Të fundit
eri Ida07:29 | 29/03/2020
Të paktën 32 persona kanë humbur jetën në Greqi si pasojë e koronavirusit. Ndërsa raportohet se numri i personave të infektuar ka arritur në 1061 persona.
Autoritetet shëndetësore greke bëjnë me dije se vetëm në 24 orët e fundit janë kornfirumuar 95 raste të reja të infektuar me koronavirus.
Nga të infektuarit 69 janë terapi intensive dhe kanë një moshë mesatare 67 vjec. Deri më tani, në Greqi janë kryer më shumë se 14,363 teste për koronavirus, ndërsa për pacientët qëndrimi mesatar në spital është 10 ditë./abcnews.al
eri Ida07:20 | 29/03/2020
Moti për ditën e nesërme parashikohet i kthjellët dhe me vranësira të pakta kalimtare.
Parashikohen mjegull dhe mjegullinë lokale në zonat luginore në orët e mëngjesit. Era do të fryjë nga Verilindja e Veriperëndimi 2-12 m/sek, përgjatë vijës bregdetare erë me shpejtësi 10-20 m/s.
Valëzimi në dete parashikohet të jetë forcës 2-3 ballë, me lartësi vale 1.0-1.5 metra./abcnews.al
eri Ida07:16 | 29/03/2020
Dashi
Mërkuri në kundështim me shenjën tuaj do të ndërlikojë sot marrëdhëniet me të tjerët. Vetëm me diplomaci do të jeni në gjendje t’i ktheni keqkuptimet në raste për të përfituar prej tyre. Beqarët do duhet të mbajnë larg ata njerëz që duan të udhëheqin. Mos hiqni dorë përballë disa rrethanave që mund t’ju dekurajojnë. Mësoni të luftoni për atë që dëshironi.
Demi
Jini të sinqertë me gjysmën tuaj, edhe kur disa gjëra nuk janë të këndshme për të thënë më mirë. E vërteta del gjithmonë, prandaj harrojini për gënjeshtrat! Beqarët do kenë shumë mundësi për t’u çlodhur dhe të kalojnë një ditë shumë interesante. Disa mërzitje në punë për shkak të thashethemeve të shokëve do t’ju bëjnë të dëshpëroheni. Reagoni dhe tregohuni këmbëngulës.
Binjakët
Është një kohë e mirë për të dalë nga disa probleme sentimentale që ju rrethojnë, megjithatë ngjarjet e sotme mund të bëjnë që të ndryshoni mendimin tuaj për disa njerëz. Ata që janë vetëm do të duhet të përpiqen të qëndrojnë larg personave që janë një humbje kohe. Planifikimi i së ardhmes suaj po shkon mirë, shumë gjëra do të materializohen sot.
Gaforrja
Ka ardhur koha për të zyrtarizuar një marrëdhënie në të cilën keni investuar të gjitha pritjet tuaja. Do të ketë gjithashtu shenja të rimëkëmbjes në ato çifte që kanë qenë në krizë. Sot Jupiteri do të inkurajojë takimet e duhura për beqarët që besojnë në dashuri.Sot do të ketë një vendim të rëndësishëm për të bërë dhe ju do të duhet të vendosni nëse do të pranoni apo jo një propozim që ju është bërë.
Luani
Sot mund të ketë pengesa dhe prova për të kapërcyer, por sigurohuni, nëse jeni një çift i qëndrueshëm, asgjë nuk do të gërvishtë lidhjen tuaj. Kujdes, megjithatë, njerëzit ziliqarë do të jenë në gjendje të komplotojnë pas jush. Pak lajme për beqarët, pasi jeni të hutuar, nuk do ta njihni dashurinë! Do të keni mundësitë e duhura për të përmirësuar pozicionin tuaj. Nëse keni probleme, besojuni vetëm njerëzve që ju besoni.
Virgjëresha
Një ndjenjë e lehtë pakënaqësie do t’ju bëjë që sot të grindeni me të dashurin tuaj pa asnjë arsye. Ju e dini mirë që fjalët lëndojnë, kështu që përpiquni të mos e teproni! Dashuria duket shumë larg për beqarët, ata ende do të duhet të presin!Dita shumë e zënë, do të keni situata komplekse para jush me të cilat duhet të përballeni me një zgjidhje të shpejtë.
Peshorja
Parajsa është pozitive dhe gjithçka duhet të jetë mirë. Venera është në pamje të mirë dhe do t’ju japë mundësinë të mirëprisni çdo lajm. Ditë e mirë për beqarët, planetët duket se janë të gatshëm t’ju mbështesin në të gjitha veprimet tuaja.Megjithëse ju keni marrë vendime shumë shpejt për momentin, nuk keni asgjë për tu ankuar dhe puna po përparon mirë.
Akrepi
Besoni përshtypjet tuaja dhe nëse po kaloni një periudhë sentimentale paqësore, mund të jeni i sigurt se do të zgjasë. Sigurisht, durimi është gjithashtu i nevojshëm, kështu që tregoni që keni mjaft. Beqarët do të bënin më mirë për të mos diskutuar me miqtë për disa gjëra të vogla.Sot mund të merrni një ndihmë të papritur që do t’ju ndihmojë shumë të rikuperoheni nga një problem që ju ka lënduar.
Shigjetari
Do të ketë çështje për tu zgjidhur në familje dhe tensioni mund të degjenerojë në dialog e diskutime të pakëndshme. Sidoqoftë, shmangni lëshimin e zemërimit tuaj ndaj partnerit. Sot beqarët do jenë në gjendje të bëjnë njohje të reja gjithashtu shumë interesante.Në punë është më mirë të mos komentoni ose të shprehni mendime radikale, çdo përgjigje mund të përdoret kundër jush.
Bricjapi
Sot do të ketë keqkuptime në dashuri dhe disa probleme të vogla me familjarët. Por mos u shqetësoni, me aftësinë tuaj për të menaxhuar gjërat, ju mund ta ktheni situatën me kokë poshtë me elegancë. Është koha për të organizuar një udhëtim ose pushime, beqarët nuk presin asgjë tjetër!Disa gabime në punë mund të ndryshojnë planet tuaja. Mos u nervozoni dhe mos u bëni optimistë.
Ujori
Ditë dinamike e mbushur me takime, gjithçka rrotullohet rreth partnerit dhe nuk do të humbisni një mundësi për të dhënë impuls në marrëdhënie. Dielli dhe Mërkuri sot sugjerojnë beqarët për të mbrojtur privatësinë e tyre. Perspektiva të mira për një rikuperim të shumëpritur. Më në fund diçka po lëviz në horizont.
Peshqit
Një marrëdhënie që ka ulje dhe ngritje, ju bën të ndiheni plotësisht të pasigurt. Bëni gjithçka për të gjetur ekuilibrin tuaj dhe të flisni qartë me personin në fjalë. Mërkuri në mbrëmje promovon dialog dhe madje beqarët do të jenë në gjendje të kapërcejnë disa vështirësi. Sot mund të merrni kritika për sjelljen tuaj me eprorët tuaj, duke pasur parasysh motivimet tuaja./abcnews.al
eri Ida07:04 | 29/03/2020
40 persona deri më tani janë shëruar nga koronavirusi në vendin tonë. Kryeministri edi Rama përmes një postimi në rrjetet sociale bën me dije se shtatë persona të tjerë ja kanë dalë me sukses në betejën me COVID 19.
Në portimin e tij shefi i qeverisë shkruan se një tjetër lajm i gëzuar tashmë në luftën me koronavirusin i cili deri m ëtani ka shënuar 10 viktima.
“Lajm i mirë: 7 të shëruar sot”, shkruan Rama.
Ndërkohë numri i personave të konfirmuar deri më tani me koronavirus në vendin tonë ka arritur në 197 persona./abcnews.al
Igli Nikolli23:16 | 28/03/2020
Futbolli është në kaos. Federatat po bëjnë të pamundurën për të mbyllur kampionatet e ndërprera në mes, por fitorja ndaj koronavirusit është ende larg dhe vështirësitë janë shtuar. Shumë hipoteza janë në tavolinën e drejtuesve të futbollit.
Nuk përjashtohet as fakti që sezoni 2019-2020 të pezullohet dhe zerohet përfundimisht, ashtu siç është shprehur Aleksander Ceferin, presidenti i UEFA-s. Klubi më i goditur do të ishte Liverpool, që e ka siguruar prej kohësh titullin kampion, një trofe që mungon prej 30 vitesh në Anfield.
“Nëse futbolli nuk rifillon së shpejti, nuk ka zgjidhje tjetër: Sezoni do të fshihet! Tre opsionet e fundit që na kanë mbetur, janë: Të rifillojmë sezonin në mes të muajit maj, në qershor ose në fund të qershorit”, thekson mes të tjerash Ceferin në një deklaratë të dhënë për Goal. /abcnews.al
🗣 UEFA president Aleksander Seferin: “If we don’t succeed in restarting, the season will probably be lost.
“The three options are to start again in mid-May, in June or at the end of June.” pic.twitter.com/ZwcVx7nHQm
— Goal (@goal) March 28, 2020
nev ila22:22 | 28/03/2020
Ministri i jashtëm Italian Luigi Di Maio përmes një statusi në rrjetet sociale ka postuar disa foto të stafit mjekësor të përbërë nga shqiptarë të cilët do të ndihmojnë kolegët italianë në luftën ndaj koronavirusit në Itali.
Di Maio me anë të këtij mesazhi ka falenderuar qeverinë dhe popullin shqiptar për këtë ndihmë nga Shqipëria në këtë dhimbje e vuajtje që ka goditur Italinë.
Di Maio shkruan se Shqipëria ka treguar sot se ka një zemër të madhe dhe se Italia nuk do ti lërë kurrë vetëm.
“Solidariteti me Italinë nuk ka kufij dhe Shqipëria ka treguar sot se ka një zemër të madhe. Një ekip prej 30 mjekësh dhe infermierësh ka mbërritur në aeroportin e Fiumicinos të cilët do të shkojnë në Lombardi nesër, në zemër të kësaj emergjence për të mbështetur mjekët tanë, infermierët tanë dhe punonjësit tanë të shëndetësisë. Pak përforcim për të mbështetur gratë dhe burrat tanë në këtë llogore prej disa javësh.
Falënderoj kryeministrin shqiptar Edi Rama, qeverinë dhe gjithë popullin shqiptar për mbështetjen e tyre përkundër urgjencës që preku edhe ata.
Për qytetarët italianë, për ata që janë duke punuar dhe që po përballen me këtë emergjencë në terren, unë di vetëm të them një gjë: Ne nuk do të ju lëmë vetëm. Kurrë!./abcnews.al
Igli Nikolli21:58 | 28/03/2020
Rrëzimi i qeverisë Kurti në Kosovë është pritur shumë keq nga pjesa më e madhe e shqiptarëve. Vetëm 51 ditë qëndroi në detyrën e kryeministrit Albin Kurti, lideri i Lëvizjes Vetëvendosja. Ndërkohë që të gjithë shtetet janë të përqendruara në betejën kundër koronavirusit, në tokën dardane një pjesë e kanë mendjen te pushteti dhe nxitojnë për t’i bërë keq “aleatëve”.
Rreth kësaj ndodhie ka reaguar edhe Mërgim Mavraj, kapiteni i kombëtares shqiptare. Qendërmbrojtësi ka përdorur një nga shprehjet e shumta të artistit të madh Unikkatil (Viktor Paloka).
“100 zogj t’pulave kundër 1 LUANI. Me Albinin”, shkruan Mërgim Mavraj, duke shprehur qartësisht mbështetjen e tij për një nga politikanët që ka fituar besimin e shumë shqiptarëve kudo që ndodhen. /abcnews.al
nev ila21:57 | 28/03/2020
Kryeministri Edi Rama, gjatë mesditës së sotme ka drejtuar një mesazh disa prej qytetarëve që sipas tij “nuk duan të marrin vesh“.
Në tentativë për të qenë më se i qartë me këta qytetarë, dashur pa dashur, bëri edhe një deklaratë ku la të kuptohet se është kundër presidentit të Shteteve të Bashkuara të Amerikës ose të paktën nuk është dakord me mënyrën e menaxhimit të situatës nga Trump, për koronavirusin ne Amerikë.
Gjatë mesazhit të tij Rama thotë se Presidenti i SHBA-ve u kishte thënë qytetarëve se virusi do kalonte shpejt, e sot po përballet me një situatë që spitalet nuk kanë më vende, dhe kjo sipas Ramës ka ndodhur sepse nuk janë marrë masat e duhura.
“Meqë keni qejf shembujt me Amerikën, Presidenti u thoshte deri dje se kjo do iki shpejt, thjesht do iki. E shikoni tani se çfarë u thotë amerikanëve. Ndërkohë që duke pritur që të iki vetë i hap rrugën armikut. Sot kanë kaluar Kinën me infektim dhe s’po kanë më as vend dhe as mjete mbrojtëse për mjekët dhe infermierët në spitalet e Nju Jorkut.
Amerika është Amerikë dhe mbase dhjetëra mijëra të vdekur nuk i ka aq problem sa ne. Po ne që me Amerikën nuk krahasohemi dot në asnjë gjë, si mund t’ja lejojmë vetes të lëshohemi dhe të vëmë në diskutim jetën duke moskuptuar se kjo është një luftë për ekzistencë dhe jo një lojë kukamçefti e politikës së poshtër siç kanë qejf ta quajnë disa nga ju.
Realisht nuk di si të flas me disa prej jush që nuk duan të marrin vesh, nuk duan të hapin sytë e të shohin realitetin. Me siguri di vetëm një gjë, që po vazhduam kështu do ta kalojmë pa qindra mijëra viktima, dhe do hapim pjesë –pjesë rrugët e jetës normale, më herët se të tjerët.
Po u lëshuam, po u dorëzuam, me të dalë ku të dalë, ne do bëhemi turpi më i madh i këtij vendi, dhe gazi i planetit”, shprehet ndër të tjera Rama./abcnews.al
Veronik Istrefaj21:37 | 28/03/2020
Taulant Xhaka mbush sot 29 vjeç. Mesfushori kuqezi ka bërë shumë ndeshje të mira për Shqipërinë gjatë karrierës së tij, por ajo sfidë nga Izraelit, ku shënoi dhe golin e vetëm të sfidës, do të mbetet gjatë në memorien e tij.
Ndoshta goli më i bukur në karrierën e Xhakës, me mesfushorin shqiptar që nuk njihet për golat e tij, por për luftën e ashpër sportive. Në këtë ditë të shënuar të mesfushorit kuqezi, faqja zyrtare e UEFA Euro 2020 e ka publikuar golin e Taulant Xhakës, ndoshta si “dhuratë” për ditëlindje. Një supergol!/abcnews.al
nev ila21:23 | 28/03/2020
Koordinatori i “Bindjes Demokratike” Astrit Patozi ka reaguar në lidhje me dërgimin e mjekëve shqiptarë në Itali të cilët do të jenë në vijën e parë në trajtimin e të sëmurëve nga koronavirusi.
Sipas Patozit ky është një gjest i bukur që vlen të përshëndetet pavarësisht e kujt është merita.
Patozi shkruan se duhet që qeveria të ndërpresë tenderat ndryshe i bie që kjo luftë nuk është njëlloj për të gjithë popullin.
Për Patozin ma e parë që duhet marrë nga qeveria është që “të ndërpritet çdo shpenzim i panevojshëm apo që mund të shtyhet në kohë, në mënyrë që Shqipëria të ketë, jo arnime që ndryshojnë përditë, por një buxhet të plotë lufte”.
Postimi i plotë:
“MOS E ZHVLERËSO SAKRIFICËN E HERONJVE TË LUFTËS!
Dërgimi i ekipit të mjekëve dhe infermierëve shqiptarë në Itali ishte një gjest i bukur, që ia vlen të përshëndetet dhe për këtë nuk ka nevojë të jesh patjetër shqiptar. Zihuni gjithë ditën me Tritanin, po të doni, se e kujt është merita, se nuk na prish shumë punë. Ti bërtit sa të mundesh që i dërgoi qeveria dhe i përcolle me dorën tënde 1 metër larg në Rinas, ndërsa ai të këmbëngulë gjithë ditën se ata i çoi atje vetëm ndërgjegja e tyre.
Por ndërpriti ato tenderat e turpshëm, se nuk mund të bëhet dashuri në kohën e kolerës. Ndryshe i bie që kjo luftë nuk qenka njësoj për të gjithë, por vetëm për një pjesë të popullit. Nuk ka asnjë kuptim që në këto ditë të adresohen fonde për rehabilitimin e qendrave të qyteteve, ndërkohë që, nëse armiku na vë përpara, nesër mund të mos na duhen më fare qytetet.
Në rast se shumica e popullit po sillet dhe po jeton realisht si në luftë, nuk mundet që një pjesë e vogël zyrtarësh apo shqiptarësh të zgjedhur të hanë e pinë njësoj si në kohë të Zogut. Masa e parë që ka vlerë në këtë rast është që të ndërpritet çdo shpenzim i panevojshëm apo që mund të shtyhet në kohë, në mënyrë që Shqipëria të ketë, jo arnime që ndryshojnë përditë, por një buxhet të plotë lufte.
Ndryshe, zhvlerësohet çdo sakrificë që po bën një popull i tërë në karantinë dhe hidhen në kosh edhe akte të tilla vetëmohimi dhe soledariteti si ai i ekipit sanitar, i cili mbërriti sot në Romë për t’ju gjendur në krah Italisë mike, që po e vuan më shumë se kushdo tjetër pandeminë botërore të COVID 19″./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
07:20 | 29/03/2020
07:16 | 29/03/2020
