shkolla
nev ila19:40 | 28/03/2020
Digjet njëklasë në shkollën 9 vjeçare “Kostandin Peto” të Fermës së çlirimit në Fier.
Flakët, të cilat nuk dihet ende nga se janë shkaktuar kanë shkrrumbuar pothuajse të gjitha orenditë e klasës.
Menjëherë pranë shkollës kanë mbërritur forcat zjarrfikëse të Fierit, të cilët kanë bërë të mundur neutralizimin e flakëve, duke shmangur përhapjen e tyre edhe në mjediset e tjera të shkollës.
Këta të fundit mësohet se janë njoftuar nga banorë të zonës, të cilët kanë parë tymin të dalë nga mjediset e shkollës.
Një banor, ka treguar se ka mbërritur i pari dhe ka fikur zjarrin me kova, edhe pse ka thyer karantinën për të fikur zjarrin.
“Dola në oborr dhe më tha fqinja se po digjej shkolla. Erdha i pari me punonjësin e ujësjellësit. Prita sa erdhi pastruesja që hapi derën dhe u futa dhe u mundova të shuaja zjarrin me kova me ujë. Më pas erdhi zjarrfikësja dhe më ndihmuan edhe ata. Ka shumë dëme materiale klasa por edhe shkolla”.
Tashmë ka nisur puna për gjetjen e shkaqeve që kanë çuar në përhapjen e flakëve në mjediset e shkollës, në një kohë që kjo e fundit prej javësh nuk funksionon./abcnews.al
Sid Orela16:35 | 21/03/2020
Shkollat, kopshtet dhe çerdhet në vendin tonë do të jenë të mbyllura deri më tre prill për shkak të krizës së krijuar nga koronavirusi. Për këtë arsye nxënësit kanë filluar të bëjnë mësim nga shtëpia me anë të “klasave virtuale”.
Për këto të fundit, Ministrja e Arsimit Besa Shahini ka publikuar së fundmi udhëzuesin për realizimin e programit lëndor dhe vlerësimin e nxënësve gjatë mësimit në kushtet e shtëpisë.
Udhëzuesi ka për qëllim që të orientojë mësuesit në punën e tyre virtuale si dhe t’u krijojë një model për vlerësimin e pjesëmarrjes dhe përgatitjes së nxënësve.
Njoftimi:
Mësimi nga shtëpia, Shahini publikon udhëzuesin për realizimin e programit lëndor dhe vlerësimin e nxënësve
Ministrja e Arsimit, Sportit dhe Rinisë Besa Shahini ka publikuar së fundmi udhëzuesin për realizimin e programit lëndor dhe vlerësimin e nxënësve gjatë mësimit në kushtet e shtëpisë.
Në këtë udhëzues, i cili ka për qëllim të orientojë mësuesit në punën e tyre virtuale, gjenden udhëzime në lidhje me vijueshmërinë e mësimit në kushtet e shtëpisë, me realizimin e programit lëndor të klasës përkatëse, si dhe me procedurat e vlerësimit të nxënësve në funksion të përmbushjes së kërkesave të kurrikulës.
Nga fillimi i javës së tretë të mësimit në kushtet e shtëpisë, mësuesit duhet të vlerësojnë pjesëmarrjen dhe gatishmërinë e nxënësve për të përgatitur rregullisht detyrat e dhëna, si dhe arritjet e tyre në nxënien e njohurive të fituara.
ger ta10:27 | 20/03/2020
Pas vendimit që shkollat të qëndrojnë të mbullura deri në datën 3 prill, ministrja e Arsimit Besa Shahini ka bërë sot njoftime të rëndësishme.
“Njoftimi i parë ka të bëjë me transmetimin e leksioneve tek RTSH, te kanali Youtube i MASR, si dhe te platforma Akademi.al. Transmetimi do të vijojë njëlloj si këto 2 javët që lamë pas. Do të mbyllim dhe do të mbulojmë lëndët që kanë të bëjnë me shkencat, me matematikën dhe me gjuhë-letërsinë për klasat 1-12. Ky është fokusi edhe për javën e 3-të të punës nga shtëpia, ndërsa për javën e 4-rt po shohim mundësinë që të përfshimë leksione edhe nga gjuhët e huaja, historia dhe gjeografia. Por për këtë, ju njoftojmë në vijim”, shprehet Znj. Shahini ndërsa nënvizon se oraret e transmetimit në RTSH janë po njëlloj: 10:30 dhe ora 18:00, si dhe orari i transmetimit të leksioneve për maturantët në orën 13:30-14:30.
Njoftimi i dytë i Ministres Shahini lidhet me provimet kombëtare. “Shkollat janë të mbyllura, por ne mësimin po e vazhdojmë. Sot që flasim, kemi diku tek 90% të nxënësve që janë në komunikim direkt me mësuesit e tyre. Ndoshta jo komunikim ditor, por komunikim i rregullt që të marrin instruksionet që duhet t’i bëjnë në shtëpi, detyrat e shtëpisë që duhet t’i bëjnë. Ndaj, nuk ka ende arsye të mendojmë që provimet kombëtare nuk do të mbahen. Ju duhet të planifikoni që provimet kombëtare do të mbahen sipas planit që kemi bërë deri tani”, dhe thekson faktin se për t’u ardhur në ndihmë nxënësve, MASR ka nxjerrë dy udhëzues me modele pyetjesh, si për maturantët ashtu edhe për nxënësit e klasave të 9-ta, që të ushtrojnë sa më shumë që të jetë e mundur me llojet e pyetjeve që do t’i kenë nëpër provime dhe të thellojnë njohuritë e tyre për të gjitha lëndët që mund të jenë në provimet të cilat do t’i bëjnë në fund të vitit shkollor.
Institucionet arsimore do të qëndrojnë mbyllur edhe dy javë, deri më 3 prill. Por, mësimi vazhdon👇🏻
Gepostet von Besa Shahini am Donnerstag, 19. März 2020
Njoftimi i tretë i Ministres Shahini ka të bëjë me vlerësimin. “Edhe kjo është një pyetje që na ka ardhur si nga mësuesit ashtu edhe nga nxënësit. Pyesin se si do të vlerësohen ata në fund të periudhës së dytë, që është tani, periudhës së dytë të këtij semestri, si dhe si do të vlerësohet puna që po bëhet online nga shtëpia” – thotë ajo.
“Nesër apo pasnesër, ne do e mbyllim udhëzuesin për të gjithë mësuesit dhe mënyrën se si do të vlerësohet puna e nxënësve gjatë këtyre javëve që kanë punuar nga shtëpia. Vlerësimi do të ketë dy elemente. Është elementi i pjesëmarrjes, pra nxënësi do të vlerësohet me pjesëmarrjen e vet sipas parashikimeve të mësuesit dhe sipas kushteve që ka; dhe e dyta, nxënësi do të vlerësohet edhe me njohuritë që i ka fituar gjatë kësaj periudhe”.
Në fund të video-mesazhit të saj, Ministrja Besa Shahini e mbyll me një shënim pozitiv për të ardhmen: “Do të transmetojmë sa më shumë emisione edukative në RTSH; dhe e dyta do të digjitalizojmë punën tonë arsimore sa më shumë që është e mundur. Tashmë e bëmë! Ideja është që të vazhdojmë me sa më shumë cilësi edhe përtej kësaj kohe të jashtëzakonshme në të cilën po kalojmë. Kthim mbrapa nuk ka, vetëm duhet të shtyjmë përpara sa më shumë që është e mundur për të realizuar projekte të tilla që janë në dobi të përmirësimit të cilësisë së arsimit në Shqipëri”, tha ajo.
ger ta10:10 | 18/03/2020
Në një lidhje telefonike për Abc News, eksperti i arsimit, Ndriçim Mehneti akuzoi ministrinë e Arsimit, e cila ende nuk ka reaguar për situatën e shkollës private në Korçë, ku një mësues ka rezultuar me Covid-19.
Mehmeti thekson se shkolla ka vepruar drejt duke shpjeguar situatën dhe këshilloi karantinimin e stafit, nxënësve dhe prindërve, por ndërkohë sipas tij ende ministria nuk ka thënë asgjë.
“Unë para një jave kam qenë i ftuar në studion e kolegut tuaj Enkel Demit dhe kam ngritur shqetësimin që të bëhej një kontroll në lidhje me stafin mësimor. Ju e dini që ne kemi në kopshte dhe çerdhe edukatore që janë shumë afër me fëmijët.
Ministria e Arsimit nuk pati ansjë reagim në atë periudhë dhe nuk ka asnjë reagim edhe. Kjo është shumë e çuditshëm edhe gjëja e parë që duhej bërë, unë nuk jam specialist, por do thosha se duhe bërë jo vetëm për mjekët dhe mësueist të cilët kanë kontakte shumë të gjëra. Pra kemi mësues që japin mbi 500 fëmijëve dhe duhet të shikoheshin, ose duhej tu bëheshin edhe atyre analizat. Rasti i fundit na tregon duke qenë se mësuesi vjen nga jashtë, ky ishte një problem shumë i madh që duheshim përballur. Shkolla në gjykimin tim ka vepruar drejt duke deklaruar cili ishte mësuesi. Por Ministria duhet të na thotë dhe të na shpjegojë më tepër në lidhje me këtë çështje”, deklaroi eksperti.
Më tej Mehmeti shton se shkolla ashtu si universitetet janë mjedise të mëdha dhe masat duhet të ishin marrë më herët.
“Të paktën nga specialistët, deklarojnë se fëmijët janë mbartës më të shpejtë të kësaj sëmundje. Dhe ata mund ta çojnë në familjet e tyre në mjedise publike. Shkolla është një mjedis shumë i madh social, po ashtu edhe universitetet. Ne nuk dimë cilat janë lëvizjet që kanë bërë pedagodët . Jemi në kushtet që nuk dimë dhe duhet edhe një ndërgjegjësim jo vetëm për tu vetëdeklaruar pedagodët, mësuesit, edukatoret, por duhet pasur në konsideratë edhe një udhëzim nga ministria e Arsimit”, tha ai. /abcnews.al
eri Ida08:58 | 18/03/2020
Ministrja e Arsimit, Besa Shahini në javën e dytë të zhvillimit të mësimit nga shtëpia është shprehur se akoma nuk ka një vendim nëse do të kemi shtyrje tëdatës së nisjes së shkollës pas datës 23 mars.
Shahini përmes një videomesazhi në Facebook është shprehur se tashmë është arritur që rreth 80% e nxënësve janë në kontakt direkt me mësuesit e tyre. Ndër të tjera ministrja në mesazhin e saj apelon për mësuesit që nuk kanë rënë ende në komunikim direkt me nxënësit e tyre, që ta bëjnë sa më parë, në mënyrë që edhe ky grup i vogël nxënësish të mos mbetet mbrapa me mësime.
Përgjigjet për pyetjet tuaja dhe një porosi e imja për mësuesit dhe prindërit 👇🏼#mësojmëngashtëpia🏡
Gepostet von Besa Shahini am Dienstag, 17. März 2020
“Një vendim që nuk është marrë ende, por nëse merret, ne do të jemi të gatshëm që mësuesit t’i orientojmë drejt një vlerësimi që mund të bëhet përmes rrjeteve sociale, i cili do t’i mundësojë mësuesve të vlerësojnë nxënësit e njohuritë e tyre që kanë arritur deri në këtë pikë dhe të mund të vijojnë pastaj mësimin e zakonshëm pas kthimit në shkollë. Por, kjo është diçka që do t’ju informojmë më shumë ditët në vijim kur të marrim vesh nëse do ta kemi të nevojshme ta shtyjmë procesin e mësimit nga shtëpia përtej datës 23 mars”, tha ajo.
Në fund të video-mesazhit, Ministrja Shahini përcjell edhe një kërkesë për të gjithë mësuesit dhe prindërit që po punojnë tashmë përmes rrjeteve sociale.
“Duam që të na sillni modelet e punës suaj në mënyrë që të krijojmë një udhëzues për të gjithë mësuesit me format më të mira dhe më praktike të punës mes mësuesve dhe nxënësve”, shprehet ajo./abcnews.al
eri Ida08:46 | 18/03/2020
Analisti Bedri Islami nga Gjermania është shprehur kundër menaxhimit të kryeministrit Edi Rama ndaj situatës së krijuar në vendin tonë për shkak të koronavirusit. Islami në një lidhje direkte për ABC e Mëngjesit është shprehur se në një gjendje emergjence kombëtare kryeministri nuk mund ta bëjë duke u izoluar në shtëpi, por duhet të prijë shqiptarët dhe të jetë në krye të detyrës.
Ndër të tjera ai ka theksuar faktin se në Shqipëri është hapur më shumë seç duhet panik për shpërthimin e pandemisë ku sipas tij vjen për faktin se qytetarët kanë humbur besimin tek shteti.
“Nëqoftë se është luftë atëherë kësaj duhet ti prijë dikush dhe ky është kryeministri i shqipërisë. Nuk duhet të mbyllet në një vilë por duhet të jetë atje ku duhet të jetë i nevojshëm. Ndërkohë tashmë vetëm ministrja Manastirliu që është në krye të instuitucioneve ministrat e tjerë kanë heshtur. Është momenti që të zbresë nga shtëpia e tij dhe të shkojë te njerëzit,” tha analisti.
Ndër të tjera Islami ka deklaruar se vetëm nëShqipëri ndodh që kryeministri dhe opozita të jenë pa pushim në ekranet mediatike pasi në vendet e tjera të gjithë liderit politikë ja kanë lënë vendin specialistëve.
“Unë në javët e fundit më ka rastisur që të jemë në shumë vende në Ballkan, Bruksel, Holandë etj dhe në asnjë vend të botës jo vetëm zonja Merkel por asnjë lidër nuk janë aq të pranishëm në media pasi vendin e tyre e kanë zënë specialistët. Ndërsa në shqipëri dalja e kryeministrit dhe lufta e opozitës ka rritur dhe panikun më të madh të qytetarëve, Prania e kryeministrit dhe opozitës në media nuk është në asnjë vend të botës”, është shprehur ai.
Pjesë nga biseda:
Vetë kryeministri ynë e ka përmendur shumë fjalën luftë. Në një luftë komandanti është në fvijë të ;parë të frontit apo qëndron ë i tërhequr si janë rregulluat e luftës?
Kjo është një çështje tjetër por kjo është një gjendje që lidhet dhe me këtë, ka momentet e saj, faza e parë është do të fitojmë ose jo. Në Kosovë nuk do të fitohej lufta nëse drejtuesit kryesorë nuk do të ishin në frontin e luftës nuk fitohet me deklarata politike. Ky është një moment deçiziv në Shqipëri nëse pandemia do të marrë përmasa të frikshme ose do të minimizohet, unë jam ndakord me masat e marra por kryeministri nuk mund të mbyllet në llogore.
Në Gjermani jeni në karantinë?
Jo në Gjermani jeta thuajse vijon normalisht, dje dhe sot do të bëhet mbyllje e disa dyqaneve dhe shkollave dhe një pjesë që kanë mundësi që të punojnë në shtëpi. Është një situatë më e qetë pasi njerëzit e dinë pasi shteti është në krahë të tyre jo si në Shqipëri që nuk e dinë se si do të mbijetojnë. /abcnews.al
eri Ida08:39 | 16/03/2020
Në kuadër të masave të shtuara mbrojtëse për përhapjen e koronavirusit në New York City janë mbyllë aktivitetet arsimore dhe sociale.
Mediat vendase bëjnë me dije se janë mbyllur shkollat, restorante, bare dhe vende të tjera publike, në përpjekje për të ndaluar përhapjen e koronavirusit vdekjeprurës.
Kryetari i bashkisë Bill de Blasio tha se ai vendosi të veprojë sepse qyteti po përballet me një kërcënim të paparë.
“Ne duhet t’i përgjigjemi me një mentalitet të kohës së luftës”, tha kryebashkiaku. Neë York City, popullsia e të cilit është më shumë se tetë milionë banorë, ka regjistruar pesë vdekje. Secila prej viktimave – nga 53 deri në 82 vjeç.
ShBA është duke zgjeruar ndalimin e udhëtimit me Evropnë, përfshirë edhe Mbretërinë e Bashkuar dhe Irlandën.
eri Ida20:38 | 11/03/2020
Qeveria e Kosovës në mblehdjen e kësaj të mërkure ka vendosur mbylljen e istitucineve arsimore deri më 27 mars. Në kuadër të msasave për të luftuar koronavirusin qeveria ka vendosur pezullimin e përkohshëm i linjave ajrore dhe tokësore, të gjithë udhëtarët që do të kontrollohen në hyrje-daljet e Kosovës, dhe të gjitha aktivitetet publike do të mbyllen përkohësisht.
Kryeministri i Kosovës, Albin Kurti i ftojë anëtarët e qeverisë që t’i miratojnë propozimet për masat kundër koronavirusit, dhe qeveria e miratoi propozimin e kryeministrit me të gjitha votat pro, asnjë kundër dhe asnjë abstenim.
Sëmundja vdekjeprurëse, që ka marrë mijëra jetë në shumë vende të botës, ndërkohë në Korovë deri më tani nuk ka asnjë rast të konfirmuar. /abcnews.al
eri Ida19:36 | 10/03/2020
Ministrja e Arsimit, Besa Shahini në kuadër të mbylljes së shkollave si një masë e shtuar për parandalimin e përhapjes së koronavirusit, këtë të martë ka prezantuar platformën mësimore online.
Shahini përmes një postimi në rrjetin social Facebook shkruan se 900 leksione në matematikë dhe shkenca, për klasat 6-12 gjenden në platformën mësimore Akademi.al.
Ndër të tjera ministrja ka theksuar se në ditët në vijim platforma d të pasurohet edhe me leksione nga lëndë t e tjera.
900 leksione në matematikë dhe shkenca, për klasat 6-12 i gjeni në platformën mësimore Akademi.al.Regjistrohuni sa më…
Gepostet von Besa Shahini am Dienstag, 10. März 2020
“Regjistrohuni sa më parë dhe aksesojini ata. Nëse keni pyetje, na shkruani këtu. Paralelisht, pyetjet më të shpeshta që nxënësit kanë për leksione të caktuara, do t’i adresojmë me video të reja nga mësuesit dhe do të publikohen këtu. Jam e lumtur të prezantoj Dean Çelaj, i cili e vuri platformën në dispozicion të të gjithë nxënësve pa pagesë. Tani, në bashkëpunim me MASR, Akademi.al do të pasurohet me video-leksione të tjera për lëndët dhe klasat që mungojnë”, shkruan Shahini./abcnews.al
eri Ida15:27 | 10/03/2020
Qeveria e Maqedonisë së Veriut ka vendosur që të mbyllë të gjitha çerdhet, shkollat dhe institucionet tjera arsimore. Ministri i shëndetësisë, Venko Filipçe në një konferencë për mediat është shprehur se ky është një vendim që është marrë në kuadër të masave të shtuara për parandalimin e koronavirusit,
“Të ndërpritet mësimi në të gjitha shkollat fillore dhe të mesme në të gjithë territorin e Republikës së Maqedonisë së Veriut përfshi edhe çerdhet, në 14 ditët e ardhshme, të lirohen punëtorët nga obligimet në këto institucione. Një prind për fëmijë deri në moshën 10 vjeçare, lirohet nga puna në 14 ditët e ardhshme. Ndërpritet mësimi në arsimin e lartë. Ndërpriten tubimet publike me mbi 1000 pjesëmarrës në 14 ditët e ardhshëm”, ka thënë ministri Filipçe.
Gjithashtu ai ka theksuar se do të ndalohet zhvillimi i ndeshjeve sportive me publikë në 30 ditët e ardhshme, në territorin e gjithë shtetit./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
10:19 | 29/03/2020
