Teuta

Kallaku-Hebaj-Teuta.jpg
Veronik Istrefaj22:56 | 28/03/2020

Nuk dihet nëse bëjnë mirë apo jo, por po përpiqen të përgatiten. Futbollistët e Teutës së Durrësit vazhdojnë të dalin në fushë për t’u stërvitur, edhe pse në kushte krejt të ndryshme nga ato të zakonshmet.

Nën drejtimin e zv. trajnerit Hodo dhe përgatitësit atletik, Salillari, disa nga lojtarët shkojnë në stadiumin “Niko Dovana”, në dy orare të ndryshme, nga 09:00 e mëngjesit, deri në mesditë.

Përgatitjet e tyre bëhen me grupe të vogla, me nga dy futbollistë, për të respektuar rregullat e distancimit social në kohën e koronavirusit. Disa nga lojtarët që janë stërvitur në këtë mënyrë janë Kallaku, Arapi, Çyrbja, Hoxha, Beqja, Vila apo Kapllani.

Flitet për ushtrime vetëm nga ana e futbollistëve që janë me banim në Durrës, ndërsa pjesa tjetër do të duhet të punojë nga ana individuale, sipas programeve që i përgatit stafi teknik i Teutës, i drejtuar nga trajneri Edi Martini.

Skuadra durrsake dëshiron të jetë sa më e përgatitur, në pritje të një rifillimi të mundshëm të Superligës, të ndërprerë pikërisht për shkak të epidemisë së koronavirusit./abcnews.al

edi-martini.jpg
Veronik Istrefaj17:34 | 27/03/2020

Edi Martini ka qenë një sulmues fantastik, teksa provoi të luante edhe në Bundesligë me Eintracht Frankfurt. Shkodrani sot mban postin e trajnerit të Teutës dhe prek disa tema gjatë prononcimit në emisionin “Fan Zone” në Supersport.

KARANTINA – “E vështirë të qëndroj në shtëpi, por mundohem ta mbaj veten me të mira. Luaj basketboll ose ping-pong në shtëpi. Objektivi i Teutës është Europa dhe shpresoj t’ia dalim deri në fund”.

EINTRACHT – “Ëndrrat që kisha te Vllaznia kur isha i vogël, po më realizoheshin që në fillim dhe kjo ndoshta ndikoi keq. Deri në ‘97 isha pjesë e Vllaznisë, pastaj më kërkoi Frankfurti. Kalova aty, por gjithçka është çështje fati. Nga Shqipëria shkova 3-4 muaj pa stërvitje, deri sa e kapa formën, pastaj u dëmtova, futbolli është i lidhur me fatin dhe nuk ke çfarë bën”.

TEUTA – “Çunat stërviten dy nga dy, siç ndodh në shumë vende të Europës. Është një metodë që po përdoret shumë. Nëpërmjet internetit unë i shikoj se çfarë ndodh. Dje unë shkova dhe i pashë nga afër. Jemi në një situatë të vështirë, ku nuk e dimë se kur do të nisë kampionati. Kryesorja është që çunat të mos humbin kondicionin fizik, pasi për taktikat do të punojmë më vonë”.

OBJEKTIVAT – “Jemi me objektiva dhe nuk do të më vinte mirë nëse kampionati do të mbyllej tani. Jemi në këtë pozitë për shkak të gabimeve tona. Mendoj se duhet të ishim në vendin e dytë dhe mendoj se në fund do arrijmë aty ku meritojmë. Me keq këtë moment e kalojnë portierët dhe sulmuesit. Objektivi im është që të dal kampion edhe si trajner”, tha Martini. /abcnews.al

Kallaku-Teuta.jpg
Veronik Istrefaj18:56 | 24/03/2020

Tifo-grupi i Teutës, “Djemtë e Detit” kanë bërë një njoftim që është shpërndarë në faqen zyrtare të klubit. Në këtë njoftim, iu bëhej thirrje të gjithëve që të ndihmojnë komshinjtë e tyre për pazar, në mënyrë që të shmangen daljet masive në qytetin e Durrësit. Më poshtë, dhe njoftimi i plotë:

“Tifo-grupi “Djemtë e Detit”, nga situata tepër e vështire në qytet, për shkak të fashave të orareve të vendosura mbi ndalim-qarkullimin, fton të gjithë anëtarët që kanë mundësi e dëshirë, t’u gjendemi pranë familjeve të pleqve në nevojë.

Çdokush mundet të kontribuojë minimalisht me pazarin e 2 komshinjve të vet në lagjen e vet, në pallatin e vet. Nuk mund të plotësojmë çdo nevojë, nuk bëjmë dot çudira, ama mundemi kaq gjë ta bëjmë, një pazar fare normal në dyqanet e lagjeve përkatëse, për qytetin tonë, për gjyshërit tanë, ata sot kane nevojë për ne. “Djemte e Detit” janë krenari e qytetit. O sot, o kurrë”, shkruhej në njoftimin e Teutës./abcnews.al

Teuta.png
Igli Nikolli23:14 | 22/03/2020

Kreativiteti nuk mungon në këto ditë izolimi në shtëpi. Marcos Llorente ishte heroi i Atletico Madrid në kualifikimin në Champions League përballë Liverpool. 25-vjeçari shënoi dy herë në Anfield dhe i dhuroi kalimin në çerekfinale skuadrës “colchoneros”.

Llorente dhe Hakimi i Dortmund janë të parët që kanë nisur një lojë të re në rrjetet sociale. Rrengu është për një nga anëtarët e familjes. Gjithçka nis me seriozitet dhe mbaron me të qeshura pafund.

Të njëjtën gjë ka realizuar edhe Alexandros Kouros, mbrojtësi i majtë i Teutës. Për më shumë shihni videot e mëposhtme. /abcnews.al

 

View this post on Instagram

 

😂😂😂😂😂😂😂😂

A post shared by Alexandros Kouros ⚽ (@kourovic55) on

 

View this post on Instagram

 

Atlético hero @marcosllorente is a prank master 🤪🤣

A post shared by 433 (@433) on

cyrbja-te-penalltia.jpg
Veronik Istrefaj22:23 | 08/03/2020

Skuadra e Flamurtarit mori një rezultat të mirë sot përballë Teutës në transfertë, barazim 1-1. Madje, ishte ekipi vlonjat që kaloi i pari në avantazh, me anë të një supergoli nga Haruni. Teuta barazoi me anë të Çyrbjas, pasi Moçka i priti penalltinë Kallakut. Për këtë episod, si dhe për një episod tjetër në takimin kundër Tiranës, ekipi i Flamurtarit ka pasur ankesa.

Postimi i Flamurtarit:

“Duke qene se moviolen per Flamurtari F.C nuk e bene asnje nga mediat apo gazetat sportive , detyrohemi ti japim me fakte dhe video .

– Ndeshja Flamurtari F.C vs KF Tirana ne minuten e 37 brenda zones te Tiranes pas goditjes te kendit ka top te prekur me dore nga Sidibe . Dora nuk eshte ne pozicionin natyral dhe per kete arsye duhet dhene 11 m .

– Ndeshja KF Teuta vs Flamurtari F.C pas nje piruete ne zone jepet 11 m ne favor te Teutes. Te dashur arbitra futbollin mos e shikoni si balet vetem ne rastet kur perball si kundershtar eshte Flamurtari F.C. Gjithashtu sipas rregullores goli eshte i pavlefshem sepse Cyrbja eshte nisur para se te ekzekutohet 11-m . Me rregullore thuhet “goli anulohet dhe jepet faull me 2 takime ne favor te mbrojtjes“.

cyrbja-te-penalltia.jpg
Vladimir Prenga20:06 | 08/03/2020

Teuta u ndal në shtëpi me Flamurtarin, që i ndëshkoi durrsakët shumë shpejt dhe në fund mori një pikë. Më shumë u dëmtua skuadra e drejtuar nga Edi Martini, që kishte mundësinë të merrte tre pikët. Gjithsesi ky është futbolli dhe vlonjatët sivjet ia kanë dalë të befasojnë edhe skuadrat e tjera që duan Europën. Madje ia kanë dalë edhe ndaj Tiranës kryesuese të kampionati.

Takimi i sotëm pati edhe momente të diksutueshme sa i takon gjykimit dhe i pari ishte ai i penalltisë së dhënë në favor të durrsakëve. Një kontakt i lehtë, që arbitri Orlando Kuka e gjykoi se ishte 11-metërsh. Interpretimet mund të jenë ndryshme për këtë rast, por në kampin vlonjat e kanë cilësuar si skandaloze.

Penalltia iku, por ka diskutime edhe për ekzekutimin. Kallaku e goditi topin dhe në momentin që e bëri diçka të tillë, në zonë pati disa lojtarë. Arbër Çyrbja ishte ai që u vërsul i pari dhe normalisht do kishte përparësi ndaj lojtarëve të Flamurtarit.

Mesfushori anësor e devijoi topin dhe e ndëshkoi. Normalisht në atë rast goli duhej anuluar, për shkak se Çyrbja ishte në zonë kur Kallaku goditi. Ajo që duket e habitshme është fakti që gjyqtari as që sheh nga lojtarët që futen në zonë, duke ruajtur me shikim vetëm portierin Moçka. /abcnews.al

Edi-Martini.jpg
Vladimir Prenga16:22 | 08/03/2020

Edi Martini, trajneri i Teutës, pas ndeshjes me Flamurtarin deklaroi në “Gol pas Goli” në Supersport: “Nuk kam fjalë, gabim i pafalshëm. U munduam ta mbajmë ekipin të karikuar. Ajo që treguam në fushë sot, është si vetëvrasje. Të fitosh në Tiranë dhe ta çosh dëm, nuk është normale. Është një faj i të gjithëve ne kjo diçka e tillë”.

“E kishim fituar pa nisur. Pa mobilizim të hap kushdo probleme. Kemi lënë 4 pikë me skuadrat e fundit dhe janë pikë që do të na godasin në fund. E nisëm lehtë ndeshje, sikur e kishim fituar”.

“Do punojmë me sulmuesit që kemi. Hebaj ishte i dëmtuar. Ndikuan mungesat e Hoxhës dhe Todorovskit, kurse Kallaku u fut më vonë. Nuk është çështje goli, por mentaliteti. U futëm sikur e kishim fituar dhe kjo është një vetëvrasje”.

“Nuk dua të merrem me emra, por tek i gjithë ekipi. Kur nuk jep maksimumin në fushë, nuk funksionon asgjë. Po dështojmë atëherë kur duhet të fitojmë. Nuk funksionuam si grup, ia lamë njëri-tjetrit për ta zgjidhur dhe nuk ndodhi. Goli i Harunit? Nuk di ccfarë të them, është gol shumë i rëndë dhe që do ta mbaj mend gjatë”. /abcnews.al

luftetari-Bylisi.jpg
Vladimir Prenga15:54 | 08/03/2020

Spektakël në Durrës dhe Gjirokastër, por asnjë fitues. Sigurisht Bylisi dhe Teuta janë mërzitur, pasi barazimet e sotme me shifrat 1-1 nuk u shkojnë për shtat për vetë objektivat që kanë. Gjithsesi duhen vlerësuar paraqitjet e bëra nga Flamurtari dhe Luftëtari, që edhe mund të kishin triumfuar nisur nga rastet që kishin. Të rëna nga kategoria, por ia dalin të ndalojnë dy skuadra që duan Europën.

KATEGORIA SUPERIORE – JAVA 26
E diel, më 8 mars 2020, ora 14:00

Luftëtari-Bylisi 1-1
Shënues:
Lika 44’ / Guindo 35’ (pen.)
Teuta-Flamurtari 1-1
Shënues:
Çyrbja 53’ / Haruni 13’

BARAZIMI NË DURRËS – Teuta dhe Flamurtari luftuan shumë për të marrë pikët e plota, por në fund u detyruan të mjaftohen me nga një pikë. Vlonjatët arritën të befasojnë shumë shpejt dhe ishte Shaqir Haruni që me një lëvizje mjaft të bukur shtangu portierin Frashëri dhe shënoi.

Hoxhaj iu afrua edhe golit të dytë, por portieri i Teutës nuk e lejoi diçka të tillë. Fraksioni i parë i lojës u mbyll me epërsinë e Flamurtarit, kurse më pas durrsakët u hodhën në sulm për të gjetur  golin e barazimit.

Shumë shpejt morën një penallti, që u godit nga Kallaku. Portieri Moçka e priti, por Çyrbja e gjurmoi topin dhe shënoi golin e barazimit. Hoxhaj më vonë për vlonjatët goditi traun, ndërkohë që durrsakët patën disa raste për të shënuar, pa ia dalë dot. Kështu gjithçka u mbyll në barazim 1-1.

BYLISI NUK DI TË FITOJË – Ballshiotët e Dovedan sërish nuk ia dolën të fitojnë në kampionat. Edhe pse shënuan të parët, me një penallti të kthyer në gol nga Guindo, Bylisi nuk triumfoi. Gresild Lika në fund të pjesës së parë i ndëshkoi miqtë me një goditje dënimi.

Sulmuesi anësor mund të shënonte sërish, por u ndal nga portieri Miraka. Goxha për Bylisin iu afroi golit të epërsisë, sikurse edhe Çela për Luftëtarin. Raste të shumta pati deri në fund, por rezultati 1-1 nuk ndryshoi. /abcnews.al
teuta-flamurtati.jpg
Vladimir Prenga14:48 | 08/03/2020

Takime interesante në Superiore dhe tre gola të shënuar. Flamurtari po kryeson në Durrës kundër Teutës, falë një goli të shënuar nga Shaqir Haruni. Lojtari vlonjate realizoi një gol shumë të bukur në portën e Frashërit.

Vendasit u hodhën në sulm për të barazuar, por mund të kishin pësuar edhe tjetër gol. Frashëri u bë shpëtimtar në një rast me Ardit Hoxhajn, i cili lëshoi një diagonale të fortë në hyrje të zonës. Gjithsesi pjesa e parë u mbyll 0-1, me golin e Harunit në fuqi.

NDESHJA NË GJIROKASTËR – Pjesa e parë është mbyllur në barazim 1-1 dhe ishte Bylisi që shënoi i pari me të zakonshmin, Saliou Guindo. Sulmuesi fitoi një penallti dhe e ktheu në gol, duke i dhënë epërsinë skuadrës së Dovedan.

Gjithsesi nuk e ruajtën dot epërsinë, pasi Gresild Lika një minutë para fundit të kohës së rregullt realizoi përmes një goditjeje dënimi. Topi plasi në tokë fillimisht dhe më pas u ndal në rrjetë, me Mirakën që nuk mundi të bënte asgjë. /abcnews.al

KATEGORIA SUPERIORE – JAVA 26
E diel, më 8 mars 2020, ora 14:00

Luftëtari-Bylisi 1-1
Shënues:
Lika 44’ / Guindo 35’ (pen.)
Teuta-Flamurtari 0-1
Shënues:
Haruni 13’

haruni.png
Vladimir Prenga14:16 | 08/03/2020

Befasi e madhe në Durrës, aty ku skuadra e Teutës është ndëshkuar nga Flamurtari vendit të fundit kur kishin kaluar vetëm 12 minuta lojë. Jo vetëm një gol, por mjaft i bukur ai i shënuar nga Shaqir Haruni.

Indio Oliveira vertikalizoi mjaft bukur për vlonjatin, i cili bën një lëvizje shumë të bukur përballë portierit Frashëri, të cilin pasi e shmang e ndëshkon me gol. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono