Loading ...
Operacioni për shuarjen e zjarrit në Fier ka rinisur mëngjesin e sotëm, ndërsa flakët që kanë përshkuar katër fshatra kanë prekur edhe zonën e Frakullës.
Në terren janë angazhuar rreth 90 trupa të Forcave të Armatosura dhe të Repartit të Poshnjës, të cilët po vijojnë ndërhyrjen në vatrën e zjarrit në fshatin Frakull.
Zjarri po përhapet në një masiv me pisha, ku prania e tymit është e lartë. Në perimetrin e vatrës ndodhen edhe 7 mjete zjarrfikëse, së bashku me efektivët përkatës.
Ndërkohë, vatra vijon edhe në drejtim të fshatit Peshtan. Kjo pjesë e zonës aktualisht është e paaksesueshme për mjetet zjarrfikëse, ndërsa flakët ndodhen larg zonave të banuara.
Forcat në terren po vijojnë operacionin për izolimin dhe shuarjen e zjarrit, ndërsa situata po monitorohet në vijimësi.
