Ministrja e Jashtme, Olta Xhacka konfirmoi se ata janë Klaudia Lato, Ifigjenia Micka , Erieta Molko, Ioanis Xhiollas, Denis Ruçi dhe Pavlin Bozo.
Për të nderuar viktimat e tragjedisë në shtetin fqinj, e diela e 5 e marsit u shpall ditë zie kombëtare në vendin tonë.
Flamuri u ul në gjysmështizë në të gjitha institucionet shtetërore të vendit.
Qytetarët korçarë iu bashkuan dhimbjes së familjarëve shqiptarë dhe atyre grekë që humbën të afërmit e tyre. Ata ndezën qirinj në katedralen e qytetit.
Tragjedia e Greqisë është edhe e vendit tonë, theksoi kryeministri Edi Rama, teksa njoftoi vendimin e qeverisë për ditën e zisë.
Ngjarja e rëndë ndodhi mbrëmjen e 28 shkurtit.
Ky konsiderohet si një nga aksidentet më të rënda hekurudhore në historinë e Greqisë.
