Barcelona dhe La Liga thuhet se janë afër arritjes së marrëveshjes për një plan që skuadra katalanase ka përgatitur në mënyrë që Messi të kthehet në klub në merkaton verës.
Blaugranët aktualisht nuk janë në gjendje të regjistrojnë lojtarë për shkak të mungesës së hapësirës në kufirin e pagave të tyre, por kanë paraqitur një plan financiar që do t’i lejonte ata të nënshkruajnë me Messin, të cilit i skadon kontrata këtë verë.
Sipas gazetarit Gerard Romero, të dy palët janë në kontakt të rregullt për këtë çështje, me Barcelonën që po përpiqet të gjejë një mënyrë për ta bërë atë të ndodhë.
Të mërkurën, presidenti i La Liga-s, Javier Tebas tha se nuk ishte e pamundur, por ishte ende shumë larg që të ndodhte. Plani thuhet se përfshin dy largime të mëdha nga klubi, një ulje pagash për skuadrën dhe katër nënshkrime, njëra prej të cilave është Messi.
Megjithatë, siç paralajmëron Joan Fontes, një faktor vendimtar do të jetë kryerja e këtyre shitjeve, pasi La Liga do të duhet të shohë paratë në llogaritë e Barcelonës përpara se Messi të mund të regjistrohet./ h.ll/abcnews.al
? NOTICIA @JijantesFC
Barça y LaLiga siguen trabajando en el plan de viabilidad para inscribir a Messi
Las variables del Barça plantean 2 salidas importantes, rebajas salariales y 4 entradas, una de ellas la de Leo
Si se cumplen las condiciones Leo será jugador del Barça pic.twitter.com/WBHTiBiiGu
— Jijantes FC (@JijantesFC) April 20, 2023
