shqiptari

rinas-qytetari.jpg
ger ta09:02 | 19/03/2020

Janë kthyer sot 20 shqiptarët e mbetur në Hungari pas bllokimit të kufijve si masë parandaluese për përhapjen e koronavirusit. Gazetarja Xhensila Kodra ishte në Rinas, pasi pak minuta më parë është ulur avioni i mbërritur nga Budapesti.

Një prej udhëtarëve është shprehur për Abc News se këto ditë kanë qendruar në doganë dhe aeroport. Ai shprehet se janë bllokuar më 13 mars në doganën e Serbisë dhe Hungarisë, pasi nuk i lejuan të kalojnë.

Pjesë nga biseda:

Gazetarja: Prej sa ditësh keni mbetur në kufij dhe kur jeni nisur për jashtë territorit?

Qytetari: Jemi nisur në 11 mars dhe kthimin e kemi bërë më 12 mars. Në 13 kemi qenë në doganën e Serbisë dhe Hungarisë, në ato momente të gjitha pasaportat e shqiptarëve që ishin në autobus janë marrë dh ejanë kthher mbrpsht. Atë natë kemi kaluar natë në doganë. Një vajzë që ishte me temperaturë e morën për kontroll

Gazetarja: Cfarë rezultoi me këtë vajzën

Qytetari: Ajo rezultoi negative. Na futën në një konteiner që ishte 7 me 2 e gjysmë dhe të gjithë aty u bënë merak.

Gazetarja: Kishit frikë me këtë situatë?

Qytetari: Absolutisht që po dhe atë natë ka qenë një i ftohtë i tmerrashmë. Shumica kanë marrë ftohje.

Gazetarja: Ju keni qënë 24 turistë që keni udhëtuar në drejtim të Budapestit me autobus dhe sot janë kthyer vetëm 20 prej tyre. Keni dijeni se çfarë është bërë me 4 turistët?

Qytetari: Jo katër të tjerë kanë ardhur para katër ditësh, sepse nuk kishte bileta për atë  ditë. Unë të mirë ka bërë zv.ambasadori.

Gazetarja: Ku i keni kaluar gjithë këto ditë?

Qytetari: Në aeroport. Natën e parë e kemi kaluar në doganë.

Gazetarja: A ka patur ndonjë mundësi që ju të akomodoheshit me hotele.

Qytetari: Ishin shumë të shtrenjta. Të gjitha biletat i kemi paguar vetë. Mundësitë i kemi patur.

Gazetarja: Po me grupin tjetër çfarë është bërë?

Qytetari: Ky avion ka patyr 70 veta. Po një gjë më bën përshtypje, kur ke gjëndje të jashtëzakonshme duhet të nxjerrësh mjekët për kontroll këtu. Është vetëm një termometër lazer. Këtu duhet të plotsohet formulari.

Gazetarja: Ligji parashikon që ju duhet të izoloheni për 14 ditë. A do ta zbatoni?

Qytetari: Unë absolutisht që do e zbatoj. Po ku ta zbatoj unë kur shteti nuk vjen këtu të më thotë o zotëri sa dhoma ke.

/abcnews.al

 

 

 

 

 

arresto-carabinieri-1030x827-1030x827-1.jpg
eri Ida09:36 | 08/03/2020

Policia italiane ka vënë në pranga skifterin shqiptar dhe tre bashkëpuntorët e tij janë shpallur në kërkim, të akuzuar për një sërë vjedhjesh të realizuara.

Mediat italiane bëjnë me dije se vetëm në një hark kohor prej 15 ditësh në vend janë regjistruar  16 vjedhje. I ndaluari është një 20 vjeçar shqiptar identiteti i të cilit nuk bëhet me dije.
Ndërkohë në cilësinë  eprobvës materiale janë sekuestruar sende të vjedhura me shifrën e 100 mijë eurove.

Banda funksiononte në zonën e Bergamos dhe vjedhjet bëheshin zakonisht  në të njëjtën kohe, veçanërisht në orët e vona të pasdites./abcnews.al

policia-greke-athine2.jpg
nev ila21:27 | 07/03/2020

Të shtëna me armë ka patur në Athinë, Greqi. Mësohet se ngjarja e regjistruar mbrëmjen e kësaj të shtune ndodhi në rrugën bregdetare pikërisht në restorantin Eden.

Si pasojë e këtyre të shtënave ka mbetur i plagosur një shqiptar i cili është transportuar menjëherë në spitalin Voula Asklepieion të Athinës raporton abcnews.al.

Sipas njoftimeve të policisë deri më tani, ka pasur një përplasje me armë ku janë përfshirë katër persona, të cilët filluan të shtinin nga një dyqan dhe vazhduan shkëmbimin e zjarrit edhe në rrugë.

Pas shkëmbimit të zjarrit, një prej këtyre katër personave ra në tokë dhe mbeti i plagosur më pas Autorët që qëlluan hipën në një makinë dhe u zhdukën nga vendngjarja.

Menjëherë ka mbërritur policia e Athinës e cila është vënë menjëherë në kërkim të autorëve ndërsa grupi hetimor është duke kqyrur vendin e ngjarjes.

Nuk dihen ende motivet e vërteta që kanë shkaktuar këtë konflikt me armë por nga çfarë raportojnë mediat greke, i plagosuri është jashtë rrezikut për jetën. Identiteti i shqiptarit nuk është bërë i ditur./abcnews.al

kor000-696x391-1.jpg
ger ta08:32 | 06/03/2020

Një 48-vjeçar shqiptar i arratisur nga burgu Korydallos që nga shkurti 2003 u arrestua një natë më parë në Sagiada Thesprotia nga oficerët e policisë të Gardës së Kufirit të Filiates.

Shqiptari i cili shijonte për 17 vite lirinë  u ndalua si pjesë e një kontrolli policor në rrethin e Sagiada. Si rezultat i hetimit policor, prokuroria po e kërkonte atë pas arratisjes, pasi sepse kishte shkelur një leje të rregullt të dhënë më 22 shkurt 2003.

Shqiptari ishte dënuar me shtatë vjet burg me vendim të Gjykatës së Apelit për posedim dhe përpjekje për të shitur lëndë narkotike. Personi i arrestuar është dërguar në Prokurorin e Thesprotisë. /abcnews.al

itali-5.jpg
eri Ida22:04 | 29/02/2020

Policia italiane ka vënë në pranga një të ri shqiptar, i cili dyshohet se  ka plagosur me armë një italian.

Mediat italiane raportojnë se 22 vjeçari shqiptar dyshohet se është autori përgjegjës për plagosjen e një 28-vjeçari në Piazza Europa, në 23 shkurt.

I riu shqiptar me inicialet A.K., iu afrua makinës së 28-vjeçarit e duke qëlluar më pas me armë zjarri në drejtim të tij. Ai mundi ta plagoste atë në këmbë. Ndërkohë mësohet se gjatë kontrollit ushtruar në shtëpinë e tij shtetasit A.K i është gjetur dhe sekuestruar 7 gram lëndë narkotike e llojit marijuanë, material i dobishëm për paketimin e substancës dhe një thikë./abcnews.al

Carabinieri_Generica_01_2019.jpg
ger ta14:22 | 29/02/2020

Një 59-vjeçar shqiptar ka humbur jetën pasditen e djeshme në Itali. Sipas mediave italiane, Bashkim Toska nga Elbasani ishte duke punuar në një kantier ndërtimi kur u godit nga një hekur dhe mori plagë të rënda në kokë.

Mësohet se aksidenti ka ndodhur tre ditë më parë, të mërkurën rreth orës 10:00, në Limone Piemonte. Shqiptari u dërgua në spital, ndërsa gjendja e tij u përkeqësua në orët në vijim.  59-vjeçari nuk mundi t’ja dalë dhe humbi jetën pasditen e djeshme.

Shqipari la pas gruan dhe dy fëmijë,  ndërsa autoritetet po vijojnë me procedurat për sjelljen e trupit të tij në Shqipëri. /abcnews.al

policia-greke-2.jpg
ger ta18:09 | 26/02/2020

Një 55-vjeça shqiptar është gjetur i vdekur të shtunën në një depo në fshatin Shën Seraphim të komunës Kamena Vourla, në Greqi.

Sipas mediave greke ishte një burrë që gjeti një njeri të vdekur dhe njoftoi policinë. Të dhënat e para tregojnë se trupi ka qenë i gjakosur  në fytyrë, i cili po ekzaminohet nëse vdekja mund të ketë ardhur si pasojë e rënies nga lartësia, apo bëhet fjalë për një ngjarje kriminale.

Ndërkaq, policia ka nisur hetimet për zbardhjen e plotë të ngjarjes, ndërsa mjekësia ligjore do të bëjë ekspertizën. /abcnews.al

oronavi.jpg
ger ta18:24 | 24/02/2020

Një emigrant shqiptar në Itali ka rezultuar negativ nga koronavirusi. Shqiptari i është nënshtruar analizave mjekësore, i dyshuar si person i infektuar.

Ai ka kërkuar ndihmë mjekësore në spitalin e Avellinos pas një qëndrimi prej disa ditësh në Verona. dhe kolla e fortë që e kanë çuar në dyshimin e prekjes nga koronavirus.

Stafi mjekësor i spitalit të Avellinos ka kryer të gjitha ekzaminimet e rastit e fatmirësisht shqiptari doli negativ. /abcnews.al

aksidenti-shba3.jpg
eri Ida10:17 | 19/02/2020

Një 52 vjeçar shqiptar ka humbur jetën tragjikisht Nju Xhersi të Shteteve të Bashkuara të Amerikës. Mediat amerikane raportojnë se shqiptari Nuri Kaloshi, i cili teksa ishte duke drejtuar motorin e tij Kaëasaki, u godit nga një kamion plehrash.

Kaloshi ishte i apasionuar pas motorave të shpejtë dhe në postimet e tij në rrjetet sociale bie në sy kjo gjë.

Djali i viktimës ka bërë një postim prekës në Facebook, ku mësohet se viktima vetëm dy javë më parë ai kishte ardhur në Shqipëri për të përcjellë në banesën e fundit nënën e tij.

Postimi i djalit në Facebook:

“Për këdo që e lexon këtë, me zemër të copëtuar ju njoftoj se dje, 17 shkurt 2020, babai im Nuri Kaloshi u përfshi në një aksident me motor rreth orës 3 të mëngjesit. Ai për fat të keq ka humbur jetën. Babai im do të mbahet mend gjithmonë dhe do ta duam pafund. Të dua shumë babi dhe e di që na po shikon të gjithëve si engjëll që je. Pusho në copa babi me Nanën”.

Për vdekjen e 52 vjeçarit kanë shkruar gjithahstu dhe familjarë të tjerë të cilët theksojnë se humbja e tij është shumë e vështirë për tu pranuar./abcnews.al

deniii-1280x689.jpg
eri Ida08:15 | 19/02/2020

Një shqiptar që jetonë në ShBA nga ABC e Mëngjesit ka treguar dëshirën që ai ka që ta promovojë sa më shumë Shqipërinë.

Studenti Deni Hoxha i cili ka vite që jeton në Amerikë është shprehur se dëshira më e madhe e tij dhe një grupi tjetër të vogël studentesh me origjinë shqiptare ose shqiptarë-amerikan është që të japin kontributin e tyre në promovimin e vlerave të Shqipërisë.

Përmes një organizate që ato kanë themeluar në universitet herë pas herë bëjnë pjesë dhe personazhe të ndryshëm të famshëm shqiptarë ose jo për të bërë sa më shumë seminare apo leksione të hapura ku ato flasin për historitë e tyre të suksesit në fushën e biznesit.

“Në Harvard jemi gati 10 student me origjinë shqiptare dhe shqiptare amerikan, dhe meqë në universitet nuk kishte një organizatë të tillë atëerë ne vendosëm që ta bëjmë të mundur një gjë të tillë për ta bërë të mundur promovimin e Shqipërisë. Ideja e organizatës sonë është që persona të ndryshëm që merret me promovimin e Shqipërisë përmes historive të tyre të suksesit për të promovuar ssa më shumë vendin dhe për të bërë pjesë të organizatës dhe pjestarë të tjerë që nuk janë shqiptarë,” tha studenti shqiptar në amerikë.

Ndërkoë pyetjes së Enkel Demit se si funksionojnë tubime të tilla për të promovuar sa më mirë Shqipërinë, Deni ka theksuar se çdo gjë në shumicën e rasteve bëhet në formë leksioni të hapur, pyetje përgjigje.

“Formati ndryshon, ai mund të jetë në formë diskutimi ose jo, është një format që mund të drejtohet përmes pyetjeve ose është një format pyetje përgjigjë. Është dhe vete universiteti i Harvardit që herë pas here na promovon dhe përmes këtij promovimi ne kemi dëshirë jo vetëm të vijnë shqiptar pir edhe figura sa më të njohura”, është shprehur Deni.

Këtë mëngjes me Enkel Demin ai ka treguar eksperiencën e tij jo vetëm si student por edhe përfaqësues i një shoqate shqiptare në Harvard ku përpiqet që të promovojë sa më shumë te të huajt Shqipërinë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono