zjarr
in a13:20 | 27/03/2020
Gjatë natës është djegur ish-ndërtesa e “Internatit Kosova” në qytetin e Krumës të bashkisë së Hasit.
Ngjarja ka ndodhur në orën 03:00 të natës së një dite më parë.
Burime për abcnews.al bëjnë me dije se shërbimi zjarrfikës ka mbërritur menjëherë në vendngjarje por pa mundur të shpëtojë gjë.
Ndërtesa ka qenë jashtë funksionit për shkak të degradimit të saj ndër vite, ndërsa përhapja e zjarrit me shpejtësi është favorizuar dhe nga struktura e brendshme me dërrasa.
Mësohet se ndërtesa 2 katëshe është përfshirë nga flakët si pasojë e një zjarri të ndezur nga 3 minorenë.
Blutë kanë bërë identifikimin e tyre dhe i ka proceduar në gjendje të lirë.
Shkolla “ Internati Kosova” u hap për herë të parë me 12 tetor 1922, me katër klasë e dy salla mbledhjesh.
Nga 1990, konvikti funksionoi vetëm për shkollën e mesme.
eri Ida20:19 | 25/03/2020
Në orët e pasdites në Vlorë është shënuar një incident që ka alarmuar policinë. Në dyer e dyqanve të mbyllura në zonën historike të qytetit është hedhur benzinë dhe i është vënë flaka.
Për fat të mirë nuk ka patur dëme të mëdha, pasi zjarrfikësit kanë ndërhyrë në kohë dhe kanë shuar flakët. Nga pamjet duket qartë se zjarri nuk ka depërtuar brenda ambienteve të dyqaneve.
Prej fakti se nëpër rrugë ka forca të shumta policie u bë e mundur arrestimi i një personi që dyshohet se vuan nga probleme të shëndetit mendor./abcnews.al
eri Ida14:12 | 16/03/2020
Një zjarr i madh ka përfshirë një kullotë në fshatit Majkosh në Tepelenë.
Burime për ABC News bëjnë me dije se flakët e zjarrit kanë përfshirë një zonë me kullota pranë aksit nacional Tepelenë-Memaliaj.
Deri më tani bëhet me dije se si pasojë e flakëve të zjarrit janë djegur një pjesë e madhe e sipërfaqeve me kullota.
Ndërkohë zjarrfikësit kanë mbërritur me vonesë në vendngjarje./abcnews.al
in a07:33 | 11/03/2020
Në zonën e njohur “9 katëshe” raportohet se një banesë është përfshirë nga flakët.
Mësohet se në banesë jetonte një person rreth 60-vjeçar. Nga informacionet paraprake të dhëna nga 60-vjeçari mësohet se shkak i zjarrit është bërë rrjedhja e bombolës së gazit duke shkaktuar edhe shpërthimin e bombolës. Burime nga policia bëjnë me dije se në banesë ishte një fëmijë i cili është shpëtuar.
Nga zjarri janë shkaktuar edhe dëme materiale, ndërkohë që i moshuari kishte marrë disa plagë të lehta.
Gazetarja Erneta Shevroja bën me dije zjarrëfikëset ndodhen në vendin e ngjarjes dhe po punojnë për shuarjen e flakëve.
Tiranë/Informacion paraprak
Më datë 11.03.2020, rreth orës 07:05, në rrugën e “Dibres” në kryqëzim me rrugën e “Barrikadave”, ka rënë zjarr në banesën 1-katëshe të shtetasit K.A, ku ishte një fëmijë brenda, i cili u nxorr në menyrë të menjehershme nga punonjësit e Komisariatit Nr.4, dhe ndodhet në gjendje të mirë shendetsore.
Në vendngjarje gjithashtu ndodhen forcat zjarrfikëse, ku u bë e mundur dhe fikja e zjarrit. Nga zjarri nuk ka pasoja në njerëz, vetëm deme materiale.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
eri Ida19:48 | 10/03/2020
Një zjarr ka përfshirë garazhin e një makinë në një pallat tek Fizika Bërthamore në Tiranë.
Burime për ABC News bëjnë me dije se ngjarja ka ndodhur pasditen e kësaj të marte dhe garazhi që ka marrë flakë përdorej si një magazinë gomash dhe marteriale të tjera pune.
Paraprakisht dyshohet se shkak për këtë zjarr të jetë bërë një shkëndijë elektrike.
Si pasojë e zjarrit janë evakuuar banorët e pallatit dhe fatmirësisht flakët janë vënë nën kontroll./abcnews.al
eri Ida10:02 | 05/03/2020
Policia e Krujës ka vënë në pranga dy persona dhe një tjetër është proceduar në gjendje të lirë, pasi akuzohen për ndotje të ajrit.
Të ndaluarit janë shtetasit Sh. T., 57 vjeç dhe S. Z., 65 vjeç, banues në Kameras, Fushë Krujë, të cilët në bashkëpunim me njëri tjetrin një ditë më parë në Krastë kanë djegur një gropë gëlqereje me mbetje të ndryshme, duke shkaktuar tym e gazra dhe arome të rëndë, të dëmshme për shëndetin e qytetarëve.
Krujë
Vijon puna për evidentimin dhe ndëshkimin e personave që kryejnë ndotje të ajrit, me pasoja për shëndetin e qytetarëve.
Arrestohen në flagrancë 2 shtetas, për veprën penale “Ndotja e ajrit”.
Si dhe procedohet në gjendje të lirë 1 tjetër.
Specialistët për Hetimin e Krimeve në Komisariatin e Policisë Krujë arrestuan në flagrancë shtetasit:
Sh. T., 57 vjeç dhe S. Z., 65 vjeç, banues në Kameras, Fushë Krujë, si dhe proceduan në gjendje të lirë shtetasin Sh. Sh., 45 vjeç, banues në Krujë.
Këta shtetas, më datë 04.03.2020, në Krastë, Krujë, në një gropë gëlqereje po digjnin mbetje të ndryshme, duke shkaktuar tym e gazra dhe arome të rëndë, të dëmshme për shëndetin e qytetarëve.
Materialet i kaluan Prokurorisë së Rrethit Gjyqësor Krujë, për veprime të mëtejshme./abcnews.al
ger ta19:48 | 28/02/2020
Një zjarr i madh ka shpërthyer në një stacion treni, kryesorin në Paris. Disa makinave dhe motorrëve u është vënë flaka pak para koncertit të Fally Ipupa, yllit kongolez të muzikës RAP.
Policia ka evakuar zonën hekurudhore dhe ka bllokuar hyrjen për këdo. Po ashtu policia ka sqaruar se përplasjet janë të lidhura me koncertin e këngëtarit, I cili është nën shënjestrën e kundërshtarëve të regjimit të Presidentit të Kongos Felix Tshisekedi. Në të shkuarën, një koncert i këngëtarit në Paris, në sallën “La Cigale”, u anullua për shkak të protestave nga kontestuesit. Pikërisht për shkak të kërcënimeve të marra, këngëtari nuk performoi më brenda territorit të Francës, prej gati 10 vjetësh.
Ky zjarr vjend disa muaj pasi Katedrale “Notre Dame” u përfshi nga flakët dhe një pjesë e saj u shkatërrua, pak kohë më parë. /abcnews.al
in a12:40 | 27/02/2020
Familja Sokoli në fshatin Cerenicë të Tropojës ka mbetur në qiell të hapur, pasi banesat e tyre u përfshinë nga flakët.
Ngjarja ndodhi pak pas mesnate në pallatin ku jetonin Dede dhe Gege Sokoli.
Flakët përfshin dy apartamente.
Zjarri ka arritur të dëmtojë të gjithë orenditë shtëpiake, ndërsa zjarrfikësit kanë bërë të mundur shuarjen e flakëve, të cilat rrezikonin edhe banesat e tjera.
“Dëmi është i madh, por e rëndësishme është se nuk kishte viktima”, tha kryefamiljari Gege Sokoli.
Pranë tyre ishin edhe banorët e zonës.
Njerëzit kanë qenë brenda në shtëpi kur ka shpërthyer flaka, ishte nje zjarr shumë i fuqishëm”, tha një prej banorëve.
Fatmirësisht nga ngjarja nuk ka të lënduar në njerëz. Shkak i zjarrit ka qenë një shkëndijë elektrike./abcnews.al
eri Ida18:43 | 26/02/2020
Pasditen e kësaj të mërkure një zjarr ka përfshirë pyllin me pisha pranë fshatit Martalloz në Memaliaj. Burime për ABC News bëjnë me dije se vatra e zjarrit ka qenë shumë pranë banesave, që aktualisht ndodhen 300 metër larg vatrës së zjarrit.
Ndërkohë forcat zjarrfikëse janë nisur drejt vendngjarjes. por terreni i vështirë e bën të pamundur ndërhyrjen me automjet.
Ndërkohë në përpjekje për të shuar zjarrin po punohet me pompa dore dhe mjete rrethanore./abncews.al
ger ta22:19 | 25/02/2020
Një zjarr i madh ka rënë në orët e vona të mbrëmjes të së martës në Fshatin Risili në Vlorë.
Nga të dhënat që sjell gazetari Elton Nika mësohet se është shkrumbuar një sipërfaqe e konsiderueshme me kullota dhe ullinj. 2 zjarrëfikëse kanë nisur punë për lokalizimin e flakëve, me qëllim moslejimin e përhapjes së tyre në zonat e banuara. Era e fortë po pengon punën e zjarrfikësve.
Për këtë arsye një prej automjeteve dhe zjarrfikës po qëndrojnë pranë banesave.
Për shuarjen e flakëve po ndihmojnë edhe banorët e zonës. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
23:43 | 31/03/2020
23:26 | 31/03/2020
