dialog

WhatsApp-Image-2020-03-05-at-14.18.53.jpeg
eri Ida14:27 | 05/03/2020

Dr. Islam Lauka, ish-ambasador i Shqiperisë në Prishtinë ishte mëngjesin e sotëm pjesë e emisionit të drejtuar nga gazetari Enkel Demi, “abc e mengjesit”.  Sipas tij aktualisht udhëheqja politike e Kosovës është e përçarë e kjo duket jo vetëm ne raporet e brendshme mes tyre, por edhe ne raportet rajonale e ndërkombëtare.

“Fatkeqësisht partneritetin strategjik me SHBA, liderat politikë shqiptarë e përdorin për të legjitimuar pushtetin e tyre” , -tha Lauka, i cili specifikoi se partneriteti strategjik nuk duhet të shikohet si parazitizëm politik.

“Duhet një analizë politike kritike, para se të pranojmë gjithçka na propozohet në tryezë nga amerikanët, sepse pastaj përse janë strukturat shtetërore si Qeveria,  Presidenti apo Kuvendi?!” – tha ish-ambasadori Lauka

“Qëndrimi i Grenell ndaj vendimit të Albin Kurtit për heqjën e pjesshme dhe të kushtëzuar të taksës me Serbinë, më duket i padrejtë dhe jo konstruktiv. Për dialogun Kosovë – Serbi duhet të vendosin fituesit e zgjedhjeve të fundit parlamentare, pasi ata morën legjitimitet nga populli, së dyti ata kanë mandat të sapo marrë me formimin e qeverisë dhe e treta ka një vendim të Gjykatës Kushtëtuese të Kosovës që thotë se bisedimet janë atribut i kreut të qevërisë. Nëse Grenëll nuk i mban parasysh këto, nuk mendoj se do të mund të ketë zhvillim pozitiv dhe dhe as nuk mund të ketë arritje të marrëveshjes mes Kosovës dhe Serbisë” – tha Lauka. Sipas këtij të fundit, ambsadori Grenëll duhet të merret edhe me çështjen e unitetit brenda për brenda Kosovës. Para se të merren me Serbinë, udhëheqësit e Kosovës duhet të merren vesh me njëri-tjetrin” – tha ish-ambasadori.

Sipas ish-ambasadorit të Shqipërisë në Kosovë  tashmë ka përfunduar epoka kur Amerika i hapte luftë Serbisë, tashmë gjerat kanë ndryshuar dhe SHBA, sipas tij po duket po tenton të afrojë serbinë qoftë edhe me ndonjë kompromis që është kundër Kosovës.  Lauka shtoi se përgjithësisht politikanët shqiptarë “fshihen” pas kërkesave të Amerikës, vetëm për të mos lëkundur pozitat e tyra. Sipas tij, ata politikanë në Kosovë dhe shqipëri, të cilët u përpoqën që të fusnin në axhendën e bisëdimeve  tezën e korrigjimit të kufinjve ose duhet të largohen vetë nga procesi i bisedimeve, ose duhet t’u imponohet largimi./abcnews.al

850x636_aleksandar-vucic-stefan-stojanovic-031583088706.jpg
eri Ida12:14 | 02/03/2020

Presidenti i serbisë, Aleksandar Vuçiç, gjatë qëndrimit të tij në SHBA ka ripërsëritur qëndrimin e tij për taksën. Në këtë vizitë ai është takuar me me të dërguarin të posaçëm të SHBA-së, për Ballkanin Perëndimor, Metthew Palmer.

Pas këtij takimi, Vuçi deklaroi se Palmer por edhe Richard Grenell, i dërguari i posaçëm e presidentit donald trump, për dialogun Kosovë-Serbi, kanë theksuar rëndësinë e heqjes së tarifës prej 100 për qind për mallrat serbe.

Vuçic theksoi se vetëm pasi të ndodhë një gjë e tillë, me Kosovën mund të diskutohen çështje të rëndësishme thelbësore.

Gjithashtu kreu i shtetit serb tha se vendi i tij do të blejë armë nga Izraeli. Në një intervistë për Jeruzalem Post, Vuçiç tha se Serbia do të hapë një mison diplomatik si dhe një dhomë tregtie në Jeruzalem, në prepjekje që interesat e të dy vendeve të jenë në të njëjtën linjë./abcnews.al

Vucic-Pompeo-536x411-1.jpg
eri Ida21:25 | 29/02/2020

Presidenti i Serbisë, Aleksandar Vuçiç do të zhvillojë një vizitë zyrtare në SHBA gjatë datave 1 dhe 2 mars.  Në këtë vizite kreu i shtetit serb pritet që të takohet me  Sekretarin amerikan të Shtetit, Mike Pompeo, dhe do të ketë takime të tjera me zyrtarë të lartë të administratës amerikane, e ku temë diskutimi do të jetë Kosova.

Mediat serbe, raportojnë se Vuçiç është  ftuar në Uashington nga Komiteti Amerikano-Izraelit për Çështjet Publike (AIPAC), në një takim që do të mbledhë rreth 18,000 pjesëmarrës e ku do të marrin pjesë edhe dy të tretat e anëtarëve të Kongresit Amerikan.

Para udhëtimit në SHBA, presidenti Vuçiç,  sot në mëngjes, ka thënë se në Uashington, përveç me sekretarin e shtetit, Pompeo, do të takohet me këshilltarin e presidentit për Sigurinë Nacionale të SHBA, Robert O’Brien, të dërguarin e SHBA për Ballkanin, Mattheë Palmer dhe të dërguarin Special të SHBA për dialogun Beograd-Prishtinë Richard Grenel, dhe siç tha ai “të gjithë ata që vendosin për Serbinë” .

Ai tha se nuk do ta ketë lehtë të bisedojë me amerikanët, por se në Uashington do të luftojë për një pozicion më të mirë të vendit të tij.

“Nuk duhet pritur që Shtetet e Bashkuara, as ndonjëri nga ‘lojtarët’ e  tjetër ndërkombëtarë do të ndryshojnë qëndrimin e tyre për Kosovën. Por ne mund të përpiqemi të marrim një pozicion tjetër në sytë e Amerikës, nga ai që ishte deri më tani. Këto do të jenë takime të rëndësishme për ne”, tha presidenti serb  para udhëtimit të tij në Uashington./abcnews.al

hashim-thaci-1280x768.jpg
eri Ida19:25 | 29/02/2020

President i Kosovës, Hashim Thaçi  është shprehur se BE-ja duhet t’i jap peshë përfshirjes së vet në dialogun Kosovë-Serbi. Kreu i shtetit përmes një postimi në rrjetin social Twitter, shkruan se BE-ja duhet t’i japë peshë politike përfshirjes së vet në dialogun Kosovë-Serbi.

Thaçi ndër të tjera thekson se BE-ja duhet t’i përkrahë të gjitha përpjekjet që çojnë kah arritja e marrëveshjes historike dhe të punojë me partnerë që japin rezultate.

“Bashkimi Evropian duhet t’i japë peshë politike përfshirjes së vet në dialogun Kosovë-Serbi. Duke ulur nivelin dhe përgjegjësinë në një emisar pa kredibilitet nuk i ndihmon këtij qëllimi. BE’ja duhet t’i përkrahë të gjitha përpjekjet që çojnë kah arritja e marrëveshjes historike dhe të punojë me partnerë që japin rezultate”, shrkuan presidenti Thaçi./abcnews.al

lavrov.png
eri Ida12:57 | 26/02/2020

Ministri i Jashtëm rus Sergey Lavrov në një konferencë të përbashkët me kryeministrin Edi Rama është shprehur se pjesë e diskutimeve ishte edhe situata në Ballkan.

Në fjalën e tij diplomati rus ka deklaruar se e rëndësishme për Rusinë është arritja e një  marrëveshje Kosovë- Serbi dhe se ajo do të nxisë këtë dialog që të arrihet drejt një përfundimi.

KRYESIMI I OSBE NGA SHQIPËRIA🇦🇱Moskë – Në konferencë me Ministrin e Jashtëm Rus, Sergey Lavrov 🇦🇱🤝 🇷🇺

Gepostet von Edi Rama am Mittwoch, 26. Februar 2020

Ne konfirmojmë angazhimin e Rusisë në luftën kundër terrorizimit. Në përvjetorin e luftës së dytë botërore është e rëndësishme t’i japim fund përpjekjeve për të nxitur neonazizmin në Europë. Shqipëria e shikon si përparësinë e saj vendosjen e paqes dhe ne do të mbështesim një gjë të tillë. Kjo është pjesë e misionit të posaçëm në Ukrainë. Ne folëm me hollësi për Ballkanin. Kemi për qëllim të nxisim dialogun mes Beogradit dhe Prishtinës. Ne do donin që çështja e Kosovës të zgjidhet. Palët duhet të gjejnë një marrëveshje dhe ne besojmë se një faktor kyç është zbatimi i vendimit të krijimit të bashkive serbe.  Ne do të vazhdojmë lidhjet humanitare dhe njerëzore me Shqipërisë.

WhatsApp-Image-2020-02-19-at-1.50.57-PM-2-1280x687.jpeg
eri Ida18:27 | 25/02/2020

Presidenti serb, Aleksandër Vuçiç, i cili është pro dialogut, por thekson pesimizëm në vazhdimësi. Ai ka nxjerrë mundësinë e ofertës, deri ne fund të vitit, të një llojë Ahtisari plus që do të nënkuptonte autonomi për serbët. Analistët thonë se ekziston mundësia për një zgjidhje të tillë, por është vazhdim i status QUO-së. Analisti Dushan Spasojevic, thotë se ka shumë të tillë që besojnë se duhet gjetur një zgjidhje që nënkupton lëvizje nga gjendja e tanishme, por që të mos nënkuptoj zgjidhje përfundimtare.

“Kërkohet një lloj Staus Quoje që do të tregonte se të gjithë kanë bërë dicka dhe kanë treguar vullnet të mirë dhe se bashkësia ndërkombëtare ka arritur sukses. Por, të vijë deri tek një mes i artë që mund të ndihmoj jetën e përditshme, por që të mos shkohet në zgjidhjen përfundimtare pasi arritja e saj tani është e vështirë”, është shprehur analisti Dushan Spasojevic.

Ideja është që zgjidhja të ndodh para zgjedhjeve amerikane. Shpejtësia në Serbi është sqaruar me idenë se shqiptarët shpresojnë humbjen e presidentit amerikan. Analisti Stefan Surlic, thotë se idetë në dialog janë ezauruar pasi ato ekzistojnë prej dekadash. Lëvizjet nuk mund të jenë të mëdha, përvec idesë amerikane që përmes ekonomisë të arrihet tek politika. Suksesi i ekonomisë pa status politik Surlic i duket e dyshimtë.

“Të gjitha ato që ofrohen janë variacione në të njejtën gjë. Thelbi është se Kosova dëshiron njohje të plotë ndërkombëtare dhe anëtarësim në organizatat ndërkombëtare, kurse Serbia nuk e lejon këtë pa një lëshim të caktuar. Ky lëshim është kryesisht territorial pasi mund të përjetohet si satisfakcion konkret për humbjen e Kosovës,” tha Stefan Surlic.

Ajo që presidenti serb ka përmendur për të ka tingëlluar si ofertë para aktitt të kryer. Por, sic ka thënë Vucic, ideja e tij e dikurshme ka dështuar. Idenë e ka të blej kohë aq sa mundet dhe për zgjidhjen e së ardhmes do ta pyes popullin. Pasi është e papranueshme, por nuk guxohet të refuzohet. /abcnews.al

188283.jpeg
eri Ida17:47 | 22/02/2020

Mirosllav Lajçak është propozuar të jetë përfaqësuesi i posaçëm i Bashkimit Evropian për të udhëhequr dialogun Kosovë-Serbi. Lajmi bëhet i ditur nga Radio Evropa e Lirë sipas burimeve diplomatike në Bruksel.

Shefi i politikës së Jashtme të BE-së, Joseph Borrell, u ka dorëzuar vendeve anëtare të BE-së emrin e Lajçak si përfaqësues i ardhshëm i bllokut, i cili para së gjithash do të merret me normalizimin e marrëdhënieve midis Kosovës dhe Serbisë, por edhe me çështje të tjera në rajon.

Propozimi formal i Lajçakut mësohet se ka qenë edhe arsyeja e bisedave telefonike që Borrell ka zhvilluar të premten me presidentin e Serbisë, Aleksandar Vuçic, presidentin e Kosovës, Hashim Thaçi, dhe kryeministrin e Kosovës, Albin Kurti.

Pritet që emërimi i Lajçak në detyrën e re të bëhet më 23 mars, në takimin e ministrave të Jashtëm të vendeve të Bashkimit Evropian. Lajçak vazhdon të kryejë funksionin e ministrit të Jashtëm të Sllovakisë dhe për tu emëruar si përfaqësues i posaçëm i BE ai duhet të marrë miratimin e të gjitha vendeve anëtare. Lajçak ka përvojë të gjatë në rajonin e Ballkanit. Ai ka qenë ambasador i Sllovakisë në Serbi dhe Mal të Zi. Pastaj është emëruar i dërguar evropian për referendumin për pavarësi të Malit të Zi dhe ka shërbyer si përfaqësues i lartë ndërkombëtar në Bosnje dhe Hercegovinë./abcnews.al

josepborrelitelef.jpg
eri Ida16:43 | 21/02/2020

Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, pas bisedës telefonike me Vuçiç ka diskutuar me udhëheqësit e Kosovës lidhur me vendimin për të emëruar një Përfaqësues të Posaçëm të BE-së për Dialogun dhe Ballkanin Perëndimor.

“Përfaqësuesi i Lartë nënvizoi se ky emërim pasqyron rëndësinë që BE-ja dhe ai personalisht i kushtojnë stabilizimit të rajonit dhe përparimit në rrugën drejt BE-së. Josep Borrell kujtoi se ai mbetet personalisht i angazhuar dhe i përkushtuar fuqimisht për të mbështetur perspektivën evropiane të Ballkanit Perëndimor dhe për të luajtur rolin e tij si lehtësues i dialogut Beograd-Prishtinë’, thuhet në njoftimin nga zyra e Borrell.

Në këtë njoftim ndër të tjera bëhet me dije se Borrell ka theksuar se në këtë komunikim ka përditësuar diskutimin që ka pasur me udhëheqësit, gjatë vizitës së tij në Prishtinë dhe Beograd, në muajin janar.

Në Beograd, Borell kishte thënë se BE-ja duhet të angazhohet më shumë në marrëdhëniet midis Serbisë dhe Kosovës.

“Bashkimi Evropian duhet të emërojë një përfaqësues të posaçëm, i cili do të jetë shumë i angazhuar sepse unë nuk jam i sigurt se do të kem kohë të mjaftueshme për t’u angazhuar dhe për ta shtyrë dialogun përpara”, ka thënë Borell, pas takimit me presidentin serb.

Dialogu midis Kosovës dhe Serbisë është ndërprerë në fund të vitit 2018 kur Kosova u ka vënë taksë 100 për qind importeve të Serbisë dhe Bosnje Hercegovinës. Serbia e ka kushtëzuar rikthimin në dialog me heqjen e taksës, por Kosova përkundër thirrjeve të komunitetit ndërkombëtar vazhdon ta mbajë në fuqi këtë masë.

Ndërkohë në tetor të vitit të kaluar, presidenti amerikan, Donald Trump ka emëruar ambasadorin e SHBA-së në Gjermani, Richard Grenell, si të dërguarin e posaçëm për dialogun mes Kosovës dhe Serbisë./abcnews.al

Grenell-A1.png
eri Ida17:45 | 20/02/2020

Ambasadori Richard Grenell do të vazhdojë të jetë emisar special për dialogun ndërmjet Kosovës dhe Serbisë. Mediat kosovare raportojnë se lajmi është konfirmau nga zësënësi i Grenellit, Dick Custin.

“Mund të konfirmojmë se Ambasadori Grenell do të shërbejë si ambasador i SHBA-së në Gjermani, emisar special për negociatat e paqes ndërmjet Kosovës dhe Serbisë, dhe tani, si ushtrues detyre i drejtorit të Inteligjencës Kombëtare, në të njëjtën kohë”, ka thënë Custin.

Ndër të tjera zëdhënësi është shprehur se Grenell është pajtuar që të marrë detyrën e re përkohësisht, derisa të bëhet një nominim zyrtar nga Shtëpia e Bardhë.

“Theksoj se ambasadori Grenell është pajtuar me kërkesën e presidentit Trump për të marrë pozitën e ushtruesit të detyrës së drejtorit për Inteligjencë Kombëtare, dhe se Shtëpia e Bardhë së shpejti do të konfirmojë nominimin e tij”, ka thënë ai.

Gjithashtu Custin, ka deklaruar ndër të tjera se Grenell do të jetë i përkushtuar 100 për qind për dialogun ndërmjet Kosovës dhe Serbisë./abcnews.al

auto_auto_Josep_Borrell-Reuters15621043101579088838.jpg
R D16:28 | 16/02/2020

Shefi i Politikës së Jashtme të Bashkimit Evropian, Josep Borrell jep sinjale se dialogu politik ndërmjet Kosovës dhe Serbisë do të nisë së shpejti. Në një intervistë për Radion Evropa e Lirë, Borrell thotë se tani Kosova ka qeveri të re dhe se pret që dialogu të rinisë. Shefi i diplomacisë europiane shprehet se për të ndërmjetësuar dialogun ndërmjet Prishtinës dhe Beogradit BE-ja do të duhet të emëronte një të dërguar të posaçëm.

I pyetur nëse do të jetë ministri i Jashtëm sllovak, Miroslav Lajçak në këtë pozitë, Borrell ka thënë se këtë detyrë duhet ta marrë dikush që ka njohuri për rajonin. Shtëpia e Bardhë ka emëruar ambasadorin Richard Grenell si të dërguar në dialogun ndërmjet Kosovës dhe Serbisë. Sipas Borrell, duhet pyetur SHBA-ja se pse është përfshirë në këtë proces, pasi sipas tij, BE-ja e ndihmon shumë Kosovën me burime financiare.

Shefi i diplomacisë së BE-së tha se unioni do të ndihmojë Kosovën dhe Serbinë në procesin e bisedimeve, por ai thekson se u mbetet palëve që të punojnë drejt arritjes së një marrëveshjeje. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono