Loading ...
Autoritetet dyshojnë se autori i shpërthimit në marketin në Tiranë mund të jetë një banor i zonës. Burime pranë hetimeve bëjnë me dije se është zbardhur i gjithë itinerari që ai ka ndjekur, falë pamjeve të siguruara nga kamerat e sigurisë në zonë.
Ndërsa pronari i marketit, ku edhe ndodhi shpërthimi Lulzim Lika ka thënë se nuk ka konflikte me askënd.
Autoritetet po hetojnë për të zbardhur plotësisht shkaqet e ngjarjes.
Njoftimi i policisë;
Rreth orës 04:15, në rrugën “Ramazan Gaxheri”, në pjesën e jashtme të marketit në pronësi të shtetasit L. L., dyshohet se te motori i kondicionerit, ka shpërthyer një sasi lënde e dyshuar plasëse.
Nga shpërthimi janë shkaktuar vetëm dëme materiale.
Shërbimet e Policisë dhe grupi hetimor kanë shkuar menjëherë në vendngjarje dhe vijojnë punën për identifikimin dhe kapjen e autorit/ëve, si dhe për dokumentimin e plotë të rrethanave të rastit.
/abcnews.al/
