Foto galeri

a2292741-33ab-4b55-b060-38cc00ef2649.jpg
Autor E13:04 | 28/03/2020

Krahas dezinfektimit të rrugëve dhe të hapësirave publike, Bashkia e Tiranës ka dezinfektuar edhe tregjet publike.
Sikurse mund të shihni edhe nga këto foto, grupet e punës të ngritura nga bashkia po kryejnë dezinfektimin e çdo tregu në Tiranë me qëllim parandalimin e përhapjes së COVID 19.

Aksioni është shtrirë jo vetëm në tregjet pranë qendrës, por edhe në periferi.

Ndërkaq, botet me solucion special bëjnë dezinfektimin e rrugëve të kryeqytetit ndërsa makina të posaçme hedhin dezinfektues në ajër.

ushtria-1.jpg
Autor E16:23 | 20/03/2020

Një numër i madh ushtarësh kanë filluar të qarkullojnë që prej pasdites së sotme në lagjet e Tiranës bashkë me makinat e tyre të blinduara “Humvee”.

Burimet bëjnë me dije se ushtarët do të patrullojnë në lagjet e Tiranës për të mos lejuar qarkullimin e qytetarëve jashtë fashave të orareve të përcaktuara nga qeveria.

Nxjerrja e ushtrisë në rrugë është një masë tjetër e rendësishme nga qeveria për të kontrolluar situatën me koronavirusin.

Për nxjerrjen e blindave ushtarake Kryeministri Rama përmes një njoftimi në Facebook ka bërë me dije se e gjithë ushtria do të vihet në mbrojtje të popullit “nga një pakicë fare e vogël individësh të papërgjegjshëm“, shkruan Rama.

“USHTRIA DO TË VIHET E GJITHA NË MBROJTJE TË POPULLIT NGA NJË PAKICË FARE E VOGËL INDIVIDËSH TË PAPËRGJEGJSHËM, TRADHËTARË TË VËRTETË, QË MUND TË NA BËJNË HATANË DHE NUK DUHET TË LEJOHEN NË ASNJË MËNYRË, TË MARRIN NË QAFË MIJËRA E MIJËRA TË PAFAJSHËM, E T’U SJELLIN VUAJTJE TË MËDHA DHJETËRA MIJËRA TË TJERËVE.

DUHET T’I NDALIM ME ÇDO KUSHT DHE DO TË PËRDORIM ÇDO MJET, DERI NË HEQJEN E PLOTË TË LIRISË NËSE NUK DO TË TËRHIQEN URGJENTISHT NGA RRUGA E TYRE QORRE

POPULLI NUK I’A KA BORXH ASNJË INDIVIDI TRADHËTINË NË KËTË PËRPJEKJE KOMBËTARE PËR JETËN E NJERIUT”.

Deri më tani, numri i të prekurve nga koronavirusi ka arritur në 70, ndërsa numërohen edhe dy të vdekur. /abcnews.al

🔴 TIRANË – USHTRIA DO TË VIHET E GJITHA NË MBROJTJE TË POPULLIT NGA NJË PAKICË FARE E VOGËL INDIVIDËSH TË PAPËRGJEGJSHËM, TRADHËTARË TË VËRTETË, QË MUND TË NA BËJNË HATANË DHE NUK DUHET TË LEJOHEN NË ASNJË MËNYRË, TË MARRIN NË QAFË MIJËRA E MIJËRA TË PAFAJSHËM, E T’U SJELLIN VUAJTJE TË MËDHA DHJETËRA MIJËRA TË TJERËVE👊

Gepostet von Edi Rama am Freitag, 20. März 2020

spitali-1-1280x800.jpg
Autor E14:18 | 20/03/2020

Shqipëria është duke u përballur me krizën e koronavirusit dhe sfida kryesore tashmë është të trajtohen të sëmurët që do t’ju duhet të shtrohen në spital.

Shembulli i Italisë ka treguar se kriza mund të shkaktojë një nevojë të madhe për shtretër, respiratorë, staf të kualifikuar dhe medikamente duke e vendosur Sistemin e Shëndetësisë në një presion të madh.

Nisur nga situata e krijuar, Spitali Amerikan është vetëofruar për të ndihmuar shtetin shqiptar me kapacitetet e tij për të trajtuar të prekurit nga koronavirusi nëse do të përkeqësohet situata.

“Stafi i Spitali Amerikan ka filluar trajtimet e plota sesi të përballen dhe trajtojnë pacientë të prekur nga Covid- 19.

Në rast nevoje nga Ministria e Shëndetësisë, Spitali Amerikan do të ketë në dispozicion të autoriteteve shëndetësore, një nga spitalet tona sëbashku me stafin mjekësor të trajnuar, në funksion të përballimit sa më të mirë të situatës të të prekurve me koronavirus”, shkruan sot Spitali Amerikan në faqen e Facebook.

Një fakt i tillë u konfirmua mbrëmë në një intervistë me gazetaren Mirela Milori edhe nga administratori i Spitalit Amerikan, Klodian Allajbeu.

“Një nga spitalet tona bashkë me një staf të trajnuar, të kompletuar do të vendoset në dispozicion të vendit për të trajtuar pacientët me Covid-19, në rast të një organizimi nga Ministria e Shëndetësisë. Ne kemi kapacitetet tona me respiratorë, dua të falënderoj gjithë mjekët në Shqipëri por edhe ata të Spitalit Amerikan që kanë shprehur gatishmërinë e tyre për të qëndruar në këto ditë për çdo nevojë që do të paraqitet. Ne kemi bërë një organizim perfekt duke filluar nga ambulancat deri tek trajtimi shëndetësor spitalor”, tha ai.

Duke parë gatishmërinë e Spitalit Amerikan, Ministria e Shëndetësisë ka planifikur që njërën nga godinat e këtij spitali ta planifikojë si “Covid 4”, nëse do të ezaurohen shtretërit e Infektivit, Sanatoriumit dhe sallave të Urgjencës tek QSUT.

Një fakt i tillë u konfirmua edhe nga Arben Gjata, Koordinator i Task Forcës për Burimet Njerëzore në një intervistë në studion e Abc News disa ditë më parë.

Messi-4.png
Igli Nikolli15:16 | 19/03/2020

Aksione dhe gjeste të ndryshme po merren në epokën e koronavirusit. Suzy Cortez është një emër i njohur në Brazil dhe jashtë saj. 29-vjeçarja u shpall fituese e “Mis BumBum” në vitin 2015 dhe njihet si një tifoze e zjarrtë e Leo Messit e Barcelonës.

Së fundmi ka marrë një vendim për t’u ardhur në ndihmë personave që po luftojnë me koronavirusin. Suzy, e cila ka shumë fanella të skuadrës katalanase, ka vendosur t’i nxjerrë në shitje fanellat e shumta të Barcelonës nëpërmjet njoftimit që bën në rrjetet sociale.

Me paratë që do të fitojë do të blejë maska mbrojtëse dhe dezinfektuar për njerëzit që nuk kanë mundësi t’i blejnë. Një gjest shumë i bukur i bukuroshes braziliane, që surprizon gjithmonë fansat me format e saj trupore. /abcnews.al

 

839789.regional-1.jpg
Autor E10:38 | 19/03/2020

Një tërmet me magnitudë 4.3 të shkallës Richter goditi para pak minutash Shqipërinë.

Goditja ndodhi disa kilometra në brendësi të detit përballë Gjirit të Lalzit dhe pati një thellësi rreth 10 kilometra.

Kjo është goditja e dytë e këtij mëngjesi pas një tjetre me magnitudë 3.3 të shkallës Richter. /abcnews.al

turkis-greek-coastguard-0.jpg
Autor E10:09 | 07/03/2020

Tensioni është i lartë mes Greqisë dhe Turqisë në kufirin tokësor dhe atë detar.

Ndërkohë që mijëra emigrantë nga vendet e lindjes janë tani në kufi me Greqinë duke tentuar të futen për të shkuar në vendet e BE, “lufta” vijon në det.

Sëfundmi kanë dalë pamjet e një përplasjeje të mirëfilltë mes rojeve detare greke dhe turke. Një skaf i autoriteteve turke shkon me shpejtësi tek ai i Greqisë duke i kërkuar që të largohet nga zona, transmeton abcnews.al.

Mjeti lundrues i rojeve detare turke e ndjek nga pas atë greke dhe për pak ato nuk përplasen me njëra-tjetrën.

Greqia akuzon Turqinë që po kërkon ta destabilizojë përmes dërgimit të organizuar të emigrantëve në kufi, ndërsa Turqia akuzon Greqinë se po tenton të mbysë gomonet e emigranëtëve, ndërsa sëfundmi kanë dalë edhe foto të dhunës së policisë greke ndaj këtyre të fundit.

Pak ditë më parë, Turqia hapi kufirin duke mos penguar emigrantët që duan të shkojnë në BE. Ky veprim u shoqërua me alarm në Greqi.

Përplasja është e madhe edhe në kufirin tokës në zonën e Evrosit ku mijëra policë dhe ushtarë greke përballen me emigrantët ku nuk mungojnë rastet e dhunës dhe keqtrajtimeve.

Turqia dërgoië 1 000 forca speciale të ushtrisë dy ditë më parë, veprim të cilit iu përgjigj me të njëjtën monedhë edhe Greqia. /abcnews.al

Emigrante te rrahur dhe zhveshur nga policia greke. Pasi i moren rrobat i derguan serish ne Turqi

eljonhato-1280x800.jpg
Autor E13:50 | 03/03/2020

OFL i ka dërguar formularin për deklarimin e pasurisë dy personave të dënuar për krime të rënda.

Abcnews.al zbuloi se personazhet e ditës së sotme janë pikërisht Eljon Hato dhe Ilir Selmani, të dy emrat të shumëpërfolur gjatë muajve të fundit për shkak të disa ngjarjeve të rënda. Me përzgjedhjen e tyre, OFL duket se ka vendosur që të godasë njëherësh dy grupe rivale në Tiranë, atë të Ervis Martinajt dhe klanin “Duka”.

I pari që OFL ka vendosur në shënjestër është Eljon Hato. Sipas OFL-së, ai është i dënuar për tre vepra të rënda penale si “Vrasje me dashje”, “Plagosje e rëndë me dashje” dhe “Armëmbajtje pa leje”.

Kush është Eljon Hato
Eljon Hato është një personazh i njohur në Tiranë, emri i të cilit u rikthye në medias natën e 4 tetorit 2018, ku mbeti i plagosur gjatë një përplasjeje me armë, ku i pranishëm ishte edhe Ervis Martinaj. Hato njihet si shoku i këtij të fundit. Në atë ngjarje u vra një person dhe u plagosen dy të tjerë, njëri prej të cilëve ishte Hato.

Eljon Hato

Në vitin 2014, Hato, asokohe 24 vjeç, ka vrarë Indrit Yllin si edhe ka plagosur Jetmir Mollën. Policia sqaroi se autori dhe viktima, bashkë me të plagosurin ndodheshin sëbashku në një lokal dhe më pas pas një debati banal, Hato ka nxjerrë armë e tij dhe ka qëlluar në drejtim të viktimës, shkruan abcnews.al.

Por kjo nuk është e vetmja ngjarje ku emri i Eljon Hatos është i përfshirë në një ngjarje kriminale. Një vit më pas, pasi ndodhej në burgun e Shën-Kollit, Eljon Hato, akuzohet se ka porositur vrasjen e mjekut radiolog të spitalit të Shkodrës, Agron Terolli. Hato kishte “pajtuar” një 21-vjeçar i cili do të kryente vrasjen, por fatmirësisht policia, falë të dhënave në rrugë operative, arriti t’a parandalonte ngjarjen e rëndë.

Kush është Ilir Selmani

Ilir Selmani është një anëtar i klanit “Duka” në Tiranë, i cili njihet për rivalitetin me grupin e Ervis Martinajt. Ky rivalitet doli në pah me vrasjen e Santjago Malkos në verën e vitit të shkuar në rrugën “Xhanfize Keko” në Tiranë.

Ilir Selmani

Selmani është dënuar për një vrasje të ndodhur disa vite më parë, ndërsa mbi të rëndojnë dy akuza, “Vrasje me dashje” dhe “Armëmbajtje pa leje”.

Në organizimin e vrasjes së Santiago Malkos, Selmani, sipas të dhënave të dosjes hetimore, ka kthyer makinën në momentin që e ka udhëzuar Leonard Duka, kreu u klanit.

Leonard Duka i ka kërkuar Ilir Selmanit që të kthente automjetin sepse më në fund kishte arritur ta identifikonin dhe lokalizonin objektivin e tyre, Satjago Malkon.

Ata janë kthyer dhe janë ndaluar pikërisht në rrugën “Xhanfize Keko” ku u qëllua pak minuta më vonë edhe Santiago Malko.

4fbabc70-2b5d-48d0-8c14-2c366a186476-1.jpg
Autor E17:01 | 02/03/2020

Pas pak fillon manifestimi i thirrur nga Presidenti Meta në mbrojtje të Kushtetutës siç e ka quajtur ai. Tashmë është përcaktuar edhe lista e folësve krahas kreut të shtetit, ndërsa policia nga ana e saj ka marrë masa të forta sigurie.

Pak metra larg vendit u po zhvillohet protesta, në krah të godinës së kryeministrisë gjenden një numër i madh furgonadh të Forcave të Ndërhyrjes së Shpejtë, ndërsa në bulevard janë vendosur kamera sigurie me rezolucion të lartë, kurse shtyllat janë lyer me graso për të mos lejuar prishjen e tyre.

Për më tepër, ndiqni fotot pak minuta para nisjes së protestës:

albinkurti-1280x800.jpg
Autor E12:14 | 02/03/2020

Një arkivol është vendosur mëngjesin e sotëm para zyrës së kryeministrit të Kosovës, Albin Kurti në Prishtinë.

Sipër arkivolit gjenden letra në të cilat është shkruar “reciprocitet”, ç’ka do të thotë se ndaj tij po protestohet me fjalët që ka përdorur më parë në lidhje me raportin me Kosovën.

Pikërisht arkivoli simbolizon varrosjen e premtimeve të tij për reciprocitet me Serbinë.

Kjo formë e protestës po bëhet pak minuta para se të fillojë seanca në Kuvendin e Kosovës e thirrur nga AAK-ja ku do të diskutohet për taksën 100% të vendosur ndaj mallrave serbe.

Kurti vendosi të heqë taksën ndaj mallrave serbe pak ditë më parë duke e quajtur atë një masë të pjesshme si një veprim që tregon gatishmërinë për të diskutuar. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono