tërmeti

WhatsApp-Image-2020-03-23-at-18.27.37.jpeg
eri Ida17:59 | 23/03/2020

Kryeministri Edi Rama në një intervistë për ABC Neës me Endri Xhafon është shprehur se COVID  19 është një luftë më e fortë se ajo me tërmetin pasi në këtë luftë jemi të vetëm nuk kemi ku të trokasim.

Shëfi i qeverisë është shprehur se në këtë luftë kemi njëri tjetrin ndaj duhet të jemi të kujdesshëm që ti zbatojmë me përpikmëri të gjithë masat e marra për parandalimin e përhapjes së virusit.

Janë dy gjëra komplet të ndryshme.Padiskutim është kjo, pasi në këtë luftë jemi vetëm në ndryshim me atë që bëmë me tërmetin, nuk ka dyer të hapura për të shkuar dhe për të bërë atë që bëmë për termetin që shtrime dorën me argumenta që të na ndihmonte. Nuk ka njëri tjetër ktu secili është për vete dhe Zoti është për të gjithë, në këtë luftë ne kemi vetëm njëri-tjetrin, nuk duket akoma në horizont ndonjë aleancë kombëtare që jam i bindur që do të vijë por ende nuk është në horizont”, tha Rama.

Intervista e plotë:

Mund të na thoni se çfarë ndodhi me raportimin e gabuar për vdekjen e pacientit. Ju pyes për këtë pasi është besueshmëria e shifrave.

Mos ki merak besueshmërinë e shifrave. Edhe unë si ju pyeta dhe përgjigja që mora ishte e thjeshtë, pacienti kaloi në një vdekje klinike dhe pastaj ndodhi , mrekullia që u rikthye. Lajmi ishte i bazuar dhe e bazuar ishte edhe e reja që pasoi.

A mund të flasim sot, kur them sot e kam për 24 orët e fundit për një rritje që mjekët e quajnë jashtë mesatares?

Nuk e di këtë që thatë, unë di që mjekësia të ketë një term të tillë, por di çka kemi regjistruar ditët e fundit është ajo që kemi pritur dhe unë e kam paralajmëruar këtë gjë jo se jam profet por ne punojmë në bazën e një modeli mbi statistika. Jemi në fazën ngritjes së kurbës, javën e kaluar shifrat filluan të rritet dhe këtë javë do rriten më shumë.

Ju thatë që jeni brenda parashikimeve, a ka diçka jashtë parashikimeve?

Nuk e di çfarë do të thotë jashtë parashikimeve, shifra jonë është brenda parashikimeve

Sot Shqipëria ka të infektuar një shifër të ulët po ta krahasosh me Italinë, Zvicrën, apo Kina vetëm 58 më 1 milion banorë. Është një shifër e mirë kjo?

Këtu nuk ka shifra të mira dhe të këqija, këtu ka një përpjekje për të parandaluar epideminë, e cila do të përhapet pavarësisht çfarë bën një vend. Por e rëndësishme është që përhapja të ngadalësohet sa më shumë dhe mbi bazën e kësaj qëllimi është që të mos kemi kurbën katastrofike, por të kemi një kurbë graduale. Kjo është arsyeja që ne jemi të parët që morëm masat ekstreme. Dhe masat shtrënguese janë e vetmja gjë në këtë histori të hatashme ku të gjithë bien dakord që të ndihmojnë.

Kur prite piku sipas jush?

Nuk jam unë njeriu që do pyesni për këtë dhe më mirë mos pyesni asnjë.

Masat e distancimit social kanë dhënë efekt?

Nëse nuk do ishin marrë këto masa sot do kishim shifrën që do na merrte frymën.

A është i mjaftueshëm numri i testeve që kryen? OBSH kërkon vazhdimisht që të merren dhe të kryehen sa më shumë teste.

Unë OBSH i jam referuar që në fillim, dhe se sa teste kryehen ky është një detaj që i takon ekspertëve që po bëjnë një punë të jashtëzakonshme dhe për ti ardhë në ndihmë të gjithë atyre që vijnë nga OBSH  kiemi publikuar dehe numrin e testeve në 6 vendet e Ballkanit përindimor Shqipëria është vendi me testete më të mëdhenj.

Sa rezerve testesh kemi?

Asnjëherë autoritete në kohë lufte nuk i përgjigjen një pyetje të tillë kemi mjaftueshëm dhe nuk do të na mungojnë dhe siç mund tu mungojnë dhe vendeve më të fuqishme se ne kapacitete më të mëdha masat shtrëngruesetë popullsisë. Kjo do të thotë se ne do të prekemi 60-70% nga kjo mesatare 80 përqind nuk do ta marrin vesh kurrë. 20 përqind nga 80% do të kenë dhe simptoma më të dallueshme dhe në këtë grup janë dhe personat që bëhen për reanimacion kjo është arsyeja se masat shtrënguese janë ilaçi i vetëm që bota njeh deri më sot. Dhe ilaçi i njohur është masat shtenguese.

Çfarë po ndodh, pasi në një vend siç është Franca që përveç  tamponëve po bëjnë edhe teste të tjerë që shërbejnë për të nxjerrë në pah nëse kemi apojo të infektuar. A keni menduar dhe ju që mund të bëni një jë të tillë pasi specialistët shqiptarë kanë thënë se mund të bëhet një gjë e tillë?

Në televizion mund të bëhen shumë gjëra shumë shpejt, por Franca është monarkia e sistemit shëndetsor në botë. Franca sot që flasim është në pikë të hallit që nuk imagjinohej që mund të gjendej Franca në këtë ditë që flasim. Se çfarë bëhet në qendrat shëndetsore në Gjermani e në vende tjera kjo është një gjë tjetër, por nëse ne do të kemi një zbatim të tillë atëhere dhe ne do e përdorim.

Procedura e re që nxjerr rezultatet për 45 minuta që Kosova ka kërkuar që ta marrë, po në vendin tonë çfarë plani po ndiqet?

Ne kemi në plan që të zbatojmë planin tonë dhe çafrë janë hapa tjetër për tu bërë publike do i bëjmë menjeherë më pas. Ne nuk kemi hyrë tafti-bafti në këtë luftë, por jemi të përgatitur për ta përballuar ne e dimë që nuk jemi Franca, Britania, Gjermania që të gjithë janë në vështirësi në këtë situatë,  por ne i morëm në kohë rekord masat parandaluese. Në këtë luftë kemi respektimin e masave shtënguese dhe veten tonë. Ka shumë nga ato që theksojnë se pse na detyrojnë që të dalim në 5 të mëngjesit për të blerë domate, po në një situatë të jashtëzakonshme nuk mund të kërkojmë gjëra të zakonshme. Ne jemi në luftë dhe është një luftë e hatashme në vështirësinë e vet është një luftë që fiton që nuk lëviz kot rrugëve, fiton ai që rri në divan, në kolltuk dhe nuk e ka të nevojshme që të dalë nga shtëpia pa arsye. Në rrugë po kërkohet atyre që të dalin në punë atyre që e kanë të nevojshme të dalin, për pazar dhe për blerje medikamentësh. Të rrish në radhë drejt pas shpinës së atij që keni para të mbash distancën kjo është lufta jonë, nuk na kërkohen raketa, ushtri por secili të sillet si ushtar pa luftë.

Është më e rëndë kjo situatë lufte apo ajo e tërmetit nëse do të bënim një krahasim?

Janë dy gjëra komplet të ndryshme.Padiskutim është kjo, pasi në këtë luftë jemi vetëm në ndryshim me atë që bëmë me tërmetin, nuk ka dyer të hapura për të shkuar dhe për të bërë atë që bëmë për termetin që shtrime dorën me argumenta që të na ndihmonte. Nuk ka njëri tjetër ktu secili është për vete dhe Zoti është për të gjithë, në këtë luftë ne kemi vetëm njëri-tjetrin, nuk duket akoma në horizont ndonjë aleancë kombëtare që jam i bindur që do të vijë por ende nuk është në horizont.

Pse nuk shpallni gjendjen e fatkeqësisë natyrore?

Kjo është një pyetje që bëhet gjithmonë, kjo është një situatë që na ka gjetur në një gjendje fatkeqësie, sidomos në vijën e kuqe ku e kishim të shpalluara më parë ne nuk i kemi lënë gjë mangut asgjë kemi zbatuar të gjithë masat e nevojshme. Do e bëjmë dhe atë por nuk është një ndryshim është thjesht akt formal.

Kur mund ta bëni një gjë të tillë apo kur situata mund të rëndohet?

Kur ta bëjmë do jua themi, është një akt formal.

Sa kam lexuar nga specialistët COVID 19 është një sëmundje që shpërndahet në mjediset e mbyllura dhe në ambjente të mbyllura?

Fasoneritë dhe fabrika të ndryshme vijjnë të qëndrojnë të hapura në kuadër të masave të marra dhe plotësimit të kushteve për punonjësit.Është ndryshe nëse shkohet në stadium apo koncert dhe në restorant nga ana tjetër nëse respektohen rregullat, pasi virusi nuk është aeroplan nga një kokë në tjetrën, por kalohet te tjetri përmes kontakteve përmes shtëngimit të duarve apo nga pështyma nga teshtitja dhe kollitja. Nese qëndrohet në distancë dhe nuk preket fytyra hunda apo goja me ato duar kur punohet nuk ka asnjë rrezik.

Janë kryer pagesa këto kohë dhe janë bërë dhe blerje koncesioni i Check up. A mundet që të pezullohet pagesa për këto shërbime në momentin që ne nuk i marrim këto shërbime?

Kjo është një pyetje që vjen nga linja e shkëputur. Kontrolli mjeksor bazë është pezulluar për gjashtë muaj.

Po për shërbimet e tjera?

PD  atë liste e ka laj thaj pllakë gramafoni, se ka shi se ka diell, se ka tërmet etj, te njejten perserit. Ndërsa ne faktikisht nga koncesionet nuk kemi bërë vetem një por kemi bërë disa ndalime të përkohshme të financimin e tyre për të pasur gati një hapësirë fiskale që mund të ketë nevojë kjo luftë. Koncesionet nuk janë para që futen në një thes dhe i jepin një individi, por janë taksa të qytetarëve qe shteti i perdor per sherbime te ndryshme. Nëse dikush shkon sot dhe bën dializën siç bëhet në çdo vend të Evropës tashmë është se shteti paguan për të, nese sot ne kemi një ulje drastike të infeksioneve në spitale tona kjo ndodh sepse janë përmirësuar kushtet higjeno sanitare në spitale tona.

Meqë ju përmendet mbrojtjen e mjekëve ju keni një fond të caktuar për të përballuar këtë situatë si do të përdoret pasi ka dalë se një numër i lartë mjekësh të prekur siç është te Shefqet Ndroqi dhe rrezikshmeri per sistemin shëndetsor.

Fasoneritë dhe fabrika të ndryshme vijojnë të qëndrojnë të hapura në kuadër të masave të marra dhe plotësimit të kushteve për punonjësit. Është ndryshe nëse shkohet në stadium apo koncert dhe në restorant nga ana tjetër nëse respektohen rregullat, pasi virusi nuk është aeroplan nuk shperndahet nga një kokë në tjetrën, por kalohet te tjetri përmes kontakteve përmes shtrëngimit të duarve apo nga pështyma nga teshtitja dhe kollitja. Nëse qëndrohet në distancë dhe nuk preket fytyra hunda apo goja me ato duar kur punohet nuk ka asnjë rrezik./abcnews.al

edi-rama-koronavirusi-maskat.jpg
nev ila18:30 | 16/03/2020

Kryeministri Edi Rama ka treguar se në orën 19:30 do të zhvillonte një bisedë telefonike me presidentin e KE-së, Ursula von der Leyen, me të cilën do të diskutonte lidhur me fondin e donacioneve për tërmetin e 26 nëntorit.

Rama u shpreh se edhe pse situata në vend është e vështirë për shkak të koronavirusit, kjo nuk do të thotë që do të lihen pas dorë premtimet e bëra ndaj të prekurve nga tërmeti se brenda këtij viti do të pajisen me shtëpi.

“Atyre që ju ra çatia mbi kokë, nuk do t’u themi na falni po ju do prisni tani. Korona pa korona ne do të nisim rindërtimin e shtëpive dhe shkollave sapo korona të shporret nga shtëpia jonë e përbashkët.

Siç ju kam njoftuar do të kisha një bisedë telefonike me Presidenten e Komisionit Evropian. Biseda u shty për në orën 07:30 pas pak.

Një arsye pse do të bisedoj me të se është së pari t’i kërkoj se përtej kësaj situate financiarisht të jashtëzakonshme për BE, fondet që BE-ja premtoi në Konferencën e Donatorëve nuk do të ndryshojnë destinacion. Plani ynë për rindërtimin as nuk shtyhet dhe as nuk ndryshon.

Ne kemi nxjerrë thirrjen publike për tenderin ndërkombëtar të shkollave prej 79 mln dollarë pa TVSh për 59 shkolla të reja, tetë konvikte të reja për Universitetin Bujqësor dhe 4 konvikte për Qytetin Studenti. Këto dhe 8.7 miliardë bëjnë plot 160 mln dollarë që kjo qeveri nuk do t’i lëvizë nga destinacioni.

Pa diskutim që arsyeja tjetër e bisedës me Presidenten është domosdoshmëria jetike e rajonit tonë për përballimin e luftës me koronavirusin, BE të mos e përjashtojë Ballkanin Perëndimor pra edhe Shqipërinë, nga perimetri i eksporteve të materialeve të pajisjeve mjekësore.

BE nuk duhet ta përjashtojë Ballkanin nga aksesi tregtar për këto mallra kaq ekzistenciale për shëndetin. Në rast se do të nevojitet, ne si qeveri e Shqipërisë, kemi përgatitur një nismë rajonale për ta adresuar nga 6 vendet e Ballkanit këtë nevojë drejt Bashkimit Evropian.

Askush nuk e di se sa do të zgjasë. Nëse ka një gjë që e dinë të gjithë është se sa më shumë të durojmë sot aq më pak të vështirë do të kemi bilancin”. tha Rama në fjalën e tij.

Kreu i Qeverisë u shpreh se fabrikat dhe fasonët nuk do mbyllen, por duhet të punojnë duke plotësuar kushtet e sigurisë.

Kryeministri tha se ka një plan të qartë për rimëkëmbjen e ekonomisë dhe se punëtorët në këtë situatë nuk do jenë në dorë të pronarëve./abcnews.al

tenderi.jpg
ger ta19:04 | 10/03/2020

Hapet tenderi për rindërtimin e banesave të banorëve të prekur nga tërmeti i 26 nëntorit. Në Agjensinë e Prokurimeve Publike është publikuar njoftimi ndërsa fondi i vënë në dispozicion është 6.2 mld lekë ose rreth 50 mln euro.

Objekti i marrëveshjes kuadër përfshin rindërtimin e shtëpive individuale sipas projekteve model (1+1, 1+2, 1+3) në territorin e bashkive: Durrës, Kamëz, Kavajë, Rrogozhinë, Krujë, Kurbin, Lezhë, Mirditë, Shijak dhe Vorë.

Të gjithë kompanitë e interesuara do të kenë afat deri në datën 19 mars të dorëzojnë oferat. Kjo kontratë do të konsiderohet kontratë më celsa në dorë. Kjo pasi kërkohet që  pjesë e dokumentave të tenderit janë edhe skicimet, planimetritë e objektit si dhe Projekti i cili do të interpretohet si një i vetëm. Kohëzgjatja e kontratës ose afati kohor për ekzekutimin e saj parashikohet të jetë 2 vite.

Rindërtimi i banesave individuale parashikohet të bëhet në mënyrë të grupuar ose vec e vec,në shtëpitë ekzistuese sipas përcaktimit të shesheve të ndërtimit të caktuara në Planet e Detyruara Vendore.  Modelet e shtëpive që do të rindërtohen parashikohet të jenë me kosto të ulët eficensë energjie si dhe gjendje që të përballojnë lëkundjet deri në 9 balle. /abcnews.al

banori-ne-bubq.jpg
ger ta17:03 | 08/03/2020

Gjurmët e tërmetit të 26 nëntorit janë ende të gjalla në Bubq. Banorët, që prej muajsh jetojnë në cadra janë në pritje të rindërtimit të banesave.

Edhe pse procesin e aplikimit e kanë mbyllur, në këtë zonë ka familje që akuzojnë institucionet për vleresim të njeanshme.

Burrë e gruan kërkojnë rivleresim, pasi ata vete nuk kanë mundësi të ndërhyjnë vete.

Të njëjtin problem kanë edhe shumë familje të tjera në fshatin Bubq.

“Tre muaj kemi ndenjur ne çadra. Mw keq nuk ka”.

fshatin janë dëmtuar banesat e 234 familjeve dhe pjesa më e madhe e banorëve që prej ditës së tërmetit më 26 nëntor, nuk kanë hyrë më në banesat e tyre për shkak të frikës se shtëpitë mund ti shemben. /abcnews.al

 

7ha.jpg
Autor E12:18 | 07/03/2020

Kryeministri Rama ishte sot në familjen Baruti në Maminas, përfitues të qirasë pasi shtëpia iu bë e pabanueshme nga tërmeti.

Rama i garantoi familjarët se shtëpia e tyre do të rindërtohej shumë shpejt, ndërsa i siguroi familjarët se banesat e reja do të jetë shumë cilësore dhe me izolim nga zhurmat.

Shembull për këtë, Rama mori një ngjarje që i kishte ndodhur pas tërmetit me një djalë të sapo fejuar.

Sipas tij, një çift i sapofejuar kishte ndarë çadrën në mes, ku nga njëra anë qendronin ata dhe në anën tjetër prindërit.

Pjesë nga biseda në familjen Baruti:

Edi Rama: Uluni uluni si në shtëpinë tuaj. E mirë qenka shtëpia. Shtëpia tjetër është e dëmtuar

Kryefamiljari: Ju falenderojmë shumë

Edi Rama: Tani si shtëpia jote s’ka, por kjo tani është e përkohshme, atë tjetrën do e bëjmë më të mirë se çe kishit.

Kryefamiljari: Ishim në shtëpi me djalin, dy pleqtë, tri nuse dhe dy kalamajtë

Edi Rama: Do e bëjmë tamam.

Kryefamiljari: Shumë faleminderit.

Edi Rama: Bashkia e Shijakut ka punuar në mënyrë shembullore, kemi projekte shumë të mira këtu. Të hënën dhe të martën do të hapet gara, brenda muajit do kemi rezultatet dhe në maj do nisë puna për ndërtimin e shtëpive. Hajde gëzuar, jepja mamit, shërbeji mamit (I jep gotën me lëng). Sa vjeç je ti?

……..

Edi Rama: Të falenderosh Zotin çdo ditë që e ke, jo po po. Ta bësh. Po i mirë ëëështë ë i urtë… e keni kolauduar marrëdhënien. (i flet për bashkëshortin).

Gruaja: Deri tani mirë kena ec.

Nusja: Shumë mirë kanë ec.

Edi Rama: Fjalë të mira po dëgjoj. Se vajta tek njëri unë, në çadër, kishin ndarë çadrën në mes. I thashë ça bën? Më tha, s’do pres tërmetin unë, unë u fejova kur ra tërmeti… tërmet brenda dmth. Kështu që edhe ju, do vijë i 15-i, i 16-i. Edhe shtëpia e re, do të jetë e izoluar që të mos dëgjohet zhurma e tërmetit nga dhoma tjetër.

Banori: Si e atij në çadër?

Edi Rama: Po si e atij. (qesh).

ahmetajjjjjjjjj-1280x658.jpg
eri Ida14:16 | 06/03/2020

Qeveria ka hedhur hapin e parë konkret sa i përket rindërimit.  Në mbledhjen e kësaj të premteje Këshilli i Ministrave ka miratuar fondin limit nga buxheti i shtetit që do të shkojë për rindërimin e banesave që u shkatërruan nga tëremti i 26 nëntorit në Tiranë.  Lajmin e dha Ministri i Shtetit për Rindërimin, Arben Ahmetaj.

“Sot qeveria ka kaluar vendimin për miratimin e fondit limit prej rreth 73 milionë euro, që do iu kalojnë FSHZH dhe Bashkisë së Tiranës. Jemi gati të nisim nga puna për ndërtimin e 3400 shtëpive individuale nga fundit për rindërtimit 8.7 mld lekë fondi i miratuar sot nga qeveria. Kjo shifër përballohet nga buxheti i vititi 2020”, tha ministri Ahmetaj.

Nga fondi total, 2.2 miliardë do i kalojnë Bashkisë së Tiranës për ndërtimin e 889 njësive të banesave individuale, ndërsa me pjesën tjetër Fondi Shqiptar i Zhvillimit  do të ndërtojë 2500 banesa. Për ndërtimin e këtyre banesave, njoftoi Ahmetaj gara do të hapet edhe për kompani të huaja.

Javën që vjen shpallet gara për 3400 shtëpi individuale. Njoftime edhe në Financial Time për të ftuar kompanitë ndërkombëtare të marrin pjesë në procesin e rindërimit të shtëpive”, është shprehur ndër të tjera ministri.

Nënshkrimi i kontratës me Turqinë ende nuk është  por ministri i Rindërtimit jep një afat jo më të largët se një muaj për nisjen e punës në terren në Laç.

Ministri Ahmetaj sakëstoi se shuma e mbi 1 miliardë euro nga donacionet e shteteve të huaja nuk janë ende në fondin e rindërtimit./abcnews.al

ina-thirrje.jpg
ger ta14:03 | 06/03/2020

Ina Bibaj pas tërmetit të 26 nëntorit të vit të kaluar po përballet me jo vetëm me jetësën e vështirë në një çadër por shëndeti i saj është përkeqësuar nga lagështira. Kjo vajzë 15-vjeçare nga fshati Gallatë i Malësisë të Kurbit ndjek shkollën tek fshati fqinj në Skuraj. Problemet e saj shëndetësore dhe jeta e vështirë kanë shqetësuar dhe drejtorin e shkollës, Zef Markun, pasi nxnënësja ka nisur të mos frekuentojë mësimin.

Na vjen keq për këtë nxënëse jeton në kushte të vështira në çadër pas dëmtimit të banesës. Jetojnë në çadër por flenë në tokë. Ka filluar të vijë rallë në shkollë”, thotë ai.

Marku sqaron se donin të mblidhnin një fond lekësh për vajzë që ajo të kurohej por i ati kërkon zgjidhje për strehimin.

I ati nuk ka të ardhura që ta kurojë. E menduam të mblidhni të ardhura, po i ati nuk donte se thotë kur fle në tokë nuk sbëjnë gjë ilacet për sa kohë fëmijët flenë në tokë. Dua një kontenier na tha ai”, shprehet drejtori.

Ina dhe vëllai i saj për të shkuar në shkollë duhet të ecin rreth 1 orë e gjysmë. Sapo kthehet në shtëpi tregon se nga kushtet e këqia po vuan nga rematizma.

Kockat më dhembin se nga lagështia në çadër patjetër që do të dhembin”, thotë Ina.

Prindërit e Inës veç saj kanë dhe dy fëmijë të tjerë. Prej skamjes njërën prej vajzave e kanë larguar nga shtëpia.

Vajzën e kam dërguar në Lezhë tek vëllai edhe ajo vuan me stomakun”, shprehet ajo.

Ina shpreson problemet e saj do të marrin zgjidhje vetëm nëse ky mesazh bie në veshin e kryeministrit Rama.

Xhaxhi kryeministër unë kam nevojë për ndihmë. Ju lutem më ndihmoni! Dua një konteiner për familjen time, këtu në çadër nuk mund të jetojmë”, bën thirrje Ina. /abcnews.al

 

ahmetajj.jpg
eri Ida12:07 | 06/03/2020

Ministri i Rindërtimit Arben Ahmetaj këtë të premte në një deklarët për mediat ka bërë një pasqyrim të situatës fillimin e punës për rindërtimin e zonave të prekura nga tërmeti i 26 nëntorit të 2019.

Në fjalën e tij për mediat ministri është shprehur se është gati ndërtimi i 3400 shtëpive të individuale.

“Javës që vjen shpallet gara ndërkombëtare për 3400 shtëpitë. Do të ftojmë kompanitë ndërkombëtare për të ndërtuar shtëpitë individuale. Do të ftohen ambasadat dhe kompanitë ndërkombëtare për prokurim. Bashkitë kanë nisur vlerësimin e dosjeve individuale. Shtëpitë individuale do të ndërtohen me teknologji të mirë. Rindërtimi do jetë sipas standardit europian, rezistent ndaj tërmeteve deri në 9 ballë. Katër mijë familje që do banojnë në banesat e reja do ta festojnë vitin e ri 2021 në banesat e reja”, tha Ahmetaj.

Ahmetaj ka deklaruar se më 31 dhjetor të 2020  të gjithë familjet që do të akomodohen në njësi individuale do të akomodohen pa asnjë diferencë nuk ka asnjë diferencim për asnjë.

Gjithashtu ai është shprehur se në lidhje me Turqinë janë në fazën përfundimtare të nënshkrimit të marrëveshjeve dhe për rreth një muaj në Laç pritet që të nisë puna për rindërtimin e shtëpive. /abcnews.al

kruja.jpg
Sid Orela17:11 | 05/03/2020

Tërmeti i 26 nëntorit veç jetëve që mori shkaktoi dëme të konsiderueshme në banesa.

Të paprekura nuk mbetën as vende të rëndësishme historike dhe turistike si kalaja e Krujës si dhe site historike në Durrës dhe Prezë.

Sa i përket dëmeve të bëra sitet e përmendura më sipër, ambasadorja e SHBA-ve ka konfirmuar me anë të postimi në llogarinë e saj në Twitter kontributin e vendit të saj në procesin e restaurimit.

Zonja Yuri Kim thotë se është takuar me Ministren e Kulturës Elva Margariti për t’i konfirmuar se SHBA-të do të shpenzojnë 800,000 dollar për të riparuar dëmet që shkaktoi tërmeti në Kalanë e Krujës si dhe në sitet historike të Durrësit dhe Prezës.

Në fund të postimit të saj ambasadorja skruan “Ne qëndrojmë gjithmonë me Shqipërinë.” /abcnews.al/

thumana-gruaja-1280x598.jpg
nev ila17:28 | 03/03/2020

Kryeministri Rama ndodhet në Thumanë për të prezantuar projektin e rindërtimit. Gjatë prezantimit ai ka patur edhe bisedë me banorët që kanë humbur shtëpitë në tërmetin e 26 nëntorit.

Një prej banoreve e cila ka humbur 2 shtëpi në Thumanë i ka kërkuar kryeministrit se çfarë do të bëhet me të, pasi i është thënë se vetëm një shtëpi do të marri.

Pjesë nga biseda:

Zonja nga Thumana: Kisha dy shtëpi, kur aplikova më thanë se do marr një. U thashë jo. Pse Edi Rama ma ka blerë shtëpinë që e kam blerë për djalin? Nuk jam as në Lezhë, as në Durrës, as në Shkodër që fitoj para dhe t’ja u lë atyre. I kam blerë për zgjerim. E kam djalin 40 vjec, tjetrin 42. Ku ti coj unë fëmijët.

Rama: Janë të martuar ata?

Zonja nga Thumana: Të martuar janë.

Rama: Ku janë ?

Zonja nga Thumana: Në Itali janë.

Rama: Aman se na tmerrove…

Zonja nga Thumana: Aman o Edi Rama hiqi përrallat se na ka ardhur shpirti në majë të hundës. E di si jemi bërë, duke fol me vete. Unë dua të di nga ju, se ashtu si unë ka shume, kanë blerë shtëpitë me djersë dhe u ka dalë shpirti. Atje te toka që kam kisha dy kasolle dhe mi prishën, as tërmeti nuk mi prishi faktikisht por mi prishën këta. Le të bëhet lulishte edhe kjo që shohim ne këtu në televizor, lum ne. Ama se çfarë do bëni nuk e di, besim nuk kemi. Kur kemi parë fëmijën  atje që na kërkonte ndihmë dhe nuk ishim të zotët ta ndihmonim ishte tmerr. Nuk di çfarë të them. Dua të di unë që kam dy hyrje, pse të më humbi një, kurse ato shtëpitë e vogla atje marrin këtu dhe marrin  dhe atje.

Po unë një garazh e një shtëpi që kam me mund e me djersë, kam punuar 63 vjet.

Rama: E para e punës, nëse shtëpia e dytë është në emër të djalit

Zonja nga Thumana: Jo unë i kam në emër të burrit.

Rama: Parimi është që ne do të rindërtojmë… ti banesën e ke DS3? Do të ndërtojmë shtëpitë e atyre që kanë humbur shtëpitë e atyre që kanë humbur shtëpitë dhe kemi përjashtuar nga ligji shtëpinë e dytë. Me shtëpinë e dytë kemi patur parasysh shtëpi që një ka vilë në Tiranë dhe 1 në vend tjetër..

Zonja nga Thumana: Jo jo nuk jemi nga ata…

Rama: Prit pra, se do të jap lajm të mirë.. prapë nuk do besosh.

Zonja nga Thumana: Prapë nuk besoj…

Rama: Ti beson herën tjëtër…

Zonja nga Thumana: Po jam si ty…

Rama: Ti do marrësh të dy shtëpitë që sic i kishe…ja shaj tani..

Zonja nga Thumana: Shumë faleminderit….Edhe një gjë tjetër se dëgjova Ilir Metën atje…

Rama: Jo jo, lëre  mos na hap muhabetet, mos na sill ters në Thumanë, lëre tani…ishim mirë shumë, mos na sill ters në Thumanë, leja tersin presidencës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono