Rodrigo De Paul

Milan-1-e1576937893762.png
Igli Nikolli16:56 | 15/03/2020

Milan nuk heq dorë nga Rodrigo De Paul. Argjentinasi pëlqehet shumë nga kuqezinjë, të cilët mbeten në kontakt me agjentin e mesfushorit ofensiv të Udineses. 25-vjeçari është pika më e fortë e skuadrës friulane, teksa numëron 17 ndeshje të zhvilluara me kombëtaren e tij.

Rodrigo De Paul

Gazzetta dello Sport raporton se klubi italian është i interesuar edhe për Matias Zaracho. 22-vjeçari është pjesë e Racing Club, aktivizohet në rolin e mesfushorit ofensiv dhe në të dy krahët e sulmit (debutoi 26 marsin e kaluar me kombëtaren e Argjentinës).

Drejtori sportive, Frederic Massara vijon negociatat me agjentët e dy lojtarëve latinë, por akoma nuk është i sigurt qëndrimi i tij te Milani, njësoj si ai i Paolo Maldinit, drejtorit teknik të klubit të famshëm italian. /abcnews.al

Boban-Maldini.jpg
Igli Nikolli15:46 | 22/01/2020

Entuziazmi është rikthyer te Milani falë rezultateve të fundit pozitive. Ardhja e Zlatan Ibrahimovic ka sjellë një efekt pozitiv dhe ka “ringjallur” kuqezinjtë. Drejtuesit po vijojnë punën për të përforcuar ekipin dhe së fundi kanë pasur një takim me Agustin Jimenez.

Ky i fundit është agjenti i Rodrigo De Paul, mesfushorit të Udineses. 25-vjeçari është një objektiv i hershëm i kuqezinjve dhe ka diskutuar me dyshen Maldini-Boban në lidhje me transferimin e argjentinasit në Milano.

Drejtuesit e “Djallit” i janë rikthyer pistës De Paul, teksa Jimenez është edhe agjenti i Angel Correas së Atletico Madrid, një tjetër lojtar që Milani tentoi ta blinte gjatë merkatos së verës së kaluar. /abcnews.al

 

Rodrigo De Paul
de-paul.jpg
Klejdi Kaimi10:26 | 07/12/2019

Mesfushori i Udinezes, Rodrigo De Paul, beson se trajneri i Interit, Antonio Conte, është një nga tre trajnerët më të mirë në botë, së bashku me Pep Guardiola dhe Maurizio Sarri. Paraqitjet e mira të argjentinasit në Seria A e kanë futur atë në merkato, ku klube si Inter, Juventus dhe Napoli kërkojnë shërbimet e De Paul.

”Udineze më dha mua ëndrrën italiane dhe ndjej përgjegjësi sa herë e vesh këtë fanellë. Për mua Conte është një nga më të mirët në botë, bashkë me Sarrin e Guardiolën, por mos më pyesni për radhitjen. Unë besoj se gara për titullin kampion do të shkojë pikë më pikë deri në fund. Vendi i parë nuk do të ketë distancë të madhe nga vendi i dytë, siç jemi mësuar ta shikojmë vitet e fundit,” tregon De Paul në një intervistë për ‘Corriere dello sport’.

”Lautaro? Më vjen mirë për shokun tim. Ai është i lumtur, po bën mirë dhe ndjehet i rëndësishëm për Interin. Ai ka gjetur një trajneri i cili i ka dhënë shumë besim dhe kjo duket. Fusha po e tregon punën e bërë nga Conte”. Kur mesfushori pyetet nëse ai vlen 40 milionë  €, ai përgjigjet: ”Nëse unë vlej aq para, është vetëm nga ju gazetarët. Për mua kjo pjesë nuk ka shumë rëndësi, mendoj vetëm për futbollin e luajtur”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono