Sekretari i Përgjithshëm i NATO-s, Jens Stoltenberg këtë të hënë ka bërë thirrje të gjithë palëve në Kosovë që të ndalojnë të gjitha lëvizjet që inkurajojnë përshkallëzimin e mëtejshëm.
Në deklaratën e tij ai ka thënë se të dyja palëve që menjëherë të kthehen në dialog me ndërmjetësimin e Bashkimit Evropian.
Duke folur për mediat pas takimeve me kancelarin gjerman Olaf Scholz në Berlin, Stoltenberg tha se misioni i KFOR-it do të vazhdojë të marrë “të gjitha masat e nevojshme për të siguruar një mjedis të sigurt dhe të sigurt në veri të Kosovës”.
“Kemi diskutuar edhe për situatën në Kosovë. Angazhimi i NATO-s ndaj mandatit tonë të Kombeve të Bashkuara është i palëkundur. Forcat tona, KFOR-i, do të vazhdojnë të marrin të gjitha masat e nevojshme për të siguruar një mjedis të sigurt dhe lirinë e lëvizjes për të gjitha komunitetet në Kosovë. U bëjmë thirrje të gjitha palëve që të ndalojnë çdo hap të mëtejshëm përshkallëzues dhe t’i kthehen menjëherë dialogut të lehtësuar nga Bashkimi Evropian”, deklaroi Stoltenberg.
Ndërkohë, kryeministri i Kosovës, Albin Kurti është ende i pavendosur nëse do të shkojë në Bruksel për takim me presidentin serb, Aleksandër Vuçiç, gjatë kësaj jave./abcnews.al
