Janë serioze dëmet e shkaktuara nga tërmeti i fuqishëm 6.4 i shkallës richter që ra pak më parë pak kilometra përballë Durrësit në detin Adriatik.
Abc News është duke raportuar LIVE për ngjarjen.
Gazetari Andi Qosja raporton se deri më tani në Spitalin e Traumës janë paraqitur 60 raste me fraktura.
Durrësi
Korrespondenti i Abc Neës raporton se në Durrës janë shembur disa godina, mes tyre edhe hotel “Palma” ndërsa numërohen një numër i madh banesash që kanë dalë jashtë përdorimit.
Spitali i Durrësit është i mbushur me qyetarë që marrin ndihmën e parë. Momentalisht për fat të mirë nuk raportohet për dëme në njerëz në Durrës.
Thumana
Situata duket se është më e rëndë në Thumanë ku nga të dhënat paraprake mësohet të jenë shembur dy ndërtesa dhe dyshohet se ka persona të ngecur brenda. Vijojnë kërkimet për nxjerrjen e personave të mundshëm që dyshohet se kanë mbetur brenda këtyre godina. Në sfond dëgjohen edhe të qara njerëzish të tmerruar nga tërmeti.
Lushnje
Një tjetër godinë është shembur në Lushnje, por nuk raportohet për dëme në njerëz. Siç raporton gazetari i Abc News, janë disa rrugë të çara dhe që janë bërë të papërdorshme.
Shkodër
Dëme fizike raportohen edhe në Shkodër dhe Lezhë, por edhe të gjithë ultësirën Perëndimore të vendit.
