vlore
in a18:51 | 03/04/2020
Në kujtim të djalit që i ndërroi jetë vite më parë, Dinore Idrizaj i dhuron spitalit të Vlorës një aparat oksigjeni që ti vijë në ndihmë të prekurve me COVID-19.
Familja e bleu këtë pajisje disa vite më parë për djalin e sëmurë i cili fatkeqësisht humbi jetën në Itali.
Por aparati nuk i shërbeu asnjëherë djalit të saj dhe e dhuroi me shpresën që dikujt tjetër do ti vijë në ndihmë duke i shpëtuar jetën.
Kjo pajisje për prodhimin e oksigjenit do të përdorët për pacientët e Vlorës nëse do të kenë nevojë, veçanërisht për të prekurit me COVID-19.
Aparati do të montohet në mjete të lëvizshme për të shkuar sa më pranë banesave të individëve që do kenë probleme me frymëmarrjen./abcnews.al
ger ta09:12 | 03/04/2020
Një 32-vjeçar ka rënë në prangat e policisë në Vlorë, pasi akuzohet se shpërndante lëndë narkotike.
Nga kontrolli i ushtruar në automjetin e këtij shtetasi, Policia ka gjetur të fshehura 45 doza lëndë narkotike të dyshuara të llojit kokainë, të cilat u sekuestruan në cilësinë e provës materiale, së bashku me automjetin dhe një aparat celular.
Njoftimi i plotë:
Në vijim të punës intensive për parandalimin dhe goditjen e veprimtarisë kriminale në fushën e narkotikëve, specialistët për Hetimin e Narkotikëve në DVP Vlorë goditën një tjetër rast të shprëndarjes së drogave të forta në doza të vogla.
Mbi bazën e informacioneve të marra në rrugë operative se një shtetas në lagjjen “Isa Boletini”, me automjetin e tij dyshohej se shpërndante lëndë narkoitke, specialistët kanë organizuar dhe finalizuar operacionin policor “Porcion”, në kuadër të të cilit, në rrugën kryesore të Bulevardit “Ismail Qemali”, Vlorë, u kap dhe u arrestua në flagrancë shtetasi M. B., 32 vjeç, banues në Vlorë.
Nga kontrolli i ushtruar në automjetin e këtij shtetasi, Policia ka gjetur të fshehura 45 doza lëndë narkotike të dyshuara të llojit kokainë, të cilat u sekuestruan në cilësinë e provës materiale, së bashku me automjetin dhe një aparat celular.
Materialet iu referuan Prokurorisë, për veprime të mëtejshme, për veprën penale “Prodhimi dhe shitja e narkotikëve”.
ger ta11:21 | 02/04/2020
Vendosja e fashës së orarit dhe urdhri për të marrë leje ka ndikuar në pakësimin e lëvizjes në Vlorë. Gazetari Elton Nika raporton për abcnews.al se në qyetet vihen re shumë pak qytetarë që kanë zgjedhur të lëvizin.
Ndonëse mot i mirë dhe me diell, ndryshe nga ditët e tjera, vlonjatët duket se kanë vendosur të mos shkelin rregullat për të dalë.
Sektori më i prekur nga kjo krizë në Vlorë është ai i turizmit. Ende nuk dihet se sa do të zgjasë kjo periudhë, ndërsa operatorët turistikë në Vlorë kanë anuluar të gjitha prenotimet deri në qershor. /abcnews.al
Veronik Istrefaj17:18 | 01/04/2020
Mesfushori shqiptar i Pescara, Ledian Memushaj, ka folur në një lidhje Skype për Fan Zone në Supersport, ku tregoi momentin që po kalon, siguroi që e gjithë familja e tij është mirë dhe pranoi që do të dëshironte ta mbyllte karrierën në Vlorë, në vendlindje.
“Ju falënderoj për komplimentet, por mendoj se janë të ekzagjeruara. Më vjen turp të flas për veten. Intervistat nuk i kam shumë qejf. Po bëhet gati një muaj që jemi mbyllur në shtëpi. Është situatë e vështirë, jo se nuk rrihet në shtëpi, por dëgjon lajmet për njerëz të vdekur, të infektuar. Prandaj behën të vështira këto ditë.
Gjendja është akoma dhe me keq këtu. Tani, po thonë që po përmirësohet gjendja, por prape besoj se akoma është e gjatë si situatë. Mendoj se duhet minimalisht edhe një muaj. Fatmirësisht, i gjithë fisi im është mirë. Tek ekipi ynë, e kemi bërë testin dhe e kemi kaluar të gjithë.
Është e vështirë të flasësh për futboll, por duhet të flasim. Në Itali, futbolli është industria e dytë. Besoj se këto dy muaj, do të bëjnë maksimumin për të mbyllur kampionatit, janë në mes shumë lekë.
Më pëlqeu shumë gjesti i shtetit shqiptar, më pëlqeu dhe intervista e Ramës. Është një ndihmë e vogël, por për Italinë është një ndihmë e madhe. 11 vjeç kam ikur nga Vlora. Do të kisha dëshirë të mbyllja karrierën te Vlora. Po ma lejoi trupi, dua ta mbyll karrierën në Vlorë”, përfundoi Memushaj./abcews.al
eri Ida13:56 | 01/04/2020
Policia e Vlorës ka vënë në pranga një 49 vjeçar të shpallur në kërkim për prodhim të lëndëve narkotike.
Në kuadër të operacionit të koduar “Ramica” është bërë i mundur ndalimi i shtetasit Inton Veshaj, icili ishte dënuar me 4 vite e 4 muaj burgim, për veprën penale “Prodhimi dhe shitja e narkotikëve”.
Vlorë
Finalizohet operacioni i koduar “Ramica”.
Kapet dhe ndalohet një shtetas i shpallur në kërkim kombëtar, i dënuar nga Gjykata e Shkallës së Parë, për veprimtari kriminale në fushën e narkotikëve.
Policia e Vlorës, krahas punës për kontrollin e zbatimit të masave kufizuese për mospërhapjen e COVID-19, vijon punën e pandërprerë, për parandalimin dhe goditjen e paligjshmërie në fusha të ndryshme dhe si rezultat ka bërë të mundur realizimin e operacionit “Ramica”.
Në kuadër të këtij operacioni, bazuar në informacione të marra në rrugë operative, u bë kapja e shtetasit në kërkim kombëtar Inton Veshaj, 49 vjeç, në banesën e tij, në fshatin Ramicë të Vlorës.
Gjykata e Shkallës së Parë Vlorë e ka dënuar 49-vjeçarin, me 4 vite e 4 muaj burgim, për veprën penale “Prodhimi dhe shitja e narkotikëve”.
Ngjarja i përket muajit shkurt të vitit 2017, ku gjatë kontrollit në banesën e këtij shtetasi është gjetur një sasi lënde narkotike e llojit cannabis sativa./abcnews.al
Sid Orela17:13 | 31/03/2020
Prej pak ditësh kishte mbetur pa ushqime. Mjaftoi një takim i rastësishëm me gazetarin e ABC News, Elton Nikën dhe klithma e urisë e nënë Myzejen Jaupit u dëgjua brenda dhe jashtë vendit. Që prej atij moment dhe vijon dhe sot dera e telefoni nuk i ka reshtur së rëni.
“E gjithë Vlora. Njerëz më kanë marrë plot. Që nga Belgjika, nga Italia nuk ka pushuar telefoni deri në 11 të natës. Mua më vinte gjumë isha gati për të fjetur dhe binte zilja. I përgjigjesha. Nga Tirana më merrnin nga Durrësi nga Fieri”, thotë nënë Myzejeni.
Gjithsesi ajo është aq modeste sa ju thotë atyre që duan ta ndihmojnë se ka mjaftueshëm ushqime.
Myzejeni thotë se u ka thënë që të mos e marrin më në telefon se ka ushqime, por ajo shton se ata i thonë që kur të mbetet “do na marrësh ne në telefon, të jemi gjallë shyqyr.”
Nëna e 4 fëmijëve, me tre prej tyre në emigracion dhe një tjetër në burg, ishte në pritje të datës së pensionit ndaj dhe nuk kishte mundësi të ushqehej, ndërsa kishte trokitur dhe pranë Bashkisë së Vlorës për ndihmë por rradha s’po i vinte. Ky institucion ju përgjigj katër ditë pas kërkesës së saj dhe daljes në ABC News.
E moshuara shprehet:
“Falenderoj edhe qeverinë edhe Edi Ramën që u tha… por mua Bashkia mi pruri pas katër ditëve, ndërsa gazetarët mu gjendën ditën e parë.”
83-vjecarja kur sheh shtëpinë plot e përplot me ushqime thotë se ka shumë të varfër në zonën ku jeton dhe një pjesë të tyre do t’i ndajë me ta.
“Do u jap edhe aty që s’kanë, që janë në nevojën e tyre. Keq më vjen se zemra më bën. Unë do mbaj sa për veten time se një njeri jam..Do u jap atyre që skanë, që i njoh që janë me fëmijë shumë. Çi dua unë një njeri jam, një gojë kam”, thotë ajo në fund. /abcnews.al/
ger ta12:19 | 31/03/2020
“Kam dy ditë pa bukë. Po pi ujë me sheqer”. Kjo ishte thirrja therëse e nënë Myzejene Jaupit ditën e djeshme që tronditi këdo që e dëgjoi. 84 vjeçarja jetonte e vetme, ndërsa theu karantinën duke dalë në qytet për të kërkuar ushqim.
E moshuara foli për kamerën e Abc News se është 84-vjeçe dhe jeton fare e vetme në shtëpi. Gjendja e të moshuarës dukej aq e rëndë sa ajo shprehej se “do ikte e pa ngopur në gropë.”
Ndërkohë, i jashtëzakonshëm ka qenë solidariteti i qytetarëve për nënën e vetmuar, e cila fëmijët i ka në emigrim, ndërsa këto ditë është përballur edhe me mungesën e ushqimit.
Pas publikimit të historisë së saj në Abc News, një numër i madh mesazhesh kanë ardhur në numrin e redaksisë, të cilët ofroheshin për të ndihmuar nënën 84-vjeçare.
Gazetari Elton Nika ishte sërish sot në shtëpinë e nënë Myzejenit, ndërsa raporton se ndihmat për të janë të pafundme. Për Abc News, 84 vjeçarja nuk ka hezituar të bëjë edhe njëherë falënderimet për këdo që e ka ndihmuar.
“Jam shumë e kënaqur, nga djemtë e Vlorës, nga bujaria e tyre. Të rrojnë dhe mos i gjejë asgjë e keqe’” tha e moshuara. /abcnews.al
Sid Orela07:42 | 31/03/2020
“Kam dy ditë që pi ujë me sheqer”. Kështu është shprehur, ndër të tjera, mes lotësh një e moshuar nga Vlora, historia e të cilës tashmë dihet nga të gjithë shqiptarët pasi videoja e shpërndarë nga Abc News është bërë virale.
Nënë Myzejene Jaupi foli për kamerën e Abc News se është 84-vjeçe dhe jeton fare e vetme në shtëpi. Gjendja e të moshuarës duket aq e rëndë sa ajo shprehet se “do ikte e pa ngopur në gropë.”
Ajo tregon se e ka thyer karantinën për pak bukë, dhe shpreson që të sëmuret me virusin korona, pasi nuk mund ta shtyjë situatën në të cilën ndodhet.
“Jam 84 vjeçe jam pa njeri fare në shtëpi. Po pi ujë me sheqer. Dhe do dal le të më marrë, dhe të më fusë në burg policia, se unë po rri pa ngrënë. I dërgova sekretares së Dritan Lelit dhe nuk e vuri ujin në zjarr, dy ditë pa bukë, ujë me sheqer piva mbrëmë. Nuk më zinte gjumi. Sikur një dorë makarona të kisha të bëja supë. Unë nuk mund të kërkoj në lagje tani”, thotë e moshuara.
Pas publikimit të historisë së saj në Abc News, një numër i madh mesazhesh kanë ardhur në numrin e redaksisë 067 400 9040 nga qytetarë të ndryshëm që janë ofruar që ta ndihmojnë Myzejenen.
Videoja e shpërndarë në faqen në Facebook të Abc News Albania ka marrë një numër rekord shikimesh e shpërndarjesh, dhe kjo ka ndihmuar në “përhapjen e fjalës”.
Mes personave që janë ofruar të ndihmojnë, është edhe pronari i një furre buke në Vlorë, i cili ka sjellë ndihma për të moshuarën.
Veç disa ushqimeve e bukëve, ai kishte sjellë për Myzejenen edhe një thes me mjell. Ai thotë se dëgjoi për historinë e nënës nga Abc News dhe nuk ngurroi të ndihmonte.
“Sa pashë nënën tek Abc-ja, direkt më erdhi që të ndihmoja”, thotë ai.
Mirënjohëse e moshuara e falenderon qytetarin që e ndihmoi dhe gazetarët të cilët ajo thotë se ju bënë djem e kaluar djemve. /abcnews.al/
ger ta16:53 | 30/03/2020
“Kam dy ditë që pi ujë me sheqer”. Kështu është shprehur mes lotësh kjo e moshuar në Vlorë, e cila jeton e vetme. Ajo shprehet se ka du ditë pa ngrënë dhe askush nuk është interesuar për të.
“Jam 84 vjeçe jam pa njeri fare në shtëpi. Po pi ujë me sheqer. Dhe do dal le të më marrë dhe të më fusë në bug policia se unë po rri pa ngrënë. I dërgova sekretares së Dritan Lelit dhe nuk e vuri ujin në zjarr dy ditë pa bukë, ujë me sheqer piva mbrëmë. Nuk më zinte gjumi. Sikur një dorë makarona të kisha të bëja supë. Unë nuk und të kërkoj në lagje tani”, thotë e moshuara. /abcnews.al
nev ila14:00 | 30/03/2020
Kjo është klithma e urisë që tronditi këdo që kaloi në këtë rrugë të Vlorës. Theu karantinën për bukën e gojës. Nënë Myzejeni është 83 vjeç dhe jeton e vetme ajo për të matur frymën gjallë e ka bërë një serum artizanal ujë me sheqer.
Kamera e ABC News e shoqëroi për në banesë dhe u përball me skamjen e kësaj 83 vjeçare dhe lotët e saj. Ajo ka menduar ti japë dhe fund jetës. Frigoriferi është bosh për çdo vakt ha nga një lugë ujë me miell që ajo e quan qull.
Myzejeni ka nevojë dhe për ilaçe ato që ka po i shkojnë drejt fundit. 83 vjeçarja ka trokitur ne dyer e bashkisë po s’ka marrë asnjë zgjidhje madje e di që ekziston dhe një faqë online e qeverisë ku mund të ankohet, por nuk di të përdorë internet.
Ajo shpreson të mos ikë e pangopur nga kjo botë. Dramat nuk kanë pasur fund për këtë nënë. Ajo ka mbetur e ve në moshë shumë të re dhe ka sakrifikuar për 4 fëmijët e saj që i ka në emigracion aq shumë sa në ditët e sotme pakkush e kupton.
Të drithëron kur tregon se ka shitur gjakun e saj për ushqime. Myzejn Jaupi rëqethi dhe grupin tonë të xhirimin. Ushqimet që i dëshironte dhe i përmendi gjatë gjithë rrëfimit të saj ja siguroi gazetari ynë dhe një miku i tij. Të paktën për pak ditë ajo do të këtë ushqime.
Shpresojmë që sonte të ketë gjumë se do të flejë me barkun plot./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
