Greqi
ger ta13:25 | 30/03/2020
Ka ndërruar jetë në moshën 98-vjeçare, ish-deputeti grek Manolis Glezos. Ish-deputeti ka humbur jetën mesditën e sotme si pasojë e një ataku kardiak.
Ish deputeti arvanitas njihet edhe për qendrimet e tij liberale ndaj emigrantëve dhe fqinjëve të Greqisë, ndërkohë që pesë vite më parë mbajti një fjalim të fortë në Parlamentin e Greqisë duke thënë se të paktën 13 deputetë kishin prejardhje shqiptare duke qenë arvanitas.
Në fjalën e tij, Glezos pyeti kreun e Parlamentit grek nëse ishte i sigurt që ishte grek pasi mbiemri i tij ishte arvanitas.
“Ne jemi fqinj (me shqiptarët sh.r), gruan mund ta largosh nga shtëpia, edhe djalin mund ta largosh, por fqinjin jo”, u shpreh ai ndër të tjera në atë fjalim që mbetet një ndër më të fortit sa i përket shqiptarëve në Parlamentin grek.
eri Ida08:56 | 30/03/2020
Një tjetër person ka humbur jetën këtë të hënë në Greqi duke e çuar në 40 numrin e viktimave në këtë shtet.
Mediat greke raportojnë se viktima është një 56 vjeçar i cili ishte i shtruar në një spital në Selanik.
56-vjeçari fatkeq u shtrua në spital për një javë në Spitalin Hipokrat në Selanik, po duket se nuk ja ka dalë që të mbijetojë.
Ndërkohë deri më tani në Greqi raportohet se janë 1156 persona të konfirmuar me COVID 19./abcnews.al
eri Ida07:29 | 29/03/2020
Të paktën 32 persona kanë humbur jetën në Greqi si pasojë e koronavirusit. Ndërsa raportohet se numri i personave të infektuar ka arritur në 1061 persona.
Autoritetet shëndetësore greke bëjnë me dije se vetëm në 24 orët e fundit janë kornfirumuar 95 raste të reja të infektuar me koronavirus.
Nga të infektuarit 69 janë terapi intensive dhe kanë një moshë mesatare 67 vjec. Deri më tani, në Greqi janë kryer më shumë se 14,363 teste për koronavirus, ndërsa për pacientët qëndrimi mesatar në spital është 10 ditë./abcnews.al
ger ta17:14 | 26/03/2020
Një foshnjë e sapo lindur ka rezultuar pozitiv nga koronavirusi në Greqi. Mediat greke raportojnë se foshnja ka lindur një javë më parë në spitalin Grevena.
Sipas informacioneve foshnja është në gjendje të mirë shëndetësore, dhe të gjitha provat e deritanishme tregojnë se ai nuk u sëmur në spitalin Grevena, por kur doli prej andej dhe shkoi me nënën e tij në shtëpi në Kastoria.
Ende nuk dihet nëse nëna e foshnjës është gjithashtu e infektuar nga Covid-19. /abcnews.al
eri Ida17:08 | 26/03/2020
71 raste të reja dhe tre viktima janë shënuar në orët e fundit në Greqi.
Zëdhënësi i Ministrisë së Shëndetësisë, sëmundje infektive Sotiris Tsiodras, në një deklaratë për mediat është shprehur se deri më tani si pasojë e koronavirusit janë konfirmuar pozitive 892 pacientë dhe 26 persona kanë humbur jetën.
Zëdhënësi i ministrisë është shprehur se 21 nga viktimat kanë qenë burra dhe 5 prej tyre femra.
Greqia deri më tani është dhe vendi më i prekur në Ballkan nga koronavirus për sa i përket numrit të viktimave dhe qytetarëve të infektuar./abcnews.al
ger ta16:27 | 25/03/2020
Ka shkuar në 22 numri i viktimave në Greqi nga koronavirusi. Sipas mediave fqinje viktima e fundit është një i moshuar, i cili ndërroi jetë në spitalin e Xanthit ditën e sotme, ndërsa ishte diagnostifikuar me koronavirus që prej së mërkurës.
“Spitali i Përgjithshëm Xanthi shpreh keqardhje që një person rezultoi pozitiv me Covid-19 në zonën e Komunës së Mykis. Ai sot ndërroi jetë. Administrata dhe stafi ynë i spitalit shprehin ngushëllimet tona për të afërmit e tij”, tha në deklaratë Spitali në Xanthi.
Numri i personave të infektuar në Greqi ka shkuar në 743. /abcnews.al
ger ta18:18 | 24/03/2020
Tre persona kanë humbur jetën ditën e sotme në Greqi nga Covid-19, duke e çuar në 20 numrin total të viktimave.
Lajmi është konfirmuar nga nga mjeku i Sëmundjeve Infektive, Tsiodras. Ky i fundit ka bërë të ditur se po ashtu këtë të martë janë konfirmuar 48 raste të reja me të prekur nga koronavirusi në vendin fqinj.
Në total janë 743 raste të konfirmuara nga të cilat 134 janë shtruar në spital. 45 nga pacientët e trajtuar janë në terapi intensive, të intubuar. Ndërkohë, mosha mesatare e të vdekurve është 78 vjeç.
Sakaq, siç njoftojnë autoritetet greke, 29 pacientë janë shëruar plotësisht. /abcnews.al
eri Ida15:00 | 24/03/2020
Dy viktima të reja janë shënuar këtë të martë në Greqi duke e çuar në 19 numrin e personave që kanë humbur jetën nga COVID 19.
Mediat greke bëjnë me dije se 2 viktimat e fundit janë një 86-vjeçare, që ndërroi jetë mbrëmjen e djeshme në spitalin Sotiria, ku ishte shtruar prej ditësh, ndërsa viktima tjetër është një 64-vjeçar.
Ndër të tjera bëhet me dije se dy viktimat e fundit vuanin nga sëmundje të mëparshme kronike. Sipas përditësimit të fundit nga Ministria e Shëndetësisë, rastet e konfirmuara me koronavirus janë 695.
Ndërkohë në raportit më të fundit rezulton se 114 persona u shtruan në spital, 35 prej të cilëve duhej të intuboheshin dhe 29 u shëruan. /abcnews.al
Sid Orela10:59 | 24/03/2020
Një tjetër person nga ndërruar jetë si pasojë e koronavirusit në Greqi. Sipas raportimeve të mediave vendase, bëhet fjalë për një grua të moshuar.
Kështu, numri i viktimave në total në vendin fqinj shkon në 18. Sipas të dhënave të publikuara në worldmeters, numri i personave të infektuar me Covid-19 në Greqi është deri më tani 695.
Sa i përket të moshuarës që ndërroi jetë së fundmi, raportohet se ajo ndërroi jetë të hënën mbrëma në spitalin “Sotiria” ku ndodhej e shtruar. /abcnews.al/
ger ta16:28 | 23/03/2020
Koronavirusi ka shënuar 17 viktima në Greqi. Ditën e sotme ndërroi jetë një 78-vjeçar.
Ndërkohë qeveria ka akorduar edhe fondin prej 2 miliard eurosh kompensime për bizneset dhe sektorët që preken nga kjo krizë.
Punonjësit që qëndrojnë në shtëpi, puna e të cilëve është pezulluar për shkak të koronavirusit do të marrin 800 euro.
Për të përfituar këtë ata do të plotësojnë një formular deri në 31 mars. Pagesa në fjalë do të fillojë të bëhet në 10 ditët e para të prillit.
Këtë kompensim e përfitojnë rreth 500 mijë punonjës në shtetin grek, të cilët që në fillim të marsit nuk punojnë për shkak të situatës së krijuar nga koronavirusi.
Gjithashtu lehtësime do të ketë edhe për pagesën e taksave, të cilat do të pezullohen për një periudhë prej katër muajsh. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
