Superiorja nuk ka kohë të humbë, sidomos pas bojkotit të tejzgjatur. Pesë ndeshje në program për të mërkurën, ku spikatin dy si më të fortat dhe që janë lënë të luhen prej orës 16:45. Në stadiumin “Niko Dovana” Teuta do të kërkojë fitoren e parë në shtëpi.
Ky mision nuk do të jetë i lehtë, pasi përballë do të ketë Vllazninë kryesuese të kampionatit. Një takim i gjithi për t’u parë, ashtu sikurse ai që luhet në Elbasan mes Kukësit dhe Laçit. Sy skuadrat veriore ende nuk e kanë provuar shijen e fitores në kampionat dhe presioni ka ardhur në rritje nga ndeshja në ndeshje.
Java e katërt në fakt nis me tre përballje të tjera, prej orës 13:45. Kampionët në fuqi, Tirana, rikthehen në “Selman Stërmasi” dhe e kanë detyrim të fitojnë kundër Bylisit. Ballshiotët nuk po përjetojnë një moment të mirë, ndërkohë që edhe Tirana përballet me mungesa të shumta.
Në Fier Apolonia do të presë Partizanin, me dëshirën për të provuar fitoren e parë. Pesë përballjet e kësaj jave plotësohen me sfidën Skënderbeu-Kastrioti, që zhvillohet në Korçë. Skuadra e Ahamtajt fitoi dje në Ballsh dhe është me moralin lart. /abcnews.al
KATEGORIA SUPERIORE – JAVA 4
E mërkurë, më 25 nëntor 2020
Ora 13:45 | Tirana-Bylis
Ora 13:45 | Apolonia-Partizani
Ora 13:45 | Skënderbeu-Kastrioti
Ora 16:45 | Kukësi-Laçi
Ora 16:45 | Teuta-Vllaznia
