Emisione

Gerti-Dobi.png
Veronik Istrefaj20:27 | 27/03/2020

Enkeleid Dobi, trajneri shqiptar në Poloni, ka folur për emisionin Studio Sprint në ABC News. Në një intervistë me moderatorin e emisionit, Gerti Çarçani, ish-futbollisti i njohur tregoi se si po punon nga shtëpi, si dhe tregoi situatën ku Polonia ndodhet aktualisht.

“Çka mund të themi? Si në të gjithë botën, ashtu dhe në Poloni. Është një situatë e paprecedentë, dramatike, sporti ka kaluar në plan të dytë, gati në plan të tretë. Gjithsesi, është pjesë e jetës sonë dhe nuk mund ta ndajmë dot.

E rëndësishme është shëndeti mbi të gjitha, njerëzit tanë të afërt, njerëzit në të gjithë botën, që në këtë situatë të vështirë që na ka gjetur, të na kalojë sa më shpejt dhe të rikthehemi në jetën normale.

Po bëjnë stërvitje individuale, falë teknologjisë. Futbolli nuk është teknologji, por teknologjia po e ndihmon futbollin. Po mundohemi të ndihmojmë falë teknologjisë, situata është dramatike dhe të gjithë futbollistët, të punojnë në mënyrë individuale.

Nuk po themi që situata në Poloni është më mirë se në vendet e tjera, situata është e njëjtë. Më e rëndësishmja është se shteti i Polonisë e kapi pak më përpara, mori mësim dhe eksperiencë nga situata që po krijohej në të gjithë Europën. Që nga data 10 mars, jemi të gjithë në karantinë.

Futbollistët kanë plan stërvitor secili, po bëjnë stërvitje individuale, ka aplikacione që na lejon t’i vëzhgojmë futbollistët, tamam si “Big Brother”. Mendoj se futbollisti profesionist duhet të jetë i vetëdijshëm për situatën që është krijuar, për mënyrën se si duhet të punojë.

Ai është i përgjegjshëm dhe nuk ka nevojë t’i rrish gjatë gjithë kohës mbi kokë. Futbollisti i ka hyrë futbollit për dy shkaqe: Çdo njeri në botë bën atë që di të bëjë më mirë, ose atë që dashuron ta bëjë.

Tani për tani, nuk mund të themi asgjë, do të mbyllet apo jo sezoni. Jemi gjithë kohës në pritje. Sot, Federata Polake, në ndihmesë të futbollit profesionist dhe amator, ndau një fond 30 milion euro. Ky ishte një gjest i jashtëzakonshëm, duhet falënderuar Federata. Në këtë situatë të vështirë, e rëndësishme është gjendja shëndetësore.

Edhe për mua nuk është e lehtë të jetoj këtu në këtë lloj kohe, pasi kam prindërit mbi 2000km larg. Këtu në Poloni, ka pasur vetëm 16 të vdekur, pasi e kemi kapur më herët. Në Itali, shifrat janë të frikshme. Faleminderit”, përfundoi Dobi./abcnews.al

kri.jpg
in a10:53 | 27/03/2020

Analisti Vigan Qorolli në një lidhje më “ABC e Mëngjesit” ka folur për situatën politike në Kosovë. Ai u shpreh se Kurti tregoi se do të jetë një kryeministër i fortë dhe pa kompromis.

I ndalur te rrëzimi i qeverisë Kurti, analisti theksoi se kjo nuk ishte koha e duhur për këtë mosmarrëveshje politike pasi vendi tashmë i prekur nga pandemia dhe duhet bashkëpunim për të parandaluar përhapjen e COVID-19.

“Ka një keqkuptim të deklaratave amerikane. SHBA kërkon që të hiqet taksa. Deklarata e mbrëmshme e SHBA-ve rikonfirmoi heqjen e taksës. Tashmë taksa ndaj Serbisë rrëzoi dy kryeministra. Qeveria Kurti ra për tu bërë edhe njëherë kurban i mosmarrëveshjes së elitës politike.

Në vend që të bashkohen elitat tona politike u përçanë më tepër. Nuk dimë nëse në ditët në vijim do të kemi një qeveri të re. Në këtë situatë që jemi me pandemi zgjedhjet e jashtëzakonshme janë të pamundura. Ka ende një paqartësi se si do të procedohet më tej”, tha Qorolli.

Gjithashtu ai u shpreh se Albin Kurti tregoi që do të jetë i pamëshirshëm në luftën kundër korrupsionit.

“Të gjitha emërimet që bëri nuk ishin as militantë dhe as familjarë të tij dhe kjo bëri që të rritej besimi. Por Isa Mustafa është politikani më jetëgjatë në Kosovë. Kurti u tregua karrem i fortë edhe për vetë Mustafën edhe pse Mustafa ka një ambicie interesante dhe është një kandidat shumë i fortë si kandidat për postin e Presidentit.

Besoj që arsyet kryesore të mosmarrëveshjes lidhen me taksën”, tha ndër të tjera analisti.

mgjesi.jpg
in a10:48 | 27/03/2020

Studentja Ina Varfaj e lindur në Vlorë, por tashmë është në Perugia, në Itali në një lidhje me “ABC e Mëngjesit” u shpreh se studentët shqiptarë në Itali janë bërë bashkë për ti ardhur në ndihmë mjekëve në Shqipëri.

“Qëllimi i nismës “COVID 2019 Albania” është mbështetja e repartit të reanimacionit të Spitalit në QSUT, për të blerë pajisje mjekësore.

Duke pasur mbështetje dhe solidaritet mund të parandalojmë përhapjen e pandemisë. Duke u munduar që ti vijmë në ndihmë mjekëve edhe në po përpiqemi të japim ndihmën tonë”, u shpreh studentja shqiptare.

Më tej ajo theksoi se ndodhen në karantinë dhe se ka persona të prekur me koronavirus, por në krahasim me vendet e tjera fatmirësisht siç thotë ajo, vendi atje nuk është në të njëjtën situatë si Bergamo.

mjeku-ne-gjermani.jpg
ger ta19:43 | 26/03/2020

Në një lidhje direkte për “Mbrëmje në Abc” me Mirela Milorin nga Gjermania ishte mjeku Redi Llubani.

Mjeku foli për situatën sesi po përballohet koronavirusi në Gjermani, ku në krahasim me shtetet e tjera vdekshmëria është shumë më e ulët. Llubani i cili punon në Dusseldolf tha se mosha mesatare e të prekurve në Gjermani është 45 vjeç dhe kjo ka ndikuar edhe në vdekshmërinë e ulët, shkruan abcnews.al

Sipas mjekut ky virus ka prekur kryesisht moshat e reja në Gjermani me imunitet më të fortë, të cilët e kanë përballuar. Po ashtu ai shtoi se në shtetin gjerman nuk është bllokuar lëvizja, por ka një sensibilizim shumë të madh të qytetarëve të cilët respektojnë rregullat.

Pjesë nga intervista:

Redi Llubani: Gjermania ka kaluar numrin e 44 mijë të prekurve, këto janë të dhenta e fundit. Por përqindja e vdekjeve mbetet mjaft e ulët. Nga fundi i javës tjetër do të kemi edhe pikun.

Mirela Milori: Do të jetë kurba më e lartë?

Redi Llubani: Po do të jetë kurba më e lartë dhe deri tani pacientët që janë paraqitur kane qenë moshë e re dhe nuk kanë paraqitur komplikacione. Jemi në pritje nëse ndodh një skenar i tipit italian.

Mirela Milori: Çfarë protokolli po përdoret për tu përballur situata?

Redi Llubani: Për fat të keq nuk kemi protokolle por kemi vetëm disa sugjerime

Mirela Milori: Cilat janë praktikat?

Redi Llubani: Janë kur vjen pacienti në urgjencë dhe i bëhet tamponi, pasi diagnostikohet shtrohet. Ne fillojmë me anti-biotikë. Ne jemi ndarë në grupe të ndryshme për të qenë në mbështetje të urgjencës. Ne kemi bërë tampone në masë dhe shumë testime. Për fat të mirë kemi arritur ti menaxhojmë me sukse.

Mirela Milori: Gjermania po merret si shembull deri tani për shkak të disiplinës së distancës fizike. Sapo respektohen?

Redi Llubani: E mira është këtu që ne kemi filluar që në mes të muajit shkurt që të marrim masa. Njerëzit janë sensibilizuar, edhe në rrugë dhe trena, njerëzit ruajnë gjithnjë distancës. Në supermarkete mbahet radhë. Sensibilizimi është goxha i lartë dhe kjo është shumë gjë e mirë.

Mirela Milori: Si është regjimi i lëvizjes tek ju?

Redi Llubani: Ne nuk kemi kufizime për lëvizjes, por nuk lejohen mbledhjet në publik. Shumica e punonjësve punojnë nga shtëpia. Trenat dhe autobusët janë bërë sipas sistemit të punës. Në parqe te gjithë ruajnë distancën.

Mirela Milori: Ka një debat ku është përfshirë OBSH, shtetet të ndryshme, si po kryhet testimi në Gjermani?

Redi Llubani: Tek ne testohen pacientët që paraqesin simptoma, por niveli i testimeve është shumë i lartë.

Mirela Milori: Ka protokolle të ndryshme, në Itali dhe Spanjë. Kanë qarkulluar lajme në media që janë toleruar moshat e treta, ka një sugjerim të tillë në spitalet tuaja për tu parë me prioritet mosha  e re

Redi Llubani: Kjo është një situata alarmuese ndonjëherë mjekët vihen para kësaj përgjegjësie. Ne kemi marrë masat nëse do kemi mbingarkesë. Për fat të keq në Itali ka pasur vetëm 5 mijë shtretër dhe kjo mendohet se çoi në kolaps.

Mirela Milori: Ndër më të rrezikuarit jeni ju, të vijës së parë. Në Neë York kishin problem me mungesën e pajisjeve.

Redi Llubani: Situata aktualisht këtu është më e lehtësuar. Shumë rëndësi ka vetëmbrojtja. Ne kemi bërë disa trajnime për mënyrën sesi duhet të vishemi.

Mirela Milori: Si është shpjeguar numri i ulët i  vdekjeve në Gjermani?

Redi Llubani: Këtu tej ne nuk ka ardhur akoma piku. Çfarë më bëri përshtypje një epidemiolog i dëgjuar këtu në Gjermani, tha se mosha mesatare është 45 vjeç dhe në Itali është 65 dhe do të thotë se këtu kemi pasur prekjen e moshave të reja dhe me imunitet të fuqishëm.

Mirela Milori: Mund të ketë një moment kolapsi dhe kur mund të jetë?

Redi Llubani: Duke parë edhe atë në vendet fqinje edhe ne i druhemi kësaj gjëje, prandaj në urgjenca janë përgatitur edhe kampe fushore. Për fat të mirë akoma nuk ka ndodhur një gjë e tillë.

Mirela Milori: Mendoni se mund të ketë një rikthim të epidemisë. Thuhet se mund të kthehet sërish në vjeshtë. Nëse ndodh ky skenar, si e shikoni?

Redi Llubani: Për fat të keq ka patur të prekur edhe në Australi, ku temperaturat janë të larta. Ne presim që me ngritjen e temperaturave të zbutet. Por kemi pasur edhe raste në Itali dhe Kinë të pacientëve që janë risëmurur. Nuk jemi në dijeni nëse pacienti pasi preket krijon imunitet.

Mirela Milori: Nëse do të ishte një epidemi që do të rikthehej, mendoni se do të ishte goditëse apo do jetë më e ulët?

Redi Llubani: Problemi është se ne nuk e dimë që a fiton njeriu imunitet. Tani mbetet shpresa te laboratoret. Nga ana tjetër sic thotë OBSH është shumë e rëndësishme që të identifikohen njerëzit që i mbartin këtë sëmundje. /abcnews.al

daka-1280x649.jpg
in a09:00 | 26/03/2020

E ftuar në “ABC e mëngjesit” me Enkel Demin Albana Daka mjeke laboratori nutricioniste në Spitalin Amerikan ka folur për testin e koronavirusit. Daka tha se testi i COVID-19 ka një kosto të konsiderueshme, por edhe një risk dhe në këtë mënyrë bëhen në laboratore të sigurisë së lartë.

“Ne nuk kemi kapacitete financiare për të testuar të gjithë popullsinë.  Bërja e një testi ka një kosto të konsiderueshme dhe një risk për stafin. Stafi është gjithmonë nëntest për të eliminuar infektimin. Nëse një pacient do ta bëjë në mënyrë private shkon nga 150 në 350 euro. Testet bëhen në laboratore që konsiderohen laboratorë të sigurisë së lartë”, tha Daka.

Gjatë bisedës në studio doktoresha Albana Daka ka folur për testin serologjik e cila shpjegoi se është niveli i antikorpeve që organizmi krijon pasi virusi ka kaluar në organizëm.

Antikorpet janë të tipit imunoglobulinave që formojnë sistemin tonë imunitar që janë IgG dhe IgM

“Nëse kemi prezencë të antikorpeve IgG do të thotë se virusi ka kaluar, ndërsa nëse jemi pozitiv për antikorpin IgM do të thotë që virusi është prezent”, sqaroi Daka.

Gjithashtu ajo theksoi se pas kalimit të çdo gjendje virale krijohet sistemi imunitar, i cili sipas saj krijohet nga kalimi i virusit ose nga vaksina.

“Në pamundësi të daljes së vaksinës krijimi i vetëmbrojtjes, është gjëja më e mirë që mund të bëjë”, tha ndër të tjera Daka.

Nëse një person rezulton pozitiv, por ka imunitet duhet të vazhdojë karantinën?

“Nëse është IgG pozitiv nuk infekton një person tjetër sepse e ka kaluar sëmundjen. Nëse është tampon pozitiv është risk për një person tjetër apo të gjithë personat e kontaktit. Testimi masiv ndodh vetëm me testin serologjik.

Testet sot janë testi i tamponit që tregon nivelin e replikimit te virusit në organizëm ose testi i atikorpit në gjak që është IgM dhe IgG. Testet aktualisht janë testi i tamponit dhe testi serologjik”, u shpreh Daka.

Gjithashtu Daka tha më tej se kur njihen persona pozitiv atëherë karantinimi do të jetë më selektiv dhe më i veçantë dhe mund të nxjerrë njerëzit që janë të mbrojtur të vazhdojnë punët e tyre.

“Izolimi duhet të bëhet paralel me testimin sepse mund të mos japë vlerën e duhur. Duhet të gjurmohen dhe të testohen personat e kontaktit të personave pozitive sepse do të sjellë një menaxhim më të mirë të sëmundjes.

Ashtu si në Gjermani që bëhen testime paralele për të evituar përsëritjen e tamponit. Sepse nëse tamponi del pozitiv duhet të përsëritet. Bërja e serologjisë është kosto më efektive për të mos përsëritur tamponin.

Nëse në serologji del IgG pozitiv nuk ka nevojë për të bërë tampon, ndërsa nëse del pozitiv duhet përsëritur tamponi. Në këtë mënyrë bëhet një seleksionim i popullsisë së riskuar”, u shpreh Daka.

Ka gjasa që mund të kemi kaluar COVID-19 dhe nuk e dimë?

Daka: Absolutisht mund të ketë gjasa, analizimi i COVID -19 është filluar në mars. Mendoj që mund të kemi një përqindje të konsiderueshme e popullsisë që mund ta ketë kaluar. Kjo nuk është 100% reale pasi duhet vërtetuar. Koronavirusi tregon përgjigje imunitare të ndryshme në popullata të ndryshme.

Ka një sjellje të ndryshme në grup mosha të ndryshme duke na u shfaqur me simptoma të ndryshme. Virusi ka pësuar një metamorfozë, apo nga një popullsi në tjetrën jep simptoma të ndryshme.

Më tej Daka theksoi se javën që vjen fillon testimi pranë laboratorit të posacëm të sigurisë së veçantë që do të merret vetëm me testimin e COVID-19

“Laboratori është përgatitur për të trajtuar nëse do të ketë nevojë për pacient me COVID-19 dhe gjithashtu në krahun tjetër do të bëhen testime për pacientë me koronavirus.

Personat që duan ta bëjnë, ata që kanë simptoma apo persona të kontaktit, mund ta bëjnë.

Kostoja e testit seriologjik nuk është e lartë, IgG dhe IgM shkojnë deri në 30 po 40 euro të dyja”, sqaroi Daka./abcnews.al

mjeku-ne-itali.jpg
ger ta22:47 | 25/03/2020

Mjeku shqiptar Ylson Gjoni në një lidhje direkte në “Byro Politike” me Juli Xhokaxhi foli për situatën në Itali si pasojë e përhapjes së koronavirusit.

Gjoni theksoi se 3-4 ditët e fundit pavarësisht se shifra e të vdekurve vijon të jetë e lartë, në Lombardi është shënuar rënie, në krahasim me pjesën tjetër të Italisë.

Mjeku deklaroi se zyrtarisht janë konfirmuar mbi 70 mijë të prekur, por sipas tij ky numër mund të jetë shumë më i lartë, deri në 300 mijë për shkak se Covid-19 nuk shfaq shenja tek një pjesë e madhe e të prekurve.

I pyetur se nëse do të përsëritet skenari edhe në jug siç ndodhi në Lombardi, Gjoni tha se nuk e beson një gjë të tillë, pasi masat për në jug u morën shpejt.

Pjesë nga intervista:

Ylson Gjoni: Duhen analizuar mirë numrat  e sotëm. Nëse ne marrim vetëm Lombardinë, numrat e të vdekurve dhe të infektuarve janë në rënie, në krahasim me pjesën tjetër të Italisë. Pjesa tjetër i mori masat më vonë dhe pati një migrim të italianëve në pjesën jugore që nuk ishte e prekur. Për këtë ka rritje në jug. Në Lombardi janë numri shqetësues, por kemi ulje, kemi të infektuar sot 1600 në krahasim me dje që ishin 1900. Kurba është spostuar komplet  me rritjen eksponenciale. Kështu u jepen kohë edhe spitaleve të organizohen. Është një situatë dinamike duke u analizuar masat çdo ditë. Nëpër spitale para se të fillojmë punën na matet temperatura sepse në spitale janë 10% e të infektuarve. Janë masa që merren çdo ditë dhe shtohen për të vazhduar uljen e të infektuarve.

Juli Xhokaxhi: Çfarë po ndodh me personelet shëndetësore?

Ylson Gjoni: Ne kemi rreth 600 mijë të infektuar. Në fillim e kap të papërgatitur personelin. Infeksionet e para janë sepse nuk përdoren masat. Më vonë sa më shumë të jemi të ekspozuar aq më shumë rritet mundësia për të marrë virusin.

Juli Xhokaxhi: Çfarë bdodhi me Borellin?

Ylson Gjoni: Jo nuk kemi akoma përgjigje, testi i parë doli negativ. Por ka patur ethe dhe temperaturë dhe sot u izolua. Drejtori i Urgjencës së Lombardisë doli pozitiv dhe është izoluar. Me këto numra që ka Italia, mendohet që ka shumë asiptomatikë. Mendohet që të jenë mbi 300 mijë të infektuar, këta 70 mijë kanë pasur simptoma të lehta dhe një 10 % kanë komplikacione të rënda. Këta janë ata që bllokojnë sistemin shëndetësor. Për momentin nuk jemi akoma në kolaps, nëse numrat do vazhdojnë të ulen, situata do të përballohet

Juli Xhokaxhi: Sa i takon strukturave pritëse në Itali, çfarë po përdoren?

Ylson Gjoni: Janë hapur 2-3 spitale fushore dhe po presim të hapet një spital me 400 shtretër.

Juli Xhokaxhi: Sa të sakta janë këto shifra që jepen në Itali?

Ylson Gjoni: Nqs ne bazohemi në atë që thotë instituti shëndetësor, numri i të vdekurve me numrin e të infektuarve…Në Itali fillimisht tamponet bëheshin për pacientët me tampone dhe shkalla e vdekshmërisë del shumë e lartë. Nqs nuk do kishim 75 mijë siç kemi tani, e vërteta që mund të jenë 300 mijë edhe shkalla e vdekshmërisë italiane ulet si në vendet e tjera.

Juli Xhokaxhi: U tha se vigani, ilaci japonez ka mbërritur në Itali? Si po funksionin?

Ylson Gjoni: Gjithë ilaçet që po flitet në këto momente janë ilaçe eksperimentale. Avigani është një ilac që në Japoni përdorej për gripin, ose siç po eksperimentohet anti-malarja në SHBA.

Juli Xhokaxhi: Bëhet kombinimi i të gjitha këtyreve?

Ylson Gjoni: Nuk janë të kombinuara. Terapitë që u përdorën në fillim këtu janë ilaçe shumë të fuqishme që u japin problem pacientëve dhe avigani të njëjtën problem mund të ketë. Një ilaç ka nevojë për disa faza që të përdoret.

Juli Xhokaxhi: Vatra kryesore vijon të jetë Lombardia, po ka shtrirje në zona të tjera. Mendoni se do të përsëritet skenari?

Ylson Gjoni: Skenari shpresoj që të mos përsëritet, sepse masat nuk u morën vonë. Duke u futur gjithë italianë karantinë shpresoj që masat e marra në kohë të mos ketë përhapje në jug. /abcnews.al

doktori-juli-1280x632.jpg
eri Ida21:56 | 25/03/2020

Këtë të mërkurë në një lidhje direkte me Byronë Politike, nw ABC News nga Spanja mjeku shqiptar Kita Sallabanda ka dhënë detaje në lidhje me ecurinë e koronavirusit.

Mjeku në një bisedë me Juli Xhakoxhi është shprehur se në Spanjë numri i viktimave është 738, ndërkohë që thekson se kohët e fundit ka një lajm shpresdhënës pasi vetëm në 24 orë kanë arritur që të shpëtojnë 726 persona.

Ndër të tjera në fjalën e tij mjeku Sallabanda ka theksuar se Shqipëria nuk do të jetë një vend i rrezikuar si Italia dhe Spanja pasi i mori masat në kohë dhe nëse vijon ti zbatojë nuk do të ketë nivelet e përhapjes së madhe të koronavirusit.

Intervista e Plotë:

Juli Xhakoxhi: Informacionet më të fundit nga spanja që duhket se po kap shifrat e italisë

Kita Sallabanda: Sot në Spanjë janë shëruar 726 qyetetarë sot në çdo 23 minuta, dhe kanë ndërruar jetë fatkeqësisht 738 persona që kanë ndërruar jetë, por shifrat e para janë tregues shpresdhënes.   është hapur një spital fushor që do të shkojë deri në 5500 shtretër.

Juli Xhakoxhi: Çfarë terapie është përdorur që ka çuar në shërimin e këtyre qytetarëve?

Kita Sallabanda: Unë dëgjova doktor Piperon  që bëri një përshkrim në lidhje me të gjithë medikamenetet që ne përdorim në Spanjë, doja të shtoja se kemi filluar që të përdorim dhe kortizonikët që kanë filluar që të japin efekt dhe bashkë me antiviralet dhe antibiotikët që përdoren bashkë dhe me hidroksiklorokinën janë mjekime që po përdorim bashkë me hidrogjenoterapinë dhe po fillojnë që të kemi rezultatet. Ne do ta luftojmë këtë pandemi dhe do ja dalim.

Juli Xhakoxhi: Më përmendet kortizonikët, por Franca ka dalë në një ide që nuk duhen të përdoren dhe po ashtu nuk lejonin dhe Ibuprofenin

Kita Sallabanda: Ky është një debat shkencor i diskutueshëm, Franca ka folur për këto ministria e ashëndetsisë në spanjë nuk e ka pranuar, ne po i përdorim dhe shikojmë se po funksionojnë, në e kemi çelsin, e trajtimit të sëmundjes, por po e vëmë ne kontroll me ato që kemi kjo është e rëndësishme.

Juli Xhakoxhi: Ka filluar një tjetër debat që është fakti se po preken më shumë të rinjtë, por ka pasur viktima mes të rinjve dhe të sëmurë rëndë, por ka nga ato që e kanë kaluar vështirë. Ka ndërruar sjellje virusi apo se kemi njohur me parë?

Kita Sallabanda: 80 % e personave të sëmurë më të rëndë janë të sëmurët mbi 70 vjeç me sëmundje të tjera, dhe 20 % moshat e reja që e superojnë më mirë se ato të vjetrit, por kemi pas dhe raste që të rinjtë kanë ndërruar jetë duke treguar se nuk kanë pasur imunitet.

Juli Xhakoxhi: Bëhet fjalë për mosha të reja që vuajnë nga sëmundjet e tjera apo jo?

Kita Sallabanda: Flasim për të rinjtë që ndërrojnë jetë nga COVID 19. Sot kemi pasur dhe dy mjekë në moshë të rinj që kanë ndërruar jetë dhe pse nuk kanë pasur sëmundje të tjera. 20 % e moshave të reja që preken janë në një rrezikshmëri dhe pse kanë shumë më shumë imunitet.

Juli Xhakoxhi: Kemi një hartë të pandemisë që ka prekur hartën më të madhe të disa shteteve por ritmet e prekjes mund të jenë të përafërta në disa vende, por jo të vdekjes po të krahasojmë Italinë dhe Spanjën me Gjermaninë apo Britaninë

Kita Sallabanda: Italia dhe Spanja ishin dy vendet që sipasn mendimi tonë shkencor nuk vepruan me seriozitet. Ndërsa Gjermania është një tjetër kategori është vend i disiplinuar dhe njerëzit i respektojnë izolimin por kurba ka filluar të rritet dhe atje, dhe Britania tashmë kanë fill;uar që të shfaqen problemet e para që ka kërkuar izolimin e njerëzve. Në Spanjën e Jugut kemi një numër më të ulët të të sëmurëve dhe vdekshmëri, pasi janë temperaturat më të larta kjo është një e dhënë që na bën të mendojmë se në temperaturat mbi 26 gradë virusi nuk i reziston. Masa tona janë higjena, higjena dhe vetëizolimi.

Juli Xhakoxhi: Në Shqipëri janë ulur shumë temperaturat, është momenti që njerezit duhet të bëjnë me shumë kujdes?

Kita Sallabanda: Patjetër. Përhapja e sëmundjes në Shqipëri nuk është me ritmin e Italisë, Spanjës e Francës, masat që janë marrë ka dhënë rezultat dhe shpresoj që njerëzit të jenë të ndërgjegjshëm dhe të zbatojnë me përpikmëri. Nëse do të zbatohen masat atëherë në Shqipëri do të kemi një kurbë të përhapjes së sëmundjes si në vendet e Ballkanit, Si në Serbi, malin e Zi, Maqedoninë e Veriut. Nuk duhet të marrin shembullin e Spanjës dhe të Italisë.

Juli Xhakoxhi: Në rrethin e mjekëve ju keni të drejtë pyetja që bëjnë të gjithë qytetarët janë  kur mendohet se mund të marrë fund gjithë kjo

Kita Sallabanda: Po ju jap shembullin e Kinës ku pas 54 ditësh mbaroi izolimi në Ëuhan. Të paktën një periudhë 2 mujore për të përballuar këtë . Në Spanjë mendojmë se nga java tjetër është që do na bie numri i të infektuarve fitorja është kur ne të kkemi më shumë të shëruar se të infektuar

Juli Xhakoxhi: A besohet se do të kemi një medikament?

Kita Sallabanda: Është e vështirë për këtë kohë që na ngelet vetëm Spanja ka dhënë 35 mln euro por jemi akoma larg, ne nuk duhet të presim.

piperon-kolla.jpg
ger ta21:44 | 25/03/2020

Mjeku i njohur infeksionit Pëllumb Pipero ishte në një lidhje direkte në emisionin “Byro Politike” me Juli Xhokaxhi. Mirëpo, gjatë bisedës mjeku u përball me një moment të sikletshëm.

Mjeku filloi të kollitet papritur dhe për një moment e kishte të pamundur të fliste. Ndërkohë, gazetarja Juli Xhokaxhi u shpreh se shëndeti i tij është mjaft i rëndësishëm.

“Shpresoj të jeni mirë me shëndet, është shumë e rëndësishme kjo. I duheni të gjithëve.”, tha Xhokaxhi. “Më falni se ishte shumë e papritur kjo situata e kësaj shishesh jo shumë të këndshme”, tha mjeku.

Teksa vazhdoi bisedën për situatën e koronavirusit në Shqipëri, mjeku në fund u ndal sërish tek incidenti që i ndodhi, duke sqaruar se nuk ishte kollë për tu shqetësuar:

Pëllumb Pipero: Ndjesë për kollën që më zuri në atë moment

Juli Xhokaxhi: Në këto situata kolla vetëm në tremb

Pëllumb Pipero: Por nuk është kollë nga ajo sëmundje, kështu rrini të qetë.

/abcnews.al

pellumbi-pipero.jpg
ger ta21:30 | 25/03/2020

Në një lidhje direkte për “Byro Politike” me Juli Xhokaxhi, mjeku infeksionit Pëllumb Pipero foli mes të tjerash për gjendjen e pacientëve të shtruar te Infektivi.

Pipero tha se janë 73 pacientë të shtruar, ndërsa disa prej tyre po luftojnë me jetën. I pyetur nëse do të jetë prilli më i lehtësuar, mjeku tha:  “Unë mendoj se fundi i javës së dytë të prillit do fillojnë të bien raste. Por e lidh këtë me se sa i kanë zbatuar qytetarët masat e marra nga qeveria. Të vazhdojnë dhe të respektojnë këshillat, jo vetëm që të shmangin kontaktet dhe të mos sëmuren vetë, por edhe të mos bëhen burim infeksioni për të tjerët”.

Pjesë nga intervista.

Pëllumb Pipero: Për ne nuk ishte e papritur. Kjo është një ecuri normale brenda anormalitetit të saj, eksperienca e vendeve të tjera dëshmoi se java e 3 dhe 4 mund të quhet se është “stuhia” e kësaj epidemie. Ne e prisnim.

Juli Xhokaxhi: 146 të prekur, ne morëm shifra deri paradite, por kemi parë shumë autoambulanca të mbërrijnë para infektivit. Sa pacientë ka te Infektivi?

Pëllumb Pipero: Numri i të shtruarave është 72 ose 73 pacientë.

Juli Xhokaxhi: Sa janë në terapi intensive?

Pëllumb Pipero: Është e vështirë të them. Sepse ne kemi repartin që ka qenë me 4 shtretër dhe janë të zënë. Kemi pjesën e katit të dytë që janë 40 shtretër ku rreth 30 janë me respiratorë edhe aty kemi 3-4 pacientë me regjim respiratori, madje një nga ata është i intubuar. Disa prej tyre luftojnë me jetën

Juli Xhokaxhi: Kemi të bëjmë me mosha të thyera apo persona që kanë sëmundje të tjera kronike

Pëllumb Pipero: Janë mosha të treta kryesisht, por pothuajse të gjithë me sëmundje kronike, që kanë dëshmuar se bëjnë komplikacione më të shpejta. Mbi 60 vjeç ka shumë probleme.

Juli Xhokaxhi: Nga rastet që jeni përballur, cilat janë sëmundjet kronike, cilat janë rastet më të rrezikuara?

Pëllumb Pipero: Hipertensioni është një nga më kryesoret. Diabeti gjithashtu, sëmundjet kronike të veshkave, kemi një larmi mundjesh që lidhen edhe me moshën, por ndonjëherë jo vetëm me moshë.

Juli Xhokaxhi: Ajo çka po vihet re jo vetëm në Shqipëri, edhe në Itali, po flitet edhe shumë për mosha të reja.

Pëllumb Pipero: Struktura e moshës së vendit tonë nuk i ngjan Italisë. Ne kemi popullsi më të re dhe kësisoj mund të kemi raste në dukje më të rinj. Kemi pyetur kolegët tanë, dhe kanë dëshmuar se edhe moshat e reja mund të kenë komplikacione të rënda. Përgjigja është për një përgjigje e shtuar imunitare, ndoshta edhe për shkak të ekspozimit më të gjatë dhe marrjes së një numri më të madh virusesh. Por përgjithësisht edhe moshat e reja kanë dëshmuar që kanë pasur diabet të fshehtë për shkak të obezitetit, ngado që ta rrotullojmë pavarësisht moshës dominojnë sëmundjet shoqëruese.

Juli Xhokaxhi: Sa i takon stafit mjekësor, meqenëse ne kemi staf mjekësor të prekur, a ka masa shtesë?

Pëllumb Pipero: Përgjithësisht gabohet gjatë zhveshjes dhe duhet shtuar kujdesi. Ne përpiqemi të mbrohemi, të gjitha janë në përputhje me standardet ndërkombëtare. Unë nuk besoj se kolegëve tanë në vendet e tjera në përgjithësi ekspozimi i mjekëve ka ndodhur gjatë procesit të zhveshjes së tyre dhe së treti mjekët e tjerë ende nuk u është bërë refleks ajo maska. Do të thoja që përgjithësisht mund të gabojnë dhe kjo është përveç ekspozimit të gjatë kjo është një nga arsyet e infektimit të stafit mjekësor.

Juli Xhokaxhi: Besohet se në rast se kalojmë këtë 2 javësh, prilli do të jetë më i lehtësuar?

Pëllumb Pipero: Unë mendoj se fundi i javës së dytë të prillit do fillojnë të bien raste. Por e lidh këtë me se sa i kanë zbatuar qytetarët masat e marra nga qeveria. Të vazhdojnë dhe të respektojnë këshillat, jo vetëm që të shmangin kontaktet dhe të mos sëmuren vetë, por edhe të mos bëhen burim infeksioni për të tjerët. /abcnews.al

 

abc-1.jpg
in a10:03 | 25/03/2020

“Europa Nostra” ka futur Teatrin Kombëtar të Shqipërisë në listën e 14 vendeve që janë më të rrezikuara gjatë vitit 2020. Bëhet fjalë për vepra të trashëgimisë kulturore që mbartin histori dhe vlera artitekturore.

Aktivisti Gentian Gaba në një lidhje me “ABC e Mëngjesit”, ka folur për Teatrin Kombëtar i cili tashmë është marrë në mbrojtje nga Europa Nostra. Ai u shpreh se ky vendim është një vlerë e shtuar e teatrit dhe se sipas tij transmetoi një formë demokracie.

 “Marrja në mbrojtje nga Europa Nostra transmetoi një formë demokracie në këtë tranzicionin tonë. Është një vlerë e shtuar.

Kjo simbolikisht bën që teatri që të hyjë në Evropë, u bë pjesë e trashëgimisë evropiane. Një aspekt i rëndësishëm është edhe ai ekonomik, duke bashkëpunuar krijohet mundësia për të kanalizuar fonde”, tha Gaba./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono