Barcelona

Lautaro.jpg
Igli Nikolli17:13 | 02/04/2020

E ardhmja e Lautaro Martinez quhet Barcelona dhe drejtuesit e Interit e kanë pranuar këtë fakt. Klubi spanjoll ka gati një ofertë 7-vjeçare me një rrogë prej 7 milion eurosh në sezon për sulmuesin argjentinas.

Klauzola e largimit të tij është përcaktuar 111 milion euro, por katalanasit do të paguajnë më pak para. Shkaku? Barcelona i ofron zikaltërve tre lojtarë në operacionin e madh, ky të sigurt janë Arturo Vidal dhe Nelson Semedo.

Mesfushori nga Kili mbetet i preferuari i madh i Antonio Contes, teksa pëlqehet shumë edhe portugezi Semedo. 26-vjeçari do të ishte një përforcim me vlera për krahun e djathtë të mbrojtjes, aty ku skuadra italiane ka hasur jo pak probleme, sidomos pas dëmtimit të Asamoah. /abcnews.al

neymar-griezman-dybala.jpg
Vladimir Prenga09:36 | 02/04/2020

Zërat e merkatos zor të shuhen edhe në një periudhë të vështirë si kjo, që do të pasohet edhe nga krizë financiare anembanë botës. Gjithsesi, kur flitet për futbollin dhe për klubet e mëdha, shifrat e transferimeve mbeten ende të mëdha. Sidomos kur përmendet rekordmeni Neymar.

Braziliani mbetet një dëshirë e Barcelonës, që sipas “Sky Sport” është e vendosur ta rikthejë brazilianin dhe për këtë është gati të sakrifikojë Antoine Griezmann. Francezi nuk ka shkëlqyer dhe një kalim te PSG do e lehtësonte këtë operacion merkatoje.

PSG e vlerëson me 135 milionë sterlina brazilianin, kurse Barcelona francezin me 88 milion sterlina. Klubi spanjoll synon ta shkëmbejë dhe t’i paguajë diferencën kampionëve të Francës. Nga ana tjetër po mundohet të transferojë edhe Lautaro Martinez të Interit dhe sërish në lojë mund të përfshijë një tjetër lojtar, brazilianin Philipp Coutinho.

Në krahun tjetër PSG po mendon të marrë nga Juventusi Paolo Dybala. Sulmuesi argjentinas nuk po bie dakord me bardhezinjtë, që i kanë ofruar një kontratë të re me një pagë që kap shifrën e 10 milion eurove neto, plus bonuse. Dybala këmbëngul për 12 dhe palët janë larg për momentin. /abcnews.al

Lautaro-e1585770365803.jpg
Igli Nikolli21:58 | 01/04/2020

Merkato nuk ndalet kurrë, edhe pse duhet pritur fundi i këtij sezoni që transferimet e lojtarëve të nisin zyrtarisht. Barcelona kërkon një sulmues dhe objektivi i madh është Lautaro Martinez. Drejtuesit e skuadrës spanjolle duan me çdo kusht sulmuesin e Interit dhe kanë përgatitur një ofertë të parefuzueshme.

Mediat italiane raportojnë se klubi katalanas është gati të paguajë klauzolën prej 111 milion eurosh dhe do t’i ofrojë 22-vjeçari argjentinas një kontratë 7-vjeçara. Të njëjtën shifër do të ketë edhe rroga vjetore, pra 7 milion euro në sezon.

Ofertë fantastike duke llogaritur faktin që Lautaro përfiton 2.5 milion euro në sezon. Interi po negocion për rinovimin me sulmuesin e talentuar, por kjo ofertë e Barcelonës, aty ku luan edhe Leo Messi, idhulli i tij, vështirë që të refuzohet. /abcnews.al

Rio-e1585756173257.png
Igli Nikolli17:56 | 01/04/2020

Humanizmi dhe solidariteti janë tepër të nevojshme në këto kohë. Koronavirusi po merr shumë jetë njerëzish dhe ua ka vështirësuar jetën të tjerëve. Bota e futbollit po kalon një krizë, njësoj si të gjithë fushat e tjera, por gjestet e bukura nuk po mungojnë.

I radhës vjen nga Philippe Coutinho, lojtari i Bayern Munchen kartonin e të cilit e zotëron Barcelona. Braziliani ka vendosur të ndihmojë lagjet e varfra të Rio De Janeiro, qytetit ku ka lindur. Plot 20 ton ushqime janë gati të shpërndahen në zonën “do Riachuelo” të qytetit të famshëm raporton Sport.es.

Para së gjithash, do të dëshiroja ta falënderoja Zotin që më krijoi kushtet për të ndihmuar të tjerët. Falënderoj gjithashtu të gjithë ata që kanë bashkëpunuar në një farë mënyre për ta bërë të mundur këtë veprim solidariteti. Ky është fillimi i një fushate të madhe. Shpresoj të vazhdoj të ndihmoj gjithmonë. Ndihma për nevojtarët është thelbësore për një botë më të mirë dhe të gjithë duhet të bëjmë pjesën tonë“, deklaron fantazisti brazilian. /abcnews.al

 

Messi-6.png
Igli Nikolli15:37 | 31/03/2020

Frank Lampard po bënte një punë të mirë në stolin e Chelsea. Shumë lojtarë të rinj dhe një futboll i bukur ofensiv. Në janar u zhbllokua merkato dhe në fund të sezonit klubi ka në plan ta përforcojë akoma edhe më shumë skuadrën.

Një ndër surprizat e bukura të “Bluve të Londrës” është Mason Mount. 21-vjeçari aktivizohet në rolin e mesfushorit ofensiv dhe sivjet ka shënuar 6 gola e ka dhuruar 4 asiste. Djaloshi nga Portsmouth debutoi me kombëtaren angleze shtatorin e vitit të kaluar dhe elozhet nuk i kanë munguar.

I fundit është edhe më i veçanti, pasi vjen nga futbollisti më i mirë në planet, ylli dhe kapiteni i Barcelonës. “Mount ka potencialin për t’u bërë një nga futbollistët më të mirë në botë”, u shpreh Messi në një deklaratë për Football London. /abcnews.al

Griezmann-2-e1580460052338.jpg
Igli Nikolli14:33 | 31/03/2020

Antoine Griezmann ndjen mall për ndeshjet. Sulmuesi i Barcelonës po qëndron i izoluar në shtëpi dhe futbolli i mungon shumë. Ai ka dhënë një prononcim për Marca, aty ku tregon dëshirën për të pasur sërish numrin 7 që mbante te Atletico Madrid dhe flet rreth shtyrjes së Euro 2020 prej koronavirusit.

Më mungon shumë futbolli, por në këtë moment e dimë që gjëja më e mirë është bllokimi i gjithçkaje dhe qëndrimi në shtëpi. Realisht nuk e dimë fare se kur do të kthehemi të luajmë. Gjendja ime? Le të themi që jam mirë.

Sa i përket shtyrjes së Europianit, nga një anë më vjen keq dhe nga një anë ishte diçka e mirë për Francën. Kishim shumë futbollistë të dëmtuar. Do të më pëlqente të mbaja veshur përsëri fanellën me numër 7 kur të rinisë gjithçka”, deklaron Griezmann. /abcnews.al

Coutinho-2.png
Vladimir Prenga10:39 | 31/03/2020

Philippe Coutinho do të ndryshojë ekip këtë verë, pasi Bayern Munchen nuk do ta ushtrojë të drejtën për ta blerë mesfushorin e avancuar që është nën kontratë me Barcelonën. Katalanasit nga ana tjetër duan ta shesin me çdo kusht, në mënyrë që të përfitojnë financiarisht.

Menaxheri i Coutinho ka nisur nga puna dhe po synon t’i gjejë ekip sa më shpejt brazilianit. Sipas gazetarit të Mundo Deportivo, Francesc Aguilar, së fundmi fantazisti i është propozuar anglezëve të Liverpool, por trajneri Jurgen Klopp nuk e ka në planin e tij Coutinho.

Gjermani nuk e preferon brazilianin, ai do një anësor tipik, si Ousmane Dembele. Ndoshta mund të tentohet edhe francezi, nëse Barcelona do t’i ulë pretendimet për kartonin e sulmuesi të blerë nga Borussia Dortmund për 120 milion euro. /abcnews.al

ba.jpg
Vladimir Prenga08:58 | 31/03/2020

Barcelona, disa ditë më parë, bëri me dije se do të kishte ulje pagash për të gjithë në kampin katalanas, pa bërë me dije detaje të tjera. Më pas u mësua zyrtarisht se lojtarët kanë pranuar që të ketë një ulje deri në 70 për qind të pagave dhe vetë Lionel Messi e konfirmoi diçka të tillë.

Presidenti Josep Bartomeu ndihet mirë për atë që lojtarët kanë treguar dhe hedh poshtë zërat se ata kanë qenë kundër uljes së pagave, sikurse u raportua disa ditë më parë në mediat spanjolle. “Messi më tha mua që ditën e parë se kjo ulje duhet bërë”, tregon kreu i klubit katalanas.

Më tej, ai për gazetën “SPORT” shton: “Propozimi erdhi nga kapitenët Është një gjest që tregon përkushtimin e tyre ndaj klubit. Ndoshta lojtarët janë irrituar prej gjërave të thënë nga njerëz brenda dhe jashtë klubit, të cilët nuk i dinë të gjitha. Negociatat janë bërë vetëm nga unë dhe Oscar Grau dhe ne nuk kemi thënë asnjë fjalë”. /abcnews.al

Messi-Messi-i-vogel.jpg
Veronik Istrefaj18:19 | 30/03/2020

Lionel Messi, ndoshta futbollisti më i mirë i të gjitha kohërave, ka dominuar futbollin vitet e fundit, me plot 6 “Topa të Artë” dhe një numër shumë të madh të trofeve të fituar me Barcelonën. Zoti i ka falur talentin dhe ne futbolldashësit, kemi shijuar çdo moment të yllit argjentinas në fushën e blertë.

Shumë thonë që rivali i tij më i madh, Cristiano Ronaldo, është bërë me punë të pandalshme, ndërsa Messi, talentin e ka të lindur. Kjo gjë, është deri diku e vërtetë, pasi që në moshë të re, fenomeni i quajtur “Pleshti”, ka qenë i pandalshëm.

“Mirror” ka publikuar një video të rrallë të Messit kur ishte 8 vjeç dhe që në këtë moshë të re, shihet qartë talenti i tij, duke turpëruar çdo moshatar që i del para. Një fenomen i lindur!/abcnews.al

Ter-Stegen.jpg
Klejdi Kaimi16:59 | 30/03/2020

Coronavirusi ka gjunjëzuar botën dhe zgjidhja më e mirë për t’u mbrojtur është izolimi në shtëpi. Këtë gjë po bën dhe portieri i Barcelonës, Marc-Andre Ter Stegen. Gjermani tregon për “Goal” rutinën e tij në shtëpi si dhe çfarë i mungon më shumë.

Nuk jam një fans i madh i dietave. Përpiqem që të gjej balancën e duhur. Çdo njeri e di se çfarë është e shëndetshme dhe çfarë jo. Duhet të mbajmë një balancë, por duhet pasur gjithmonë kujdes me sheqerin”, shpjegon gardiani.

Gjëja që më mungon më shumë është që të jem në fushë me shokët e mi dhe të luajmë në prani të tifozëve. Po kujdesem për fizikun tim dhe këto ditë po punoj me një aplikacioni fitnesi. Në këto situata gjithmonë duhet parë ana pozitive, që është qëndrimi në shtëpi me familjen”, mbyll Ter Stegen. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono