Flet shqiptari që përplasi për vdekje studenten në Selanik: Nuk është koha për justifikime, ngushëllime familjes

schedule11:23 - 28 Nëntor, 2022

schedule 11:23 - 28 Nëntor, 2022

26-vjeçari shqiptar që përplasi të renë greke në Selanik ka dalë para gjykatës mëngjesin e sotëm.

Lexo edhe: U përplas për vdekje nga i riu shqiptar, flet babai i 26-vjeçares nga Kreta: Si vendosëm të dhurojmë organet e saj

Ai ka kërkuar falje dhe mediat greke raportojnë se ka qëndruar vetëm pesë minuta në zyrën e hetimit. Gjithçka që raportohet se ka thënë ishte “ngushëllime të përzemërta familjes. Nuk është momenti që unë të jap justifikime”, ndërkohë që ka depozituar edhe një memorandum me kërkesat e tij.

Shqiptari akuzohet për veprën penale të drejtimit të rrezikshëm të automjetit me pasojë vdekjen, si dhe për braktisjen e një aksidenti trafiku dhe drejtimin e automjetit pa patentë përkatëse (kundërvajtje). Vepra penale dënohet me burgim deri në 15 vjet.

Gjithashtu, 26-vjeçarit iu dorëzua edhe vendimi për dëbim nga vendi, pasi u konstatua se ai banonte në mënyrë të paligjshme në vend pa leje qëndrimi dhe për këtë arsye është ndaluar që të enjten e kaluar. Bëhet e ditur se vendimi i dëbimit do të hyjë në fuqi pas gjykimit të çështjes, pasi 26-vjeçari pritet të caktohet në masën e paraburgimit.

Pasagjerja 19-vjeçare e mjetit ka kaluar nga dera e hetuesisë pak para orës 10:00 dhe në këtë kohë ka kërkuar falje. Dy të pandehurit më pas do të çohen së bashku te prokurori publik.

E reja greke e shtruar me plagë të rënda në Repartin e Mjekimit Intensiv të spitalit Papageorgiou, u nda nga jeta mëngjesin e së dielës. Prindërit vendosën t’i dhuronin organet e saj dhe, siç tha e ëma, “Emmanuela ishte një fëmijë mrekulli dhe kur u largua donte të bënte mrekullinë e saj, të jepte jetë.”

/abcnews.al