makinë
So Nila09:17 | 11/03/2020
Prodhuesi i njohur amerikan i automjeteve elektrike, Tesla, ka shkruar histori këtë javë me prodhimin e makinës së 1-miliontë.
Kjo makinë është Model Y.
Themeluesi i kësaj kompanie, Elon Musk, këtë moment historik e ka shpërndarë në Twitter, shkruan GQ
Modeli në foto vjen me paketën “Performance”, e cila përfshinë amortizatorët e rinj (që e bëjnë këtë Model Y më të ulët), rrotat prej 21-inçësh, pedalet nga alumini, si dhe shpejtësinë maksimale tani ky model e arrin deri në 250 kilometra në orë.
Këto Model Y të prodhuara kanë bateri me kapacitet të lartë.
Çmimi fillestar për versionet me bateritë me kapacitet të lartë është rreth 46,850 euro. Po ashtu, do të ofrohen edhe versione më të lira por Tesla nuk do të fillojë dërgesat e këtyre versioneve deri në fillim të vitit të ardhshëm./abcnews.al
eri Ida13:11 | 23/02/2020
Dy persona janë vënë në prangat e policisë kufitare një në Muriqan dhe një tjetër në Kakavijë, pasi kanë tentuar që të transportojnë lëndë narkotike.
Sipas policisë në Kakavijë gjatë kontrollit të një makine të tipit Nissan është gjetur e fshehur në sarbatorin e mjetit një bidon plastik, i cili në brendësi të tij kishte një sasi lënde të dyshuar Cannabis Sativa.
Ndërkohë në Muriqan, po si rezultat i kontrolleve të shtuara u procedua penalisht shtetasi L.K., pasi gjatë kontrollit të automjetit Opel, në brendësi të timonit iu gjet një qese me një sasi lëndë narkotike Cannabis Sativa.
Njoftimi i policisë:
Policia Kufitare kontrolle të shtuara për parandalimin dhe goditjen e paligjshmërisë.
Si rezultat i kontrolleve të imtësishme, në Kakavijë dhe Muriqan evidentohen dhe goditen dy raste të tentativës për trafikim të lëndëve narkotike.
Në PKK Kakavijë, në vijim të punës për goditjen e aktiviteteve të kundraligjshme dhe krimeve ndërkufitare, në bazë të analizës së riskut nga ana e policisë kufitare, u përzgjodh për kontroll të detajuar një automjet që drejtohej nga ana e shtetasit O.M.
Gjatë kontrollit të automjetit të markës Nissan nga ana e shërbimeve të policisë kufitare e doganore, si dhe të antitrafikut doganor, duke përdorur edhe skanerin, u gjend i fshehur në sarbatorin e mjetit një bidon plastik i cili në brendësi të tij kishte një sasi lënde të dyshuar Cannabis Sativa. Autori u arrestua në flagrancë pë veprën penale “Trafikim i narkotikëve”.
Në PKK Muriqan, po si rezultat i kontrolleve të shtuara u procedua penalisht shtetasi L.K., pasi gjatë kontrollit të automjetit Opel, në brendësi të timonit iu gjet një qese me një sasi lëndë narkotike Cannabis Sativa.
Materialet i kaluan Prokurorive respektive për veprime të mëtejshme për veprën penale “Trafikim i narkotikëve”./abcnews.al
eri Ida07:36 | 19/02/2020
Një ngjarje e rëndë ka ndodhur në Australi ku si pasojë e një zjarri të rënë në një makinë ka humbur jetën 3 fëmije dhe babai i tyre, ndersa është plagosur nëna e tyre.
Mediat ndërkombëtare raportojnë se ngjarja ka ndodhur në qytetin australian të Brisbane.
Sipas autoriteteve australiane viktimat mes të cilëve të miturit nën 10 vjeç janë gjetur të djegur në makinë.
Ndërkohë nuk ka asnjë informacion në lidhje me shkaqet e kesaj ngjarje te rëndë./abcnews.al
R D20:58 | 11/02/2020
Ditën e djeshme Kryeministri Edi Rama lëvizi me makinë të blinduar, pasi një eksponent i rrezikshëm si Vladimir Gjuta u pikas me armë pa leje para selisë së PS-së.
Lidhur me këtë ngjarja ka reaguar sekretari i Përgjithshëm i PD, Gazment Bardhi. Ai pyet Ramën se çfarë fshihet pas makinës së blinduar me targa TR 0370 T dhe pse ajo nuk ndalohet nga OFL.
Statusi i plotë
Edi Rama lëvizi dje me një fuoristradë të blinduar private, në shkelje të shumë rregullave shtetërore. Makina private, “Lincoln” e blinduar, me targën TR 0370 T, me të cilin u largua Rama nga Partia Socialiste është automjeti privat i Olsi Ramës. Si i tillë, automjeti është i paprekshëm nga Policia, njësoj si Audi AA 003 GB i Saimir Tahirit, me të cilin lëviznin lirshëm trafikantët e drogës të bandës së Habilajve.
Duke qenë se OFL e Edi Ramës po mburret me ndalimin e mjeteve të blinduara, pse nuk e ndalon për verifikim edhe Lincolnin e blinduar të Olsi Ramës, që përdoret në shkelje të ligjit nga i vëllai Kryeministër?
Ndërsa Edi dhe Olsi Rama duhet të japin vetë përgjigje për një pyetje të thjeshtë: Në çfarë aferash është përfshirë dhe çfarë e rrezikon Olsi Ramën, që është detyruar të përdorë një makinë të blinduar, e ndërtuar për të përballuar plumbat?!
So Nila17:30 | 21/01/2020
Një 22 vjeçar ka humbur jetën pasditen e kësaj të marte si pasojë e përplasjes së automjetit të tij me trafikndarësen.
Informacionet bëjnë me dije se ngjarja ka ndodhur në aksin rrugor Rrogozhinë- Kavajë, ku automjeti me drejtues ,22 vjeçarin, si shkak i një parakalimi të gabuar ka devijuar nga aksi rrugor duke u përplasur me trafikndarësen.
Si pasojë e daljes nga rruga, ka ndërruar jetë drejtuesi i automjetit Orgest Lasku.
Njoftimi i Policisë:
Kavajë/Informacion Paraprak.
Rreth orës 17:05 në aksin rrugor Rrogozhinë- Kavajë automjeti me drejtues shtetasin O. L.,22 vjeç, si shkak i një parakalimi të gabuar ka devijuar nga aksi rrugor duke u përplasur me trafikndarësen.
Si pasojë e daljes nga rruga, ka ndërruar jetë drejtuesi i automjetit shtetasi O. L.
Grupi hetimor ndodhet në vendngjarje, ku vijon punën për sqarimin e rrethanave të ngjarjes dhe shkakut të aksidentit./abcnews.al
R D20:12 | 17/01/2020
Një burrë u rrëmbye me makinë nga dy persona të maskuar sot në mesditë në Kamëz, pasi u dhunua prej tyre në rrugë. Disa orë pas ngjarjes personi i rrëmbyer i identifikua si Jak Prenga, 49 vjeç. Makina tip foristrade e autorëve është larguar në drejtim të Fushë-Krujës.
Burime nga grupi hetimor bënë të ditur se personi që u mor peng është 49-vjeçari Jak Prenga. Ai është rrahur dhe goditur me sende të forta para se të merrej forcërisht në një automjet fouristradë ngjyrë e bardhë. Gjithçka u filmua nga kamerat e sigurisë, në rrugën “London” të Kamzës.
Burime nga Komisariati nr.5., i Kamzës bëjnë me dije për ABC News se, dy autorët që morën forcërisht personin ishin të maskuar ndërsa u larguan në drejtim të Fushë- Krujës.
Në bashkëpunim me drejtorinë e Policisë së Tiranës janë dhe efektvitë të Krujës. Për herë të fundit në sallën operative të policisë është raportuar se një automjet i ngjarshëm ishte parë në vendin e quajtur Ura e Gjoles. Dyshohet se grabitësit janë ndihmuar edhe një automjet tjetër, duke ia bërë më të vështirë identifikimin autorëve nga grupit hetimorë. Ende mbetet e paqartë motivi i pengmarrjes, ndërsa në vendin e ngjarjes grupi hetimor sekuestroi një portofol dhe një automjet që dyshohet se ka lidhje me ngjarjen.
Në komisariatin nr.5, që i përket territorit të bashkisë Kamzës janë sekuestruar pamjet e kamerave të sigurisë për të mësuar më shumë rreth mëkanizmit të përdorur nga grabitësit dhe kush mund ti ketë ndihmuar në atë zonë. /abcnews.al
So Nila13:00 | 09/01/2020
Një njeri i varfër ka gërvishtur aksidentalisht një makinë BMW që ishte e parkuar në një rrugë.
Kështu që, ai i la një shënim të përzemërt pronarit të makinës duke thënë se i erdhi shumë keq për ngathtësinë e tij dhe i kërkonte që pronari i makinës t’i jepte ca kohë për të paguar dëmin.
Sidoqoftë, ai nuk e mendoi kurrë se pronari i BMW do të preket me shënimin e tij dhe do e merrte të punonte për të.
Një ditë, Qinlong mori fëmijët e tij për një shëtitje. Papritur, ai gërvishti aksidentalisht makinën luksoze, megjithatë, ai nuk u arratis dhe mori përgjegjësi për gabimin e tij.
Ai më pas u tha fëmijëve të tij që të kthehen në shtëpi dhe t’i marrin një stilolaps dhe një letër. Me stilolapsin dhe letrën, ai shkroi faljen e tij dhe vuri shënimin tek xhami i makinës
Qinlong i kërkoi falje në letër dhe i tregon se është shumë i varfër. Familja e tij ishte në krizë ekonomike.
“Unë gërvishta aksidentalisht makinën tuaj dhe do mbaj përgjegjësi për dëmin. Prandaj, ju lutem merrni këto pak lekë që më ndodhen në xhep si një parapagesë dhe më jepni 2 deri në 3 muaj për të paguar pjesën tjetër. Ju garantoj se do mbaj përgjegjësi ”, shkroi Qinlong.
Pasi e pa shënimin, pronari i BMW mendoi se ishte mashtrues dhe e mori në telefon për ta vërtetuar.
Qinlong përgjigjet në telefon dhe i ndjerë në panik e pyet nëse ai që e telefonoi është ndonjë mik i pronarit.
“A jeni mik i pronarit të makinës? Mund të më ndihmoni të gjej pronarin? Unë duhet t’i them pronarit që kam gërvishtur aksidentalisht makinën e tij dhe dëshiroj të paguaj dëmin. ”
Pronari i makinës dëgjoi përgjigjen e Qinlong dhe u ndje i sigurt që ai nuk kishte një qëllim të keq dhe përkundrazi, është një person i ndershëm dhe i përgjegjshëm. Pronari i makinës i tha Qinlong se kostoja e riparimit mund të ishte shumë e shtrenjtë por duke parë ndershmërinë dhe vendosmërinë e tij për të paguar koston, ai vendosi të mos i kërkojë pagesë për koston e riparimit.
Sidoqoftë, Qinlong nuk pranoi ta bëjë këtë pasi ishte në kundërshtim me parimet e tij të jetës.
Pronari i BMW tha që ai do të donte të takohej me Qinlong dhe ai nuk interesohej për paratë.
“Në shoqërinë tonë, ishte e rrallë të gjesh një person si ju dhe nëse jeni të interesuar të më ndihmoni në biznesin tim, unë jam më shumë se i lumtur,” tha pronari i makinës.
Kjo histori frymëzuese na tregon se është e rëndësishme të jemi të sinqertë dhe të përgjegjshëm për veprimet tona. Një ditë, ky incident mund të të ndodhë ty, kështu që mos harroni të jeni si Qinlong dhe gjithashtu shpresojmë që pronari i makinës me zemër të mirë./abcnews.al
R D12:02 | 09/01/2020
Një automjet Peugeot ngjyrë e zezë dhe me targa KM është djegur mbrëmë pas mesnatës në Leposaviç, ndërsa përveç dëmeve materiale, nuk ka të lënduar në njerëz.
KosovaPress raporton se makina është në pronësi të deputetit serb Sllavko Simiç.”Mbrëmë pas mesnatës, saktësisht rreth orës 1:30, para ndërtesës ku jeton Sllavko Simiç në Leposaviç, është hedhur eksploziv në automjetin e deputetit Simiç. Automjeti është djegur i tërë”, kanë thënë burimet e policisë.
Lajmin e konfirmon zëdhënësi i policisë për rajonin e veriut Branisllav Tadoviç, por nuk ka dhënë detaje shtesë. Simiç përveç postit të deputetit në parlamentin e Kosovës, është edhe nënkryetar i Listës Serbe, si dhe kryetar i qarkut të Mitrovicës, i zgjedhur nga strukturat ilegale serbe.
Autor E10:18 | 25/12/2019
Një makinë tip “Smart” u përfshi nga zjarri para bashkisë së Kamzës gjatë mëngjesit të sotëm duke dëmtuar gjithashtu edhe dy makina të tjera.
Policia bëri me dije se shkak për zjarrin u bë një defekt në impiantin e gazit të makinës tip “Smart”, ndërsa gazetari Andi Qosja raporton për abcnews.al se flakët kanë përfshirë edhe një makinë të Policisë Bashkiake që ndodhej aty pranë.
Policia dhe zjarrfikësit kanë shkuar në vendin e ngjarjes për të shuar flakët dhe mësuar shkakun.
Njoftimi i policisë
Tiranë/Informacion Paraprak
Rreth orës 10:00 në Kamëz automjeti tip “smart” me drejtues shtetasin I. H, është përfshirë nga flakët në lëvizje.
Gjatë ndalimit është përfshirë nga flakët dhe një fugon i cili ndodhej i parkuar në krahun e rrugës prej nga ku ka veç dëme materiale.
Paraprakisht dyshohet se zjarri ka ardhur si pasojë e një defekti në impiantin e gazit të automjetit tip “Smart”
Grupi hetimor ndodhet në vendngjarje ku po vijon punën për sqarimin e mëtejshëm të rrethanave të ngjarjes.
/abcnews.al
So Nila09:05 | 06/12/2019
Makina e parë në botë që mund të “fluturojë” dhe të vozitet “me një shpejtësi të lartë prej 321 kilometra në orë në ajër dhe 160 km/h në tokë” është zbuluar në Majami me një çmim prej 599,000 dollarësh (mbi 540,000 euro).
Kjo makinë quhet Pioneer Personal Air Landing, ose PAL-V, dhe është e pajisur me helikë të mbërthyer dhe të pasme dhe mund të fluturojë në lartësi deri 3.81 km. Po ashtu, PAL-V përdor motorin benzinë.
PAL-V është tashmë në prodhim në Hollandë.
Gjithashtu, PAL-V ka dy ulëse dhe motorin me katër cilindra e kapacitet prej 230 kuajfuqi.
Kjo makinë fluturuese mund të konvertohet nga një veturë me tre rrota në një “helikopter” në vetëm 10 minuta, dhe shpejtësinë nga 0 deri në 100 km në orë e arrin për vetëm 8 sekonda./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
