ent ela

genai-1280x611.jpg
ent ela13:39 | 28/11/2019

Lëkundjet e fundit të tërmetit 5.1 të shkallës rihter që ranë rreth një orë më parë kanë dëmtuar godinën e spitalit të Durrësit. Në një lidhje të drepërdrejtë nga urgjenca e spitalit të Durrësit Ajgena Korbi raporton se në atë moment kanë dalë të gjithë jashtë nën panik, ndërsa një grup ekspertësh po verifikojnë dëmet. Fillimisht u fol për një evakuim të tyre, por gazetarja na konfirmon se në kushtet e panikut një pjesë e pacientëve janë tërhequr nga familjarët.

“Ka qenë ora 12 kur në Durrës janë ndjerë lëkundjet e fundit sizmike. Kjo situatë ka bërë që të gjithë të dalin jashtë në panik. Është konstatuar që godina ka pësuar plasaritje. Një grup ekspertësh po verifikojnë nëse ka dëme në strukturë. Në këtë moment urgjenca po punon, po ka pacientë që kanë lënë spitalin, janë marrë nga familjarët në kushtet e panikut. Do ketë një verifikim të dytë të situatës dhe nëse do vijojë puna apo jo. Manastirliu tha se në Durrës situata është nën kontroll dhe nëse konstatohet se urgjenca nuk është në gjendje të funksionojë atëherë shërbimet do merren në anën e dajthtë të spitalit, ose në godinën e maternitetit” –raportoi gazetarja e ABC news.

Ndërkaq Ministrja Manastirliu ka deklaruar nga spitali i Durrësit se nuk ka vend për panik, aktualisht të gjithë shërbimet po funksionojnë normalisht, ndërsa rastet e paraqitura në urgjencë si pasojë e tërmetit të fundit janë raste paniku që po përballohen nga spitali i Durrësit.
“Në Spitalin e Durrësit, Urgjenca po funksionon normalisht. Një pjesë e godinës është e dëmtuar dhe për momentin është bërë një vlerësim paraprak. Urgjenca po vijon funksionimin normalisht ku për momentin ka pasur 18 raste të atakut të panikut dhe nuk ka raste të rënda”, tha Manastirliu.

Lidhur me dëmtimet e shkaktuara në njërën prej godinave të spitalit të Durrësit, Manastirliu tha se aktualisht që flasim po bëhet vlerēsimi i godinës nëse do të ketë nevojë për zhvendosje shërbimi.

“Ne kemi gati planin e zhvendosjes në rast se do të ketë nevojë, ndërkohë që kemi vendosur në gatishmëri spitalet e tjera më të afërta në rast nevoje”, tha Manastirliu.

Duke siguruar se do të bëhet më e mira për shërbimin për qytetarët, Manastirliu tha: “Jam këtu, do të vijoj të jem këtu deri në fund dhe do t’ju informojmë për vendimin që do të merret pas vlerësimit të gjendjes së spitalit nga inxhinierët që janë këtu aktualisht”, tha Manastirliu.

 

/abcnews.al

EKSKLUZIVE-ABC-NEWS-NE-RRENOJAT-E-PALLATIT-1280x720.jpg
ent ela13:39 | 28/11/2019

Ekipi i ABC News, gazetarja Ajgena Korbi dhe operatori  Sokol Musaraj guxuan të hyjnë në rrënojat e pallatit, 9 katësh në Durrës, ndërtuar 6 vite më parë. Ky  pallat rrezikon të shembet e banorët e kanë të pamundur të hyjnë brenda.

Në lagjen 18 të Durrësit,  pallati 9- katësh i ndërtuar 6 vite më parë rrezikon të shembet. Policia e ka shpallur zonë të pasigurt. Këta qytetarë  fatmirësisht shpëtuan nga tërmeti i 26 nëntorit, por tashmë nuk kanë ku të fusin kokën,

Kureshtja e banorëve është e madhe, ata dëshirojnë të hyjnë në apartamentet e tyre, por e kanë të pamundur. Por ekipi i ABC News guxoi të hynte së bashku  me ‘ta në rrënojat e pallatit duke vënë në rrezik edhe jetën

Drita nuk ka, në ndihmë iu vjen një llambë, shkallët janë shkëputur fare dhe vështirësia shtohet për t’u futur në këtë pallat.

Mes lotësh  banorët  thonë se specialistët e kanë cilësuar të pabanueshëm, por ata i kanë paguar siguracionet për banesat. Ata thonë se nuk ka ardhur asnjë përfaqësues nga shteti

Ndërsa e kanë të pamundur të marrin sendet personale. Po përpiqen t ‘i nxjerrin  sendet dhe orenditë përmes një vinçi.

Në këtë pallat jetojnë mbi 100 familje, në dy hyrje, ndërsa Policia e ka shpallur zonë të pasigurtë. /abcnews.al

profesori-serb-1280x633.jpg
ent ela12:34 | 28/11/2019

Profesori serb Dragan Milovanovic tha për RTS, se tërmetet që pasuan tërmetin e mëngjesit të së martës në Shqipëri, kanë qetësuar tokën. Ai tha gjithashtu se tërmeti në Shqipëri është një tjetër shenjë që duhet të punojmë dhe të ndërtojmë siç duhet.

Profesori serb i Minierave dhe Gjeologjisë Dragan Milovanoviç tha për Radio televizionin shteteror serb RTS se tërmetet pasuese në rajon, pas tërmetit që ra në Shqipëri kanë qetësuar tokën.

Ky proces ka vazhduar për qindra miliona vjet, dhe ne jemi pjesë e një hapësire që shkon nga Alpet në Himalajet, me një pllakë afrikane poshtë nesh, tha ai, duke shtuar se është një hapësirë potencialisht e përshtatshme për tërmete dhe vullkane. Ai shtoi se kjo është një hapësirë për tërmete me intensitet mesatar, dhe deri tani ka treguar se priten tërmete të tilla. Ai tregoi se ato nuk ishin ciklike dhe se kjo nuk mund të parashikohej, dhe se ishte një proces që po ndodhte mbi njëqind kilometra, mijëra kilometra në gjatësi.

Ato janë vetëm blloqe të një pllake të madhe, theksoi Milovanoviç. Ai shtoi se këto tërmete në Shqipëri nuk ishin në një thellësi të madhe, në tetë dhe 12 kilometra.

Nëse është më i thellë, atëherë është me më pak intensitet, por nëse është më i thellë ai ka aftësinë të krijojë llavë gjatë procesit të tij, kështu që Etna mund të zgjohej përsëri. Ai tha se ka pasur një shpërthim të Etnës pesë ose gjashtë herë, por nuk ka pasur asnjë tërmet megjithatë.

Mesatarisht 1.500 tërmete “më të lehtë” ndodhin çdo vit në Serbi dhe vendi është në një zonë me intensitet mesatar. Ai theksoi se njerëzit flasin për tërmetet vetëm kur ato ndodhin.

“Tërmetet me intensitet të mesëm priten në këtë zonë, le të ndërtojmë shtëpi dhe ndërtesa që do t’i rezistojnë,” tha ai, duke theksuar se ndërgjegjësimi është i rëndësishëm. Ai tha se tërmeti në Shqipëri është një tjetër shenjë që duhet të punojmë dhe të ndërtojmë siç duhet. /abcnews.al

oki.jpg
ent ela12:04 | 28/11/2019

Tërmeti tragjik që tronditi Shqipërinë mëngjesin e së martës së 26 nëntorit shkaktoi deri më tani 40 viktima dhe 700 të plagosur. Sipas informacioneve zyrtare deri më tani janë shpëtuar 45 persona, por në redaksinë online të ABC News kanë mbërritur edhe pamje dhe foto të shumta nga operacionet e shpëtimit të kryera nga vetë banorët.  I tillë është rasti i një banori  të Shkozetit, i cili është nxjerrë nga një vrimë betoni nga vetë banorët.

Me foto dhe video banorët kanë dëshmuar duke sjellë në redaksi atë që ndodhi natën e tërmetit. Bëhet fjalë për pronarin e një kompanie private, Lavdosh Petoshati, i cili në momentin e rënies së tërmetit në orën 3.54 ka mbetur nën rrënojat e njërës prej ndërtesave të kompanisë për rreth 4 orë.

Pas shpëtimit, ai gëzon shëndet të plotë dhe në ndërtesë nuk ka njerëz të tjerë nën rrenoja, përveç dëmeve të konsiderueshme materiale. /abcnews.al

 

durres-1.jpg
ent ela11:56 | 28/11/2019

Shqipëria është duke kaluar një stuhi termetesh gjatë ditëve të fundit, ku njëri prej tyre, me forcë 6.4 të shkallës Richter ka shkaktuar 40 viktima dhe më shumë se 700 të lënduar deri më tani.

Këto tërmete po bien me intensitet të lartë që prej datës 21 shtator, i cili alarmoi vendin, ndërsa sizmiologët shprehen se goditjet do të vijojnë deri sa të çlirohet energjia e akumuluar në Adriatik.

Në pamjet me dron të ABC News kuptohet dimensioni. /abcnews.al

termeti-durressss.jpg
ent ela11:41 | 28/11/2019

Ndërkohë që Shqipëria vazhdon të vuajë pasojat e tmerrshme të tërmetit të së hënës, i gjithë rajoni i Ballkanit ka pësuar ndër dekada dhe shekuj tërmete të regjistruara që kanë shkatërruar qytete dhe kanë lënë pas mijëra viktima.

Një tërmet i frikshëm prej 7.4 ballësh u regjistrua në Dubrovnik më 6 prill 1667, i cili vrau rreth 5.000 njerëz, që ishte rreth 80 përqind e popullsisë së Dubrovnikut. Tërmeti i 1905, 6.6 ballë Richter, shkatërroi pjesën veriperëndimore të Shqipërisë dhe pjesën jugperëndimore të Malit të Zi.

Nuk dihet numri i saktë i viktimave, por sipas një raporti mediatik në Mal të Zi në atë kohë, i gjithë bregdeti i Adriatikut po dridhej, dhe zor se kishte një qytet pa shtëpi të shembura që përshkohej nga ky det. Tërmeti i 1963 në Shkup, 6.1 ballë, vrau 1,070 njerëz dhe plagosi të paktën 3.000 njerëz, nga të cilët 1200 ishin me aftësi të kufizuara. 15.800 banesa u shkatërruan dhe 28,000 u dëmtuan. 200,000 njerëz mbetën të pastrehë. Tërmeti shkatërroi 75 deri në 80 përqind të qytetit.

Tërmeti më i fortë në Ballkan i kohëve moderne është ai i Malit të Zi në 1979, i cili dëmtoi rëndë edhe Shkodrën, ku humbën jetën 15 persona. Tërmeti, i cili ndodhi më 15 prill 1979 në 6:19 të mëngjesit, ishte 7.0 i në shkallën Rihter, dhe shkaktoi shkatërrim katastrofik me në të gjithë bregdetin e Malit të Zi, mbi 100 km të gjatë. Epiqendra e tërmetit ishte vendosur në detin Adriatik, midis Ulqinit dhe Barit, në një distancë prej 15 km nga bregu.

Në këtë tërmet, 101 njerëz humbën jetën në Mal të Zi dhe 35 në Shqipëri, ndërsa më shumë se 100,000 njerëz mbetën të pastrehë. Në Shqipëri, më e dëmtuar ishte Shkodra, me Bahçallëkun dhe Dajçin e rrafshuar. /abcews.al

 

d9299973-0dbb-43fa-91eb-d1b3d3398a70.jpg
ent ela11:19 | 28/11/2019

Prestigjozja italiane “Corriere della sera” në një reportazh për situatën dramatike në Shqipëri si pasojë e tërmetit të 26 nëntorit, shkruan se serbë, kosovarë dhe shqiptarë janë bashkuar për të ndihmuar: tërmeti bashkon ish-armiqtë

Në pritje të një mrekullie gjithnjë e më të pamundur mes gërmadhave, ndoshta ky trekëndësh I tokës së plagosur ka parë një tjetër gjë. Kosovarë, serbë, shqiptarë, kroatë, maqedonas, janë pranë njëri – tjetrit në gërmadhat e Durrësit dhe Thumanës.

Kështu nis reportazhi i italianes “Corriere della Sera” për situatën dramatike në Shqipëri pas tërmetit tragjik të 26 nëntorit.

20 vjet pas luftës në Kosovë, ish Jugosllavia thuaj u rikompletua sërish, për herë të parë pas shpërbërjes së tmerrshme mes përplasjeve mes vendeve përbërëse dhe spastrimeve etnike. Në emër të solidaritetit, |Ballkani u ribashkua dhe pse për pak ditë, në përpjekjet për t’u përballur me tërmetin që natën mes të hënës dhe të martës goditi bregdetin shqiptar.

Prej ditësh tashmë skudrat e shpëtimit nga Prishtina, Beogradi, Tirana, Zagrebi dhe Shkupi, janë takuar në pikën kryesore të operacioneve të kërkim – shpëtimit që u krijua orët e fundit përgjatë rrugicave të zonave më të goditura nga tërmeti. Zjarrfikës, ushtarë, njësi shpëtimi, skuadra me uniforma dhe flamuj që dikur ishin armiq, tashmë janë pranë në garë me kohën për nxjerrjen e njerëzve të bllokuar në gërmadha. Ndoshta nuk miqësohen, por bashkojnë forcat në një objektiv të përbashkët.

Në Thumanë, një fshat, një orë larg me makinë nga Durrësi, një repart serb që vjen nga Nishi i përbërë nga dhjetëra burra, mbërriti mëngjesin e së mërkurës me një kamion dhe çdo gjë të nevojshme për të gërmuar mes gërmadhave të një pallati tre katësh, pjesërisht të shembur. Nga ana tjetër e rrugës vazhdojnë të punojnë zjarrfikësit nga Suhareka, pranë Prishtinës, shpëtuan një grua nga rrënojat, dhe një grup ushtarësh me stemën «RKS», Republika e Kosovës, të qepur në mëngën e uniformës. Probleme? Asnjë – shprehen ata – madje, ndoshta ky është rasti për t’u bërë miq.

Në fushën e stadiumit ku janë vendosur tendat, mjeku që drejton urgjencën shqiptare, doctor Skënder Brataj shprehet: “Ndonjëherë jemi  të burgosurit e paragjykimeve tona”. Po montohet një tendë, dhuratë e Arabisë Saudite, e cila do të shërbejë si Infermieri. Shpresa ëshët që të montohet para mbërritjes së reshjeve. Në Vlorë bashkia ka vënë në dispozicion hotele dhe shtëpi për të pastrehët. Ndërsa në fushën e stadiumit shirat rrezikojnë të përmbysin kampin e ngriutr, Brenda pak minutash.

Pas pak orësh serbët vazhdojnë për në Durrës, ku i kanë thërritur për të ndihmuar rreth një pallati 6 – katësh i cili u shemb si një kështjellë letrash, ku shpresohet gjithnjë e më pak, për të gjetur ndonjë të mbijetuar nga 20 të zhdukurit që janë sinjalizuar në këtë zonë.

Në thellësi, në Thumanë janë vendosur 26 grekë të E.M.A.K. mbrojtja civile e Athinës, së bashku me dy qentë e ekipit. Ata alternohen në dy turne: orët e para kanë nxjerrë nga gërmadhat një grua 45 vjec ende në jetë, dhe më pas tre trupa të pajetë. Tashmë qentë nuk sinjalizojnë më për shenja jete.

Në Kënetë, në periferi të Durrësit, janë përqendruar ekipet kroate, rumune, shqiptare dhe italiane. Selia e kryqit të kuq është e tejmbushur me njësi të ekipeve të kërkim – shpëtimit që vijnë nga vende të ndryshme. Në qytet ndodhen 160 zjarrfikës italianë, me 60 mjete, dy ekipe Uzar nga Toskana dhe Lacio. Nga Fano, kanë mbërritur vullnetarët e shoqatës kombëtare të zjarrfikësve; dhe nga Roma një skuadër e mbrojtjes civile. Bledar Qato, trajner i të rinjve të Teutës, i fton italianët për një picë në mbrëmje. Nata është e gjatë dhe ai do e kalojë në makinën e tij me bashkëshorten dhe dy fëmijët e tyre. /abcnews.al

 

SPITALET-ME-QINDRA-TE-LENDUAR-1280x720.jpg
ent ela11:10 | 28/11/2019

Ndërsa janë 40 viktimat e tërmetit tragjik që goditi Shqipërinë mëngjesin e së martës, ka shkuar në 750 numri i të lënduarve nga tërmeti që kanë marrë trajtim në spitale, nga të cilët 660 vetëm në spitalin e Traumës dhe të Durrësit.

Ministria e Shëndetësisë njofton se aktualisht janë të shtruar 65 të lënduar, gjendja e të cilëve paraqitet e stabilizuar, përveç 3 personave që paraqiten në gjendje më të rënduar.

Përpos qytetarëve që po marrin trajtim në spitale, janë 572 vizita mjekësore të kryera për banorët e prekur nga tërmeti që po marrin trajtim në qendrat shëndetësore 24/7 të hapura pranë zonave të prekura. Ndërsa 145 persona kanë marrë shërbimin mjekësor pranë kampeve të emergjencës në Tiranë dhe Durrës. Me ekipet e ngritura në terren është siguruar pajisja me medikamente për të sëmurët kronikë.

Urgjenca kombëtare ka përballuar 3745 thirrje për ndihmë që nga momenti i rënies së tërmetit dhe ka realizuar 937 misione me autoambulancë.

Të gjitha spitalet dhe qendrat shëndetësore pranë zonave të prekura nga tërmeti janë në gatishmëri të përforcuar.

aq-1-1.jpg
ent ela10:54 | 28/11/2019

Ka shkuar në 40 numri i përsonave që kanë humbur jetën nga tërmeti që tronditi Shqipërinë. Ministria e Mbrojtjes ka publikuar listën me emrat e personave që vdiqën nga kjo fatkeqësi natyrore në Durrës dhe Thumanë.

Persona të vdekur 40,  si më poshtë vijon:

  1. Bajram       Hajdarmataj, 54 vjeç,  gjetur në    L .13

2.Amelia          Lala,                8 vjeç,  gjetur në    L .17

3.Sehadete      Lala,              79 vjeçe, gjetur në    L .18

4.Griselda        Lala               22 vjeçe, gjetur në    L .17

5.Sadik            Qato,              85 vjeç,  gjetur në    L .13

6.Isah               Abazi,            29 vjeç,  banues në  L.13

7.Shemsedin   Abazi,                     gjetur  ne    L.13

8.Esiela           Karanxha,        8 vjeçe, gjetur  në    L.18

9.Diena            Karanxha,                gjetur në     L.18

10.Flatar         Zenelaj,             64 vjeç, gjetur në     L.13

11.Eviola         Broshka,            28 vjeçe,gjetur në     L.18

12.Kristi         Reçi,                  24 vjeçe, gjetur në     L.18

13.Eduart        Reçi                                 gjetur në    L. 18

14.Dolora       Reçi,                 49 vjeçe    gjetur në   L .18

15.Klaus         Reçi,                 21 vjeçe,   gjetur në   L  18

  1. Rozeta Meçja 59 vjec

Krujë  –  23 viktima në total,  të identifikuar :

1. Bukurije Leka

  1. Ariela Lala 4 vjeçe
  2. Selvie Lala 77 vjeçe
  3. Fatmira Cuka 44 vjeçe
  4. Sardi Cuka 18 vjeç
  5. Saimir Greku
  6. Pëllumb Greku 57 Vjeç
  7. Kristjan Preçi 26 vjeç
  8. Hajrie Vata 65 vjeçe
  9. Roledi Vata vjeçe 3

11.Klevis Çupi (Aliu) 34 vjeç

  1. Hajredin Çupi 66 vjeç
  2. Drita Cakoni
  3. Kastriot Cakoni, 58 vjeç
  4. Çelike Grupieku 57 vjeçe
  5. Suada Hysa vjeçe 18.
  6. Adelina Kabili vjeç 20
  7. Erisa Cara
  8. Fatmira Cara vjeç 54

20.Hasan Cara vjeç 16.

21.Ankthi Cara vjeç 65

22.Almir Cara vjeç 26

23.Stela Zvergeci vjeç 20, e fejuara e Almir Cares, nga Korça.

Lezhe  Mamurras  

  1. Ersid Agim Hoxhalli,… 32 vjec           (i aksidentuar)
meta-rama.jpg
ent ela10:39 | 28/11/2019

Presidenti i Republikës dhe kryeministri Rama kanë lënë pas përplasjet thyer akujt dhe janë takuar  në Vlorë në 107 vjetorin e Pavarësisë. Meta është parë duke i dhënë dorën Ramës gjatë homazheve të zhvilluar në këtë qytet.

Kujtojmë se sot festat e këtij Nëntori do të kalojnë në heshtje, në nderim viktimave të tërmetit në Durrës dhe në Thumanë.

Në një deklaratë të shkurtër për mediat nga Vlora, Meta tha se kjo nuk mund të jetë një ditë feste, por një ditë për të nderuar Flamurin Kombëtar. Ai peloi për bashkim të politikës më të rëndësishme të vendit.

“Sot nuk është një ditë për të festuar, por një ditë për të nderuar Flamurin Kombëtar. Të angazhohemi për të shëruar sa më parë të jetë e mundur plagët e shkaktuara nga teërmeti. Të jemi sa me pranë familjeve që kanë humbur të afërmit dhe të dashurit e tyre. E gjithë politika duhet të jetë gjithmonë e bashkuar për çështjet më të rëndësishme të vendit dhe të shtetit, të popullit dhe bashkëjetesës sonë. Sot do të jetë si ansnjëherë tjetër dhe n ëejtën e përditshme për të përmbushur një mison si ai i anëtarësimit të Shqipërisë në BE”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono