tërmet

ipu.png
Sid Orela20:05 | 31/03/2020

Në rrugicat e Thumanës, koronaviruesi, ngjan si një mallkim i dytë. Jetesa është vështirësuar për të gjithë, por jo sa për Fran Lleshajn. Si çdo ditë, ai është duke u kujdesur për Dilën e tij. Dila tregon se prej vitesh tashmë është e paralizuar dhe “nuk luan vendit”.

“Vetë zi, vetë laj, vetë shpërlaj qe rrobat i kam la vetë. Lavatriçen ma prishi tërmeti..Me hor bukë hamë por pak si me sforco,” thotë i shoqi.

Franit i është ndërprerë pensioni që merrte si minator. Ai është në proces gjyqësor, por teksa dikush t’i japë drejtësi, i duhen para. Ai thotë se pazaret i bën një herë në javë e pastaj nuk del më. I duhen shumë gjëra, pelena e letra të lagura, por për t’i marrë duhet të shkojë në Fushë Krujë dhe duke qenë së nuk ka makinë nuk ka si të lëvizë.

Si ia ke bërë?

“Deri më tash kam pas gjendje. Edhe këtë javë e shty por javën tjetër nuk kam si e shty ma.”

Është e thjeshtë t’u thuash pensionistëve mos dilni në rrugë, por për Franin kjo është një kërkesë e tepërt.

Sa i përket lejes që duhet të marrë online për të dalë, Frani thotë:

“Jo nuk i jap dum unë. Shiko çfarë telefoni kam. Pse me ketë telefon qenkam tu marr online unë? Ku di me e përdor unë? Unë jam rrit me sistemin e parë, s’jam rrit me telfona të rinj. Unë vetëm po me m’hap rrugën aty e me marrë ato lekët në bankë, të grus e të miat. E me la dritat e ujt e me dal me marr furnizimin…”

Ardhja e virusit i frikëson, më shumë se sa për veten, për fëmijët e shpërndarë të cilët nuk kanë mundësi t’ju japin një dorë.

“Shumë të friksum jemi moj ti motër. Të friksum. Sa për vete sa për kalamajt mos nim fjalë të keqe aty ku i kemi, edhe për vete shumë”, shprehet Dila.

Dy tërmetet i kanë lënë pa shtëpi dhe ata tregojnë sesi kanë jetuar duke shtuar se nuk “kanë më takat që të bëjnë shtëpi” dhe vetëm presin që të veprojë shteti pasi dokumentat i kanë të gjitha. Por Frani nuk harron të qeshë. Kujdeset për pulat e tij, nga të cilat merr veze e mish, ndërsa fqinjëve nuk jua kursen ftesën për të ndarë një kafe. /abcnews.al/

teco-mix.jpg
Vladimir Prenga10:22 | 26/03/2020

Temperaturat, tërmeti dhe tani Coronavirusi. Sfida të mëdha për një brazilian, që në verë zgjodhi të luante në Shqipëri. Teco, mesfushori i avancuar i Laçit, tregon gjithçka në një intervistë të dhënë për “Globo Esporte” dhe fillimisht u tregon brazilianëve masat që janë marrë në vendin tonë për të minimizuar përhapjen e COVID-19.

“Situata po kontrollohet mirë falë Zoti, pasi kanë bllokuar lëvizjet nga Italia, në mënyrë që të mos vijnë shumë njerëz. Kampionati u ndërpre dhe ne jemi në shtëpi. Ka një orar për të lëvizur, deri në orën 13:00 mund të dalin njerëzit të punojnë ose të blejnë diçka. Pas asaj ore policia është në rrugë dhe ju gjobit nëse ju kap”, shprehet fillimisht futbollisti i kurbinasve.

 

Teco gjatë ndeshjes me Vllazninë (Foto: Mikel Thepina)

Familja e tij ndodhet në Brazil dhe normalisht mendja u shkon tek ata: “Ka qenë shumë e vështirë për mua, jo vetëm për shkak të virusit. Ju e dini, gjithmonë familja të mungon. Jam këtu për ëndrrën time dhe për ta ndihmuar familjen time. Prej dhjetë muajsh ndodhem larg shtëpisë, por çdo ditë jam në kontakt me nënën, babanë dhe vëllanë. Falë Zotit askush në familjen time nuk është prekur nga COVID-19”.

VËSHTIRËSITË – Teco rrëfen më pas vështirësitë e hasura në vendin tonë: “Kam dhjetë muaj në Shqipëri dhe kur erdha në fillim ishte shumë e vështirë për mua për shkak të ndryshimit të orës. Më pas pata vështirësi kur erdhi dimri. Stërvitesha me pantallona termale dhe sipër tutat sportive. Gjithashtu vishja bluzë termike dhe një normale”, tregon braziliani, i cili si çdo shqiptar provoi edhe tërmetet e tmerrshme të nëntorit.

“Momenti më i keq këtu ishin tërmetet. Madje kërkova që të largohesha, isha shumë i frikësuar. Kurrë nuk kisha qenë në një situata të tillë dhe shpresoj që askush të mos e provojë. Të kap në befasi dhe më pas mendon se gjatë gjithë kohës mund të bjerë një tjetër. Kam kaluar dy javë duke fjetur në një makinë me një çift dhe djalin e tyre, sepse kishte shumë tërmete këtu”, shton Teco.

 

Teco, në ndeshje debutuese kundër Happoel BeerSheva

TRANSFERIMI TE LAÇI – Në Brazil janë të shumtë lojtarët që duan të provojnë veten e tyre në Europë dhe Teco, në momentin që e pati këtë mundësi, e shfrytëzoi. “E pranova direkt propozimin që mu bë për të ardhur në Shqipërisë. Menaxheri më tha se Laçi do të luante në kualifikueset e Europa League dhe nuk e mendova dy herë.

Kisha një ëndërr që të luaja në Europë dhe sot po e bëj këtë. Kjo është arsyeja pse vendosa të luaj këtu, në një vend që ka futboll shumë të fortë dhe taktik. Kur fola me nënën time, ajo më frikësoi mua. Kjo për shkak se është hera ime e parë në Europë. Kur  e pa që ishte ëndrra ime, atëherë më mbështeti”, rrëfen braziliani i Laçit. /abcnews.al

789-1.jpg
in a08:09 | 25/03/2020

Shërbimi Gjeologjik në SHBA ka njoftuar se ishujt Kuril të Rusisë janë goditur na një tërmet me madhësi 7, 5. Si pasojë e tërmetit të fuqishëm u dha paralajmërim për tsunami, por që më vonë u anulua.

Mësohet se tërmeti ishte me në një thellësi prej 59 km (37 milje), rreth 1.400 km në veri-lindje të qytetit japonez Sapporo, shtoi USGS. Gjithashtu bëhet e ditur se nuk ka raportime për viktima.

Qendra e Paralajmërimit të Tsunamit të Paqësorit fillimisht tha se valët e rrezikshme të cunamit ishin të mundshme brenda 1.000 km nga epiqendra e tërmetit. Ndërkohë njoftoi se: “vetëm valët e cunamit ishin shumë të vogla dhe u krijuan nga ky tërmet, por sipas qendrës së Qendrës së Paralajmërimit të Tsunamit nuk ekziston asnjë kërcënim tjetër”.

10.jpg
in a10:45 | 22/03/2020

Një 15-vjeçar ka pësuar dëmtime të rënda për shkak të tërmetit të fortë në Kroaci.

Një tërmet i fuqishëm me magnitudë 5.4 shkallë të Rihter me thellësi 10 kilometra, ka goditur veriun e Zagrebit të dielën, duke shkaktuar dëme të konsiderueshme të ndërtesave, veturave si dhe daljen e njerëzve në rrugë nga paniku i madh.

Autoritetet njoftuan se operacionet e kërkim-shpëtimit ndodhen në vendin e ngjarjes dhe po punojnë për ti ardhur në ndihmë, 15 vjeçarit.

Sipas mediave kroate është dëmtua edhe spitali Rebro dhe u raportuan disa vatra zjarri, por fatmirësisht pa pasoja tragjike. Dëme ka konsiderueshme ka pasur edhe një nga katedralet më të famshme në Zagreb. Tërmeti u ndje edhe në Bosnje Hercegovinë, Hungari, Slovveni dhe Austri dhe sipas mediave është ndër më të fuqishmit që është ndjerë ndonjë herë në vend.

Nga ana tjetër ministri i Brendshëm i Kroacisë, Davor Bozinovic, bëri thirrje që njerëzit në rrugë të mbajnë distancën për shkak të rrezikut të përhapjes së koronavirusit.

 

369.jpg
in a07:12 | 22/03/2020

Mëngjesin e sotëm Krocia është goditur nga dy tërmete brenda orës 06:24  dhe 07:01 .

Tërmeti i parë me thellësi 10 km, ishte i shkallës 5.3 i shkallës Rihter, ndërsa  epiqendra e tërmetit ishte 7 kilomentra në veri të Zagrebit.

Ndërsa më pas sipas Qendrës Sizmologjike Evropiane, EMSC është regjistruar me magnitudë 5.0 ballë të shkallës Rihter dhe thellësi 10 km. Epiqendra është regjistruar 6 km nga Zagrebi.

Ndërkohë nuk janë raportuar për të lënduar në njerëz, por mësohet se  tërmeti ka shkaktuar dëme materiale.

Instituti Kombëtar Italian i Gjeofizikës dhe Vullkanologjisë bën me dije se lëkundjet e tërmetit u ndjenë në Slloveni dhe në rajonet kufitare italiane, përfshirë Triesten.

 

termet-ne-greqi.jpg
ger ta07:26 | 21/03/2020

Në mes të betejës me koronavirusin një tërmet i fuqishëm me magnitudë 5.6 të shkallës Rihter ka goditur Greqinë. Sipas Institutit Gjeodinamik të Observatorit Kombëtar të Athinës lëkundjet e forta jznë regjistruar në orën 02.49 (lokale) në veri-lindje të Pargës, rreth 47 km nga Janina.

Ndërkaq, thellësia e tërmetit ka qenë 10 kilometra. Sipas mediave greke tërmeti ka shkaktuar dëme serioze në Kanallaki. Mësohet se janë shembur disa shtëpi të vjetra. Ndërkohë, bëhet me dije se janë plagosur dy persona.

Tërmeti u ndje në Thesprotia dhe Preveza, në Janinë, Arta, Korfuz dhe në zonën më të gjerë. Po ashtu lëkundjet e forta janë ndjerë edhe në Shqipëri.

/abcnews.al

trew.jpg
in a19:51 | 15/03/2020

Përveç fatkeqsisë që i la tërmeti i 26 nëntorit duke i nxjerrë në çadra, banorët e Laçit janë tashmë të rrezikuar nga Koronavirusi.

Me gjithë ndihmën e dhënë nga Kisha e në qytetin e Laçit, duke i plotësuar kushtet për strehim, çadrat nuk janë të përshtatshme për të kaluar pandeminë.

Sokol Pepushaj, zëvendës famulltar i Kishës së Shën Mehillit

në Laç i bën apel shtetit që t’u vijë në ndihmë këtyre qytetarëve.

“Mirë tërmeti, por çështja  epandmeisë nuk na lejon të bëjmë grumbull njerëzizhs. Apelojmë ndaj shtetit të marrë masa”, shprehet ai.

Qytetarët e strehuar në çadra shprehen të kënaqur me shërbimin dhe ndihmën e dhënë nga Kisha.

“Na ka strehuar Kisha, nuk asnjë vërejtje për këtë”, shprehet një qytetar.

Ndërkohë meshat e së martës për besimtarët do të zhvillohen online./abcnews.al

termet-ne-kishe.jpg
ger ta15:42 | 08/03/2020

Një tërmet me magnitudë 5.2 goditi arkipelagun portugez Madeira në Portugali. Dridhjet e forta të tokës kanë shkaktuar panik, ndërsa banorët i kanë lënë banesat të frikësuar.

 Tërmeti i fuqishëm është ndjerë edhe në zona tjra të Ishujve Kanarie, ndërsa ka bërë që turistët t’i lirojnë hotelet dhe të largohen.

Pamjet që janë marrë në Sao Vicente, tregojnë besimtarët që u detyruan të dalin me shpejtësi nga kisha, ku po zhvillohej një koncert me muzikë barok.

Ministri i turizmit, ka qenë në mesin e besimtarëve në kishë, ku nuk është shkaktuar ndonjë incident.

Si pasojë e rënies së gurëve, tri rrugë kryesore janë detyruar të mbyllen përkohësisht, ndërsa ia janë kthyer normalitetit pasi gurët u larguan.

Dridhjet e vazhdueshme që zgjatën deri në një minutë, konsiderohet se janë më të fuqishme në Madeira në 45 vitet e fundit.

/abcnews.al

termeti.jpg
Autor E10:48 | 02/03/2020

Një tërmet me magnitudë 3.1 të shkallës Richter ka lëkundur tokën në Hamallaj të Durrësit pak më parë.

Nga të dhënat paraprake, tërmeti kishte një thellësi prej 29 kilometrash duke bërë që të mos ndjehet i fuqishëm në sipërfaqe, ndërsa lëkundjet e tokës i kanë kujtuar banorëve tmerrin e 26 nëntorit.

Lëkundjet janë ndjerë në zonën e Durrësit, Kavajës, Krujës dhe lehtë në Tiranë.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono