kosove

90444111_218672802549412_4832313682354503680_n.png
eri Ida16:54 | 26/03/2020

Presidenti i Republikës së Kosovës, Hashim Thaçi pas rrëzimit të qeverisë së Kosovës që ndodhi një ditë më parë është shprehur se do të ftojë në një konsultim liderët e të gjitha partive politike për të shikuar mundësinë e krijimit të qeverisë së re të vendit.

Në një komunikim për mediat Thaçi është shprehur se si president i vendit do të respektojë Kushtetutën dhe ligjet e Kosovës.

“Pas rënies së qeverisë si president i vendit pa humbur kohë do të fillojë konsultimet me liderët e të gjitha partive parlamentare për të shikuar mundësinë e krijimit të qeverisë të re të stabilitetit, unitetit dhe të gjithë përfshirjes. Në çdo hap timin, si presidenti vendit, do e respektoj në plotëni Kushtetutën dhe ligjet e vendit”, tha Thaçi.

Ndërkohë një ndatë më parë është rrëzuar dhe qeveria e Albin Kurtit, me 82 vota pro, 32 kundër dhe 1 abstenim Kuvendi i Republikës së Kosovës./abcnews.al

WhatsApp-Image-2020-03-25-at-23.02.35.jpeg
eri Ida22:58 | 25/03/2020

Kuvendi i Kosovës ka voruar me 82 vota pro, 32 kundër dhe 1 abstenim këtë të mërkurë mocioni i mosbesimit ndaj Qeverisë Kurti.

Kryeministri Albin Kurti drejtoi ekzekutivin e vendit për vetëm 51 ditë, duke qenë kjo Qeveria më jetëshkurtër ndonjëherë në Kosovë. Vetem Vetevendosje dhe 3 deputete te LDK-se, nje prej tyre Vjosa Osmani, votuan kunder mocionit.

Mocionin për rrëzimin e Kurtit e nisi Lidhja Demokratike e Kosovës, me të cilën Lëvizja Vetëvendosje ishte në koalicion qeverisës. Konflikti mes dy forcave të koalicionit nisi pasi Kurti shkarkoi pa paralajmërim ministrin e Punëve të Brendshme, Agim Veliu.

Rrezikimi i raporteve me Shtetet e Bashkuara të Amerikës, që sipas LDK-së, e shkaktoi Kryeministri Kurti, ishte një nga arsyet për mocionin. Qeveria Kurti është më jetëshkurtra në Kosovë. Albin Kurti drejtoi vendin vetëm për 51 ditë./abcnews.al

thumbs_b_c_994529ceb8ea3a2563d010c826cf57f8.jpg
eri Ida19:00 | 25/03/2020

Tetë raste të reja janë konfirmuar me COVID 19 këtë të mërkurë në Kosovë duke e çuar në 71 numrin e përgjithshëm të personave të infektuar.

IKSHPK ka njoftuar se janë testuar tridhjetë e katër mostra të marra të rasteve të hospitalizuara në Klinikën Infektive dhe nga terreni. Nga këto mostra të marra për testim në virusin SARS-CoV, tetë prej prej tyre kanë rezultuar pozitive.

Ndër të tjera bëhet me dije se rastet e konfirmuara pozitive janë raste kontakti prej të cilëve 4 raste janë me vendbanim në fshatin Domanek- Malishevë, 3 raste me vendbanim në Prishtinë dhe 1 rast me vendbanim në fshatin Studime e ulët-Vushtrri./abcnews.al

Albin-Kurti-2-EPA-Valdrin-Xhemaj-e1578510714574-1280x720-1.jpg
eri Ida15:24 | 25/03/2020

Kryeministri i vendit, Albin Kurti në seancën e kësaj të mërkure është shprehur se shkarkimi i ministrit Agim Veliu nuk është shkak për rrëzimin e Qeverisë, sipas tij shkak për këtë është marrëveshja e gatshme me Serbinë që nuk po e mbështetë.

kreu i qeverisë së Kosovës ka deklaruar se këto pazare presidenciale janë të dëmshme dhe të rrezikshme dhe se nuk mund ta kenë atë si bashkëpunëtor dhe mbështetës.

Gjithashtu në fjalën e tij në seancën plenare Kurti ka dhjënë detaje dhe në lidhje me atë që është diskutuar në takimin e tij me presidentin e vendit Hashim Thaçi.

Sipas tij, motori i kësaj pune është të s’postohet ai, të shpallet gjendja e jashtëzakonshme dhe të realizohet pazari i marrëveshjes së gatshme.

“Me mua kryeministër me këtë qeveri nuk shpallet gjendja e jashtëzakonshme pa u krijuar, dhe nuk ka marrëveshje as në shpi të bardhë as të gjelbër e as të kuqe për shkëmbim territorial me Serbinë. Motori i nxitimit të shkarkimit të kësaj qeverie ka të bëj me marrëveshje të gatshme për shkëmbimin e territoreve me Serbinë. Pazari presidencial e kërkon rrëzimin e qeverisë”, ka thënë Kurti./abcnews.al

Albin-kurti3.jpg
in a12:06 | 25/03/2020

Duke iu përgjigjur Presidentit Hashim Thaçi, Kurti shkruan në rrjetin social “Facebook” se përplasja me presidentin ka ardhur në një kohë të papërshtatshme.

“Lufta e presidentit kundër këtyre rekomandimeve ka ardhur në kohën më të papërshtatshme të mundshme”, shprehet Kurti.

Ndërkohë sipas ekspertëve të IKSHP-së, Kosova po futet në dy javët më kritike, kur rreziku për përhapjen e përshpejtuar të virusit është në nivelin më të lartë.

Statusi:

Të dashur qytetarë,

Me vendimin e saj të ditës së hënë, Qeveria e Republikës së Kosovës, me një votë gati unanim, miratoi masa të reja të rekomanduara nga Instituti Kombëtar të Shëndetit Publik, për të fituar sa më bindës dhe sa më shpejt betejën tonë të përbashkët kundër virusit COVID-19. Po të njëjtën natë, presidenti i Republikës së Kosovës ndërmori një hap të paprecedentë dhe të papërgjegjshëm por, fatkeqësisht, jo edhe të papritur, duke iu bërë thirrje qytetarëve dhe zyrtarëve policorë që të rezistojnë zbatimin e Vendimit të Qeverisë dhe, në këtë mënyrë, duke rrezikuar drejtpërdrejt shëndetin publik të qytetarëve dhe banorëve të Republikës sonë.

Ndërsa, dje në mëngjes, presidenti vazhdoi edhe më tej betejën e tij kundër rekomandimeve të IKShP-së, duke e kontestuar Vendimin e Qeverisë në Gjykatën Kushtetuese të Republikës së Kosovës.

Përkundër gabimeve elementare juridike dhe pretendimeve që nuk qëndrojnë fare, të bëra nga presidenti në kërkesën e tij, unë dhe Zyra ime dërguam përgjigje në kërkesën e presidentit mbrëmë para orës 22:00, në të cilën përgjigje kemi sqaruar qëndrimin tonë në lidhje me argumentimin prima facie të kërkesës, pretendimin e presidentit për dëmin e pariparueshëm si dhe në lidhje me interesin publik.

E kemi bërë të qartë konsiderimin tonë se Rregullorja e Punës së Gjykatës Kushtetuese ka përcaktuar qartë në Rregullin 57.4 shkronjat (a), (b) dhe (c) se në mënyrë kumulative duhet plotësuar kriteret e përcaktuara me këtë dispozitë. Presidenti në këtë rast duhet në mënyrë kumulative (1) të ndërtojë prima facie rastin, (2) të dëshmojë se ekzekutimi i vendimit i shkakton dëm të pariparueshëm dhe (3) të dëshmojë se masa e përkohshme është në interesin publik.

Marrë parasysh që presidenti si palë në procedurë nuk e ka plotësuar asnjërin nga të tri kushtet të cilat kërkohet të plotësohen në mënyrë që Gjykata të aprovojë kërkesën për masën e përkohshme, ne kemi kërkuar nga Gjykata Kushtetuese ta refuzojë kërkesën në lidhje me vendosjen e masave të përkohshme.

Si kryeministër i Republikës së Kosovës, nuk kam përgjegjësi më të lartë dhe më të rëndësishme sesa mbrojtja e shëndetit të të gjithë qytetarëve të vendit. Prandaj unë, bashkë me të gjithë Qeverinë time, jemi zotuar se do të veprojmë në përputhje të plotë me rekomandimet e ekspertëve të IKShP-së dhe, në veçanti, të drejtorit të tij, prof. Dr. Naser Ramadani. Lufta e presidentit kundër këtyre rekomandimeve ka ardhur në kohën më të papërshtatshme të mundshme.

Sipas ekspertëve të IKShP-së, po hyjmë në dy javët më kritike, kur rreziku për përhapjen e përshpejtuar të virusit është në nivelin më të lartë. Kam thënë dhe do ta përsëris edhe një herë: Nuk ka vend për panik. Mirëpo, në javët që vijnë, më shumë se kurrë, duhet secili prej nesh, institucionet edhe qytetarët, të veprojë me kujdes të shtuar, në mbrojtje të të gjithëve.

Në kohë amullie si kjo është me rëndësi jetike që të mos harrojmë se të gjithë duhet të jemi duke luftuar armikun e njëjtë e që është Virusi COVID-19.

Ne do të vazhdojmë me punën tonë në raport me menaxhimin sa më të mirë të kësaj situate, pavarësisht veprimeve të presidentit, derisa të sigurohemi që do të dalim shëndetshëm e sigurt prej saj. Mos lejoni t’ju ndikojnë apetitet politike, por rrini nëpër shtëpitë e juaja, lani duart dhe bëni kujdes me distancën.

kellici.jpg
in a11:46 | 25/03/2020

Politologu, Klejdi Këlliçi në një lidhje më “Skype” me “ABC News” ka folur për krizën politike në Kosovë në këtë kohë pandemie. Ai u shpreh se vendit nuk i duhej një krizë e tillë kur e gjithë bota po përballet më një rrezik siç është COVID-19.

Sipas tij partitë politike duhet të ndalen dhe të bashkëpunojnë për parandalimin e përhapjes së kësaj pandemie, e cila sipas tij mund të sjellë pasoja të mëdha ekonomike.

Gjithashtu ai theksoi se efektet mbi ekonominë kanë qenë shumë të mëdha.

“Sa i përket raportit në lidhje me koronavirusin shtetet kanë qenë të papërgatitura. Problemi qëndron te shtetet evropiane, u treguan që të gjitha sistemet e kanë pasur të pamundur ta përballonin këtë lloj epidemie.

Duhet të kemi parasysh që OBSH varet nga vullneti i shteteve. Për vendet evropiane ka qenë psikologjikisht e pamundur të merren masa drastike. Pandemia shoqërohet me masa shtrënguese për liritë e individit”, u shpreh politologu.

Ndër të tjera ai tha se kjo është një krizë që shkaktohet nga një faktor që është i jashtëzakonshëm dhe mund të kërkojë një ndërhyrje më të madhe të aktorëve politik global, për menaxhimin e krizës./abcnews.al

kosnett-742x420-1.jpg
eri Ida21:13 | 24/03/2020

Ambasadori amerikan në Kosovë, Philip Kosnett, ka mirëpritur lajmin se Kuvendi i Kosovës do të votojë nëser për mocionin e mosbesimit. Në një postim në rrjetin social Twitter Kosnett, është shprehur se institucionet e Kosovës duhet të respektojnë Kushtetutën.

I kënaqur që shohë që Kuvendi do të zhvillojë një seancë për votimin e mosbesimit nesër. Siç i thashë sot kryeministrit, është e rëndësishme që Kuvendi dhe të gjitha institucionet e Kosovës të respektojnë Kushtetutë”, shkruan Kosnett.

Ndryshe, ambasadori i Gjermanisë në Kosovë, Christian Heldt, sot e ka ftuar Lidhjen Demokratike të Kosovës që të rishqyrtojë edhe njëherë nisjen e mocionit për votëbesim.

Gjithahstu ai është shprehur se një gjë e tillë është tërësisht e papranueshme, nuk e di pse tolerohet një ambasador i huaj kur nuk ka sjellje diplomatike konform mandatit që ka./abcnews.al

koronavirus-pozitiv.jpg
eri Ida20:06 | 24/03/2020

Në Kosovë këtë të martë janë konfirmuar dy raste të reja të infektuar me koronavirus duke e çuar në 63 numrin e personave të prekur gjithsej.

Instituti Kombëtar i Shëndetësisë Publike i Kosovës (IKSHPK), ka konfirmuar edhe dy raste të reja me koronavirus, e që numri i të infektuarve në Kosovë shkon në 63.

Sot në Laboratorin e Mikrobiologjisë Molekulare në IKSHPK u testuan 42 mostra nga të cilat dyshohej se mund të jenë të infektuara me koroanvirus.

Nga 42 mostra të testuara, dy prej tyre kanë rezultuar pozitive, pra kanë koronavirus./abcnews.al

hashim-thaci.png
ger ta23:05 | 23/03/2020

Presidenti i Kosovës, Hashim Thaci, ka deklaruar se vendimi i Qeverisë për kufizimin e lëvizjes në kuadër të masave për përhapjen e koronavirusit është në kundërshtim me Kushtetutën e vendit.

Sipas Presidentit, ky vendim mund të merret nëse është bërë shpallja e gjendjes së jashtëzakonshme.

‘’Kryeminsitri Kurti dhe Qeveria e tij sonte kanë shkelur në mënyrë flagrante Kushtetuten e Republikës së Kosovës. Është në kundërshtim me ligjet dhe Kushtetutën. Vendimi për kufizimin e lëvizjes paraqet shmangie dhe shkelje të të drejtave të qytatarëve të garantuara me kushtetutë’’, ka thënë ai.

‘’Kufizimi mund të shpallet vetëm me shpalljen e lëvizjes së jashtëzakonshme dhe ajo nuk ekziston. Unë do të garantoj funskionimin e ksuhtetuës dhe do ta kundërshtoj cdo institucion që shkelë kushtetutën e vendit. As qeveria dhe asnjë institucion nuk ka të drejtë të shkelë kushtetutën. Janë shkelur në mori nenesh në marrjen e këtij vendimi’’

‘’Qytetarët nuk janë të detyruar të respektojnë këtë vendim. As policia dhe organet e sigurisë nuk duhet të zbatojnë këtë vendim të qeverisë sepse kështu bëjnë vepër penale’’, shtoi Thaçi.

automjetet-600x347-1.jpg
eri Ida22:50 | 23/03/2020

Qeveria e Kosovës këtë të hënë ka vendosur kufizimin e lëvizjes së lirë të qytetarëve. Duke filluar nga e marta në Korovë do të ndalohet qarkullimi i makinave dhe qytetarëve nga ora 10:00 e mëngjesit deri në ora 16:00 pasdite dhe prej orës 20:00 në mbrëmje deri në ora 06:00 në mëngjes.

Ndërkohë deri më tani në Kosovë janë konfirmuar 35 raste të prekur me Covid-19.

Vendimi është votuar në mbledhjen e qeverisë e cila është mbajtur në formë virtuale, në kuadër të parandalimit të përhapjes së koronavirusit.

Të dielën këto masa i kishte kërkuar ministri i Shëndetësisë, Arben Vitia./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono