Loading ...
77 kg Cannabis Sativa janë sekuestruar në lagjen ”11 Janari” në hyrje të autostradës Vlorë-Fier, ndërsa në pranga ka rënë një person. Lënda narkotike ishte e paketuar në 27 pako dhe e vendosur në çanta sporti. Specialistët e Seksionit kundër Narkotikëve në Drejtorinë Vendore të Policisë Vlorë e gjetën në brëndësi të mjetit tip ”Opel”, i cili drejtohej nga shtetasi Renato Agalliu, 51 vjeç, banues në Fier.
Në cilësinë e provës materiale është sekuestruar edhe mjeti tip Opel.
Po punohet për identifikimin dhe kapjen e të tjerë shtetasve të implikuar në këtë veprimtari kriminale.
Materialet hetimore iu referuan Prokuroisë së Rrethit Gjyqësor Vlorë, në ngarkim të shtetasit të mësipërm për veprime të mëtejshme./abcnews.al
