Shtetet e Bashkuara dhe aleatët e tyre kanë paralajmëruar grupin militant libanez Hezbollah kundër përshkallëzimit të konfliktit në Izrael.
Shtetet e Bashkuara po i dërgojnë një mesazh Hezbollah për mos tu përfshirë në konflikt përmes një sërë kanalesh, duke përfshirë qeverinë libaneze dhe Kryetarin e Parlamentit të Libanit, aleat me Hezbollahun, Nabih Berri.
Berri u përmend nga zyrtarët e administratës që informuan Kongresin të dielën si një ndërmjetës, sipas një personi të njohur me konferencën.
SHBA nuk do të angazhohet zyrtarisht me atë që është cilësuar si një grup terrorist, kështu që Berri është i duhuri.
Franca gjithashtu i ka përcjellë Hezbollahut, me kërkesë të Izraelit, se ata duhet të qëndrojnë jashtë luftës, në mënyrë që situata të mos përshkallëzohet më tej ose Izraeli do të përgjigjet ndjeshëm, sipas një burime.
Hezbollah është një forcë ushtarake shumë e trajnuar, e armatosur mirë dhe e sofistikuar, e cila gjithashtu ka mbështetjen e Iranit, kështu që përfshirja e tij në konflikt do të shënonte një përshkallëzim të rëndësishëm.
Por zyrtarët aktualë dhe ish-zyrtarë të lartë nuk besojnë se Hezbollahu është i etur për t’u bashkuar me luftën, kryesisht për shkak se rreziqet për grupin do të tejkalojnë çdo shpërblim të mundshëm.
/abcnews.al
