Shkodër
nev ila23:30 | 02/04/2020
Konfirmohen edhe 12 raste të reja me koronavirus në Shkodër.
Burime për ABC News bëjnë me dije se pjesa më e madhe e tyre janë familjarë të dy rasteve pozitive që u konfirmuan paraditen e sotme në qytetin e Shkodrës.
Ndërkohë Ministria e Shëndetësisë raportoi për 14 raste me Covid-19 në këtë qark.
Siç raporton gazetari i ABC News Simon Shkreli, rezulton se dy rastet e reja paraditen e sotme, ishin një grua në lagjen Kiras, dhe një burrë në Dobraç të Shkodrës.
🔴 E FUNDIT | Konfirmohen 12 raste të tjera me koronavirus në Shkodër
🔴 E FUNDIT | Konfirmohen 12 raste të tjera me koronavirus në ShkodërPer informacionet me te fundit klikoni: Web: http://abcnews.al/Facebook: https://www.facebook.com/abcnews.al/Instagram: https://instagram.com/abcnewsalSubscribe kanalin tone ne Youtube: https://www.youtube.com/user/abcalbanian
Gepostet von Abc News Albania am Donnerstag, 2. April 2020
Po ashtu mësohet se 6 persona nga 12 rastet e konfirmuara së fundmi, janë anëtarë të një familje, të cilët banojnë në lagjen Dobrac, dhe një pjesë tjetër e të infektuarve banon në lagjen Kiras të Shkodrës.
Gazetari Simon Shkreli raportoi për abcnews.al se personi i infektuar nga Doraçi ka dyqan në Shkodër, ku tregton materiale elektrike dhe ndërtimore, dhe dyshohet se ka patur kontakte me shumë persona.
Situata me gjendjen shëndetësore të 12 personave të rinj me koronavirus në këtë qark paraqitet e qëndrueshme.
Në total numri i të infektuarve në këtë qark shkon në 26 raste./abcnews.al
in a16:37 | 02/04/2020
Prej më shumë se tre javësh në qendrën e zhvillimit në Shkodër janë izoluar persona me aftësi ndryshe dhe personeli i saj.
Genti është mërzitur dhe shpreson që izolimi të përfundojë sa më parë, por sakrificën e punonjësve e bekon.
“Edhe unë, asnjëherë nuk ka pasur si kjo situatë. Shresoj që kjo situatë të largohet sa më shpejt. Punonjëset me thënë të drejtën kanë një punë të lodhshsme. Të gjithë punojnë me ne, na shërbejnë dhe shpresoj të shpërblehen sa më shpejt”, u shpreh ai.
Një tjetër adoleshent që ka një vit që është strehuar në këtë qendër dhe merr shërbime tregon se si e kalojnë ditën.
“Është pak e mërzitshme pasi nuk kalohet e gjithë dita brenda. Ne mundohemi ti shërbejmë, gjatë paraditës krijojmë aktivitete duke luajtur me top, gjithashtu krijojmë aktivitete me kërcim”, u shpreh ai.
Është e trishtë që këta punonjës që mund ti konsiderojmë misionarë për javë të tëra nuk ju shërbejnë familjeve të tyre po janë 24 orë në 24 personave me aftësi të kufizuara. E pranojnë se kanë mall për fëmijët e tyre.
“Me thënë të drejtën nuk mund të them që nuk është e vështirë. Të qëndrosh tre javë këtu dhe në këtë situatë, jemi të lodhur psikologjikisht. Jashtë kemi motra, fëmijë, prindër. Të qëndrosh 24 orë me të njëjtin personel ka edhe anë pozitive edhe anë negative”, shprehet ajo.
Ndërsa drejtuesi i këtij institucioni sqaron se për të përballuar situatën kanë marrë dhe personel shtesë.
“Jemi 9 vetë, kemi shtuar edhe një infermiere. Ka persona me probleme të ndryshme shëndetësore. Në karantinë kemi shtuar një infermier dhe një punonjëse lavanderie për të na ndihmuar në përballimin e kësaj situate”, tha më tej drejtuesi i këtij institucioni./abcnews.al
eri Ida10:02 | 02/04/2020
Deri më tani në Shkodër numri i personave të prekur me COVID 19 në Shkodër ka shkuar në 10.
Gazetari Simon Shkreli bën me dije për Abc News se dy raste të reja me Covid-19 duke cuar në 10 raste nr e te prekurve.
Gazetari i abcnews.al raporton se sipas burimeve rezulton se dy rastet e reja janë një grua në lagjen Kiras dhe një burrë në Dobraç të Shkodrës, të cilëve ju është marrë tamponi të mërkurën dhe në orët e mbrëmjes është dhënë dhe përgjigja.
Ndërkohë që në Vaun e Dejës ku kishte më shumë raste orët e fundit nuk kemi asnjë informacion për shtim të raste të tjera.
Gjithashtu këtë të enjte gazetari i Abc Neës, ka qenë në një qendrër të zhvillimit, ku jetojnë dhjetra persona me aftësi të kufizuara si po e përjetojnë izolimin, ku ka theksuar se fatmirësisht deri më tani në këto qendra gjëndja është e qetë. /abcnews.al
in a18:05 | 01/04/2020
Edhe pse në disa qytete pranvera i ka dhënë shenjat e para, në veri dhe juglindje dëbora është prezente.
Bora ka mbuluar disa nga zonat më të thella në qarkun e Dibrës. Trashësia e borës arrin në 25 cm.
Dibranët që jetojnë në zona të thella në këto ditë që duhet të dalin në orare të kufizuara po përballen edhe me një problematikë tjetër. Dëbora e rënë përgjatë gjithë natës i ka izoluar.
Ulja e menjëhershme e temperaturave në pranverë kanë risjellë dimrin në Kukës duke bërë që vendi të zbardhet nga bora. Më problematike situata është në zonat malore. Në disa njësi adminstative, banorët përveç izolimit vuajnë edhe mungesën e energjisë elektrike.
Për Shkodanët dhe qytetarët e Lezhës është e pazakontë të shihnin qytetin e tyre të zbardhur nga bora. Kjo ka penguar disi edhe daljet e qytetarëve.
Edhe Korça është mbuluar nga dëbora. Në akset kryesore lëvizja bëhet pa probleme, edhe lëvizjet janë të pakta./abcnews.al
ger ta09:51 | 01/04/2020
Shkodranët nuk janë izoluar sot vetëm nga kornavirusi, por edhe nga reshjet e borës. Që prej mbrëmjes në Shkodër kanë filluar reshjet e borës, ndërsa qyteti mbiztërohet nga temperatura të ulëta.
Gazetari Simon Shkreli raporton për Abc News se ky mot i pazakontë ka bërë që të ketë edhe një ulje të ndjeshme të qytetarëve që kanë dalë nga shtëpitë.
Ndërkaq, rrugët nacionale janë të gjitha të hapura dhe probleme ka vetëm në zonat rurale.
Sa i përket rasteve me koronavirus, gazetari thekson se janë 6 të dyshuar të cilëve u është bërë së fundmi testi dhe pritet dalja e përgjigjeve. /abcnews.al
nev ila22:05 | 30/03/2020
Hallin më të madh e kaluan. Mundën të hynë në tokën shqiptare. Jetojnë në qytete të ndryshme të vendit dhe nuk e dinë si do të shkojnë në banesat e tyre. Situata e krijuar nga covid-19 i detyroi të lënë punën në Ulqin.
Të lodhur nga pritja e gjatë shumë tyre nuk e fshehin zemërimin me shtetin.
“Kemi punuar. Ka pas punë. Në Shqipëri po na ven këmbët, kryeministri po luan champion league me ne. Po na mbyll në kafaz. S’po na le me dal, s’po hap vende pune”.
Pyetje: Çfarë punë keni bërë në Ulqin?
“Në ndërtim. Si ka ndaluar. Shteti po tallet me ne. Të bëjë testet, por jo të fusi ushtrinë”.
Të mbetur në mes të rrugës, shumë prej tyre nuk e dinë çfarë do të bëhet me ta.
“Që me datën 10, unë ka një javë që kontaktoj me ambasadën në Podgoricë. Ranë në kontakt me një shoqatë e na sollën”.
“Unë kam punuar dy tri javë. Një javë s’na lanë me punu. Na e kanë ndalu na thanë. U desh me ik”.
“Jetoj në Kamzë”.
Pyetje: Si do ikni deri atje?
“Se di të shof”.
Pyetje: Sa ditë keni?
“Në Ulqin kemi 20 ditë që rrimë kot. S’na leverdis me qëndru. Tani të shofim. Sonte si do ia bësh? Se di të shofim”.
“Kishim makinën tonë, na e mbajtën në Ulqin. Katër veta nga Vlora jemi”.
Vetëm një prej tyre e ka gjetur zgjidhjen.
“Kanë nxjerrë një leje ata të shtëpisë e po vijnë të më marrin. Nuk kisha zgjidhje tjetër. Edhe nga Ulqini u nisëm vonë. U detyruam të nxjerrim leje”.
Ata i bëjnë apel shtetit që ti gjejnë një zgjidhje dhe tu sigurojë transport që të bashkohen me familjarëve të tyre.
Burime nga Policia e Shkodrës bënë me dije se pas ndërhjyjes së autoriteteve, të gjithë punonjësit janë u nisën për në banesat e tyre.
/abcnews.al
eri Ida10:26 | 30/03/2020
Qarku i Shkodrës deri më tani ka shënuar 8 të prekur nga koronavirusi. Po kjo nuk i pengon qytetarët që të nisin ditën duke bërë pazar pas mbi 24 orësh izolim.
Gazetari Simon Shkreli raporton për ABC News se lëvizja e qytetarëve është e ulët dhe të paktën ato që kanë dalë në rrugë nuk kanë marrë ndonjë konfirmim në lidhje me oraret e përcaktuara.
Ndër të tjera ai thekson se ka dhe pensionistë që dalin në rrugë me justifikimin se s’kanë asnjë që ta nxjerrin për të blerë gjërat e tyre të nevojshme.
Gjithashtu gazetari i Abc News ka marrë iniciativën për të ardhë në ndihmë të moshuarve që ndodhen në pallatin e tij për tu blerë gjërat e nevojshme me qëllim që ato të mos dalin jashtë./abcnews.al
nev ila18:47 | 28/03/2020
Nëna e të prekurit të parë me koronavirus në Vaun e Dejës konfirmohet pozitive. Duke e çuar në 3 numrin e të infektuarve të së njëjtës familje. Një ditë më parë ka rezultuar me koronavirus dhe kunata e 35 vjeçarit. Kjo është një famije e madhe me 5 djem.
Tre prej tyre përfshi dhe 35 vjeçarin jetojnë me familjet e tyre në një shtëpi private me kate të ndara.
I infektuari i parë jeton me nënën që sot u konfirmua si pozitive, me bashkëshorten që një ditë më parë rezultoi negative dhe me fëmijët e tyre.
Po anëtarëve të tjerë të familjes nuk ju është marrë analiza dhe për pasojë ata kanë denoncuar në ABC News dhe kanë rrëfyer se as fëmijëve të të prekurit nuk i është marrë tamponi.
Ndërsa theksojnë se nuk i është marrë analiza as nipit tw tij që i ka bërë frymëmarrje artificiale kur ende nuk ishte i konfirmuar me koronavirus.
I rëndë është dhe fakti që 35 vjeçari rreth 8 ditë më parë, është vizituar në spitalin e Shkodrës dhe ka pasur kontakt me personelin shëndetësor.
As këtyre të fundit nuk ju është bërë analiza. Ndaj familjarët kërkojnë më shumë përgjegjshmëri nga strukturat e larta shëndetësore dhe sa më shpejt t’ju merret tamponi familjarëve të 35-vjeçarit./abcnews.al
nev ila17:21 | 28/03/2020
Shtohet numri i të prekurve me Covid-19 në Qarkun Shkodër.
Siç raporton gazetari Simon Shkreli për ABC News rezultojnë pozitiv edhe dy persona të tjerë në Vau Dejës.
Të prekurit janë familjarë të 35-vjeçarit i cili iu shtua dje listës së të prekurve në Qarkun Shkodër.
Nëna dhe kunata e 35-vjeçarit kanë rezultuar pozitiv duke bërë që numri i të prekurve në këtë qark të shkojë në 8 raste.
Gjatë 24 orëvë të fundit janë konstatuar 11 raste të reja duke e çuar numrin total të të prekurve në 197, ndërsa deri më tani kanë ndërruar jetë 10 persona.
Tirana mbetet rrethi më i prekur nga koronavirusi me 113 të prekur, i ndjekur nga Fieri me 21 raste si edhe Korça me 12 raste./abcnews.al
in a10:02 | 28/03/2020
Duket se qytetarët në Tiranë po tregohen të shkujdesur edhe pse një pjesë e tyre kanë marrë masa për të ndihmuar në parandalimin e përhapjes së koronavirusit.
Gazetari Maksi Rama tha për abcnews.al se situata paraqitet si një ditë e zakonshme. Në tregun e Kombinatit duket si një ditë e zakonshme, pasi qytetarët shihen se janë grubulluar në tregje për të bërë blerjet një ditë para zbatimi të urdhrit të qeverisë.
Ndërkohë gazetari Simon Shkreli raporton situatën në Shkodër. Ai theksoi se situata duket shqetësuese pasi qytetarët shihen se nuk kanë respektuar rregullat dhe masat e vendosura nga autoritet dhe specialistët. “Ajo që vihet më shumë re në tregjet në Shkodër është se të moshuarit nuk e kanë marrë seriozisht situatën. Qytetarët shihen të grumbulluar në pikat e tregjeve duke mos respektuar distancën”, raporton gazetari.
Në Sarandë supermarketet ditën e sotme shihen më shumë të boshatisura dhe situata paraqitet e qetë. Gazetarja Silvja Sulaj tha për abcnews.al se qytetarët kanë respektuar masat për parandalimin e përhapjes së koronavirusit.
abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
23:48 | 02/04/2020
23:30 | 02/04/2020
