Loading ...
Ukraina i ka dërguar Rusisë, përmes një vendi të tretë, një propozim për ndërprerjen e ndërsjellë të sulmeve ndaj objektivave civile në Detin e Zi, raportoi Reuters, duke cituar një burim të mirëinformuar.
Sipas burimit, Kievi ende nuk ka marrë një përgjigje nga Moska lidhur me propozimin.
Në javët e fundit, të dyja palët kanë paralajmëruar për pasojat e mundshme të sulmeve ndaj transportit të drithërave dhe infrastrukturës portuale në Detin e Zi.
Sulme të tilla mund të ndikojnë ndjeshëm në tregjet ndërkombëtare dhe në çmimet globale të ushqimeve gjatë këtij viti, veçanërisht për shkak të rëndësisë së rajonit për eksportet e drithërave.
