shumë mundësi do të ndryshonte fatet e ndeshjes. /abcnews.al

Krymi.jpg
Igli Nikolli20:44 | 09/03/2020

Vllaznia siguroi tre pikë të arta përballë Partizanit. Goli i Gilman Likës nga pika e bardhë vendosi ndeshjen në “Loro Boriçi”, teksa Ardit Krymi foli pas ndeshjes për emisionin “Gol pas Goli” në Supersport.

Na u donin tre pikët, u mobilizuam maksimalisht edhe nga gjendja e Partizanit. Jemi të kënaqur që siguruam trepikëshin. Bëmë një punë të mirë me Gurishtën në qendër, bëmë maksimumin të dy.

Nuk kemi ku me shku pa tifozë. Tifozët e Vllaznisë kërkojnë më të mirën nga ekipi, është e drejta tyre. Kemi humbur ndeshje prej episodeve. Nuk besoj se na ndihmoi gjyqtari. Penalltia edhe ishte edhe nuk ishte, por i ka rënë në gju përpara se topi të binte në dorë. Nuk ishte pamje e pastër. Nuk besoj se na kanë ndihmuar arbitrat gjatë këtij kampionati“, deklaron mesfushori shkodran. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono