Nxënësit e shkollës “28 nëntori” në Shkodër kishin disa kërkesa për ministren e Arsimit dhe Sportit Ogerta Manastirliu.
Programi për pajisjen e shkollave me laboratorë sipas ministres është gati.
“Gjatë 2023-2024 duam që të shtrijmë SmartLab-et edhe në 216 shkolla të tjera, për të rritur aksesin në teknologji, dijet në programim dhe kodim e për t’iu dhënë mundësi nxënësve të përgatiten për të ardhmen dhe të shpalosin potencialin e tyre drejt inovacionit dhe zgjidhjeve inteligjente ” tha ministrja.
Ogerta Manastriliu ka nisur detyrën si ministre e Arsimit dhe Sportit me një tur dëgjesash me nxënës dhe mësues. Qëllimi sipas saj është marrja e sugjerimeve dhe ndarja e problematikave për të përmirësuar sistemin arsimor në vend.
