Video

ta7.jpg
in a18:28 | 30/03/2020

Aktualisht, një fuçi naftë po shitet nën 20 dollarë duke arritur nivelin më të ulët të çmimeve në 18 vitet e fundit nga 50 dollarë që tregtohej një muaj më parë.

Industria globale e naftës po përballet me rënien e kërkesës së saj më të madhe në histori. Tregtarët dhe analistët parashikojnë se konsumi i papërpunuar mund të bjerë edhe më shumë muajin e ardhshëm për shkak të bllokimeve të vendosura për parandalimin e pandemisë.

Por, pavarësisht kësaj në Shqipëri ulja e çmimit mbetet shumë i vogël.

Nga një vëzhgim i bërë në pikat e tregtimit të karburanteve me pakicë vërehet se çmimet variojnë nga 164 në 173 lekë për litër.

Në krahasim me periudhën para nisjes së përhapjes së COVID-19 ndryshimi rezulton të jetë 10-15 lekë më pak.

Shoqata e hidrokarbureve sqaron se kjo situatë është për shkak të taksave të shumta që paguhen në Shqipëri, në një litër naftë.

Në total qytetarët paguajnë rreth 110 lekë vetëm taksa në një litër naftë.

Tregtarët me pakicë të karburanteve në vend shprehen se konsumi pas vendosjes së karantinës ka rënë me rreth 80%.

Shqipëria rezulton të jetë një ndër vendet me çmimin më të lartë të naftës në Evropë duke ndikuar direkt në ekonominë familjare, por edhe në biznese./abcnews.al

civi.jpg
in a18:11 | 30/03/2020

Në një lidhje më “ABC News” eksperti i ekonomisë, Adrian Civici  ka folur për krizën ekonomike të shkaktuar nga pandemia.

Civi u shpreh se kriza ekonomike nuk është një krizë që filloi me pandeminë, edhe pse sipas tij ishte një faktor që ndikoi negativisht duke i dhënë një goditje sektorit të prodhimit dhe të shërbimit.

Ekpserti Civici, tha se në vitet 2018-2019 ekonomitë botërore shfaqen shenja të përkeqësimit të ekonomisë.

“Kjo krizë nuk është totalisht e shkaktuar nga pandemia. COVID-19 cilësohet si zjarrëvënës. Ndryshe nga krizat e tjera, kjo krizë ishte një goditje për sektorin e prodhimit dhe të shërbimit.

Duke filluar nga viti 2013, u shfaqen shenjat e një krize të re, e cila shpërtheu nga pandemia e koronavirusit. Të dyja bashkë kanë krijuar një situatë shumë të rëndë për financat dhë ekonominë”, u shpreh Civici.

Më tej ai theksoi se në fund të vitit 2012 ekonomia korigjoi një pjesë të defekteve në sektorin financiar. Duke filluar nga viti 2018 -2019 ekonomia botërore filloi të shfaqte shumë shenja të përkeqësimit. Që në vitin 2019, u fol për shumë elementë të një krize të re, që do ti përafrosheshin krizës së vitit 2008.

 “Lufta tregtare është një nga treguesit që situatë është në prag të krizës. Koronavirusi e përkeqëson shumë më tepër. Një pjesë e madhe e masave që janë marrë synojnë më tepër që të ruhet niveli i konsumit.

Nëse i kemi lënë këto biznese të shkojnë në pikën zero, rifillimi do të jetë më i gjatë dhe më i vështirë.

Për vendet si Shqipëria që tashmë kemi një borxh 70%,  problemi është se sa mundësi kemi potencialisht që të ofrojmë paketa financiare”, theksoi ai.

Gjithashtu ai theksoi se në Shqipëri, vazhdojmë të dominohemi nga masat që kanë në karakter konsumin.

Për shumë shërbime në Shqipëri, që ofroheshin me euro, ka një hezitim për ti blerë. Në këtë momente njerëzit kanë një prirje ti reduktojnë shpenzimet.

Përse ulja në rang global e çmimit të naftës nuk reflektohet në Shqipëri?

Civici: Rënia e naftës lidhet me luftën tregatre midis Rusisë dhe Arabisë Saudite. Nga ana tjetër, çmimi i naftës ka rënë nga ulja e kërkesës për naft. Nëse në disa vende të zhvilluara të botës kjo është reflektuar brenda ditës, në Shqipëri edhe në raste të tjera nuk ka ndodhur diçka e tillë.

Fatkeqësisht në Shqipëri kur rritet çmimi i naftës, rritet brenda ditës ose brenda natës, ndërsa kur ulet është një proces më i gjatë./abcnews.al

laugh.png
Sid Orela17:42 | 30/03/2020

“Kam dy ditë që pi ujë me sheqer”. Kështu është shprehur, ndër të tjera, mes lotësh një e moshuar nga Vlora, historia e të cilës tashmë dihet nga të gjithë shqiptarët pasi videoja e shpërndarë nga Abc News është bërë virale.

Nënë Myzejene Jaupi foli për kamerën e Abc News se është 84-vjeçe dhe jeton fare e vetme në shtëpi. Gjendja e të moshuarës duket aq e rëndë sa ajo shprehet se “do ikte e pa ngopur në gropë.”

Ajo tregon se e ka thyer karantinën për pak bukë, dhe shpreson që të sëmuret me virusin korona, pasi nuk mund ta shtyjë situatën në të cilën ndodhet.

“Jam 84 vjeçe jam pa njeri fare në shtëpi. Po pi ujë me sheqer. Dhe do dal le të më marrë, dhe të më fusë në burg policia, se unë po rri pa ngrënë. I dërgova sekretares së Dritan Lelit dhe nuk e vuri ujin në zjarr, dy ditë pa bukë, ujë me sheqer piva mbrëmë. Nuk më zinte gjumi. Sikur një dorë makarona të kisha të bëja supë. Unë nuk mund të kërkoj në lagje tani”, thotë e moshuara.

Pas publikimit të historisë së saj në Abc News, një numër i madh mesazhesh kanë ardhur në numrin e redaksisë 067 400 9040 nga qytetarë  të ndryshëm që janë ofruar që ta ndihmojnë Myzejenen.

Videoja e shpërndarë në faqen në Facebook të Abc News Albania ka marrë një numër rekord shikimesh e shpërndarjesh, dhe kjo ka ndihmuar në “përhapjen e fjalës”.

Mes personave që janë ofruar të ndihmojnë, është edhe pronari i një furre buke në Vlorë, i cili ka sjellë ndihma për të moshuarën.

Veç disa ushqimeve e bukëve, ai kishte sjellë për Myzejenen edhe një thes me mjell. Ai thotë se dëgjoi për historinë e nënës nga Abc News dhe nuk ngurroi të ndihmonte.

“Sa pashë nënën tek Abc-ja, direkt më erdhi që të ndihmoja”, thotë ai.

Mirënjohëse e moshuara e falenderon qytetarin që e ndihmoi dhe gazetarët të cilët ajo thotë se ju bënë djem e kaluar djemve. /abcnews.al/

ea.jpg
in a17:41 | 30/03/2020

Restoranti Panevino pjesë e Maritim Hotel Plaza Tirana ka vendosur që të zgjerojë  shërbimin Delivery me një meny të pasur  për  të gjithë të interesuarit.

Për të shmangur mundësinë e përhapjes së COVID-19 janë ndërmarrë një sërë masash të rëndësishme.

Stafi i këtij biznesi është trajnuar nga mjekë të Spitalit “Hygea” në lidhje me mënyrën se si duhet të veprojnë gjatë përgatitjes së ushqimit .

“Është vendosur një staf që do të ushtrojë aktivitetin brenda hoteleve. Besoj që ky trajnim është një ndihmesë që të shtohet në maksimum siguria”, u shpreh ai.

Zv.drejtori i Përgjithshëm, Entiljano Spahiu deklaroi se stafi është akomoduar në ambjentet e Hotelit për të shmangur kontaktet me persona të tjerë.

“Duke parë masat që ne kemi marrë në lidhje me trajnimin dhe monitorimin e stafit. Rregullat që ne jemi duke zbatuar për situatën e krijuar nga COIVD-19 , i kemi marrë  për të siguruar klientët tanë, për të vazhduar shërbimin në një kohë më të gjatë dhe më të shpejtë” theksoi Spahiu.

Në kuzhinë kujdesi është i madh në çdo proçes, që nga gatimi, më pas paketimi dhe larja e enëve. Ndërsa punonjësit janë të gjithë të paisur me maska e doreza.

Rigels Rumani ekzekutiv shef në kuzhinë, sqaron se në vëmendje është edhe larja e produkteve,  por edhe përzgjedhja e tyre me vlera ushqimore.

“Kemi marrë masa dhe kemi përzgjedhur furnitorë që janë të certifikuar dhe me standarde. Kemi preparate të certifikuar me bazë klori dhe alkoli me të cilët bëjmë pastrimin dhe higjenizimin e produkteve të freskëta”, sqaroi Rumani.

“Maritim Hotel Plaza Tirana” është një brend i rëndësishëm i certifikuar me 5 yje./abcnews.al

ba.jpg
in a17:12 | 30/03/2020

Kryebashkiaku Veliaj në një lidhje me “ABC News”  ka folur për situatën e shkaktuar nga koronavirusi, ndërsa u ndal edhe të nisma më e fundit “adapto një gjysh apo gjyshe”.

Kryebashkiaku theksoi se vazhdon puna për ti qëndruar pranë familjeve, të cilat në këto kohë të vështirë kanë më shumë nevojë për mbështetje.

Veliaj theksoi se pavarësisht kritikave, Bashkia e Tiranës do të vazhdojë punën së bashku me grupin e saj vullnetar, në çdo njësi.

“Qeveria ka vullnet që ta vendosë poshtë këtë sëmundje dhe kur ka vullnet për ta vendosur poshtë këtë sëmundje kjo funksionon. Patjetër që do të paguajmë një çmim për të fituar liri të tjera. Për ata që janë cinik, kritikat janë gjëja më e lehtë për t’u bërë”, tha Veliaj.

Gjithashtu Kryebashkiaku tha se sot gjëja më e rëndësishme është të fitohet lufta me COVID-19.

“Në 300 familje çojmë vaktet e ngrohta. Gjithashtu çojmë paketa ushqimore për persona që e kanë të pamundur ti bënë vetë blerjet ushqimore. Ka persona që mund të mos jenë në lista, por kanë nevojë për ndihmë. Kemi shpërndarë 6163 paketa ushqimore.

Është operacioni më i madh në qytetin e Tiranës që nga lufta e Dytë Botërore. Jam mirënjohës për 500 gra dhe vajza që dolën vullnetar për nismën “adopto një gjysh apo gjyshe”. Koordinimi me Bashkinë na ndihmon që ti çojmë vullnetarët, aty ku ka më shumë nevojë”, deklaroi Veliaj.

Më tej Veliaj theksoi çdo njësi ka një vetëorganizim për të realizuar këtë proces në mënyrë sa më efikase.

Gjithashtu Veliaj tha se nëse kjo krizë do të zgjasë, qytetarët do të duhet që të përgatiten për një valë solidariteti shumë më të lartë. Më shumë se kurrë kemi parë një solidaretet ndaj kësaj situate.

 “Unë e kuptoj që në asnjë situatë nuk jemi në perfeksion, secili është i kufizuar në mënyra të ndryshme. Dua të them që ka keq, por ka keq e më keq, sidomos në fshatra dhe familjet e prekura nga tërmeti. Numri 0800 0888 është për të ofruar ndihmë, ose për të kërkuar ndihmë.

Funksionojmë me dy grupe. Ka një grup që punon paradite dhe ka një grup tjetër që funksionon për personat që nuk kanë mundësi që të bëjnë blerjet. Nëse brenda 24 orëve do të kishim 500 vullnetarë të tjerë do të ishim një skuadër që del dhe tepron.

Ka vështirësi, por ka edhe më shumë solidaritet. Në fshat shihet një solidarizim shumë i madh kjo gjë duhet të reflektohet edhe në qytet.

Familjet që ishin në çadra janë vendosur në shtëpi kontejner dhe kjo do të jenë përkohësisht. Në Tiranë janë shpërndarë rreth 300 kontejnerë, kemi edhe 100 të tjera që i kemi për grupe vunerabël.

Kemi arritur të shpërndajmë 6163 paketa ushqimore. Ndërkohë në zonat rurale ne targetojmë familjet e personave me aftësi të kufizuar, familjet e prekura nga tërmeti dhe familjet në ndihmë ekonomike. Deri tani kemi qenë kokëlartë për menaxhimin e situatës”, tha Veliaj.

Gjithashtu ai theksoi se Minsitria e Shëndetësisë ka vendosur në dispozicion numrin 08004040 për personat që dyshojnë se ka shenja të COVID-19./abcnews.al

mjeket-shqiptare-itali-2.jpg
nev ila17:04 | 30/03/2020

10 mjekët dhe 20 infermierët shqiptarë që u dërguan në Itali do të shërbejnë në spitalin e Brescias.

Ata do të ndihmojnë në trajtimin e pacientëve të prekur nga koronavirusi.

Vetë ministrja Manastirliu ka shpërndarë një video dhe e konsideron ekipin si krenarinë e shqiptarëve.

Statusi i plotë:

“Ornela, Alma, Erisela, Ermali, Orgesti, Bledi, Erxhymenti, Doina, Andriana, Lindita, Qazimi, Alma, Juliani, Serxhio, Kristiani, Suela, Eraldi, Evani, Albani, Manjola, Arjani, Eduart, Korabi, Ermali, Alfonsi, Ardit, Ervis, Almarin, Elisabeta, Blerim janë #krenaria jonë

10 mjekët dhe 20 infermierët tanë do të shërbejnë në spitalin e Brescias, në një prej zonave më të goditura nga #COVID-19 në Itali”./abcnews.al

Ornela, Alma, Erisela, Ermali, Orgesti, Bledi, Erxhymenti, Doina, Andriana, Lindita, Qazimi, Alma, Juliani, Serxhio, Kristiani, Suela, Eraldi, Evani, Albani, Manjola, Arjani, Eduart, Korabi, Ermali, Alfonsi, Ardit, Ervis, Almarin, Elisabeta, Blerim jeni #krenaria jonë🙏🏼10 mjekët dhe 20 infermierët tanë do të shërbejnë në spitalin e Brescias, në një prej zonave më të goditura nga #COVID-19 në Itali❗️#FORCA#JEMIMEJU 🇦🇱🇮🇹

Gepostet von Ogerta Manastirliu am Montag, 30. März 2020

shefi.gif
in a16:20 | 30/03/2020

Në një lidhje me “ABC News” infektologu Valbon Krasniqi ka folur për situatën e shkaktuar nga koronavirusi. Krasniqi theksoi stafi mjekësor është angazhuar në luftën kundër përhapjes së COVID-19, ndërsa theksoi se edhe qytetarët janë ndërgjegjësuar duke respektuar masat e vendosura.

“Ky virus ka ardhur më vonë në Kosovë, masat e marra kanë ndihmuar edhe në uljen e rasteve. Një punë e vazhdueshme po bëhet edhe nga ekipi shëndetësor dhe duket që ndërgjegja e qytetarëve është e lartë edhe pse ka vend për përmirësim. Në dy javët në vazhdim do të shohim se si do të jetë situtata.

Ka kohë që është vënë në dispozicion një numër telefoni për ti ardhur në ndihmë qytetarëvë, për të marrë udhëzime për simptomat që ata paraqesin.

Nuk testohen të gjitha rastet e kontaktit, por u këshillohet të qëndrojnë në shtëpi dhe në rast se shfaqin shenja atëherë merren për trajtim specifik të këtyre pacientëve”, u shpreh krasniqi.

I pyetur se nëse do të testohen mjekët në Kosovë, Krasniqi tha se kjo nuk është e domosdoshme.

“Varet nga rastet. Kemi marrë qëndrim që vetëm stafi që shfaq simptoma të testohet. 

Më mirë është të mbrohemi dhe në rast se dyshojmë se kemi pasur kontakt dhe nuk kemi respektuar rregullat atëherë duhet të realizohen testet.

Klinika e Infektivit është pajisur mirë me mjetet shëndetësore, por nga rrethet shohim që ka mungesa për pajisje, pasi çdo ditë po na vijnë kërkesa.

Kemi vënë në dispozicion 250 shtretër dhe kemi në plan të shtojmë edhe 250 shtretër. Sa i përket stafit shëndetësor kemi probleme me numrin e infektologëve, kemi rreth 43 specialistë. Për staf të specializuar besoj se do të ketë nevojë gjithmonë. Por, nga ana tjetër kemi qindra mjekë dhe infermierë që janë paraqitur vullnetarisht”, tha Krasniqi./abcnews.al

tre.gif
in a15:47 | 30/03/2020

Për shumë familje me pamundësi ekonomike, kryesisht në periferi të Tiranës, edhe në këto ditë izolimi vazhdon rituali i blerjes së ushqimeve me lista. Pronarët e dyqaneve nuk e ndërpresin ndihmën për këto familje. Jo të gjithë flasin para kamerës.

Por, shumë nga tregtarët tregojnë se janë të detyruar të mos i lenë këto familje pa ushqimet bazë.

“Ka shumë familjarë që nuk kanë mundësi dhe lekët i sjellin në fund muaji. Dy fletore i kam hedhur, nuk kam çfarë të bëj, ata vijnë për bukën e gojës”, shprehet një prej tregtarëve.

Tregtarët thonë se kjo situatë kur shumë vende pune janë mbyllur, ka rritur numrin e qytetarëvë që blejnë ushqime me lista.

“Janë shtuar shumë dhe vijnë gati çdo ditë. Nuk kemi çfarë të bëjmë”, shprehet ai.

Të pyetur nga “ABC News” nëse do të vazhdojnë të shesin ushime me lista, tregtarët thonë që ky është humanizëm.

“Kjo është sakrificë për këdo qoftë. Është koha për mbijetesë, nuk është koha për të bërë para”, thotë ai.

Gjithsesi tregtarët tregojnë se edhe ata nuk e kanë të lehtë të shesin pa marrë lekët mbrapsht.

“Kemi vështirësi. Nëse nuk marrim nga klienti do të kemi shumë vështirësi. Dita ditës numri vjen duke u rritur”, thotë një tjetër tregtar.

Vetë qytetarët që blejnë pasi shënojnë emrin në listë të dyqani i lagjes i shmangen kamerës. Të pranosh varfërinë, jo gjithmonë është e lehtë./abcnews.al

Capture.gif
in a15:16 | 30/03/2020

Komisioneri për zgjerimin, Oliver Varhelyi, deklaroi se Bashkimi Europian do t’i ndihmojë partnerët për të mbuluar nevojat e tyre të menjëhershme për sistemin e tyre shëndetësor në luftën kundër COVID-19.

Në një videomesazh të publikuar në rrjetin social “Facebook” Varhelyi bën me dije se do të mbështeten ndërmarrjet e vogla dhe të mesme në rajon.

“Ne do t’i ndihmojmë partnerët tanë të mbulojnë nevojat e tyre të menjëhershme për sistemin e tyre shëndetësor, si dhe të promovojmë masa afatgjata për të lehtësuar ndikimin socio-ekonomik të krizës së koronavirusit. GJithashtu do të mbështesim ndërmarrjet e vogla dhe të mesme në rajon”, tha Varhelyi.

WhatsApp-Image-2020-03-28-at-21.57.09.jpeg
nev ila21:57 | 28/03/2020

Kryeministri Edi Rama, gjatë mesditës së sotme ka drejtuar një mesazh disa prej qytetarëve që sipas tij “nuk duan të marrin vesh“.

Në tentativë për të qenë më se i qartë me këta qytetarë, dashur pa dashur, bëri edhe një deklaratë ku la të kuptohet se është kundër presidentit të Shteteve të Bashkuara të Amerikës ose të paktën nuk është dakord me mënyrën e menaxhimit të situatës nga Trump, për koronavirusin ne Amerikë.

Gjatë mesazhit të tij Rama thotë se Presidenti i SHBA-ve u kishte thënë qytetarëve se virusi do kalonte shpejt, e sot po përballet me një situatë që spitalet nuk kanë më vende, dhe kjo sipas Ramës ka ndodhur sepse nuk janë marrë masat e duhura.

“Meqë keni qejf shembujt me Amerikën, Presidenti u thoshte deri dje se kjo do iki shpejt, thjesht do iki. E shikoni tani se çfarë u thotë amerikanëve. Ndërkohë që duke pritur që të iki vetë i hap rrugën armikut. Sot kanë kaluar Kinën me infektim dhe s’po kanë më as vend dhe as mjete mbrojtëse për mjekët dhe infermierët në spitalet e Nju Jorkut.

Amerika është Amerikë dhe mbase dhjetëra mijëra të vdekur nuk i ka aq problem sa ne. Po ne që me Amerikën nuk krahasohemi dot në asnjë gjë, si mund t’ja lejojmë vetes të lëshohemi dhe të vëmë në diskutim jetën duke moskuptuar se kjo është një luftë për ekzistencë dhe jo një lojë kukamçefti e politikës së poshtër siç kanë qejf ta quajnë disa nga ju.

Realisht nuk di si të flas me disa prej jush që  nuk duan të marrin vesh, nuk duan të hapin sytë e të shohin realitetin. Me siguri di vetëm një gjë, që po vazhduam kështu do ta kalojmë pa qindra mijëra viktima, dhe do hapim pjesë –pjesë rrugët  e jetës normale, më herët se të tjerët.

Po u lëshuam, po u dorëzuam, me të dalë ku të dalë, ne do bëhemi turpi më i madh i këtij vendi, dhe gazi i planetit”, shprehet ndër të tjera Rama./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono