Sekretari i Përgjithshëm i PD Gazment Bardhi i përgjigjet LSI pasi kjo e fundit tha se nuk e njeh Lulzim Bashën si kreun e PD. Për çdo demokrat dhe shqiptar, Bardhi thotë se nuk logo tjetër që i përfaqëson përveç asaj të PD.
“Izolimi i Sali Berishës nuk do të sjellë kurrë izolimin e PD dhe tentativa për të shpallur Non Grata logon e PD ka dështuar në 18 Dhjetor. Për demokratët dhe çdo shqiptar që do ndryshimin nuk ka logo tjetër që i përfaqëson përveç asaj të PD”.
Lexo edhe: LSI s’e njeh Bashën kryetar të PD-së dhe reagon për herë të parë për koalicionin me Berishën
Koalicioni i Komisionit të Rithemelimit me LSI në zgjedhjet e 6 marsi për 6 bashki, sipas Bardhit është shtojcë e LSI “në shtëpinë e tyre të përbashkët non-grata”.
“Sot Sali Berisha pohoi me gojën e tij se po i bën mbështetësit e tij shtojcë të LSI. Nuk ka Shtëpi të Lirisë. Ka Shtojcë të LSI-së në shtëpinë e tyre të përbashkët NON GRATA!. Regjistrimi në zgjedhje ka vulën e LSI-së, komisionerët kanë vulën e LSI-së. “Shtëpia Non-Grata” i shërben Edi Ramës, siç ka bërë që në 2013, me aleancën e dukshme dhe të padukshme mes tyre! Në 6 Mars, kush zgjedh “Shtëpinë Non-Grata” ka zgjedhur Edi Ramën”, thotë më tej ai. /abcnews.al
