kosove

Basket-Kosove.png
Veronik Istrefaj15:59 | 31/03/2020

Federata e Basketbollit së Kosovës zyrtarizuar pak çaste më parë anulimin e sezonit. Prej disa javësh, basketbolli ishte ndërprerë totalisht, për shkak të pandemisë COVID-19. Sot, është njoftuar se ky sezon do të fshihet dhe si sezoni i Superligës së Kosovës, ashtu dhe Superliga e Femra, është anuluar, duke mos i shpallur kampione dy ekipet e vendit të parë. Më poshtë, dhe njoftimi i FKB:

31 mars 2020

Bordi i Federatës së Basketbollit të Kosovës (FBK) duke i parë zhvillimet e fundit me pandeminë COVID-19, në bazë të kompetencave të veta statutare, sot unanimisht ka marrë vendim që të anulojë garat në Superligën e Kosovës dhe Superligën e Femrave për edicionin 2019/20 dhe me këtë rast nuk do të shpallen kampionët e këtyre dy kompeticioneve.

Bordi i FBK-së do të vazhdojë të përcjellë zhvillimet që ndërlidhen me pandeminë COVID-19 dhe gjatë muajit prill do të vendos për vazhdimin apo jo të garave të tjera në kuadër të FBK-së. Në lidhje me modalitetet e garave të tjera Federata e Basketbollit të Kosovës do të njoftojë opinionin me kohë pas konsultimeve në nivel vendor dhe ndërkombëtar.

Bordi i FBK-së ka qenë i detyruar të marr një vendim të tillë për shkak të përhapjes së pandemisë COVID – 19, ku numri i të infektuarve në vendin tonë ka përjetuar rritje të madhe në disa ditët e fundit. Për Bordin e FBK-së rëndësi ka shëndeti i basketbollistëve/eve, punëtorëve sportivë, shikuesve dhe të gjithë atyre që kontribuojnë në zhvillimin e garave të FBK-së. Vendimi hyn në fuqi më 31.03.2020. Në emër të Bordit të FBK-së:

I juaji, Arben FETAHU Kryetar
Federata e Basketbollit të Kosovës

prishtine-urbanet.jpg
ger ta15:18 | 31/03/2020

Ministria e Punëve të Brendshme dhe Administratës Publike, ka marrë vendimin që të ndërpritet qarkullimi i autobusëve në të gjithë Kosovën.

Këtë sot e bëri të ditur kryetari i Prishtinës, Shpend Ahmeti, ku edhe theksoi se MPBAP-ja nuk është konsultuar për këtë vendim

Ahmeti ka shkruar në Facebook, se MPBAP-ja ka marrë vendim duke mos u konsultuar as me Komunën e Prishtinës e as me komunat tjera.

“Sapo pranova vendimin e Ministrisë së Punëve të Brendshme për ndërprerjen e Transportit Publik në krejt Republikën e Kosovës, menjëherë. Përderisa kemi qenë përkrahës kryesorë të masave restriktive, dhe po ashtu kemi mbështetur secilin vendim të nivelit qendror, ky vendim është marrë pa asnjë konsultim, as edhe 30 sekondësh me Komunën e Prishtinës e as me komunat tjera”, ka shkruar Ahmeti.

Ahmeti thotë se përveç kostos, ky vendim ka ndikim edhe në qarkullimin e njerëzve të cilët nuk kanë mundësi tjetër udhëtimi.

“Ky vendim përveç kostos, ka ndikim në qarkullimin e njerëzve që nuk kanë mundësi tjetër, duke ditur që në Prishtinë ende funksionojnë institucionet publike, institucionet shëndetësore e edhe disa kompani. Ndoshta ky vendim do të ishte i domosdoshëm, por ndërprerja e menjëhershme pa kurfarë mundësie që të planifikojmë më mirë edhe si logjistikë edhe si kosto nuk ka nevojë të bëhet”, shkruan Ahmeti.

 

wuhan-coronavirus-5-bestaetigte-faelle-von-coronavirus-in-den-usa.jpg
eri Ida11:49 | 31/03/2020

Dy raste të tjerë janë konfirmuar pozitiv këtë të martë në Kosovë duke e çuar në 108 numrin e personave të infektuar me koronavirus. Lajmi është bërë i ditur nga Instituti Kombëtar i Shëndetësisë Publike të Kosovës.

Instituti Kombëtar i Shëndetësisë Publike të Kosovës përmes njoftimit për mediat është shprehur se pacienti nga Gjakova është kontakt i dy familjarëve të rezultuar pozitiv dhe pacienti i dytë pozitiv nga Prizreni është infektuar jashtë shtetit.

Në IKShPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 2.265 kontakte të rasteve.

Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente./abcnews.al

ukeee.gif
eri Ida09:46 | 31/03/2020

Ish ambasadori Slam Lauka  në një lidhje direkte për Abc e Mëngjesit ka komentuar krizën politike që ka përfshirë Kosovën kohët e fundit.

Lauka në një bisedë me Enkel Demin është shprehur se fatkeqësisht këtë situatë, në të cilën ndodhet Kosova e konsideron si një luftë për përfitime politike të vetë kastës së vjetër politike.

Ndër të tjera ish ambasadori në fjalën e tij ka akuzuar presidentin Thaçi se po vepron në kundërshtim me politikën, sipas tij në këtë situatë kreu i shtetit duket të kërkonte nga Albin Kurti mandadimin e një kryeministri të ri.

Pjesë nga biseda:

Kriza politike e krijuar në kosovë në këtë kohë pandemie

Kemi të bëjmë me një ngërç i institucional i krijuar në mënyrë artificiale nga kasta e vjetër kushtetore për interesat e veta dhe kundër interesave jetike të popullit dhe shtetit të Kosovës. Ky ngërç e ka bllokuar jetën politike në një kohë që kërkohet angazhimi i përbashkët për luftën ndaj armikut që po lufton e gjithë bota. Në këtë rast dalin disa çështje se si do të veprohet, si do ecet përpara, disa janë për zgjedhje të reja disa nuk janë pasi mendojnë se është pandemia dhe duhet kjo luftë, disa janë për një qeveri të re për të ruajtur integriteti. Këtu ndërthuren shumë çështje morale, pasi sipas kushtetutës së Kosovës dhe një akti të gjykatës Kushtetuese, nëse kemi një mocion mosbesimi të suksesshëm atëherë presidenti ka për detyre jo të bëjë sipas qejfit ti drejtohet edhe njëherë fituesit të zgjedhjeve në këtë rast Albin Kurtit. Ti dërgojë një letër me shkrim dhe ti kërkojë kandidaturën e re për kryeministrit.

Mos gaboj presidenti e ka bërë një ftesë të tillë por nuk dihet nëse Kurti do të shkojë

Ky veprim i presidentit është në shkelje të kushtetutës sepse ai është i detyruar jo të thërrasë në konsultë partitë politike, por të kërkojë me shkrim emrin e mandatarit të ri të qeverisë. Konsulta me partitë politike është kundër kushtetutës. Në 2017 ka qenë një praktikë kushtetuese me të njëjtën situatë mosbesimi që ai kërkoi zgjedhje, tashmë thotë jo.Nuk po flasim për aspekt moral pasi Mustafa i ka fituar zgjedhjet me Vjosa Osmanin dhe tashmë e sposton atë.

Kur flasim për Kushtetutën kudo që është shqiptaria ka disa shkelje rresht, dhe ai që ka ka bërë shkelje është kryetari i shtetit. Ne ende nuk e dimë se çfarë është diskutuar nga kryetari i shtetit dhe Vuçiç, në Shtëpinë e Bardhë. Mund të bëjmë pandema për shkëmbim territoresh që na e hodhi poshtë Grenell. Këtu nisi e gjithë kriza.

Është e vërtetë një gjë e tillë pasi ka pas presion Elion Engel kryetari i Komitetit Marrëdhënie me Jashtë në Dhomën e Lartë të Përfaqësuesve e ka quajtur qëndrim prej mujshari nga ana e Grenell dhe Cosnet pasi në kulmin e pandemisë ata kërkuan mbledhjen e parlamentit dhe votimin e mosbesimit. Tani ka një çështje lufta ndaj koronavirusit, një sinjal nga Uashingtoni për shqipërinë dhe Kosovën merret si ligj, nuk është antiamerikanizmi i albin kurtit ky shkak dhe as urgjenca për zgjidhjen e konfliktit Kosovë dhe Serbi e gjithë kjo mesele është për mbrojtjen e interesave të kastës së vjetër poshtetore, e cila nga veprimet e Albin Kurtit dhe qeverisë së tij e mbëhstetur nga Osmani u gjent e kërcënuar nga zhvatjet e ndodhura në 20 vjet në Kosovë.

Problemi tashmë është te lobi shqiptar që është një hap pas lobit serb. Por nëse ne ndjekim politikën e ndjekur nga autoritet amerikae ajo është shumë ndryshe nga ajo Clinton dhe Bush dhe ky është problem. Mendoj se afeksioni politik ndaj ish maksis leninisteve që mund të jenë dhe në partinë e Kurtit, por që të etiketohesh me faktin se je antiamerikan është i rëndë.

Antiamerikanizmi në Kosovë dhe kam përshtypjen se është instrumental pasi këta pushtetmykurit siç i quaj unë në Kosovë dhe në Shqipëri, proamerikanizmin e kanë si instrument për të arritur qëllimet e tyre politike, në këtë rast e kanë për të legjitimuar pazaret me Serbinë, për ti ikur përgjegjësisë. Grenell për fat të keq me dashje ose jo po mbarështon një servilizëm të pakufi në Kosovë. Jo se nuk ka pasur pasi ka pas dhe për këtë është i shquar Hashim Thaçi. Ëhstë politike e njohur kjo nga fuqitë e mëdha që njerëzit me kredibilitet që ti përdorin për interesat e tyre. Duke shkarkuar Albin Kurtin në kohën e pandemisë, Grenell thotë që bëni si them unë, sepse ju bëj gjëmën./abcnews.al

xc.jpg
Sid Orela20:41 | 30/03/2020

Në Kosovë janë konfirmuar të hënën 12 raste të reja me koronavirus. Kështu, numri i përgjithshëm i të infektuarve në vend shkon në 106. Shifrat e reja janë njoftuar nga Instituti Kombëtar i Shëndetësisë Publike të Kosovës.

Sipas Instituti Kombëtar i Shëndetësisë Publike të Kosovës, rastet pozitive janë raste kontakti, 5 prej të cilëve banojnë në Malishevë, 3 në Fushë Kosovë, 2 në Prishtinë, 1 në Mitrovicë dhe 1 në Kamenicë.

Njoftimi i plotë i IKSHPK:

SITUATA EPIDEMIOLOGJIKE ME COVID-19!

Sot me 30.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar (69) mostra të marra nga rastet në terren dhe nga rastet e hospitalizuara në Klinikën Infektive. Nga mostrat e marra për testim në virusin SARS-CoV-2, (12) prej tyre kanë rezultuar pozitive.

Rastet pozitive janë raste kontakti, 5 prej të cilëve janë me vendbanim në Malishevë. 3 me vendbanim në Fushë Kosovë, 2 me vendbanim në Prishtinë, 1 me vendbanim në Mitrovicë dhe 1 në Kamenicë.

Nga data 08.02.2020 deri me 30.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 1.151 mostra të dyshimta në virusin SARS-CoV-2 dhe prej tyre, pozitive rezultojnë gjithsej (106) raste me një (1) rast të vdekjes i një të moshuari 82 vjeç.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 2.242 kontakte të rasteve.

Në nivel global, nga data 31 dhjetor 2019 deri më 30 mars 2020 sipas Ëorldometers, janë raportuar gjithsej 760.337 raste të COVID-19 dhe 36.862 raste të vdekjes. Numri më madh i rasteve raportohet nga SHBA (152.631), Italia (101.739), Spanjë (85.195), Kina (81.470), Gjermani (63.929), Irani (41.495), Francë (40.174), Mbretëri të Bashkuar (22.141), Zvicër (15.760), Belgjikë (11.899), Holandë (11.750), Turqi (10.827), Austria (9.541) duke vazhduar me vendet fqinje si Greqi (1.212), Kroaci (790), Serbi (785), Slloveni (756), Maqedoni e Veriut (285), Shqipëri (223) dhe Mal i Zi (91).

Deri me 30 mars 2020, nga vendet e BE/AEE dhe Mbretërisë së Bashkuar janë raportuar këto raste të vdekjes: Itali (11.591), Spanjë (7.340), Francë (2.606), Mbretëri e Bashkuar (1.408), Holandë (864), Gjermani (560), Belgjikë (513), Zvicër (333), Turqi (168), Austri (108), Danimarkë (77), Greqi (43), Poloni (26), Luksemburg (22), Hungari (15), Serbi (16), Slloveni (11), Shqipëri (11), Maqedoni e Veriut (7), Kroaci (6) dhe Mali i Zi (1).

QËNDRONI NË SHTËPI, KJO UA SHPËTON JETËN!

MBANI DISTANCË SOCIALE PËR 2 METRA!

NA NDIHMONI PAK QË TË JU NDIHMOJMË SHUMË!

Ju faleminderit për mirëkuptim!

shefi.gif
in a16:20 | 30/03/2020

Në një lidhje me “ABC News” infektologu Valbon Krasniqi ka folur për situatën e shkaktuar nga koronavirusi. Krasniqi theksoi stafi mjekësor është angazhuar në luftën kundër përhapjes së COVID-19, ndërsa theksoi se edhe qytetarët janë ndërgjegjësuar duke respektuar masat e vendosura.

“Ky virus ka ardhur më vonë në Kosovë, masat e marra kanë ndihmuar edhe në uljen e rasteve. Një punë e vazhdueshme po bëhet edhe nga ekipi shëndetësor dhe duket që ndërgjegja e qytetarëve është e lartë edhe pse ka vend për përmirësim. Në dy javët në vazhdim do të shohim se si do të jetë situtata.

Ka kohë që është vënë në dispozicion një numër telefoni për ti ardhur në ndihmë qytetarëvë, për të marrë udhëzime për simptomat që ata paraqesin.

Nuk testohen të gjitha rastet e kontaktit, por u këshillohet të qëndrojnë në shtëpi dhe në rast se shfaqin shenja atëherë merren për trajtim specifik të këtyre pacientëve”, u shpreh krasniqi.

I pyetur se nëse do të testohen mjekët në Kosovë, Krasniqi tha se kjo nuk është e domosdoshme.

“Varet nga rastet. Kemi marrë qëndrim që vetëm stafi që shfaq simptoma të testohet. 

Më mirë është të mbrohemi dhe në rast se dyshojmë se kemi pasur kontakt dhe nuk kemi respektuar rregullat atëherë duhet të realizohen testet.

Klinika e Infektivit është pajisur mirë me mjetet shëndetësore, por nga rrethet shohim që ka mungesa për pajisje, pasi çdo ditë po na vijnë kërkesa.

Kemi vënë në dispozicion 250 shtretër dhe kemi në plan të shtojmë edhe 250 shtretër. Sa i përket stafit shëndetësor kemi probleme me numrin e infektologëve, kemi rreth 43 specialistë. Për staf të specializuar besoj se do të ketë nevojë gjithmonë. Por, nga ana tjetër kemi qindra mjekë dhe infermierë që janë paraqitur vullnetarisht”, tha Krasniqi./abcnews.al

koronavirus-kosove.jpg
ger ta19:49 | 29/03/2020

Tre raste të reja me koronavirus janë konfirmuar në Kosovë, duke e çuar numri i në 94 numrin në total të të prekurve.

Laboratori i Mikrobiologjisë Molekulare në IKSHPK ka testuar 45 mostra të marra nga rastet në terren të dielën, prej tyre 3 kanë rezultuar pozitive.

Rastet pozitive janë raste kontakti, dy prej të cilave me vendbanim në Prishtinë dhe një me vendbanim në fshatin Kijevë-Malishevë.

Deklarata e IKSHPK-së:

TRE RASTE ME COVID-19!

Sot më 29.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 45 mostra të marra nga rastet në terren dhe nga rastet e hospitalizuara në Klinikën Infektive. Nga mostrat e marra për testim në virusin SARS-CoV-2, tre prej tyre kanë rezultuar pozitive.

Rastet pozitive janë raste kontakti, dy prej të cilave me vendbanim në Prishtinë dhe një me vendbanim në fshatin Kijevë-Malishevë.

Nga data 08.02.2020 deri me 29.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 1.082 mostra të dyshimta në virusin SARS-CoV-2 dhe prej tyre, pozitive rezultojnë gjithsej nëntëdhjetë e katër (94) raste me një (1) rast të vdekjes i një të moshuari 82 vjeç.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 2.080 kontakte të rasteve.

Nga data 01.02.2020 deri me 29.03.2020 në Aeroportin ndërkombëtar “Adem Jashari” si dhe në pikat tokësore kufitare janë depistuar gjithsej 19.828 udhëtarë. Në Aeroportin “Adem Jashari” 1.070 udhëtarë, Merdare 5.650, Vërmicë 5.445, Jarinje 1.578, Dheu i Bardhë 1.027, Hani i Elezit 3.019, Kullë 1.250, Qafë Morinë 47, Bërnjak 539, Qafë Prush 35, Muçibabë 167 dhe Glloboçicë 1 udhëtarë.

 

 

 

 

covid-19.jpg
nev ila21:20 | 28/03/2020

Instituti Kombëtar i Shëndetësisë Publike të Kosovës (IKSHPK) ka njoftuar në natën e së shtunës se është konfirmuar edhe një rast i ri me koronavirus në vend.

Numri i të infektuarve me koronavirus ka shkuar në 91.

Laboratori i Mikrobiologjisë Molekulare në IKSHPK sot në mbrëmje ka testuar edhe 8 mostra, prej të cilave një ka rezultuar pozitive.

Rasti pozitiv është rast kontakti, me vendbanim në Prishtinë.

kos.jpg
in a09:00 | 28/03/2020

Qeveria në detyrë e Republikës së Kosovës ka aprovuar kërkesën e Ministrisë së Shëndetësisë për ndërmarrjen e masave për parandalimin dhe kontrollin e përhapjes së COVID-19, duke ndryshuar orarin e kufizimit të lëvizjes së qytetarëve.

Në mbledhjen e mbajtur më 27 mars Qeveria ka miratuar vendimin për plotësim dhe ndryshim të vendimit të Qeverisë nr 01/15 i datës 23.03.2020.

Sipas vendimit të ri të Qeverisë, lejohet qarkullimi i qytetarëve dhe automjeteve private gjatë orës 06:00: 17:00 përveç aktiviteteve mjekësore, prodhim, furnizim dhe shitje të mallrave esenciale dhe për shërbime dhe aktivitete që ndërlidhen me menaxhim të pandemisë.

Ndalohet qarkullimi i qytetarëve në zonat (sheshet) e hapura të qyteteve të Republikës së Kosovës, përveç banorëve të këtyre zonave dhe personave të autorizuar nga organet përkatëse.

Farmacitë e liçensuara në Republikën e Kosovës ushtrojnë veprimtaritë e tyre prej orës 06:00-17:00. Pas orës 17:00 veprimtaria e tyre do të organizohet përmes kujdestarisë. Farmacitë kujdestare do të përcaktohen nga Ministria e shëndetësisë/AKPPM  në koordinim me Odën e Farmacistëve të Kosovës (OFK) dhe komunat përkatëse/autoritetet komunale.

Shkelësit e këtyre masave të përcaktuara me këtë vendim do të ndëshkohen sipas dispozitave ligjore në fuqi, thuhet në njoftimin e Qeverisë.

shda.jpg
in a08:09 | 28/03/2020

Departamenti amerikan i Shtetit ka ndihmuar Kosovën me 1.1 milion euro për lufën ndaj koronavirusit.

Qeveria në largim e Kosovës tha se është informuar në lidhje me vendimin nga Ambasada e Shteteve të Bashkuara të Amerikës në Prishtinë.

“Ky është edhe një lajm tjetër shumë i mirë për qytetarët e vendit tonë, ngase pardje nga Bashkimi Evropian siguruam 68 milionë euro. Përkushtimi i Qeverisë është në nivelin e duhur për t’u përballur me këtë pandemi”, thuhet në komunikatën për media të qeverisë në largim.

Sekretari amerikan i Shtetit, Mike Pompeo, ka thënë më 26 mars se Shtetet e Bashkuara kanë ndarë afro 274 milionë dollarë fonde humanitare për të ndihmuar vendet e rrezikuara në luftën kundër koronavirusit.

Ambasada e Shteteve të Bashkuara në Prishtinë, përmes një postimi në “Twitter”, ka thënë se ky është një lajm i mirë për Kosovën. Në Kosovë janë të infektuar 88 persona me koronavirus, ndërsa një pacient ka humbur jetën.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono