Lezhiani çan postbllokun e policisë, çfarë fshihte në makinë

schedule12:17 - 1 Nëntor, 2019

schedule 12:17 - 1 Nëntor, 2019

Një 61 vjeçar nga Lezha nuk iu bind thirrjes së policisë për të ndaluar duke i rrezikuar jetën punonjësit të forcave të rendit.

Pasi e ndaloi ndërkohë që donte të largohej, policia zbuloi edhe shkakun e veprimit të tij të rrezikshëm.

Mësohet se 61 vjeçari kishte në makinë 68 kilogram lëndë narkotike, të dyshuar si cannabis sativa.

“Shërbimet e Policisë Rrugore, në rrethrrotullimin në hyrje të qytetit Lezhë, i kanë bërë shenjë ndalimi drejtuesit të mjetit, me të cilin dyshohej se transportohej lëndë narkotike. Drejtuesi i mjetit nuk i është bindur urdhrit të punonjësit të Policisë për të ndaluar dhe është larguar me shpejtësi në drejtim të rrugës së Shëngjinit duke rrezikur jetën e punonjësve të Policisë, që ishin vendosur në pikë kontrolli për të ndaluar mjetin”, bën me dije policia.

Njoftimi i plotë

Vijon puna për goditjen e veprimtarisë kriminale në fushën e narkotikëve.

Finalizohet një tjetër operacion policor antidrogë, i koduar “Rrethrrotullimi”.

Operacioni nga shërbimet e Komisariatit të Policisë Lezhë, në bashkëpunim me Seksionin për Hetimin e Narkotikëve në DVP Lezhë.

Sekuestrohen 68 kg lëndë narkotike, e dyshuar cannabis sativa.

Vihet në pranga pronari i automjetit, në të cilin u gjet lënda narkotike.

Në zbatim të planit të masave për shtimin e kontrolleve në të gjithë territorin e qarkut Lezhë, me qëllim parandalimin, evidentimin dhe goditjen e paligjshmërisë, Policia e Lezhës, në bashkëpunim me Seksionin për Hetimin e Narkotikëve në DVP Lezhë, organizoi dhe finalizoi operacionin policor të koduar “Rrethrrotullimi”, si rezultat i të cilit u bë kapja dhe arrestimi i shtetasit:

Z. B., 61 vjeç, banues në Shkodër.

Shërbimet e Policisë Rrugore, në rrethrrotullimin në hyrje të qytetit Lezhë, i kanë bërë shenjë ndalimi drejtuesit të mjetit, me të cilin dyshohej se transportohej lëndë narkotike. Drejtuesi i mjetit nuk i është bindur urdhrit të punonjësit të Policisë për të ndaluar dhe është larguar me shpejtësi në drejtim të rrugës së Shëngjinit duke rrezikur jetën e punonjësve të Policisë, që ishin vendosur në pikë kontrolli për të ndaluar mjetin.

Shërbimet e Policisë janë vënë në ndjekje të këtij mjeti, në pronësi të shtetasit Z. B., i cili është konstatuar dhe bllokuar në një rrugicë, në Ishull, Shëngjin.

Gjatë kontrollit në mjet, u gjetën dhe u sekuestruan 68 kg lëndë narkotike, e dyshuar cannabis sativa.

Në vijim të veprimeve, Policia ka bërë ndalimin e shtetasit Z. B., 61 vjeç, banues në Shkodër.

Materialet iu referuan prokurorisë për veprime të mëtejshme, për veprën penale “Prodhimi dhe shitja e narkotikëve”.