Politikë

WhatsApp-Image-2020-03-30-at-15.03.07.jpeg
ger ta15:18 | 30/03/2020

Arben Kashahu, sekretari për Marrëdhëniet me Jashtë në Partinë Demokratike ka deklaruar se kryeministri Edi Rama i ka braktisur të gjithë shqiptarët që presin riatdhesimin e tyre, pasi janë bllokuar për shkak të mbylljes së rrugëve.

Kashahu lexoi edhe mesazhin që konsullja Anila Pojani i kishte kthyer një shqiptari të bllokuar në Itali, e cila shprehej se për momentin nuk më vende, pasi lista e shqitarëve që do të riatdhesohen është mbyllur.

Ai ka theksuar se shqiptarëve nuk mund t’u mohohet e drejta për tu kthyer.

Deklarata e plotë:

Shqiptarëve nuk mund t’u mohohet e drejta per t’u kthyer në vendin e tyre! Është një e drejtë kushtetuese e cila duhet të realizohet nga cdo shtet I përgjegjshëm nëpërmjet operacioneve të organizuara shtetërore. Shteti është i detyruar të vendosë në funksion të këtij qëllimi të gjitha mjetet dhe mundësitë për të realizuar shpëtimin e qytetarëve të tij. Është e papranushme, cinike dhe jo-shtetare përgjigja e kryeministrit se nuk ka më vende për Shqiptarët për t’i kthyer në vendin e tyre. “Nuk ka më vende”, është togfjalëshi më braktisës me të cilin i është drejtuar Shqiptarëve ndonjëherë një kryeministër. “Listat janë bërë prej kohësh” ,“vendet janë mbushur” janë togfjalëshat më diskriminues që evokojne diferencimin mes qytetarëve të një shteti, ditët që kërkohet më shumë se kurrë solidariteti njerëzor e kombëtar.

Një Kryeministër i përgjegjshëm duhet të kishte kuptuar se askush nga shqiptarët jashtë Shqipërisë nuk kërkon të bëjë shëtijtje këto kohë të vështira, por janë në pamundësi për të jetuar në vendin që kjo kohë I ka gjetur, kanë prindërit apo njërëz të pamundur në Shqipëri vetëm e pa përkujdesje, e me qindra motive të tjera të justifikuara për t’u kthyer.

Këtu është pergjigjen qe konsullja e pergjithshme Anila Pojani i ka kthyer nje qytetati me semundje te rende, i  mbetur ne Itali pas nje operacioni te veshtire. Pergjgja eshte e datës 27 mars. Aty thuheyt se “per qytetaret e Italize nuk ka plan aktiv per t’u kthyer.” sic shihet 2 jave pasi ka mbyllur kufijtë me Italine shteti shqiptar nuk ka nje plan konkret riatdhesimi per shqiptaret e ndodhur ne Itali apo ne vende te tjera.

Nëse kryeministri apo kushdo kërkon ta shesë braktisjen e qytetarëve shqiptarë jashtë kufijve si një “mbrojtje të Shqipërisë nga ata”, I kujtojmë atij se ata janë Shqipëria, ata janë ne, janë motrat, vëllezërit, fëmijët, prindërit tanë të cilët Shqipëria nuk i braktisim as në të mirë e aq më pak në të keq. Sakrifica më sublime duhet bërë për të evaku-uar qyetarët Shqiptarë në nevojë! Ndërkohë ballafaqohemi me një qendrim arrogant e jo-njerëzor të kryeministrit në kufijtë e absurdit. Ky absurditet merr përmasa krimi shtetëror për faktin se qeveria I ka të gjitha mundësitë për të realizuar këtë operacion shtetëror.

Kjo është dita kur vendi ka më shumë nevojë për të përdorur shërbimin e ambasadave dhe të linjës ajrore shtetërore “Air Albania”.

/abcnews.al

halimiiii-1280x629.gif
eri Ida12:23 | 30/03/2020

Ish-ministri i Drejtësisë Eduard Halimi ka komentuar aktet normative të marra nga qeverisa, që sipas tij dhe pse janë të nevojshme duhet të merren në kuadër të kushtetutës.

Halimi  në një lidhje direkte për ABC Neës me Juli Xhakoxhi është shprehur se një shtet ligjor është e rëndësishme që të funksionojë në bazë të ligjebve dhe institucionet duhet te kontrollojnë punën e tyre.

“Është shumë e rëndësishme që shteti ligjor duhet të funksionojë dhe institucionet të kontrollojnë njëri-tjetrin siç ndodh në çdo republikë parlamentare. Reagimi im vjen në vijën e reagimeve dhe të kolegeve në Ballkanin Perëndimor lidhur me pikëpytjen në të cilën ndodhet shteti ligjor në buzë të greminës ku qeveritë po përdorin si umbrella gjendjen e jashtëzakonshme dhe shqetësimi si në Shqipëri dhe në vendet e tjera ka të bëjë me procedurën dhe përmbajtjen e akteve,” tha ish ministri.

Ndërkohë që në Shqipëri ndryshe nga vendet e tjera të rajonit ligjet nuk po miratohen përmes parlamentit, por përmes dekretëve qeveritare.

Pjesë nga biseda:

E justifikon gjendja e jashtëzakonshme një gjë të tillë?

Gjendja e jashtëzakonshme në Kushtetutë është përcaktuar edhe gjendja e luftës reale jo vetëm ajo me armikun e padukshëm.  Në çdo rast akti normativ nxirret në kushtet kur parlamenti është i pamundur që të mblidhet ndërsa të gjithë vendet e tjera të rajonit Serbia, Kroacia, Bullgaria, mali i Zi, Bosnja që edhe pse janë në gjendje të jashtëzakonshme ligjet dhe masat merren dyke respektuar kushtetuten respektive duke propozuar ne parlament projektligje qe i nenshtrohen diskutimeve. Të gjithë vendet kane mbyllur gjykatat si te ne por që kanë lënë hapur Gjykatën Kushtetuese, që kontrollon masat e marra dhe shkeljet që mund të kenë për jetën e njeriut.

Po në rastin kur këto masa do të jenë në të njëjtën linjë me masat e marra nga vendet e tjera a mund të quhet kjo një lloj miratimi apo kontrolli?

Jo pasi çdo vend ka kushtetutën e tij. Aktët që mund të dalin në kundërshtim me kushtetutën dhe mund të ankimohen përshembull ndërhyrja që u bë në aktin normativ të fundit duke pezulluar afatet proceduriale duke ndryshuar kodin e procedurës penale, kodin e procedurës civile dhe administrative sjellin nëse do të kishim gjykatë kushtetuese pavlefshmëri të efekteve që një mund ta kundërshtojë këtë në të ardhmen. Ndaj është e rëndësishme që masat të merren në mënyrë të qartë në përputhje me kushtetutën dhe procedurën në parlament. Nëse ju thuhet pensionistëve  që nuk duhet të dilni nga shpia, dhe nga ana tjetër ju thuhet se nëse nuk e paguani faturën e energjisë kjo është në proporcion të drejtë me të drejtat kushtetuese. Prandaj në vendet e BE-se dhe vendet ndaj nesh masat merren përmes paketave ligjore. Nëse bëhet një akt normativ siç është bërë ky njerëzve ju thuhet se nuk duhet të dilni në punë, dhe qeveria refuzon që të paguajë pagën kjo është shkelje, është shkelje e të drejtës për të ushqyer familjen. Disa vende të rajonit qeveria ka marrë përsipër që të paguajë një pagë prej 60% të pagës ndërsa pjesa tjetër do të mbulohet nga biznesi. Njërësit do të zbatojnë ndalimet qeveritare, por e drejta e tyre për një pagë minimale është e drejta e tyre për të ushqyer familjen është kushtetuese.

Ka shumë juristë që thekson se po preken të drejtat e qyetarëve, ndërsa një qytetar si unë mund të thotë se është për të mirën e përbashkët mund të preken disa të drejta por po shpëtojmë nga një virus.

Shqetësimi juaj është i drejtë dhe masat duhet të merren pasi dhe kushtetuta në çdo vend e parashikon se duhet të vendosen detyrime për qyetarët. Qeveria dhe parlamenti duhet ti shikojë në  proporcion, problemi që kemi në në Shqipëri është se nuk i kontrollon kush këto masa. Reagimi në të gjithë këto vende të rajonin reagimi ështgë i fortë nga juristët nga organizata të ndryshme për të parë proporcionin. Ne nuk e gjejmë në vendin tonë një proporcion të tillë.

A ka Shqipëria detyrimin për të njoftuar sekretarin e përgjithshëm të Këshillit të evropës që të kërkojë tërheqje të përkohshme nga zbatimi i detyrimeve të konventës Evropiane të të Drejtave të Njeut?

Ne jemi vend anëtar në Këshillin e Evropës dhe komisioneria e këshillit të evropës për të drejtat e njeriut ka bërë me dije se nuk duhet ti shikojmë të drejtat e njeriut si dytësore.  Ajo ka kërkuar që   të drejtën  për tu ushqyer, për të pasur një pagë, të drejtën e fjalës, janë të drejta primare nuk janë dytësore. Këshilli i Evropës e ka bërë të qartë çfarë lejohet dhe jo përmes komisioneres.

Në vendet e tjera ju e përmendet se parlamentet funksionojnë a do të duhej që parlamenti  të funksiononte?

Parlamentet e vendeve të tjera funksionojnë, por shqetësuese që unë mendoj se mund të vijnë më pas në lidhje me marrjen e të dhënave personale përmes telefonin, përmes llogarive pankare të dhënat për shëndetin që kanë qenë të suksesshme në Singapor dhe në Korenë e Jugut janë masa që janë marrë nga vendet e tjera të rajonit. Problemi i madh është në kuadër me qeverine, qeveria duhet tu thotë qytetarëve rrini në shtëpi por duhet ti sigurojë shqiptarët për përdorimin e të dhënave.

Gjykatat i kemi të mbyllyra, ndërkohë policia është në rrugë duke gjobitur, sa e ligjshme është një gjë e tillë?

Kjo është një situatë e pazakontë për të gjithë evropën dhe masat janë të pazakonta, ajo që duhet parë me vëmendje është që paketta duhet të miratohen duke parë me vëmendje në të gjithë drejtimet. Duke mos pasur një eksperiencë të tillë do të shikojmë dhe vendet e tjera. Me aktin normativ që është marrë nga qeveria kjo nuk jua heq të drejtën e ankimimeve në gjykatën administrative.

Shumë qytetarëve nuk u është kthyer përgjigje nga e-albania por ai ka dalë pasi i duhen të blejë ushqime, ky person kapet dhe gjobitet si do të veprohet në këto raste?

Të mira apo jo ligjet e qeverisë kanë hyrë në fuqi dhe qytetarët duhet ti zbatojnë pavarsisht nëse ju pëlqen apo jo. Nuk kanë mundësi që ta bëjnë ankimimin afatet për ankim janë pezulluar nga qeveria dhe në momentin që hapet gjykatat mund të shkojnë dhe të ankimojnë vendimin. /abcnews.al

 

vvv.jpg
Sid Orela23:01 | 29/03/2020

Kreu  i Vetëvendosjes në Shqipëri, Boiken Abazi, me anë të një postimi në llogarinë e tij në Facebook, thotë se kryeministri Rama e ka për detyrë të flasë “për grushtin e shtetit në Kosovë.”

Në postimin e tij, Abazi shkruan se kanë folur politikanë e diplomatë nga vende të tjera , si Gjermania e Franca, deri dhe Amerika, “ndërkohë që Rama hesht”.

“Hesht sepse i painteresuar? Hesht sepse kështu miraton? Apo hesht sepse nuk dëshiron t’i dëgjohet gëzimi?”, pyet Abazaj.

Postimi i plotë:

“KM Edi Rama e ka për detyrim të merret me frenimin e pandemisë në Shqipëri, po aq sa e ka detyrimin të flasë kundër grushtit të shtetit në Kosovë. Kanë folur politikanë e diplomatë nga Gjermania, Franca e Zvicra, deri në Amerikë, por Rama nuk flet dhe hesht. Hesht sepse i painteresuar? Hesht sepse kështu miraton? Apo hesht sepse nuk dëshiron t’i dëgjohet gëzimi?”

enk.jpg
Sid Orela19:10 | 29/03/2020

Me anë të një konference për shtyp, ish-deputeti i Partisë Demokratike Enkelejd Alibeaj i ka kërkuar qeverisë që të ndërpresë tenderat.

Në vend të tenderave, sipas PD, qeveria duhet të shpenzojë çdo qindarkë për të forcuar sistemin shëndetësor në këtë kohë krize të shkaktuar nga koronavirusi.

Sipas Selisë Blu, në kulmin e krizës së pandemisë, qeveria e Edi Ramës tenderon 411 milionë lekë për zyra.

Deklarata e plotë:

Në vend që të shpenzojë çdo qindarkë për të forcuar sistemin shëndetësor, për të garantuar testimin e mjekëve dhe të qytetarëve, Edi Rama ka hapur tender për rregullim të zyrave.

Në kulmin e krizës, kur pandemia po bëhet më agresive, qeveria e ka mendjen të shpenzojë mbi 400 milionë lekë për zyra.

Në kulmin e krizës ekonomike, ku mijëra qytetarë janë sot në pamundësi për të siguruar ushqimin e femijëve, Edi Rama planifikon të japë 400 milion lekë për zyra.

Në kulmin e krizës, ku mijëra biznese janë gati të shpallin falimentin e të lënë mijëra qytetarë pa punë, Edi Rama kërkon të japë 400 milion lekë vetëm për zyra.

Tenderi 411 milionë lekë për të rikonstruktuar zyrat e administratës së Spitalit të Traumës është unik sot në Europë.

Spitalet tani nuk kanë nevojë për kulltuqe të rehatshëm. Mjekët duan së pari të mbrohen vetë dhe të kenë mundësi të gjurmojnë virusin, që sëmundja të mos kapet në momentet e fundit dhe numri i atyre që humbin jetën të mos rritet.

Pas hedhjes të 29 milionë eurove për beton, tenderi i rregullimit të zyrave të spitalit të Traumës është një nga provat e shumta të papërgjegjshmërisë të Edi Ramës.

Prioriteti numër një i buxhetit të shtetit duhet të jetë shëndetësia, pajisja e mjekëve me mjete mbrojtëse.

Qeveria duhet të anullojë menjeherë tenderin prej 411 milionë lekë për rikonstruksion zyrash. Qeveria të ndërpresë tenderat dhe transfertat e thesarit që nuk adresojnë pasojat e koronavirusit.

Buxheti ka para, por ato po përdoren për kolltuqe zyrash, për betonin e klinetëve të qeverisë dhe për koncesionet e miqve okigarkë të të Edi Ramës, jo për qytetarët dhe biznesin, që sot janë në ditën më të zezë.

WhatsApp-Image-2020-03-29-at-16.04.27.jpeg
eri Ida15:00 | 29/03/2020

Partia Demokratike i kërkon qeverisë të rishikojë paketën lehtësuese për bizneset dhe qytetarët.

Këshilltari Ekonomik i demokratyëve, Dorian Teliti duke ju referuar aktit normative të miratuar nga qeveria se mbi 1 milionë shqiptarë që kanë qëndruar pa punuar përgjatë marsit nuk do të paguhen asnjë qindarkë, pasi masat e qeverisë nisin nga 1 prilli.

Deklarata e plotë

Shqipëria sot është në betejë kundër virusit, por qeveria është në luftë për të mbuluar 2 të vërteta të hidhura.

E vërteta e parë është se qeveria ka përjashtuar nga ndihma ekonomike më shumë se gjysmën e qytetarëve që kanë mbetur pa të ardhura për shkak të masave të jashtëzakonshme.

E vërteta e dytë është se askush nuk do të paguhet për 18 ditët e marsit, kur shumica e bizneseve u mbyllën dhe qytetarët u futën në karantinë me urdhrin e qeverisë.

Paketa gjysmake e qeverisë parashikon shtrirjen e efekteve nga 1 prilli. Kjo do të thotë se marsi nuk përfshihet fare në llogaritë e Edi Ramës për të ndihmuar qytetarët.

Në vendimin e fundit të publikuar për fondin e ndihmës gjysmake shkruhet e zeza mbi të bardhë:

“Ky vendim hyn në fuqi pas botimit në Fletoren Zyrtare dhe i shtrin efektet nga data 1 prill 2020 deri në përfundim të gjendjes së epidemisë nga COVID-19, por jo më shume se 3 muaj.”

Është e qartë se vendimi i qeverisë ka përjashtuar ndihmën për muajin mars, duke lënë në mëshirë të fatit më shumë se 1 milionë qytetarë.

Ku do t’i gjejnë paratë ata për të mbyllur këtë muaj?

Pse duhet të shtojnë borxhet kur Edi Rama e kishte në dorë t’ua lehtësonte jetën?

Hyrja në fuqi në 1 prill e vendimit nuk do të thotë se pagesa do të kryhet menjëherë. Pas aplikimit nga bizneset, do të duhen të pakten 10 ditë të tjera që te marrin një përgjigje, nëse perfitojnë apo jo nga fondet e pamjaftueshme të vëna në dispozicion.

Lënia pa të ardhura për të paktën 1 muaj nga mbyllja e detyruar e bizneseve është pasojë direkte e vonesës së pajustifikuar dyjavore të qeverisë për hartimin dhe zbatimin e paketës së ndihmës.

Edhe ato pak masa te lançuara nga qeveria janë gjysmake dhe jotransparente.

Ndërsa vazhdon të paguajë miliona euro për beton për një grusht njerezish, qeveria nuk ka ende një pergjigje se:

Çfarë do të bëhet me rreth 35 mijë biznese të vogla me xhiro deri në 140 milionë lekë që nuk perfitojnë nga paketa e ndihmës?

Çfarë do te behet me dhjetëra mijera të papunë, që nuk janë pjesë e skemës së papunësisë? Me çfare do te ushqehen ata?

Çfarë do të bëhet me rreth 70 mijë familje qe i kanë hequr padrejtësisht nga skema e ndihmes ekonomike dhe nuk janë përfitues të skemës së Qeverisë? Kush do të kujdeset për ta?

Çfarë do të bëhet me mijëra ambulantët që nuk janë përfshirë fare në vendimin gjysmak të qeverisë? Si do të ushqehen ata, kur qeveria ka ndaluar aktivitetin e tyre?

Shteti ka detyrimin që në këtë moment të vështirë të jetë pranë të pamundurve, t’u sigurojë atyre minimumin për të jetuar dhe për t’u ushqyer.

Nuk janë paratë  e xhepit të Edi Ramës, por parate e taksave të shqiptarëve. Ato nuk duhet të shkojnë tek një grusht oligarkësh dhe financuesish të Edi Ramës.

Sot, është më jetike se kurrë, që shqiptarët të marrin ndihmë nga shteti, të mos diskriminohen dhe të mos trajtohen si qytetarë të dorës së dytë. Ky është detyrim ligjor i shtetit dhe jo çështje e dëshirave apo vullnetit të Edi Ramës.

Partia Demokratike kërkon rishikimin e paketës së ndihmës së qeverisë! Asnjë qytetar nuk duhet të përjashtohet! Çdo ditë e lënë pa punë duhet të kompensohet!/abcnews.al

WhatsApp-Image-2020-03-28-at-21.57.09.jpeg
nev ila21:57 | 28/03/2020

Kryeministri Edi Rama, gjatë mesditës së sotme ka drejtuar një mesazh disa prej qytetarëve që sipas tij “nuk duan të marrin vesh“.

Në tentativë për të qenë më se i qartë me këta qytetarë, dashur pa dashur, bëri edhe një deklaratë ku la të kuptohet se është kundër presidentit të Shteteve të Bashkuara të Amerikës ose të paktën nuk është dakord me mënyrën e menaxhimit të situatës nga Trump, për koronavirusin ne Amerikë.

Gjatë mesazhit të tij Rama thotë se Presidenti i SHBA-ve u kishte thënë qytetarëve se virusi do kalonte shpejt, e sot po përballet me një situatë që spitalet nuk kanë më vende, dhe kjo sipas Ramës ka ndodhur sepse nuk janë marrë masat e duhura.

“Meqë keni qejf shembujt me Amerikën, Presidenti u thoshte deri dje se kjo do iki shpejt, thjesht do iki. E shikoni tani se çfarë u thotë amerikanëve. Ndërkohë që duke pritur që të iki vetë i hap rrugën armikut. Sot kanë kaluar Kinën me infektim dhe s’po kanë më as vend dhe as mjete mbrojtëse për mjekët dhe infermierët në spitalet e Nju Jorkut.

Amerika është Amerikë dhe mbase dhjetëra mijëra të vdekur nuk i ka aq problem sa ne. Po ne që me Amerikën nuk krahasohemi dot në asnjë gjë, si mund t’ja lejojmë vetes të lëshohemi dhe të vëmë në diskutim jetën duke moskuptuar se kjo është një luftë për ekzistencë dhe jo një lojë kukamçefti e politikës së poshtër siç kanë qejf ta quajnë disa nga ju.

Realisht nuk di si të flas me disa prej jush që  nuk duan të marrin vesh, nuk duan të hapin sytë e të shohin realitetin. Me siguri di vetëm një gjë, që po vazhduam kështu do ta kalojmë pa qindra mijëra viktima, dhe do hapim pjesë –pjesë rrugët  e jetës normale, më herët se të tjerët.

Po u lëshuam, po u dorëzuam, me të dalë ku të dalë, ne do bëhemi turpi më i madh i këtij vendi, dhe gazi i planetit”, shprehet ndër të tjera Rama./abcnews.al

patozi-770x470-770x433-1.jpg
nev ila21:23 | 28/03/2020

Koordinatori i “Bindjes Demokratike” Astrit Patozi ka reaguar në lidhje me dërgimin e mjekëve shqiptarë në Itali të cilët do të jenë në vijën e parë në trajtimin e të sëmurëve nga koronavirusi.

Sipas Patozit ky është një gjest i bukur që vlen të përshëndetet pavarësisht e kujt është merita.

Patozi shkruan se duhet që qeveria të ndërpresë tenderat ndryshe i bie që kjo luftë nuk është njëlloj për të gjithë popullin.

Për Patozin ma e parë që duhet marrë nga qeveria është që “të ndërpritet çdo shpenzim i panevojshëm apo që mund të shtyhet në kohë, në mënyrë që Shqipëria të ketë, jo arnime që ndryshojnë përditë, por një buxhet të plotë lufte”.

Postimi i plotë:

“MOS E ZHVLERËSO SAKRIFICËN E HERONJVE TË LUFTËS!

Dërgimi i ekipit të mjekëve dhe infermierëve shqiptarë në Itali ishte një gjest i bukur, që ia vlen të përshëndetet dhe për këtë nuk ka nevojë të jesh patjetër shqiptar. Zihuni gjithë ditën me Tritanin, po të doni, se e kujt është merita, se nuk na prish shumë punë. Ti bërtit sa të mundesh që i dërgoi qeveria dhe i përcolle me dorën tënde 1 metër larg në Rinas, ndërsa ai të këmbëngulë gjithë ditën se ata i çoi atje vetëm ndërgjegja e tyre.
Por ndërpriti ato tenderat e turpshëm, se nuk mund të bëhet dashuri në kohën e kolerës. Ndryshe i bie që kjo luftë nuk qenka njësoj për të gjithë, por vetëm për një pjesë të popullit. Nuk ka asnjë kuptim që në këto ditë të adresohen fonde për rehabilitimin e qendrave të qyteteve, ndërkohë që, nëse armiku na vë përpara, nesër mund të mos na duhen më fare qytetet.
Në rast se shumica e popullit po sillet dhe po jeton realisht si në luftë, nuk mundet që një pjesë e vogël zyrtarësh apo shqiptarësh të zgjedhur të hanë e pinë njësoj si në kohë të Zogut. Masa e parë që ka vlerë në këtë rast është që të ndërpritet çdo shpenzim i panevojshëm apo që mund të shtyhet në kohë, në mënyrë që Shqipëria të ketë, jo arnime që ndryshojnë përditë, por një buxhet të plotë lufte.
Ndryshe, zhvlerësohet çdo sakrificë që po bën një popull i tërë në karantinë dhe hidhen në kosh edhe akte të tilla vetëmohimi dhe soledariteti si ai i ekipit sanitar, i cili mbërriti sot në Romë për t’ju gjendur në krah Italisë mike, që po e vuan më shumë se kushdo tjetër pandeminë botërore të COVID 19″./abcnews.al

metas-1.jpg
nev ila20:51 | 28/03/2020

Pas mbërritjes së 30 mjekëve shqiptarë në Itali, për të luftuar në vijën e parë me virusin vdekjeprurës COVID-19, ka reaguar Presidenti Ilir Meta.

Në një reagim në facebook, Presidenti Meta se solidariteti i treguar me popullin fqinj në këtë situatë të vështirë do të forcojë edhe më shumë marrëdhëniet mes dy vendeve.

“Mirënjohje dhe krenari për 30 mjekët dhe infermierët tanë, të cilët do shërbejnë në rajonin më të prekur nga pandemia në Italinë fqinje. Ky solidaritet dhe këto sakrifica do ta forcojnë edhe më shumë marrëdhënien e shkëlqyer midis dy vendeve e popujve tanë”, shkruan presidenti Meta./abcnews.al

 

vajza-e-dokles.jpg
Autor E14:03 | 28/03/2020

Politikani dhe ish-deputeti Namik Dokle ka rrëfyer shqetësimin e tij si prind për vajzën e tij mjeke, Manjolën, e cila është në krye të detyrës në Itali, në vijën e parë kundër COVID-19. Në një situatë jo të lehtë gjendet edhe ai si baba, teksa pret çdo ditë konfirmimin se vajza është mirë.

Telefonata e mëngjesit E pres me padurim, gati në ankth. 

T’i dëgjoj zërin që të më thotë, si çdo ditë tjetër: “Jam mirë, babushi, po luftojmë! Kujdesuni për njëri-tjetrin.” 

E pres edhe tani… Kanë kaluar 14 orë pa pushuar që ajo po kujdeset për 36 të sëmurë, gjashtë prej të cilëve në terapi intensive…Dhe unë pres…pres…pres…”,-shkruan Dokle. 

Politikani Namik Dokle ka edhe një tjetër vajzë mjeke, Anikën, e cila çdo situatë të vështirë për shqiptarët, përpiqet të sjellë pozitivitet. Anika shpërndan ngjarjet më të bukura që kanë në fokus lindjen e jetës, kur në anën tjetër, lufta me COVID-19 merr të tilla çdo minutë.

me.jpg
in a13:36 | 28/03/2020

COVID-19 prek edhe Kuvendin e Shqipërisë. Kreu i Ballit Kombëtar, Adriatik Alimadhi, njëherësh edhe deputet, u konfirmua pozitiv me koronavirusin së bashku me bashkëshorten. Lajmin e bëri të ditur ai vetë në një njoftim në “Facebook”.

Nërkohë në një status të fundit Alimadhi i bën thirrje qytetarëve të tregojnë kujdes për veten dhe për familjarët, ndërsa shprehet se solidariteti i shqiptarëve është për tu vlerësuar.

Statusi: 
Me thene te drejten jam i mahnitur nga solidariteti i shoqerise sone shqiptare.

Kjo tregon se kush jemi Ne, Rraca Shqiptare dhe sa interesohemi e sa bejme per njeri-tjetrin. Arrijme te gjejme kurajon dhe forcen ne te tilla raste qe eshte i domosdoshem per secilin nga ne. Kjo tregon qe jemi nje popull vital dhe me energji shume pozitive, ky eshte shembull per te gjithe boten mbare. E them kete sepse kam pasur me mijera sms, telefonata, doktore nga vende te ndryshme te botes por Shqiptare te mire, nga Amerika, Anglia, Italia, Suedia, Australia e larget etj, te cilet me kane derguar receta te ndryshme per llojet e ilaçeve.

Jam me ju dhe i’u shpreh mirenjohjen time te thelle per secilin nga ju.

Nje falenderim per te gjithe gazetaret, portalet, televizionet, mediat te shkruara dhe vizive te cilat me kane marre ne telefon apo me kane derguar nje sms. E kam pasur te pamundur per tju kthyer pergjigje. Ju kerkoj te falur sinqerisht.
Me keni kerkuar qe te isha prane ekraneve tuaj, por nuk mendoj qe problemi im shendetesor te paraqitet ne trajten politike, sepse ka edhe nga ata shqiptare qe mendojne ndryshe mga une.

Ndaj dhe per kete kam menduar te mos jem i pranishem prane jush. Besoj se me mirekuptoni.
Jam ne kushtet e regjimit spitalor, ajo qe eshte me e rendesishme jam me mire me shendetin tim.

Keshilla ime per ju eshte:
Ruhuni, beni kujdes, rasti me ra mua, uroj qe askush nga ju te mos preket nga ky virus i rende dhe vrases, ky te jep shenjat sikur ne organet tuaja te brendshme futet nje silurus dhe kerkon t’i pushtoje ato. Sigurisht qe askujt mos i rente per pjese.

Thjesht ruhuni, kontakt sa me pak dhe te kujdesshem per ju dhe familjaret tuaj.
Ju pershendes te gjitheve
Adriatik Alimadhi


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono