Durrës

leonidhaaaaaaaaaaaaaa-1280x652.gif
eri Ida13:44 | 03/04/2020

Durrësi është qyteti i dytë në vend porsa i përket numrit të të infektuarve dhe viktimave nga koronavirusi në Shqipëri.  Këtë të premte në qytetin bregdetar  janë konfirmuar dy raste të reja duke e çuar në 32 numrin e përgjithshëm të personave me koronavirus.

Gazetari Leonidha Musaj raporton për Abc News se dy rastet e rinj në Durrës, janë një çift ashkëshortësh 34 dhe 35 vjeç. Ndër të tjera gazetari bën me dije se sipas burimeve pranë spitalit të Durrësit dyshohet se në këtë rast kemi të bëjmë me një vatër të re infektioni.

Ndërkohë gjithashtu në Kavajë janë konfirmuar dy raste të reja duke e çuar në 8 numrin e personave të infektuar.

Gazetari i abcnews.al bën me dije se dy rastet e reja janë familjarë të një 60 vjeçari i cili është konfirmuar dy ditë më parë pozitiv me koronavirs. Ato janë bashkëshortja dhe djali i tij të cilët theksojnë se nuk e dinë nga mund ta kenë marrë infeksionin pasi nuk kanë pas kontakt me persona të infektuar. /abcnews.al

durres-korona.jpg
ger ta10:10 | 03/04/2020

Një 78 vjeçar nga Durrësi shënoi viktimën e 16-të nga koronavirusi në vend, ditën e djeshme. Gazetari Leonidha Musaj raportoi për Abc News nga zona ku banonte viktima në Durrës.

Mësohet se i moshuari disa ditë më parë ka shkuar për të vizituar të vëllain e tij që ndodhej i shtruar në spital me pneumoni. Dhe mendohet se është infektuar me koronavirus në ambientet e spitalit të Durrësit, atje ku ndodhej i shtruar vëllai.

78-vjeçari ka ndjerë simptoma të ngjashme me ato të koronavirusit, ndërsa pasi iu bë tamponi rezultoi pozitiv. Pas kësaj ai u shtrua në spitalin Infektiv ku qendroi prej tre ditësh i intubuar dhe humbi jetën.

Më pas është bërë edhe gjurmini i familjes dhe rezulton që edhe vëllai i tij me sëmundje pneumonale të jetë i infektuar.

Sakaq, viktima ka pasur një sërë sëmundjesh shoqëruese si hipertensioni që ia kanë vështirësuar edhe më shumë, duke bërë që të humbasë betejën me Covid-19.  /abcnews.al

videoo.gif
eri Ida12:35 | 02/04/2020

Ka shkuar në 30 numri i personave të infektuar nga koronavirusi në Durrës.  Ndërkohë një tjetër viktimë është shënuar këtë të enjte në vendin tonë, ai është një 78 vjeçar nga Durrësi duke e çuar në 3 numrin e viktimave në këtë qytet dhe në 16 numrin e atyre që kanë humbur jetën në Shqipëri nga Covid 19.

Mësohet se nuk do të përcillet në banesën e fundit nga bashkëshortja e tij të cilës nuk arriti ti linte dot asnjë amanet. Edhe ajo një ditë më parë rezultoi pozitive. 78 vjeçari vdiq I vetëm në dhomën e spitalit, mbylli sytë pa parë një fytyrë familjare.

Gazetari Leonidha Musaj ka raportuar për Abc News se rasti i ri i konfirmuar këtë të enjte në Durrës është një person 60 vjeçar i cili ka pas kontakte me persona të infektuar.

Gjithashtu gazetari i abcnews.al ka bërë me dije ndër të tjera se një tjetër 60 vjeçar është konfirmuar pozitiv me Covid 19 në Kavajë duke e çuar në 6 numrin e personave të infektuar në këtë qytet.

Ndërkohë deri më tani fatmirësisht mësohet se gjendja e personave të konfirmuar pozitiv me koronavirus në Durrës dhe në Kavajë janë në gjendje të mirë shëndetsore. /abcnews.al

FLAMUR-GJUZI-HETIM-1280x720.jpg
ger ta10:28 | 02/04/2020

Vetëdorëzohet në polici, ish kreu i ALUIZNI-t në Durrës, Flamur Gjuzi. Ky i fundit ishte prej 6 muajsh në kërkim pasi akuzohet për “shpërdorim detyre”.

Flamur Gjuzi është akuzuar për shpërdorim detyre gjatë periudhës që drejtonte Aluiznin në Durrës dhe është dorëzuar me ndërmjetësim.

Gjuzi ka qenë i shpallur në kërkim, ndaj të cilit Gjykata e Durrësit kishte caktuar në mungesë masën “arrest me burg” për shpërdorim detyre, në sajë të mega-operacionit të ndërmarrë në këtë qytet në muajin dhjetor 2019, në lidhje me pasojat e shkaktuara nga tërmeti i 26 nëntorit.

Më 13 dhjetor, policia bëri me dhjetëra arrestime në Durrës, ku në pranga ranë zyrtarë e ish-zyrtarë, ndërtues, arkitekt, inxhinierë si dhe biznesmenë, pasi akuzohen se kanë shkelur ligjin, duke sjellë dhe dëmet e shkaktuara nga tërmeti ku humbën jetën 51 persona.

infe-1280x465.gif
in a19:34 | 01/04/2020

Një qytetar nga Durrësi, roje i Pallatit të Kulturës “Aleksandër Moisiu”, G.K., në lidhje telefonike në “ABC News” ka denoncuar mungesën e reagimit të Urgjencës edhe pse i ka telefonuar duke theksuar se kishte simptoma të rënda të koronavirusit.

Ai shprehet se pas telefonatave të shpeshta te numri 127,  pasi dyshon se është me COVID-19, nuk ka marrë asnjë reagim.

Gjithashtu ai thekson faktin se prej 21 ditësh ka marrë mjekime, pasi ka pasur shqetësime të brendshme dhe një kollë shqetësuese.

“Kam 21 ditë nuk më pushon kolla e thatë. Kam shqetësime të brendshme, diarre dhe kollë. Marr 127 çdo ditë dhe nuk  e marrin seriozisht situatën, vetëm tallen. Jetoj me pesë pjesëtarë tjerë, nuk kam si të izolohem, edhe pjesëtarët e tjerë kanë filluar të shfaqin shenja. Djali nuk ka oreks duket i lodhur.

Nuk vijnë të më kontrollojnë, por edhe më thonë të mos shkoj në spital sepse mund të infektohen mjekët. Më thonë se nuk bëhet tamponi pa pasur shenja, nuk e di çfarë shenjash duan ata, kam 21 ditë me kollë të thatë.

Jam 55 vjeç, numrin, adresën ja kam dhënë 127 dhe nuk kam marrë asnjë reagim.

Bëra një vizitë në privat për mushkëritë. Ka shkuar dy herë dhe kam bërë grafitë, më tha se kam pak shenjë ftohje dhe asgjë tjetër.

Kam bërë grafinë e mushkrive dhe thjesht më dhanë ilaçe. 21 ditë me mjekime, por nuk ka ndryshuar asgjë. Mjekut të familjes i kam kërkuar ndihmë, por ai kishte frikë të më afrohej.  

Që në datën 12 të këtij muaji ka tentuar të kontaktoj me 127, por asnjë përgjigje. I kam shkruar edhe kryeministrit dhe nuk më është përgjigjur”, tha 55-vjeçari.

/abcnews.al

virusi.gif
eri Ida13:34 | 01/04/2020

Që prej së martës kjo zonë pa frikë mund të konsiderohet si e kuqe, pasi një shtim rastesh prej 11 persona në një ditë është mjaft shqetësuese. Kujtojmë këtu se ka qënë një burrë 71 vjeç i infektuari i parë që u raportua ditën e hënë dhe të martën dolën pozitiv e djali, bashkëshortja dhe disa të afërmve të tij.

Në zonë ka pllakosur heshtja, me sa duket banorët janë të vetëizoluar dhe pak prej tyre kanë lëvizin në rrugë vetëm për të blerë ushqime.

Sëmundja të tremb, pas atyre rasteve nuk kemi dalë”, është shprehur një banor.

Një tjetër banor në Spitallë është shprehur se pas çdo dalje dhe pas prekjes së objekteve lajnë duart.

Unë s’kam frikë nga Edi Rama jo më të kem frikë nga koronavirusi, më mirë të vdesim nga ajo. Gruan e kam të sëmurë mezi i kam marrë gjilpërat”, ka thënë një tjetër banorë.

Mësohet se i infektuari i parë i Spitallës, bashkëshortja dhe djali i tij po trajtohen nga mjekët në spitalin Infektv në Tiranë. Ndërsa pjesa tjetër e të prekurve janë vetëkarantinuar dhe po marrin mjekime në shtëpi./abcnews.al

durres-kavaje-1280x633.gif
eri Ida12:47 | 01/04/2020

Në Durrës këtë të mërkurë janë konfirmuar 3 raste të reja duke e çuar në 29 numrin e përgjithshëm të personave të infektuar me koronavirus.

Gazetari Leonidha Musaj raporton për Abc News se 2 nga rastet e konfirmuar pozitiv me COVID 19 është një çift bashkëshortësh që praktikisht janë cilësuar si vatër e re, pasi nuk kanë lidhje me asnjë nga rastet e mëparshme të konfirmuar në qytetet. Paraprakisht dyshohet se çifti mund ta ketë marrë infeksionin pas kontakteve që mund të kenë pasur me të afërm që jetojnë në Itali.

Ndërkohë Kavaja ka qenë një tjetër qytet që ka shënuar një rast të ri, ai është një 65 vjeçar nga fshati Gosë që gjithashtu është cilësuar vatër e re, pasi nuk ka pasur asnjë kontakt me zinxhirin e të prekurve me koronavirus deri më tani.

Ndërkohë gazetari i abcnews.al bën me dije se ditën e nesërme pritet që testimit ti nënshtrohen familjarët dhe personat e kontaktit me këto raste./abcnews.al

leonidhaaa-1280x598.gif
eri Ida09:51 | 01/04/2020

Spitalla e Durrësi është zona më e infektuar në këtë qark. Vetëm dje listët të të prekurve ju shtuan plot 11 persona nga i njëti fis.

Bashkë me të infektuarin e parë bilanci ka arritur në 12 të infektuar.

Gazetari Leonidha Musaj raporton për Abc News bëhet fjalë për një 71 vjeçar i cili para dy ditësh rezultoi pozitiv dhe dyshohet se është dhe shkaku i përhapjes së virusit në katër familjeve të tjera. Ndërkohë dyshohet se i moshuari e ka marrë virusin nga djali i tij, i cili punonte në një call center në Durrës, i cili së bashku me nënën kanë rezultuar pozitiv dhe ndodhen te Infektivi.

Ndërkohë kjo ka bërë që tashmë 12 anëtarët e një fisi në Spitallë të jenë të prekur nga Covid 19. /abcnews.al

WhatsApp-Image-2020-04-01-at-08.48.19.jpeg
ger ta08:50 | 01/04/2020

Policia e Durrësit ka goditur një grup shpërndarësish të drogave të forta, ndërsa janë vënë në pranga 3 persona.

Gjatë operacionit janë sekuestruar 0.5 kg lëndë narkotike, e llojit heroinë dhe kokainë, si dhe një sasi e konsiderueshme parash, e përfituar nga shitja e lëndës narkotike.

Njoftimi i policisë:

Goditet një tjetër rast i shpërndarjes së drogave të forta.

Finalizohet operacioni policor i koduar “HIGH QUALITY”, i ndjekur me metoda proaktive.

Operacioni, nga Seksioni për Hetimin e Narkotikëve në DVP Durrës, në bashkëpunim me Prokurorinë e Durrësit.

Sekuestrohet rreth 0.5 kg lëndë narkotike, e llojit heroinë dhe kokainë, si dhe një sasi e konsiderueshme parash, e përfituar nga shitja e lëndës narkotike.

Vihen në pranga 3 shtetas (organizatori, shpërndarësi dhe bashkëpunëtorja e shpërndarësit të lëndës narkotike).

Në vijim të goditjeve të njëpasnjëshme të realizuara për goditjen e veprimtarisë kriminale të shpërndarjes së drogave të forta, specialistët e Seksionit për Hetimin e Narkotikëve në DVP Durrës, në bashkëpunim me Prokurorinë, finalizuan operacionin policor të koduar “HIGH QUALITY”, të ndjekur me metoda proaktive.

Në kuadër të këtij operacioni u godit një grup që merrej me organizimin dhe shpërndarjen e lëndëve narkotike të forta, heroinë e kokainë.

Si rezultat u vunë në pranga shtetasit:

-E. Ç., 28 vjeç, banues në lagjen nr. 6 Durrës, i dënuar më parë për veprimtari kriminale në fushën e narkotikëve (organizatori  i kësaj veprimtarie kriminale dhe poseduesi i lëndës narkotike).

-F. K., 20 vjeç, shpërndarësi i lëndës narkotike, si dhe M. M., 20 vjeçe, banues në lagjen nr. 18, Durrës, bashkëpunëtore e shpërndarësit të lëndës narkotike.

Këta shtetas, në bashkëpunim me njëri-tjetrin, ushtronin aktivitet kriminal në fushën e narkotikëve.

Shtetasi E. Ç. siguronte lëndën narkotike të cilësisë së lartë, heroinë e kokainë  dhe për ta shpërndarë përdorte shtetasin  F. K., i cili ndihmohej nga shtetasja M. M.

Lëndën narkotike, shtetasi F. K. e shiste në qytetin e Durrësit, me doza që varionin  nga 40 deri në 100 euro një dozë.

Gjatë operacionit shtetasi F. K. u kap me 11 doza heroinë dhe 5 doza kokainë, të cilët i kishte gati për shitje.

Nga kontrolli fizik dhe kontrolli i banesave të këtyre shtetasve u bë sekuestrimi në cilësinë  e provës materiale, i sendeve të mëposhtme:

244 gr. lëndë narkotike e dyshuar e llojit heroinë dhe 11 doza;

239 gr. lëndë narkotike e dyshuar e llojit kokainë dhe 5 doza;

2 peshore elektronike;

Një shumë e konsiderueshme parash (rreth 5 milion lekë të vjetra), e përfituar nga shitja e lëndës narkotike, si dhe një biçikletë që përdorte shtetasi F. K., për të shpërndarë lëndën narkotike.

Materialet do t’i kalojnë Prokurorisë së Rrethit Gjyqësor Durrës, për veprime të mëtejshme, për veprën penale “Prodhimi dhe shitja e narkotikëve, kryer në bashkëpunim”.

/abcnews.al

Durres1.jpg
eri Ida13:01 | 31/03/2020

Durrësi tashmë është kthyer në qendër të vëmendjes përsa i përket rasteve të reja me COVID 19. Këtë të martë ministria e Shëndetsisë ka konfirmuar plot 12 raste të reja.

Nga të cilat 11 prej tyre nuk janë vatra të reja por familjarë të të prekurve të ditëve të mëparëshme të cilët ju ishin nënshtruar testimeve. Mbetet enigma vatra e re e shfaqur në këtë qytet.

Gazetarit Leonidha Musaj raporton për Abc News se burime pranë sipitali të Durrësit i kanë konfirmuar se i infektuari është një burrë në moshë të thyer dhe dyshohet se ai përpara mbylljes së kufijve ka pasur kontakte me të afërm të tij që janë emigrant.

Ndërkaq mësohet se bashkëshortja dhe djali i të infektuarit jane konfirmuar pozitive me Covid 19./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono