shqiptarë

mjeket-shqiptare-itali-3.jpg
nev ila21:25 | 30/03/2020

Mjekët shqiptarë që shkuan në Itali do t’i nënshtrohen një provimi me gojë për të vendosur se në cilin repart mund të punojnë.

Kështu tha Drejtori i Përgjithshëm i spitaleve civile në Brescia, Gianmarco Trivelli për gazetën La Repubblica.

Ai sqaroi se:

“Ne jemi mirënjohës për ardhjen e mjekëve dhe infermierëve që kanë mbërritur nga Shqipëria, por për fat të keq mbetet një problem themelor: prania e personelit të specializuar për kujdes intensiv”.

“Ata u prezantuan pa një dokument që vërteton aftësitë e tyre dhe ata do të bëjnë një provim brenda ditës për të kuptuar se ku t’i drejtojmë”, shpjegoi Trivelli.

Gazeta raporton se Shqiptarët kanë dëshirën të fillojnë menjëherë punë, dhe tashmë kanë vizituar spitalet civile dhe shprehen se duan të ndihmojnë.

Tani, ata po qëndrojnë në një hotel dhe shprehen se “kjo eksperiencë do të na ndihmojë edhe ne, sepse nëse situata në Shqipëri përkeqësohet ne do ta kemi tashmë eksperiencën. Kjo është shtëpia jonë, jemi në Brescia dhe kemi dëshirë të ndihmojmë”.

Ndërkohë në Itali, përveç mjekëve shqiptarë kanë mbërritur edhe mjekë nga Kina, Rusia, Venezuela, dhe Polonia./abcnews.al

ministria-jashtme.jpg
eri Ida20:25 | 21/03/2020

Të  gjithë shqiptarët që kanë ngelur në Kanada për shkak të situatës së krijuar nga koronavirusi  duhet të aplikojnë online për të zgjatur statusin e tyre të qëndrimit atje.

Ministria për Evropën dhe Punët e Jashtme e Shqipërisë, përmes një njoftimi për mediat bën me dije se sipas autoriteteve kanadeze, të gjithë shtetasit e huaj që nuk kanë mundur të largohen nga Kanadaja, mund të aplikojnë online për zgjatjen e statusit të qëndrimit, para përfundimit të tij.

Njoftimi i plotë:

Njoftim për qytetarët shqiptarë që ndodhen në Kanada.

Ministria për Evropën dhe Punët e Jashtme informon gjithë shtetasit shqiptarë që ndodhen në Kanada, se sipas autoriteteve kanadeze, të gjithë shtetasit e huaj që për shkak të situatës së krijuar për shkak të COVID-19, nuk kanë mundur të largohen nga Kanadaja, mund të aplikojnë online për zgjatjen e statusit tuaj të qëndrimit, para përfundimit të tij.

Aplikimi mund të bëhet online në linkun: https://bit.ly/2UaëUkE. /abcnews.al

mesazhiiiiii.jpg
eri Ida15:17 | 21/03/2020

Kreu i KMSH-së, Bujar Spahiu u ka dërguar sot një mesazh të gjithë shqitarëve që të bëjnë durim në të gjithë këtë situatë në të cilën ndodhet vendi ynë ditët e fundit.

Përmes një mesazhi Spahiu thekson se më të sprovuarit ndër njerëzit kanë qenë profetët e Zotit. Ata i kanë kaluar me sukses sprovat e tyre të vështira. Edhe ne na këshillon Zoti që të ndjekim shembullin e tyre. Ne nuk jemi vetëm në këto ditë të “jashtëzakonshme” që po kalojmë.

kreu i KMSH, shprehet se është e rëndësishme përveç zbatimit me përpikmëri të rregullave që na porositin mjekët, unë ju lutem që t’i përdorim edhe për të përfituar shpirtërisht prej tyre me lutje dhe durim.

Mesazhi i plotë:

Motra dhe vëllezër, ashtu si e gjithë bota, edhe vendi ynë, është duke kaluar një sprovë ditët e fundit për shkak të virusit COVID-19! Të gjithë e dimë se sprovat kërkojnë durim!

Durimi është cilësi e besimit tonë! Më të sprovuarit ndër njerëzit kanë qenë profetët e Zotit. Ata i kanë kaluar me sukses sprovat e tyre të vështira. Edhe ne na këshillon Zoti që të ndjekim shembullin e tyre. Ne nuk jemi vetëm në këto ditë të “jashtëzakonshme” që po kalojmë. Në këto ditë, përveç zbatimit me përpikmëri të rregullave që na porositin mjekët, unë ju lutem që t’i përdorim edhe për të përfituar shpirtërisht prej tyre me lutje dhe durim.

Jeta e çdo njeriu është e shenjtë dhe ne jemi të obliguar të mbrojmë shenjtërinë e jetës si një amanet i dhënë nga Zoti. Ky virus nuk përhapet vetvetiu, por jemi ne që e përhapim me kontaktet që kemi me njëri-tjetrin në rrugë apo në ambiente të ndryshme. Fatkeqësisht mënyra e vetme për ta parandaluar, sipas ekspertëve të mjekësisë është qëndrimi në shtëpi, duke respektuar udhëzimet e autoriteteve, me shpresë që kjo situatë të kalojë sa më shpejt.

Natyrisht kjo situatë e jashtëzakonshme ka nevojë edhe për një solidarizim të jashtëzakonshëm me të gjithë njerëzit në nevojë, duke filluar nga njerëzit tanë më të afërm, komshinjtë dhe më gjerë. Ta shprehim dashurinë për prindërit tanë dhe të afërmit e moshuar, duke u shërbyer atyre dhe duke u plotësuar të gjitha nevojat pa patur nevojë që të dalin nga banesat e tyre.

Duke falënderuar të gjithë mjekët dhe infermierët që janë në frontin e parë të kësaj beteje për punën dhe sakrificën e tyre, lusim Zotin për shërim sa më të shpejtë për gjithë të sëmurët! E lusim Zotin të na bëjë solidarë dhe të dashur me njëri-tjetrin në këto ditë! E lusim Zotin që kjo situatë të kalojë sa më shpejt!/abcnews.al

barcelona.jpg
ger ta13:17 | 20/03/2020

Dy shqiptarë janë arrestuar mëngjesin e sotëm në aeroportin e Barcelonës pasi u futën me shpejtësi me një automjet në terminalin e udhëtarëve.

Sipas mediave vendase njëri prej tyre thirri  “Allahu Akbar” gjatë aksionit. Ndërkohë, menjëherë kanë ndërhyrë policia, e cila ka arrestuar autorët e ngjarjes, si dhe skuadra e bombave, që ka konfirmuar se në makinë nuk kishte eksploziv.

Incidenti ndodhi rreth orës 05:00 të mëngjesit dhe policia katalanase tashmë ka nisur hetim për të zbardhur ngjarjen.

Policia ka njoftuar Prokurorinë Publike të Gjykatës Kombëtare, ndërsa nuk përjashton skenarin e një sulmi terrorist. Hetuesit bazohen tek thirrja e njërit prej autotorëve “Allahu Akbar”, që në arabisht do të thotë “Zoti është i madh”. Mirëpo kjo shprehje është përdorur nga terroristët në shumë sulme.

Sakaq, autorët kanë qenë edhe nën efektin e substancave narkotike, madje njëri prej tyre u dërgua për të marrë mjekim në spital.

/abcnews.al

soreka-1280x706.jpg
eri Ida11:53 | 20/03/2020

Ambasadori i BE në vendin tonë, Luigi Soreca u është bashkuar thirrjve të autoriteve ndaj qytetarëve shqiptarë që të bëjnë kujdes dhe të ndjekin masat e qeverisë për të mos përhapur koronavirusin.

Soreca përmes një postimi në Twitter kërkon që të respektohet sakrifica e mjekëve dhe policëve, të cilët po kujdesen për shëndetin e të gjithëve.

“Të gjithë duhet të kujdesemi për njëri-tjetrin. Të sillemi në mënyrë të përgjegjshme, të ndjekim të gjitha rregullat me rigorozitet. Të respektojmë sakrificën e përditshme të mjekëve shqiptarë dhe të punonjësve të policisë për të na ruajtur të gjithëve. Le të bëhemi pjesë e zgjidhjes dhe jo e problemit”, shkruan Soreca. /abncews.al

analize-1280x634.jpg
eri Ida11:19 | 19/03/2020

Sekretari i Përgjithshëm i Bashkimit të Prodhuesve Shqiptar, Arben Shkodra në një lidhje direkte për ABC News është shprehur se deri më tani janë marrë të gjithë masat e nevojshme në lidhje me vijimin normalisht të zinxirit eknomik në vendin tonë.

Shkodra ndër të tjera ka theksuar se është e nevojshme që të bëhet një plan i qartë nga qeveria për të krijuar lehtësi në lëvizshmërinë e shpërndarjes së produkteve.

Gjithashtu për abcnews.al, Shkodra është shprehur se në situatën në të cilën ndodhemi është e rëndësishme që qeveria të marrë masa dhe policia Rrugore të mos bëhet pengesë për mjetet e transportit, pasi të gjitha kanë autorizimit të gjithë automjetet.

Pjesë nga biseda në studio:

Qytetarët kërkojnë një lloj garancie sidomos me ato që kanë në dorë prodhuesit shqiptare, pasi ka një lloj paniku se kemi marrë furnizime për dy javë tre javë por çfarë do të ndodhë më pas?

Nuk duhet asnjë lloj paniku në lidhje me këtë çështje madje bëj thirrje të gjithëve se prodhuesit shqiptarë vijojnë të prodhojnë, ka pasur furnizime dhe të lëndës së parë madje i kemi të gjithë kapacitetet për ta përballuar këtë situatë. Nuk varet gjithçka nga prodhimi edhe importuesit kanë garantuar se kanë furnizime dhe vijojnë që të marrin furnizime. Situata më e vështirë për mua mendoj se është fakti se kur qytetarët duhet të dalin dhe të bëjnë blerjet që duhet të kemi shumë kujdes. Ndërsa përsa i përket prodhimit do të vijojë që të prodhohet. Ka paqartësi dhe keqinterpretim kur ndalohen trajlerat pasi kemi disa momente nga këto ndalime nga policia. Duhet të merren masa pasi trajleri është mjeti me të cilin ne shpërndajmë ushqime dhe produkte të tjera të domosdoshme që jeta të vijojë jo normalisht por në kushte të jashtëzakonshme. Ndaj unë doja të theksoja faktin që policia rrugore të mos ndalojë trajlerat e importuesve mos të bëjë dallime përsa i përket tonazhit të makineverive, pasi makinat do të lëvizin dhe janë të autorizuara.

Ju funksiononi në një mënyrë zinxhir, për lëndën e parë që duhet për prodhim si po funksionon në këtë drejtim?

Tregjet e ndryshme botërore kanë pësuar ngadalësim dhe ky është një fakt që e kanë pranuar dhe tregjet botërore ka një çrregullim të kontenierëve në të gjithë botën dhe një çrregullim të lëvizjes ndërkufitare me tregje dhe me vende të ndryshme. Ne kemi pasur mundësinë që duke parë se Kina hyri në një situatë të jashtëzakonshme e ndjekur më pas nga evropa dhe Italia importuesit shqipatërë morën masa dhe të kishin më shumë letësi në aksesimin në tregje. Ne po vijojmë që të bëjmë porosi dhe të transportojmë u kërkojmë autoriteteve që të bëjnë kujdes përsa i përket masave lehtësuese përsa i përket importuesve të lëndës së parë dhe të prodhuesve që qarkullojnë sot me qëllim që problematikat e tregjeve të huaja mos të ndikojnë shumë.

Sa i takon punonjësve dhe punës sa % e prodhimit në vend po funskionon. Si po bëhet, si po funksionon?

Ka reduktim të stafeve dhe secila kompani e ka bërë sipas mundësisë që ka, pa prekur vijueshmërinë e punës, ka krijuar distancat e sigurisë ka akomoduar punonjësit në turne të ndryshme. Dhe lëvizjen e punonjësve me lëvizje këmbë, makina apo biçikleta dhe ka pasur një reagim pozitiv nga punëmarrësve të cilët janë të ndërgjegjshëm që duhet të dalin në punë në mënyrë që prodhimi të mos ndalet. Është një përpjekje e përbashkët në mënyrë që zinxhiri ekonomik të mos shkëputet.

Ju jeni drejtuar qeverisë me një listë kërkesash të qarta dhe më një listë sugjerimesh dhe këshillash se çfarë mund të lehtësoni

I jemi drejtuar para dy ditësh qeverisë duke marrë në analiz situatën e ditëve të para të vetëizolimit dhe në këtë kuadër ne kemi marrë si model edhe ato që janë ndjekur në Itali. Dhe çfarë duhet të bëjë sipas nesh qeveria në mënyrë që të mos mbyllet viti keq. Masat e propozuar janë paraprake për të parë edhe se si do të ecë situata në botë dhe në Evropë.

Interesi më i madh i qytetarëve është të kenë produktet ushqimore dhe atë të detergjenteve në çfarë niveli mund të sigurohet nga prodhuesit shqiptarë?

Ne kemi një ekonomi që e kemi të varur shumë nga importi dhe jemi një treg i vogël kemi një produktivitet sidomos dy vitet e fundit kemi pas një rritje të kurbës dhe besoj se mund tja dalim dhe pse importet janë kufizuar. Ne besojmë se do ja dalim dhe të kemi gjendje të gjithë produktete e nevojshme të shportës./abcnews.al

ministria-jashtme.jpg
eri Ida10:06 | 19/03/2020

Danimarka është vendi që deri më tani në situatën në të cilën ndodhet e gjithë bota për shkak të pandemisë së koronavirusit,  nuk do të marrë parasysh periudhën e tejkalimit të vizës afat-shkurtër, në rast se nuk keni pasur mundësi ta lini vendin për çfarëdo lloj shkaku.

Ministria për Evropën dhe Punët e Jashtme informon ka njoftuar të gjithë qytetarët se nuk ёshtё e mundur tё aplikohet pёr shtyrje vize afat-shkurtёr pasi Shёrbimi Danez i Emigracionit do tё jetё i mbyllur.

Njoftimi:

Ministria për Evropën dhe Punët e Jashtme informon të gjithë qytetarët që ndodhen në Danimarkë, se Shërbimi Danez i Emigracionit ka vendosur të mos marrë parasysh periudhën e tejkalimit të vizës afat-shkurtër, në rast se qytetarët nuk kanë pasur mundësi të lenë Danimarkën, për shkak të anullimit të fluturimit, ose shkaqe të tjera që i kanë detyruar të qendrojnë në shtetin danez.

Por, MEPJ gjithashtu bën me dije se nuk ёshtё e mundur tё aplikohet pёr shtyrje vize afat-shkurtёr pasi Shёrbimi Danez i Emigracionit do tё jetё i mbyllur.

Qytetarët nuk do të mund të aplikojnë as online, pranё Policisё Daneze./abcnews.al

levizjaaaaaaaaaaaaaaaaaaa.jpg
eri Ida10:24 | 17/03/2020

Qytetarët nëpër rrethe duket se dita ditës janë ndërgjegjësuar dhe po i përgjigjen thirrjes së autoritete për të qëndruar në vetëizolim. Këtë të martë nisin dhe masat më të ashpra ndaj të moshuarve të cilët nuk lejohen të dalin nga shtëpia dhe ndaj këmbësorëve të cilët nuk lejohen që të dalin nga shtëpia pas orës 18.00 në rrugë pasi do të gjobiten.

Gazetari Elton Nika raporton për ABC News se në krahasim me ditën e djeshme lëvizja e qytetarëve është më e pakët. Nder te tjera ai ka bërë një apel për të gjithë vlonjatët që të qëndrojnë në stapi në të mirë të vetes, të familjarëve dhe shoqërisë.

Gjithahstu duket se dhe shkodranët janë sensibilizuar më shumë këtë të martë me thirrjen qëndroni në shtëpi. Gazetari i ABC News Simon Shkreli raporton se lëvizja e qytetarëve këtë mëngjes ka qenë më i ulët në krahasim me një ditë më parë dhe vetëm në qarkullim janë vetëm makinat e autorizuara për të lëvizur gjithashtu, forcat e pakta të policisë dhe të ushtrisë vijonë që të largojnë ato pak njerëz që qëndrojnë në lulishte.

Ndërkohë ai ka bërë me dije dhe rastet që shumë shkodranë për arsye të ndryshme kanë qenë jashtë vendit dhe si pasojë mbylljes së kyfinjve tashmë kanë ngelur pa u kthyer./abcnews.al

Koronavirusi-2.jpg
eri Ida22:51 | 09/03/2020

Konsullja e përgjithshme shqiptare në Milano, Anila Pojani ka deklaruar se një shqiptare e moshës 60 vjeçare ka humbur jetën në Itali për shkak të një arresti-kardiak, por sipas saj ajo rezultonte e prekur nga koronavirusi.

Ndër të tjera konsullja bën me dije për Real Story, se shqiptarja ishte me origjinë nga Durrësi, ndërkohë familjarët e të ndjerës janë futur në karantinë në shtëpitë e tyre.

“Jemi kontaktuar nga një agjenci funebre dhe sot nga shqyrtimi i dokumentacionit përkatës kemi konstatuar që qytetarja nga Durrësi ka ndërruar jetë nga një arrest kardio-respirator dhe ka rezultuar e prekur nga koronavirusi. Familjarët e saj janë futur në karantinë në banesat përkatëse”, ka thënë ajo.

Gjithashtu ajo është shprehur se dokumentacioni i viktimës në konsullatë ka mbërritur këtë të hënë dhe në bazë të urdhrit të dhënë nga kryeministri italian pritet që të vendoset dhe në lidhje me ceremoninë mortore të 60 vjeçares. /abcnews.al

SUCCESS-WOMAN-780x439-1.jpg
eri Ida07:54 | 08/03/2020

Gratë në pushtet zënë pozicione që iu falin autoritet, ndikim dhe në të njëjtën kohë përgjegjësi. Historikisht pushteti dhe pozicionet drejtuese kanë qenë më gjerësisht të zotëruar nga burrat, duke shënuar një nga hendeqet më të madha që ekzistojnë midis gjinive.

Sipas Indeksit të Barazisë Gjinore të publikuar nga INSTAT, kur bëhet fjalë për pushtet, gratë shqiptare listohen krahas atyre më të pushtetshme në Europë si Suedisë, Francës dhe Danimarkës, mbi normën mesatare të 28 vendeve të Bashkimit Europian. Nuk është aspak rastësi lidhja e grave shqiptare me pushtetin, mjafton të kujtojmë mbretëreshën ilire, Teutën, jehona e pushtetit të së cilës dëgjohet deri në ditët e sotme.

Fusha e pushtetit te gratë matet përmes tre nëndarjeve kryesore: pushteti politik, pushteti ekonomik dhe pushteti social.

Në politikë, pjesëmarrje gati sa dyfishi i grave europiane

Nënfushat e pushtetit politik përfshijnë tregues që matin raportin e grave me personat në cilësinë e ministrit të qeverisë dhe përqindjen e grave deputete në Parlamentin Kombëtar. Përveç kësaj, kjo nënfushë përfshin edhe treguesin e përfaqësimit të grave në pozicionet e përfaqësuesve në këshillat bashkiakë. Gratë marrin pjesë në pozicione ministrore në Shqipëri me 45.4%, një shifër që është shumë më e lartë se sa 28.1% e mesatares së BE-28, sipas INSTAT. Po kështu, gratë janë më të përfaqësuara në këshillat bashkiakë të Shqipëri se sa në BE (35.9% krahasuar me 28.5%).

Paraja është pushtet

Nënfusha e pushtetit ekonomik i referohet dallimit në menaxhimin e burimeve ekonomike përmes pozicioneve drejtuese dhe përfshin treguesit e pjesëmarrjes së grave në bordet menaxhuese ose mbikëqyrëse të kompanive më të mëdha në bursë dhe pjesëmarrjen në bordet ekzekutive të bankës qendrore. Megjithatë, ato janë disi më pak të përfaqësuara si deputete në parlament krahasuar me BE28 (26.2 për qind krahasuar me 29.3 për qind).

Pjesëmarrja e grave në pozicione drejtuese të kompanive më të mëdha është paksa më e lartë në Shqipëri se sa në mesataren e BE28 (26.4 përqind krahasuar me 25.0 për qind) dhe shumë më e lartë kur vjen fjala tek anëtarësia e bordit te bankës qendrore (48.1 për qind krahasuar me 20.3 për qind).

Pushteti social i grave shqiptare

Nënfusha e pushtetit social përfshin treguesit që matin raportin e grave dhe burrave në bordet e organizatave që financojmë kërkimet shkencore, përqindjen në bordet e kompanive të transmetimit publik dhe përqindjen në anëtarësinë e organeve më të larta vendimmarrëse të organizatave kombëtare sportive olimpike. Pushteti social mbulohet nga Indeksi i Barazisë Gjinore për shkak të ndikimit simbolik që ai ka tek shoqëria dhe aksesi në struktura dhe në pozicionet e pushtetshme në fusha të ndryshme.

Krahasuar me mesataren e 28 vendeve të BE-së, gratë në Shqipëri kanë një përfaqësim relativisht të lartë në bordet e organizatave që financojnë kërkimet shkencore krahasuar me mesataren e BE-28 (44.4 për qind krahasuar me 39.9 për qind), por ato janë shumë pak të përfaqësuara në bordet e organizatave transmetuese publike (9.1 për qind krahasuar me 36,0 për qind) dhe në organet më të larta vendimmarrëse të organizatave kombëtare sportive olimpike (9.4 për qind krahasuar me 14.8 për qind)./Monitor


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono