Kishte shkuar me pushime në Greqi, ndërron jetë në një aksident 22-vjeçari nga Maqedonia

Një 22-vjeçar nga Maqedonia ka ndërruar jetë në një aksident trafiku, mëngjesin e sotëm, në Halkidiki të Greqisë.

Në këtë aksident është lënduar edhe një 21-vjeçar tjetër, i cili po ashtu ka qenë në makinë, ndërsa është dërguar në spital.

Aksidenti ka ndodhur në rrugën Polihrono-Hanioti, kur 22-vjeçari ka humbur kontrollin dhe është aksidentuar.

Sipas mediave greke, 22-vjeçari ka qenë për pushime në Greqi. Ndërsa i lënduar tjetër është dërguar në spitalin në Poligiro. m.v/abcnews.al