Tefik Osmani është një ndër futbollistët më të njohur në Shqipëri, jo vetëm për atë që ka fituar brenda fushës së lojës, por dhe për personalitetin e tij në rrjetet sociale. Mbrojtësi i Tiranës është bërë sërish personazh sot, pasi ka postuar një foto në Instagramin e tij zyrtar, ku shihen Rezart Dabulla, Devi Muka, Julian Ahmataj dhe Bledar Devolli.
“Luajmë me skemën 3-1-1, portën e lëmë bosh”, shkroi Osmani mbi foto, duke ‘ndërtuar’ kështu ekipin e tij ideal. Osmani, Dabulla dhe Ahmataj në mbrojtje e më përpara Devolli me Mukën. Në foto, shihet se Osmani dhe katër ish-futbollistët janë në shoqërinë e alkoolit dhe purove./abcnews.al
