kosove

covid-19.jpg
nev ila21:20 | 28/03/2020

Instituti Kombëtar i Shëndetësisë Publike të Kosovës (IKSHPK) ka njoftuar në natën e së shtunës se është konfirmuar edhe një rast i ri me koronavirus në vend.

Numri i të infektuarve me koronavirus ka shkuar në 91.

Laboratori i Mikrobiologjisë Molekulare në IKSHPK sot në mbrëmje ka testuar edhe 8 mostra, prej të cilave një ka rezultuar pozitive.

Rasti pozitiv është rast kontakti, me vendbanim në Prishtinë.

kos.jpg
in a09:00 | 28/03/2020

Qeveria në detyrë e Republikës së Kosovës ka aprovuar kërkesën e Ministrisë së Shëndetësisë për ndërmarrjen e masave për parandalimin dhe kontrollin e përhapjes së COVID-19, duke ndryshuar orarin e kufizimit të lëvizjes së qytetarëve.

Në mbledhjen e mbajtur më 27 mars Qeveria ka miratuar vendimin për plotësim dhe ndryshim të vendimit të Qeverisë nr 01/15 i datës 23.03.2020.

Sipas vendimit të ri të Qeverisë, lejohet qarkullimi i qytetarëve dhe automjeteve private gjatë orës 06:00: 17:00 përveç aktiviteteve mjekësore, prodhim, furnizim dhe shitje të mallrave esenciale dhe për shërbime dhe aktivitete që ndërlidhen me menaxhim të pandemisë.

Ndalohet qarkullimi i qytetarëve në zonat (sheshet) e hapura të qyteteve të Republikës së Kosovës, përveç banorëve të këtyre zonave dhe personave të autorizuar nga organet përkatëse.

Farmacitë e liçensuara në Republikën e Kosovës ushtrojnë veprimtaritë e tyre prej orës 06:00-17:00. Pas orës 17:00 veprimtaria e tyre do të organizohet përmes kujdestarisë. Farmacitë kujdestare do të përcaktohen nga Ministria e shëndetësisë/AKPPM  në koordinim me Odën e Farmacistëve të Kosovës (OFK) dhe komunat përkatëse/autoritetet komunale.

Shkelësit e këtyre masave të përcaktuara me këtë vendim do të ndëshkohen sipas dispozitave ligjore në fuqi, thuhet në njoftimin e Qeverisë.

shda.jpg
in a08:09 | 28/03/2020

Departamenti amerikan i Shtetit ka ndihmuar Kosovën me 1.1 milion euro për lufën ndaj koronavirusit.

Qeveria në largim e Kosovës tha se është informuar në lidhje me vendimin nga Ambasada e Shteteve të Bashkuara të Amerikës në Prishtinë.

“Ky është edhe një lajm tjetër shumë i mirë për qytetarët e vendit tonë, ngase pardje nga Bashkimi Evropian siguruam 68 milionë euro. Përkushtimi i Qeverisë është në nivelin e duhur për t’u përballur me këtë pandemi”, thuhet në komunikatën për media të qeverisë në largim.

Sekretari amerikan i Shtetit, Mike Pompeo, ka thënë më 26 mars se Shtetet e Bashkuara kanë ndarë afro 274 milionë dollarë fonde humanitare për të ndihmuar vendet e rrezikuara në luftën kundër koronavirusit.

Ambasada e Shteteve të Bashkuara në Prishtinë, përmes një postimi në “Twitter”, ka thënë se ky është një lajm i mirë për Kosovën. Në Kosovë janë të infektuar 88 persona me koronavirus, ndërsa një pacient ka humbur jetën.

koronavirus-1-1100x620-2.jpg
eri Ida21:46 | 27/03/2020

Dy raste të reja janë konfirmuar mbrëmjen e kësaj të premteje në Kosovë duke e çuar në 88 numrin e përgjithshëm të të infektuarve.

Sot janë testuar 108 mostra të marra në rastet në terren nga Laboratori i Mikrobiologjisë Molekulare në IKSHPK.

Sipas IKSHPK bëhet me dije se një nga rastet është në Prishtinë dhe tjetri në Gjakovë, që të dyja raste të kontaktit.

Me këto dy raste, numri i të prekurve me koronavirus në Kosovë shkon në 88. /abcnews.al

nena-e-vetme.jpg
ger ta20:48 | 27/03/2020

Kryeministri në detyrë Albin Kurti ka vizituar sot një zonjë, të cilës 21 vite më parë serbët i vranë 4 djemtë e familjes dhe burrin.

Në foton e publikuar nga Kurti, në shtëpinë e Ferdonije Qerkezi shihen portretet e burrave të familjes dhe tavolina e shtruar për gjashtë persona, ndërsa ajo është e vetme.

Kurti thotë në shënimin e tij në facebook se eshtrat e Artanit dhe Edmondit janë kthyer në atdhe në vitin 2005, ndërsa nuk dihet asgjë për fatin e tre të tjerëve. Sipas Kurtit, ky është një krim i vazhdueshëm e një drejtësie të munguar.

Postimi i plotë:

Sot pasdite bisedova me zonjën Ferdonije Qerkezi nga Gjakova, në ditën që u mbushën 21 vjet prej kur forcat policore të Serbisë ia rrëmbyen katër djemtë dhe burrin: Artanin, Edmondin, Armendin, Ardianin dhe Halimin.

Eshtrat e Artanit e Edmondit janë kthyer në vitin 2005. Asgjë nuk dihet sot e kësaj dite për fatin e tre të tjerëve.

Të pagjeturit janë plagë që kullon ankth. Dhembjet e vuajtjet e nënës Ferdonije sigurisht që ne s’arrijmë t’i marrim me mend.

Ky është një krim i vazhdueshëm pasi që është drejtësi e munguar. Të pagjeturit duhet të jenë çështja e parë në dialogun e ardhshëm Kosovë – Serbi.

okokoballina-800x450-1.png
eri Ida19:28 | 27/03/2020

Qeveria e Kosovës ka reaguar këtë të premte ndaj deklaratës së lëshuar një ditë më parë nga Departamenti Amerikan i Shtetit ku demantohen zërat se ekziston një marrëveshje e fshehtë midis Kosovës dhe Serbisë për shkëmbim territoresh.

Në këtë deklaratë thuhet se ky është lajmi i mirë dhe këtë qeveria e Kosovës e sheh si rikonfirmim së SHBA-të do të jenë edhe më tutje pranë popullit të Kosovës.

Ndër të tjera përmes një njoftimi për mediat qeveria e cilëson të rëndësishëm faktin se kjo deklaratë e përbashkët mohon planin e fshehtë dhe gjithashtu se Grenell nuk e ka parë e as nuk e ka diskutuar një plan të tillë.

Njoftimi i plotë:

Qeveria në detyrë e Republikës së Kosovës e vlerëson Deklaratën e Përbashkët nga i dërguari i posaçëm presidencial, Richard Grenell, përfaqësuesi i posaçëm për Ballkanin Perëndimor, Mattheë Palmer, dhe ambasadori amerikan, Philip Kosnett, si rikonfirmim se Shtetet e Bashkuara të Amerikës do të vazhdojnë të jenë pranë popullit të Kosovës, dhe se ato mbështesin angazhimin e institucioneve tona shëndetësore për tejkalimin e situatës me COVID-19. Në të njëjtën kohë, thirrjet e tyre për t’u respektuar Kushtetuta,  çmohen po aq lart.

Mbi çështjen e tarifës, me vendimin e Qeverisë së datës 20.03.2020 kemi bërë një hap të rëndësishëm duke liruar nga tarifa 100% produktet e lëndës së parë të cilat importohen nga Serbia dhe Bosnjë-Hercegovina.

Për Qeverinë në detyrë të Republikës së Kosovës është tejet i rëndësishëm fakti se në Deklaratën e Përbashkët thuhet se nuk ekziston një plan i fshehtë për ripërcaktim kufijsh dhe se i dërguari i posaçëm presidencial, Richard Grenell, nuk e ka parë dhe as diskutuar një plan të tillë.

Kjo paraqet një mbështetje dhe inkurajim për Qeverinë në detyrë. Por, për ne thirrjet e vazhdueshme të Presidentëve Thaçi dhe Vuçiq (korrigjim kufijsh me kompromis të dhimbshëm, veriu si dhuratë e Rankoviqit, razgraničenje, etj.) vazhdojnë të jenë kërcënim, dhe që nga gushti i vitit 2018, ato janë përsëritur nga dy presidentët të cilët kanë vendosur lidhje të shkurtër me njëri-tjetrin pa ndërmjetësim ndërkombëtar.

Dialogu në mes të Kosovës dhe Serbisë duhet të udhëhiqet nga Qeveria, përkatësisht Kryeministri i Republikës së Kosovës, sipas parimeve kushtetuese të Republikës së Kosovës. Dialogu duhet të rifillojë i përgatitur mirë, të ketë qëllim njohjen e ndërsjelltë si dy shtete sovrane dhe me integritet territorial, për marrëveshje të qëndrueshme si garant për normalizim të marrëdhënieve bilaterale dhe paqe e siguri në rajon.​/abcnews.al

nursee.jpg
Sid Orela10:24 | 27/03/2020

Është konfirmuar rasti i parë me koronavirus brenda stafit mjekësor në Kosovë. Sipas raportimeve, bëhet fjalë për një infermiere e cila kujdesej për pacientët me Covid-19.

Klinika Infektive e Kosovës, ka njoftuar se deri më tani janë duke u trajtuar gjithsej 34 pacientë me koronavirus. Mes tyre është edhe një infermiere. Mes pacientëve që ndodhen në spital, raportohet se 26 prej tyre janë në gjendje të qëndrueshme dhe ndërsa 8 prej tyre kanë nevojë për oksigjeno-terapi.

Deri më tani, Kosova numëron 86 raste të konfirmuara me koronavirus dhe një viktimë.

1582708406-Koronavirus-test-7-800x445-1-600x360-1-1.jpg
eri Ida22:23 | 26/03/2020

Shtatë raste të tjera të reja janë konfirmuar mbrëmjen e kësaj të enjteje me koronavirus në Kosovë.

Instituti Kombëtar i Shëndetësisë Puplike të Kosovës (IKSHPK), ka bërë me dije se pas konfirmimikt të këtyre rasteve numri i përgjithshëm i të prekurve deri më taninë kosovë ka shkuar në 86 persona.

“Sonte më 26.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar edhe 25 mostra nga Malisheva prej të cilëve 7 rezultuan pozitive. Të gjitha rastet janë të njohura, të kontaktuara dhe në vetëizolim. Ekipet e IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome”, thuhet në njoftimin e IKSHPK’së./abcnews.al

palmer-grenell-1100x620-1.jpg
ger ta22:09 | 26/03/2020

Në një deklaratë të përbashkët Richard Grenell, Ambassador i SHBA në Kosovë, Philip Kosnett dhe i dërguari special pë Ballkanin Perëndimor, Matthew Palmer kanë deklaruar se nuk ka asnjë plan sekret për shkëmbim territoresh Kosovë-Serbi, ashtu sikurse është komentuar së fundmi.

Ne duam të sqarojmë se nuk ka asnjë plan të fshehtë për shkëmbime të territoreve ndërmjet Kosovës dhe Serbisë, siç kanë spekuluar disa. I dërguari i posaçëm presidencial Richard Grenell nuk e ka parë dhe as diskutuar kurrë një plan të tillë. Përqendrimi i qeverisë amerikane në mbështetjen e marrëveshjeve të fundit për të rivendosur lidhjet ajrore, hekurudhore dhe autostradë midis Kosovës dhe Serbisë synon të përmirësojë ekonominë dhe të krijojë një vrull ekonomik. Ne besojmë se ky vrull do t’i japë energji të re një procesi dialogu që do të çonte në njohje të ndërsjellë”, thuhet në deklaratë.

Po ashtu në deklaratë thuhet se ata janë të angazhuar të punpojnë me çdo qeveri që formohet përmes procesit kushtetues. Po asht zyrtarët amerikanë theksojnë se Kosovë duhet të heqë plotësisht tarifën ndaj mallrave serbe.

Deklarata e plotë:

Shtetet e Bashkuara janë me qytetarët e Kosovës. Ne i vlerësojmë përpjekjet e vazhdueshme të profesionistëve të shëndetësisë dhe të tjerëve që janë duke punuar shumë, me rrezik të madh, për të zvogëluar përhapjen e COVID-19 në Kosovë. Në këtë kohë të pasigurisë, ne i nxisim krerët e Kosovës që të ndjekin Kushtetutën e Kosovës dhe sundimin e ligjit. Ne jemi të angazhuar që të punojmë me çdo qeveri të formuar përmes procesit kushtetues.

Për më tepër, ne vazhdojmë t’i nxisim liderët e Kosovës që të heqin plotësisht tarifat. Ne besojmë se tarifat po dëmtojnë popullin e Kosovës duke penguar bashkëpunimin rajonal kundër COVID-19 – përfshirë edhe duke vonuar hyrjen në Kosovë të furnizimeve të nevojshme, dhe duke penguar rritjen ekonomike.

Ne duam të sqarojmë se nuk ka asnjë plan të fshehtë për shkëmbime të territoreve ndërmjet Kosovës dhe Serbisë, siç kanë spekuluar disa. I dërguari i posaçëm presidencial Richard Grenell nuk e ka parë dhe as diskutuar kurrë një plan të tillë. Përqendrimi i qeverisë amerikane në mbështetjen e marrëveshjeve të fundit për të rivendosur lidhjet ajrore, hekurudhore dhe autostradë midis Kosovës dhe Serbisë synon të përmirësojë ekonominë dhe të krijojë një vrull ekonomik. Ne besojmë se ky vrull do t’i japë energji të re një procesi dialogu që do të çonte në njohje të ndërsjellë.

/abcnews.al

 

koosve-koronavirusi.jpg
ger ta18:01 | 26/03/2020

Ministri i Shëndetësisë, Arben Vitia në Kosovë ka njoftuar se janë konfirmuar edhe tëtë raste të reja me koronavirus, duke e çuar në total 79 numrin e të prekurve me Covid-19.

Përmes një postimi në Facebook, Vitia ka njoftuar edhe për shërimin e një prej pacientëve.

“Sot në Laboratorin e Mikrobiologjisë Molekulare në IKSHPK me metodën RT-PCR,  janë testuar 79 persona nga të cilet 8 kanë rezultuar pozitiv. Megjithatë më në fund e kemi lajmin e mirë. Njëri nga pacientët edhe pas testimit të dytë ka dalur NEGATIV. Sipas rekomandimeve të OBSh kur dy mostra negative të një personi me një ditē distancë kohore, tregojnë shërimin nga COVID-19”, ka shkruar Vitia. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono