39 drejtuesve automjetesh iu është hequr leja e drejtimit 48 orët e fundit. Policia Rrugore e Tiranës thotë se përshkonin autostradën nga Tirana në Durrës dhe anasjelltas me shpejtësi që varionte nga 140 km/h deri në 223 km/h.
“Mos shpejto të arrish aksidentin, familja po të pret”.
Moto e Policisë Rrugore ka kaluar pa u vënë re nga drejtuesit e mjeteve, një pjesë e të cilëve i kanë kaluar limitet, ndërsa përshkonin rrugën nga Tirana në Durrës dhe anasjelltas.
Shpejtësi që varjonin nga 140 km/ h deri në 223 km/ h kanë konstatuar uniformat blu 48 orët e fundit.
Kryesisht nga drejtues makinash prodhimi i viteve të fundit e që sipas policisë nuk respektojnë asnjë normë të qarkullimit rrugor.
39 leje drejtimi janë pezulluar, por qëllimi nuk është masa administrative thotë Polica e Tiranës, por parandalimi i aksidenteve rrugore.
Rrugorët paralajmërojnë shtim të kontrolleve me qëllim rritjen e paramentareve të sigurisë në disa pika edhe me radarë, ndërkohë që apelojnë për më shumë përgjegjshmëri gjatë drejtimit të mjetit./abcnews.al
