Izrael

a0708899-6e12-4afb-8c33-9173392df4d3-1280x853.jpg
So Nila12:23 | 02/04/2020

Kryeministri i Izraelit Benjamin Netanyahu do të vetë-izolohet deri të mërkurën tjetër, sipas një deklarate nga zyra e tij.

Kjo vjen pasi ministri i shëndetit Yaakov Litzman u rezultoi pozitiv me koronavirus. E shoqja e tij është gjithashtu e infektuar.

Duke pasur parasysh rolin e ministrit të shëndetit në luftën kundër koronavirusit edhe shumë zyrtarë të tjerë priten të futen në karantinë.

Një prej personave që mendohet se do të vetë-izolohet është dhe kreu i shërbimit të inteligjencës, Yossi Cohen./abcnews.al

 

testtttt.png
Sid Orela19:22 | 31/03/2020

Izraeli ka nisur që të testojë një vaksinë për COVID-19 tek brejtësit në laboratorin e mbrojtjes bio-kimike.

Zyra e Kryeministrit Benjamin Netanyahu thotë se instituti i Kërkimit Biologjik në ministrinë e Mbrojtjes së Izraelit ka bërë një “përparim të rëndësishëm” në zhvillimin e një vaksine kundër COVID-19.

Njoftimi i ZKI pason deklaratën e bërë nga shefi i institutit, Prof. Shmuel Shapira, i cili aktualizon kryeministrin Benjamin Netanyahu mbi përparimin e institutit në zhvillimin e një vaksine.

Një burim ka thënë për Reuters se testen kanë filluar tashmë tek brejtësit, por nuk dihet ende se për çfarë lloji brejtësish bëhet fjalë.

Mendohet gjerësisht se Instituti i Izraelit për Kërkime Biologjike ka punuar në projektet e armëve biologjike dhe kimike. Kjo as nuk është konfirmuar e as nuk është mohuar nga Izraeli.

Në një deklaratë të rrallë për bublikuan, shefi i inovacionit të IZKB, Eran Zahavy tha javën e kaluar se instituti kishte zhvendosur tërë fokusin e tij te koronavirusi i ri, ndërsa shtoi se tre grupe po përpiqeshin të zhvillonin një vaksinë kundër sëmundjes COVID-19 që shkakton koronavirusi dhe të tjerët që kërkojnë trajtime të mundshme.

Deri më tani, në Izrael të infektuar nga koronavirusi rezultojnë 4,831 persona ndërsa numri i personave që kanë humbur jetën është 17. /abcnews.al/

F200308YS61-1280x853.jpg
eri Ida14:55 | 30/03/2020

Kryeministri izraelit Benjamin Netanyahu do të hyjë në karantin. Zyra e kryeministrit Netanyahu, ka konfirmuar se një vendim i tillë është marrë pasi një ndihmës i ngushtë i tij ka rezultuar pozitiv me koronavirus.

Ndërkohë bashkë me kryeministrit pritet që në karantinë të jenë dhe këshilltarët e tij të ngushtë.

Zyra e kryeministrit tha se kjo masë është marrë para përfundimit të hetimit epidemiologjik.

Sipas urdhrave të Ministrisë së Shëndetësisë, dhjetëra mijëra izraelitë janë në vetë-karantinë për shkak të ekspozimit të mundshëm ndaj virusit dhe i gjithë vendi është në një bllokim pothuajse të plotë./abcnews.al

Xhaka.png
Veronik Istrefaj21:37 | 28/03/2020

Taulant Xhaka mbush sot 29 vjeç. Mesfushori kuqezi ka bërë shumë ndeshje të mira për Shqipërinë gjatë karrierës së tij, por ajo sfidë nga Izraelit, ku shënoi dhe golin e vetëm të sfidës, do të mbetet gjatë në memorien e tij.

Ndoshta goli më i bukur në karrierën e Xhakës, me mesfushorin shqiptar që nuk njihet për golat e tij, por për luftën e ashpër sportive. Në këtë ditë të shënuar të mesfushorit kuqezi, faqja zyrtare e UEFA Euro 2020 e ka publikuar golin e Taulant Xhakës, ndoshta si “dhuratë” për ditëlindje. Një supergol!/abcnews.al

Jahmir-Hyka.png
Igli Nikolli16:52 | 26/03/2020

Jahmir Hyka luan në Izrael prej janarit të vitit 2019, periudhë kur u largua nga SHBA. 32-vjeçari është pjesë e Ness Ziona, ekip ku luan edhe Sabien Lilaj. Hyka tregon për “Fan Zone” në Supersport se sip o e kalon këtë periudhë karatinimi, teksa nuk i kursen batutat me mesfushorin korçar.

Ishim në formë të mirë, u ndal kampionati dhe stërvitja. Kjo është jeta, ka gjëra më të rëndësishme se futbolli. Izraeli mbahet për siguri. Fatmirësisht jam në ekip me Sabien Lilajn dhe qëndrojmë bashkë në këtë periudhë karantine. Normal luajmë play station, e kalojmë kohën në Instagram.

Lilaj është përmirësuar në play station, ka mësuar nga unë. Akoma nuk dihet se ku fillon kampionati. Na kanë dhënë programin për t’u stërvitur. Mundohemi ta zbatojmë, pasi duhet të jemi gati për kampionat“, deklaron Jahmir Hyka. /abcnews.al

000_1PL5ZW-e1583338176997.jpg
eri Ida08:36 | 20/03/2020

Në kuadër të masave mbrojtëse për përhapjen e koronavirusit, kryeministri izraelit, Benjamin Netanyahu njoftoi një shtetrrethim njëjavor, lidhur me lëvizjet e qytetarëve, në përpjekje për të ndaluar përhapjen e koronavirusit.

“Është një kërkesë e detyrueshme. Nëse dikush mendon se po e ekzagjeroj, duhet të shohë fotografitë nga Spanja dhe Italia. Atje, nuk do të kujdesen më për të sëmurët, por po transportojnë trupat e viktimave në automjete ushtarake”, është shprehur ai.

Netanyahu  ndër të tjera ka theksuar se urdhërat e emergjencës që do të miratohen nga qeveria përcaktojnë se qytetarët nuk mund të largohen nga shtëpitë, përveçse për të blerë sende ushqimore ose të marrin trajtim mjekësor./abcnews.al

c81eedbe16c34fb682e22394bea799cd_18.jpg
eri Ida13:54 | 03/03/2020

Likud e Benjamin Netaniau është sërish partia e parë në Izrael me 37 deputetë, duke përmbysur sondazhet dhe rezultatet e zgjedhjeve të shtatorit në vend.

Rivali i tij kryesor Beni Gantz, lider i partisë së qendrës Bardhë e Blu, ka ndaluar në 32 vende në parlament. Kjo është hera e tretë që vendi shkon në zgjedhje brenda një viti

Sipas të dhënave të para blloku i partive të djathta që mbështet Netaniaun mund të marrë 59 vende në parlament, dy më pak se sa numri i duhur për të pasur një mazhorancë.

Sfida e këtyre zgjedhjeve të parat në një situatë koronavirusi në Izrael me 18 qendra votimi të vecanta për më shumë se 56000 izraelitë në karantinë – duket ende pa fitimtar. Edhe pse rezultati është një triumf për Netaniaun i cili në 17 mars do të jetë në gjykatë ku do të përballet me akuzat për korrupsion, mashtrim dhe abuzim me pushtetin./abcnews.al

netanjahu.jpg
eri Ida07:18 | 10/02/2020

Kryeministri izraelit Benjamin Netanyahu është shprehur se  qeveria e tij ka filluar të përpunojë hartat e Bregut Perëndimor për t’i përfshirë zonat që vendi i tij planifikon t’i aneksojë.

Ky hap vjen pasi presidenti i SHBA-së Donald Trump prezantoi “marrëveshjen” me të cilën pretendon t’i japë fund konfliktit izraelito-palestinez. Netanyahu ka theksuar ndër të tjera se tokat që do të jenë pjesë e Izraelit janë në fazën përgatitjes së hartës, kurse sovraniteti do të zbatohet në të gjithë territorin që mbulon harta.

Sipas mediave vendase Netanyahu tha se harta e re do të përfshijë të gjitha vendbanimet e paligjshme në Bregun Perëndimor dhe rajonin Agvar. Megjithatë, zëdhënësi i presidentit të Autoritetit Palestinez, Nabil Labu Ruedina, tha se harta e Palestinës njihet globalisht, sipas rezolutave të Kombeve të Bashkuara.

Sipas planit, i quajtur nga Trump si “Marrëveshja e Shekullit”, SHBA-ja po ashtu njeh vendbanimet ilegale hebreje në Bregun Perëndimor të pushtuar, ndërsa refugjatëve palestinezë u mohohet e drejta e kthimit në vendlindjet e tyre.

Gjatë shpalosjes së planit, Trump pohoi se ky është “shansi i fundit” për palestinezët për të pasur një shtet të pavarur.

Hyka.jpg
Igli Nikolli18:35 | 06/02/2020

Jahmir Hyka ka ndërruar skuadër, por jo kampionat. 31-vjeçari la Amerikën janarin e vitit të kaluar dhe u transferua tek ekipi izraelit i Maccabi Netanya. Katër gola arriti të realizojë sulmuesi i majtë nga Tirana, teksa do të vijojë karrierën me Sektzia Nes Tziona.

Mediat izraelite konfirmojnë akordin mes palëve dhe Hyka do të luajë në një ekip me Sabien Lilajn. Mesfushori korçar është pjesë e Nes Tziona prej korrikut të vitit të kaluar dhe deri tani ka zhvilluar 24 ndeshje e shënuar një gol.

Nes Tziona renditet në vend të fundit të kampionatit izraelit me 15 pikë të grumbulluara në 22 ndeshje dhe Hyka shihet si përforcimi i duhur për të ndihmuar ekipin në realizimin e objektivit për të qëndruar në elitë. /abcnews.al

auto_unnamed1538922072.jpg
So Nila22:26 | 30/01/2020

Kryeministri i Izraelit, Benjamin Netanyahu, është takuar me presidentin rus, Vladimir Putin, në Moskë, për të diskutuar planin amerikan të paqes për Lindjen e Mesme. Netanyahu pas përfudnmit të vizitës në SHBA është ndalur në Moskë.

Në takimin e tij me Trump, presidenti izrealit ka prezantuar planin e tij për arritjen e paqes mes Izraelit dhe palestinezëve, një propozim që është përshëndetur nga SHBA dhe nga BE.

Iniciativa u prit me zemërim nga palestinezët dhe u hodh poshtë nga disa vende myslimane. Netanyahu e përshkroi vizitën e tij në Moskë, si simbol të “forcimit të mëtutjeshëm të marrëdhënieve” dhe tha se ai dëshironte të dëgjonte “pikëpamjet” e liderit rus për planin e paqes së SHBA-së.

Ndërkohë plani i Trumpit i ofron Izraelit kontroll mbi vendbanimet hebraike në Bregun Perëndimor dhe Luginën strategjike të Jordanit si dhe shpall Jerusalemin si “kryeqytetin e pandarë të Izraelit”. Gjithahstu dokumenti i prezantuar prej tij flet për mundësitë e krijimit të shtetit palestinez me kryeqytet në një pjesë të Jerusalemit lindor, por vendos një seri kushtesh që duhet të përmbushen nga palestinezët.

Presidenti i autoritetit palestinez, Mahmud Abbas, menjëherë e hodhi poshtë planin si shumë pro-izraelit dhe tha se do të preferonte të vazhdonte bisedimet e paqes me ndërmjetës neutral. Nga ana tjetër palestinezët kanë thënë se ata nuk e konsiderojnë Uashingtonin si një lojtar të paanshëm në konfliktin që po zgjatë me dekada.

Ndërkohë Rusia, vitet e fundit, ka kërkuar një rol më të madh në rajon – edhe si një ndërmjetës – midis izraelitëve dhe palestinezëve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono