SHBA
Sid Orela20:42 | 01/04/2020
Numri i personave të infektuar me koronavirus në Shtetet e Bashkuara të Amerikës ka është rritur në 200,289. Prej këtyre, 11,759 raste janë konfirmuar vetëm gjatë 24 orëve të fundit.
Ndërsa, vetëm brenda 24 orëve të fundit numri i personave që kanë humbur jetën si pasojë e Covid-19 në SHBA është rritur në 4,394. Prej tyre, 341 kanë ndërruar jetë vetëm gjatë së martës.
Nga numri i përgjitshëm i të infektuarve, sipas të dhënave të pasqyruara në ëorldometers, 80,572 raste mbeten aktive. Nga ana tjetër, deri më tani, nga koronavirusi janë shëruar 16,847 persona.
Me më shumë se 200, 000 të infektuar SHBA-të mbeten vendi i parë në botë më i prekur nga koronavirusi. Ndërsa, sa i përket viktimave, vendi më i prekur në botë është Italia me 13,155 të vdekur e pasuar nga Spanja me 9,053 viktima. /abcnews.al/
in a19:44 | 31/03/2020
Arjet Gega, specialisti i sëmundjeve Infektive në një lidhje më “ABC News” ka folur për situatën e shkaktuar nga koronavirusi.
Gega theksoi se në SHBA piku i sëmundjes mund të arrihet pas 10 apo 15 ditësh. Gjithashtu ai u shpreh se është vështirë të llogaritet efekti i masave të marra për parandalimin e përhapjes së COVID-19.
“Numrat pritet të rriten, se sa do të ndikojnë masat e marra kjo vlen të shihet më tej”, u shpreh ai.
Përse ka një aplikim të frymëmarrjes së drejtuar?
Gega: Pas intubimit, menaxhimi i ventilimit është i ngjashëm. Pacientët duhet të intubohen herët. Deri tani kemi pasur dy viktima në spitalin ku unë jam dhe mund të ketë shumë më tepër në të ardhmen. Pajisjet në Shqipëri nuk i njoh, ndërsa në botë janë standarde.
Në disa raste kemi përdorur medikamente eksperimentale. Mënyra se si mbështetet pacienti është shumë i rëndësishëm.
I rëndësishëm është oksigjeni, ventilimi është një afrim multidisiplinar”, u shpreh ai.
Do të na shpëtojë nga koronavirusi karantinimi? Mjafton vetëm kjo, sa efikase është kjo metodë. Çfarë duhet krahas kësaj?
Gega: Kryesore është distancimi social, kujdesi ndaj higjienës. I rëndësishëm do të jetë edhe imuniteti që do të krijojnë njerëzit. Do ta vendosja theksin tek investigimi epidemiologjik dhe testimi i mirëfilltë.
Në këtë fazë të karantinës që jemi, kush do të ishte masa më efikase?
Gega: Shumica e pacientëve që kam sot në spital e kanë marrë sëmundjen dy apo tre javë më parë. E rëndësishme është të bëhet testimi i personave që kanë simptoma dhe ata që kanë qenë në kontakt me personat e prekur.
Testimi masiv do të tregojë numrat e vërtetë dhe në bazë të saj do të merren masa. Mund të them se kjo epidemi do të jetë shumë më e madhe./abcnews.al
Sid Orela18:34 | 31/03/2020
Si pasojë e koronavirusit në SHBA kanë humbur jetën deri më tani 3,402. Ky bilanc është edhe më i lartë se ai i shkaktuar nga sulmi terrorist i 11 shtatorit të vitit 2001. Si pasojë e sulmit terrorist që ndodhi në SHBA më 11 shtator humbën jetën 2,996 persona.
Ndërkohë, numri i personave të konfirmuar me koronavirus brenda 24 orëve të fundit në vend është 10,962. Kjo bën që numri total i të prekurve të rritet në 174,750. Nga të gjitha këto, 165,133 mbeten raste aktive.
Vetëm brenda ditës në SHBA kanë ndërruar jetë si pasojë e koronavirusit 261 persona.
SHBA-të mbajnë vendin e parë në botë sa i përket numrit të personave të infektuar ndërsa vendi me më shumë viktima si pasojë e Covid-19 mbetet Italia me 12,428 të vdekur. /abcnews.al/
SHBA shënon numrin më të lartë të viktimave gjatë 24 orëve të fundit që nga përhapja e koronavirusit
So Nila12:38 | 31/03/2020
Të paktën 575 viktima nga koronavirusi u raportuan në Shtetet e Bashkuara sot sipas CNN Health.
Ky është numri më i lartë i të vdekurve në SHBA në një ditë të vetme që nga fillimi i shpërthimit të koronavirusit.
Të hënën, Presidenti Donald Trump tha se vendi do të përballet me “30 ditë jetike” përpara se rezultatet e përpjekjeve të tij për të ngadalësuar përhapjen e koronavirusit të bëheshin të ditura.
“E ardhmja jonë është në duart tona, dhe zgjedhjet dhe sakrificat që bëjmë do të përcaktojnë fatin e këtij virusi dhe fatin e fitores sonë,” tha Trump.
Sa më shumë amerikanë të praktikojnë distancimin shoqëror, aq më shpejt vendi mund të kthehet në normalitet, tha ai.
Distancimi shoqëror të SH.B.A.-së do të zgjasi edhe 30 ditë të tjera./abcnews.al
Sid Orela22:02 | 30/03/2020
Në Shtetet e Bashkuara të Amerikës janë regjistruar 24 orët e fundit 14,799 raste të reja me koronavirus. Bashkë me personat e konfirmuar të hënën numri i përgjithshëm i të infektuar në SHBA shkon në 158,290.
Ndërsa, vetëm gjatë orëve të fundit, në vend rezulton të kenë humbur jetën si pasojë e virusit korona 350 persona duke bërë që numri i përgjithshëm i viktimave të rritet në 2,933.
Nga numri i përgjithshëm i të infektuarve, sipas të dhënave të pasqyruara në ëorldmeters, janë aktive 150,146 raste.
SHBA-të shumë shpejt kanë zënë vendin e parë si shteti më i prekur në botë nga koronavirusi sa i përket rasteve të konfirmuara. Në vendin e dytë radhitet Italia 101,739 raste të konfirmuara.
Italia mbetet gjithashtu vendi me më shumë viktima të shkaktuara nga Covid-19 në botë. Vendi numëron plot 11,591 viktima. Ndërsa, vendi i dytë më me shumë viktima është Spanja me 7,340 viktima. /abcnews.al/
Sid Orela20:17 | 30/03/2020
Epidemia e koronavirusit në Itali dhe Nju Jork më në fund po ngadalësohet. Kështu ka deklaruar një shkencëtar, fitues i çmimit Nobel, nga Universiteti i Stanford-it.
Profesori Michael Levitt, i cili parashikoi me saktësi sesa raste të konfirmuara dhe vdekje do të kishte në Kinë, është shprehur se Italia dhe Nju Jorku janë tashmë drejt “shërimit”. Si Italia ashtu edhe Nju Jorku mbeten dy vendet më të prekura nga Covid-19 në botë, me 157,000 raste të kombinuara nga 736,000 që janë globalisht, shkruan abcnews.al
Italia u bë epiqendra e krizës në botë pasi Kina filloi që ta kishte situatën nën kontroll, por SHBA-të, me një popullsi pesë herë më të madhe, u radhitën shpejt në vendin e parë në botë. Sa i përket SHBA-ve, Nju Jorku mbetet shteti më i prekur me 66,497 raste të konfirmuar dhe 1,218 viktima.
Profesori Levitt u shpreh se Italia tashmë ka nisur që ta kthejë faqen dhe numri i rasteve ditore duket se mbështet pretendimin e tij.
Situata e Nju Jorkut është më pak e sigurt, numri i rasteve të reja ka rënë në tre ditët e fundit në pak më shumë se 7,000 persona në ditë. Por, rritja ishte shumë e madhe ditë më parë. Kjo javë do të jetë vendimtare për të parë nëse kurba e epidemisë do të nisë rënien apo jo. /abcnews.al/
eri Ida07:32 | 30/03/2020
Presidenti Donald Trump në kuadër të masave të marra për parandalimin e përhapjes së koronavirusit është shprehur se vendimet si distancimi social etj, do të shtrihen në të gjithë SHBA deri në të paktën 30 prill.
Më parë Trump ishte shprehur se masat drastike do të qëndronin deri në javën e dytë të prillit, por duket se tashmë në varësi të situatës ka vendosur ta çojë deri në fund të muajit.
“Pika më e lartë e nivelit të vdekjes ka të ngjarë të goditet brenda dy javësh,” tha zoti Trump.
Ndërkohë këshilltari mjekësor i Shtëpisë së Bardhë, Dr Anthony Fauci kishte paralajmëruar se virusi mund të vriste deri në 200,000 amerikanë .
SHBA ka kaluar Kinën për nga numri i të infektuarve deri më tani janë konfirmuar më shumë se 140,000 raste me koronavirus, ndërsa numri i viktimave ka shkuar në 2.493./abcnews.al
Sid Orela18:44 | 29/03/2020
Një ekspert i shëndetit në SHBA ka paralajmëruar se numri i personave që mund të humbin jetën në vend mund të jetë më i madh se 100,000.
Anthony Fauci, eksperti kryesor i qeverisë amerikane për sëmundjet e infeksionit, thotë gjithashtu në Shtetet e Bashkuara me miliona persona mund të infektohen me koronavirusin, shkruan abcnews.al
Parashikimet e tija Fauci i bëri ndërsa fliste në një program të rrjetit CNN të dielën, në një kohë që qeveria e vendit pret që të mos i mbajë gjata masat e vendosura për distancim social.
Gjatë fjalës së tij, ai u shpreh:
“Mund të thoja që mund të shkojnë diku tek 100,000 -200,000 vdekje. Mund të kemi me miliona raste të konfirmuara. Por nuk dua të mbahem vetëm tek kjo pasi pandemia është një objektiv kaq i lëvizshëm.”
Kujtojmë këtu se Shtetet e Bashkuara të Amerikës qëndrojnë tashmë në vendin e parë si vendi më i prekur në botë nga koronavirusi. SHBA-të numërojnë 125,308 raste të konfirmuara me Covid-19 deri më tani ndërsa numri i viktimave është 2,246.
Por, pavarësisht rasteve në rritje, qeveria po konsideron “zbutjen” e masave në zona që nuk janë prekur shumë nga epidemia, ndërsa vendi ka 15 ditë kohë për të ngadalësuar përhapjen e virusit. /abcnews.al
eri Ida07:53 | 29/03/2020
Një fëmijë një vjeç ka humbur jetën në Shtetet e Bashkuara të Amerikës pasi është konfirmuar me koronavirus.
Mediat ndërkombëtare bëjnë me dije se Departamenti i Shëndetit Publik i Illinois (IDPH), në Çikago ka raportuar humbjen e fëmijës të cilët kanë theksuar zyrtarisht se fëmija ishte prekur nga koronavirusi, megjithatë Covid-19 nuk është përcaktuar ende si shkaku përfundimtar i vdekjes.
“Kjo është hera e parë që një foshnje e infektuar nga Covid-19 vdes”, tha drejtori i IDPH, Dr. Ngozi Ezike në një deklaratë. Ndërkohë deri më tani fëmijët dhe foshnjat nuk janë konsideruar të ekspozuar ndaj rrezikut nga Covid-19./abcnews.al
in a09:23 | 28/03/2020
Ambasada amerikane në Tiranë njofton qytetarët amerikanë se të gjitha fluturimet nga Shqipëria janë anuluar.
Gjithashtu Ambasada e SHBA-së bën me dije se po punon për të identifikuar mundësi të tjera udhëtimi për qytetarët amerikanë që duan të largohen nga Shqipëria.
“Nëse jeni qytetarë amerikanë dhe dëshironi të largoheni nga Shqipëria, kontaktoni menjëherë [email protected] me emrin tuaj, ditëlindjen, numrin e pashaportës dhe informacion kontakti në Shqipëri”, shkruhet në njoftimin e ambasadës amerikane.
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
