LIVE/ Numërohen 1.4 milion fletë votimi, sa vota morën PS, PD, LSI dhe PSD?

schedule12:01 - 27 Prill, 2021

schedule 12:01 - 27 Prill, 2021

Prej mbrëmjes së djeshme vijon procesi i numërimit në të gjithë vendin. Tashmë në pothuajse të gjithë vendin ka përfunduar numërimi, ndërsa pritet të numërohen edhe votat e fundit në qarkun e Tiranës e të Durrësit. Të dhënat azhornohen në cdo moment, por nga projeksionet vihet re një kryesim i PD-së në veri dhe PS-së në jug sipas bastioneve.
Abcnews.al ju sjell të dhënat e fundit nga cdo skaj i Shqipërisë, qëndroni me ne.
***
16:40– Vijon numërimi, kush është kandidati më i votuar i PS në Berat
Partia Socialiste ka siguruar 5 mandate në Qarkun e Beratit në krahasim me demokratët që kanë marrë vetëm 2 mandate. Pas përfundimit të kutive të votimit në 277 qendra votimi, ka nisur tashmë dhe numërimi i votave të kandidatëve të secilës parti. Nga të dhënat e KQZ-së, deri më tani në radhët e PS-së më i votuari rezulton Blendi Klosi, me 3 768 vota, ndjekur më pas nga Nasip Naço me 1 445 vota. Fadil Nasufi ka marrë deri më tani 468 vota ndërsa pas tij për numër votash vjen Hatixhe Konomi. Deri më tani janë numëruar kutitë nga 58 qendra votimi.
16-39– E para në qarkun e Fierit, kush është socialistja me më shumë vota që lë pas Erion Braçen
Teksa procesi i numërimit të kutive në qarkun e Fierit është në vazhdimësi, vihet re që Partia Socialiste kryeson me 91572 vota, që deri tani konvertohet në 9 mandate. Mirëpo, ajo çfarë tërheq më shumë vëmendjen është se kandidati që ka marrë më shumë vota është femër dhe bëhet fjalë për Lindita Buxhelin. Ajo ka siguruar 787 vota duke lënë pas zëvendës kryeministrin Erion Braçe me 457 vota. Ndërsa Partia Demokratike në qarkun e Fierit ka marrë 64680 vota dhe ndiqet nga LSI me 64680 vota.
16:38– Surprizë në listën e demokratëve të Fierit, Luan Baçi pakicë votash, e lë pas Kapllanaj
Demokratët e qarkut të Fierit kanë pasur surpriza sa i përket numrit të votave për kandidatë. Shumicë votash deri tani në këtë qark ka Agron Kapllanaj i cili më herët ka mbajtur postin e kryetarit të bashkisë së Mallakastrës. Deri më tani ai ka arritur të sigurojë 812 vota dhe ndiqet nga Saimir Korreshi me 749 vota dhe Edmond Çepele me 499 vota. Ajo që bie në sy në listat e demokratëve të Fierit, është renditja e deritanishme e listës së demokratëve të Fierit, është kryetari i PD në Fier Luan Baçi i cili numëron vetëm 73 vota
16:35-– Nuk morën asnjë mandat, kush janë kandidatët më të votuar të LSI në Elbasan
Lëvizja Socialiste për Integrim nuk arriti të sigurojë asnjë mandat në qarkun e Elbasanit në zgjedhjet e 25 prillit. Mandatet e Elbasanit u ndanë mes socialistëve dhe demokratëve, duke marrë 8 PS dhe 6 PD. Ndërkohë pas numërimit të 511 qendrave të votimit ka nisur gjithashtu edhe numërimi i votave të kandidatëve për subjekte zgjedhore.
16:35– “Zgjedhjet”, Celibashi: Nesër do të nisë numërimi për kandidatët
Kreu i Komisionit Shtetëror të Zgjedhjeve, Ilirjan Celibashi, i bën thirrje të gjitha KZAZ-ve në mbarë vendin, që të fillojnë nesër në orën 09:00 procesin e numërimit për kandidatët për deputetë. Gjithashtu Celibashi thekson se në KZAZ-të, që ka filluar tashmë numërimi për kandidatët, do të vijojë sot deri në orën 24:00.
16:33– Kush është socialistja që ka marrë rekord votash në Dibër
Pas numërimit të votave për partitë, tashmë ka nisur numërimi i votave për secilin kandidat sipas qarqeve. Ajo që vihet re në qarkun e Dibrës është se deri më tani kandidatja e Partisë Socialiste Aurora Mara ka marrë rekord votash. Konkretisht nga 34 kuti të numëruara, deri më tani Aurora Mara ka marrë 4 226 vota. Kujtojmë se Mara më parë ishte pjesë e LSI por në këto zgjedhje iu bashkua forcës së socialistëve. Ndërkohë në Dibër deri më tani vendin e dytë e mbar Lavdrim Krrashi me 191 vota.
16:26– Surpriza me kandidatët e PD në Elbasan, kush janë më të votuarit
Partia Demokratike ka marrë 6 mandate në Elbasan, duke u mundur nga socialistët të cilët siguruan gjashtë të tillë. Pas numërimit të kutive të votimit për partitë në 511 qendra votimi në total, ka nisur gjithashtu edhe numërimi i votave të kandidatëve për secilën parti. Sipas të dhënave të publikuara nga KQZ, në Partinë Demokratike kryeson, Fadil Merzheku, i cili ka siguruar 2690 vota deri tani, ndërkohë që është i 11 në listë. Pas tij renditet Dashnor Sula me 2542 vota, ndjekur nga Luçiano Boçi me 1222.
16:25– U martua të dielën, ish-gazetari që kandidon për deputet në Elbasan me shumicë votash, lë pas edhe Ballën
Besion Ajazi është kandidati surprizë në listat e socialistëve në Elbasan. Nga procesi i deritanishëm i numërimit të votave për kandidatë, Ajazi kryeson me një shumicë dërrmuese votash duke lënë pas edhe kreun e grupit parlamentar të PS Taulant Balla dhe figura të tjera të socialistëve. Konkretisht Ajazi deri tani ka marrë 4836 vota, ndërsa Balla numëron 2838 vota.
16:19– Morën 8 mandate, kush janë kandidatët e PS më të votuar në Elbasan
Partia Socialiste ka dalë fitues në qarkun e Elbasanit. Socialistët prijnë me 8 mandate, ndërsa Partia Demokratike ka arritur të sigurojë 6 mandate. Lëvizja Socialiste për Integrim nuk ka siguruar asnjë mandat në këto zgjedhje. Pas numërimit të kutive të votimit për partitë në 511 qendra votimi në total, ka nisur gjithashtu edhe numërimi i votave të kandidatëve për secilën parti.
15:56– Rama merr urimet e para për fitoren, Erdogan dhe Mitsotakis telefonojnë liderin e PS
Ndërsa procesi i numërimit të votave po shkon drejt fundit, dhe Partia Socialiste ka siguruar 74 mandate, kanë ardhur dhe reagimet e para nga ndërkombëtarët. Kryeministri Rama ka marrë urimet e para nga homologu grek, Kyriakos Mitsotakis dhe Presidenti turk, Rexhep Taip Erdogan. Burime nga kryeministria kanë konfirmuar telefonatën e kreut të qeverisë të zhvilluar me presidentin turk dhe homologun grek pak minuta më parë. Sakaq, një urim për fitoren ka ardhur edhe nga Ministri i Jashtëm i Italisë Di Maio dhe lideri i opozitës Matteo Salvini.
15:55– “T’i gëzoni zgjedhjet e mos u qani më”, vajza e Koço Kokëdhimës bën urimin ironik
Këngëtarja Besa Kokëdhima, e njohur edhe si vajza e politikanit Koço Kokëdhima është shumë aktive në rrjetet sociale. Ajo reagon gjithmonë për çështje të aktualitetit, edhe nuk kishte se si të mos fliste për zgjedhjet e 25 prillit. Përmes një statusi në “Facebook”, Besa ka uruar shqiptarët me plot ironi. Madje e ka shoqëruar edhe me dy “emoi”.
15:52– Etilda Gjonaj: Fitore spektakolare e Partisë Socialiste në njësinë 7 në Tiranë
Kandidatja dhe Ministrja e Drejtësisë, Etilda Gjonaj deklaroi se PS ka arritur një fitore historike në njësinë 7. Ministrja e Drejtësisë u shpreh se: “Sapo u numërua vota e fundit për numrin 12 në zonën zgjedhore 37 dhe kemi regjistruar rezultatin më të lartë historik për Partinë Socialiste në këtë zonë”.
15:52– Veliaj: Kush patronazhon njerëzit merr mbështetje, “Rama ik” nuk ishte alternativë
Në komunikimin e tij të radhës për mediat, drejtuesi politik i PS në Tiranë, Erion Veliaj ka falënderuar banorët e Zall Herrit dhe Zall Bastarit për besimin që ju kanë dhënë. Veliaj tha se sot do të shpallin fitoren absolute, ndërsa theksoi se kush shërben dhe patronazhon njerëzit merr mbështetjen e tyre.
15:50– SPAK publikon shifrat, 33 procedime penale për zgjedhjet, 27 prej tyre për korrupsion
SPAK ka publikuar të dhënat në lidhje me denoncimet e bëra nga subjektet politike për parregullsi gjatë procesit zgjedhor. Janë 33 procedime në lidhje me parregullsitë në zgjedhje, 29 prej të cilëve për korrupsion në zgjedhje dhe 2 procedime për përdorim të funksioneve publike për veprimtari politike apo zgjedhore.
15:31– Vijon ende numërimi i votave në Durrës, kush kryeson mes PS dhe PD
Vijon numërimi i kutive në qarkun e Durrësit. Mësohet se nga 481 kuti deri më tani janë numëruar 437. Ndërsa vihet re që kryeson Partia Socialiste me një diferencë rreth 20 mijë vota përpara Partisë Demokratike. Në vendin e tretë është LSI me 8624 vota ose 6.23%.
15:23– Humbja e zgjedhjeve, Fatbardh Kadilli kërkon dorëheqjen e Lulzim Bashës dhe shpall kandidaturën për kryetar
Anëtari i Kryesisë së Partisë Demokratike, Fatbardh Kadilli kërkon dorëheqjen e Lulzim Bashes pas humbjes së zgjedhjeve të 25 prillit. Kadilli, gjithashtu ka shpallur sot kandidimin për detyrën e Kryetarit të Partisë Demokratike.“I bëj thirrje Kryesisë të mblidhet sa më shpejt dhe të përcaktojë modalitetet e garës për lidershipin e ri. Nuk kemi kohë për të humbur. Përpara shqiptarëve kemi misionin për një opozitë të re!” shprehet ndër të tjera ai.
15:22– A do të hapen kutitë e votimit nëse ka pretendime nga partitë? Përgjigjet Ilirjan Celibashi
Në përgjigje të pyetjes së gazetares së ABC Esiona Konomi, kreu i KQZ Ilirjan Celibashi deklaroi se në rast se do të ketë pretendime nga ana e kandidatëve apo subjekteve politike për hapjen e kutive, kjo do të jetë e mundur. Ai shpjegoi se mund të merret vendimi për hapjen e kutive në 10% të qendrave të votimit, dhe në rast se partitë do të ketë pretendime të tjera, ankimimi mund të bëhet në rrugë administrative.
15:08– “Përqafimi i fitores”, nisin përgatitjet për takimin e Ramës në sheshin “Skënderbej”
Kryeministri, Edi Rama njoftoi se ditën e sotme rreth orës 18:00 në sheshin “Skënderbej” do të zhvillojë një organizim pas rezultateve të numërimit të votave, që e nxjerrin PS fituese në zgjedhjet e 25 prillit. Përmes një postimi të shkurtër në rrjetet sociale, Rama ftoi patronazhistët, koordinatorët, drejtues e anëtarë të partisë të bashkohen.
15:06– Përfundon numërimi i votave në Tropojë dhe Has, kandidatët që kryesojnë
Ka përfunduar edhe në Tropojë numërimi i votave për kandidatët. Rezulton se listën Partisë Demokratike e kryeson Isuf Çelaj me 4770, Flamur Hoxha me 234 vota, ndjekur nga Shyrete Koka me 59 vota. Ndërsa listën e Partisë Socialiste në Tropojë e kryeson Petrit Malaj me 2577 vota, ndjekur nga Gerta Duraku me 75 vota dhe Halim Dauti me 43 vota.
15:04– Mori më shumë vota se kryetari i PD, Nebijaj: Nuk ishim në garë, isha përfaqësuese në Njësinë 10
Kandidatja për deputete e Partisë Demokratike në Tiranë Orjela Nebijaj është shprehur se rritja e votave të demokratëve në krahasim me 2017 ishte e dukshme. Ndër të tjera nga Njësia 5 në një deklaratë për mediat ajo ka theksuara se rezultatet janë pozitive dhe se deri në votën e fundit do të pritet me qetësi për të parë dhe rezultatin final.
15:00– Celibashi: Përfundon numërimi në mbi 4900 qendra, PS 74 mandate, PD 59 mandate
Kryekomisioneri Ilirjan Celibashi, ka dhënë shifrat zyrtare pas numërimit të votave në mbi 4900 qendra, duke deklaruar se deri më tani PS kryeson me 74 mandate, ndërsa PD ka marrë 59 mandate. Deri më tani PSD ka marrë tre mandate, duke iu afruar edhe LSI edhe cila ka marrë katër mandate. Nga numërimi i votave ka rezultuar se pjesëmarrja në votime ka qenë 45.72%.
14:45– Heshtje deri në daljen e rezultateve, Basha takime me Idrizin, Rushaj e Tabakun në selinë blu
Selia blu po pret në heshtje rezultatin përfundimtar të zgjedhjeve kur mbeten edhe të pakën 7% e votave pa numëruar. Gazetari i ABC Juxhin Mustafaraj raporton se mesditën e sotme kryedemokrati Lulzim Basha ka pasur një takim të paktën 30 minuta me kreun e PDIU Shpëtim Idrizi. Gjatë ditës së sotme në zyrën e Bashës kanë qenë edhe sekretari i PD Gazment Bardhi i cili që prej nisjes së fushatës ishte zhvendosur në qytetin e Elbasanit.
14:36– Veliaj: Jemi të pandalshëm, puna jonë na shpërbleu me fitore në Kavajë dhe në Rrogozhinë
Drejtuesi politik i Partisë Socialiste për qarkun e Tiranës, Erion Veliaj, në daljet e tij të herëpashershme për të dhënë lajmin e fitores së PS në disa njësi dhe bashki. Veliaj nga Kavaja është shprehur se puna e tyre është vlerësuar me një fitore në këtë qytete dhe jo vetëm, socialistët tashmë janë shpallur fitues dhe në Rrogozhinë.
14:32-–Vajza e Niko Peleshit nuk pret rezultatin final, uron Ramën me foton e disa viteve më parë
Aleksia Peleshi, vajza e ministrit të Mbrojtjes Niko Peleshi nuk ka pritur rezultatin final të votimeve, por ka uruar kryeministrin Edi Rama. Ajo ka postuar në Instagram një foto të disa viteve më parë, ku shfaqet me Ramën dhe thotë se nuk duhet të festojnë vetëm të majtët, por të gjithë shqiptarët.“Po të uroj që tani, shumë urimeee për këtë fitore historike Edi Rama! Sot nuk duhet të festojnë vetëm të majtët, por edhe të djathtët, edhe ata që nuk kanë marrë pjesë në votim, sepse Shqipëria është e të gjithëve dhe rruga e zhvillimit do të vazhdojë për të gjithë, për të ardhmen europiane duhet të kontribojmë të gjithë”, ka shkruar Peleshi.
14:04– “Të gjithë të reflektojnë deri në shtator”, Meta-shqiptarëve: 25 prilli mund t’i shërbejë demokracisë
Ndërsa na ndajnë dhe pak orë nga rezultati përfundimtar i zgjedhjeve Presidenti i Republikës Ilir Meta, ka reaguar me një video-mesazh për shqiptarët. Gjatë fjalës së tij Meta u shpreh i kënaqur që arriti të realizojë sfidën e tij madhorë që sovrani të shpallë i lirë vullnetin e tij.
“Edhe pse i vetëm përballë të gjithë institucioneve të kapura, ja arrita, që 25 Prilli të ishte një ditë e qetë, paqësore, pa skena dhune dhe me pjesëmarrjen tuaj masive për të ushtruar të drejtën e votës. Ndonëse dukej një sfidë e pamundur jam i lumtur, që 25 Prilli mund t’i shërbejë demokracisë dhe stabilitetit të vendit. Tani është koha për të përmbyllur me qetësi dhe në respekt të ligjit procesin zgjedhor dhe më pas të gjithë të reflektojnë deri në shtator, kur krijohen institucionet e reja, që burojnë nga vota e 25 Prillit”, tha Presidenti.
13:48– Ilir Meta “thyen” heshtjen
Pas më shumë se 24 orësh, presidentit Ilir Meta ka vendosur të thyejë heshtjen. Mesditën e sotme, këshilltari i tij për mediat Tedi Blushi se presidenti do t’i drejtohet shqiptarëve me një mesazh në orën 14:00.
13:47 —Rekord votash të pavlefshme në zgjedhjet e 25 prillit
Numërimi për të përcaktuar përfundimisht forcën politike fituese për zgjedhjet e 25 prillit janë drejt fundit. Tashmë vetëm 7 % e 5 199 qendrave të votimit kanë ngelur për të përcaktuar dhe fituesin që do të formojë qeverinë për katër vitet e ardhshme. Deri më tani procesi i numërimit vijon në Qarkun e Durrësit dhe atë të Tiranës, sipas të dhënëve të KQZ ku deri më tani kryeson PS me 48.67 % të votave, PD me 39.4% të votave, e treta në renditje është LSI me 6.85 % ndërsa forca e katër me më shumë vota në këto zgjedhje është PSD me 2.24 %. Ndërkohë diçka që të bie në sy në të gjithë këtë është shifra e lartë e votave të pavlefshme ku deri më tani numri ka arritur në  77 607 vota të pavlefshme në të gjithë vendin, ndërsa në zgjedhjet e 2017, numri total i votave të pavlefshme ka arritur në 31 790
13:35– 222 vota bënë diferencën, PS fiton bashkinë e Kavajës
Kavaja është bastioni i radhës që kishte shpresë për demokratët që është fituar nga Partia Socialiste. Mesditën e kësaj të marte ka përfunduar numërimi i votave në këtë bashki dhe PS ka fituar me një diferencë vetëm 222 vota. Të dhënat tregojnë se Partia Socialiste ka fituar me 10 338, kundrejt Partisë Demokratike me 10 116 dhe LSI me 1120 vota13:30-– Deputeti gjerman Sarrazin për Shqipërinë: Duhet bashkëpunim e jo luftë llogoresh
Pas reagimit të dy partive të para gjermane ndaj zgjedhjeve në Shqipëri, ka reaguar tashmë edhe partia e tretë e opozitës, Të Gjelbrit. Raportuesi i kësaj partie, Manuel Sarrazin, nisur nga fakti, që ende nuk dihet saktësisht se kush do të dalë fitues, është përqendruar te thirrja për bashkëpunim serioz dhe të përgjegjshëm në rrugën e reformave:“Si në qeveri, sinë opozitë, të gjitha partitë tani duhet të ndjekin së bashku kursin e reformave me më shumë përgjegjshmëri dhe seriozitet se më parë”, i tha Sarrazin sot DW në një deklaratë me shkrim.13:20– Salianji nga Korça: Rezultat i jashtëzakonshëm, rikuperuam më shumë se 7 mijë vota
Kandidati për deputet i Partisë Demokratike në qarkun e Korçës Ervin Salianji  në një dalje të tij për mediat pas mbylljes së procesit të numërimit të votave që i dhanë 6 mandate deputetësh PS-së dhe 5 PD-së. Salianji në fjalën e tij nuk e ka fshehur gëzimin që ndjente me këtë rritje të demokratëve.
13:19– Kandidatja Zhupa u përqafua me ministren Denaj, mjeku: Moj Inë e vogël nuk i jepet dora hajdutit
Doktori i njohur, Petrit Vargu ka reaguar pas veprimit shumë të ndjeshëm, ku ministrja Anila Denaj dhe kandidatja e PD-së, Ina Zhupa u përqafuan pas mbylljes së procesit të numërimit në një nga KZAZ në Sarandë. Sipas Vargut, ajo duhet t’ja shtrëngojë dorën partosë dhe jo kundërshtarit që e masakroi në mënyrë të paligjshme. “Moj Inë e vogël që edhe ti do që të bësh politikë! Nuk i jepet dora hajdutit, as në vendet më moderne të botës. Na kanë vjedhur aq sa nuk kanë kurajë të bërtasin “Fitore”.
13: 15– Edhe 7% në kuti, PS kalon në 74 deputetë, Ruçi merr mandatin e Finos në Fier, Kryemadhi mes Fierit dhe Tiranës
Teksa kanë ngelur më pak se 7% e kutive të numërimit pa u kalkuluar, socialistët vijojnë të udhëheqin në rang kombëtar me 74 mandate. Gazetarja e ABC Esiona Konomi raporton se aktualisht ka përfunduar numërimi i votave në 10 qarqe, ndërsa tashmë sytë janë nga Tirana dhe Durrësi. Konkretisht mbeten për t’u numëruar rreth 60 kuti në Durrës dhe 250 kuti në Tiranë.
12:59-– Muzhaqi: Asnjë votë e kandidatëve politik të mos tjetërsohet, numëruesit do të mbajnë përgjegjësi
Zëdhënëse e fushatës së Partisë Socialiste, Bora Muzhaqi në një dalje për mediat është shrehur se do të mbrohet çdo votë për çdo kandidat pavarësisht bindjes politike. Ndër të tjera ajo ka bërë thirrje të gjithë numëruesve të mos tjetërsojnë votat e qytetarëve pasi një gjë e tillë krim zgjedhor dhe secili do të përballet me ligjin nëse bën një shkelje të tillë.
12:55– “Ndëshkimi i LSI lajmi më i mirë”, Shahini “godet” Kurtin: E fillove mandatin duke bërë opozitë në Shqipëri
Ish-ministrja e Arsimit, Besa Shahini ka deklaruar se Albin Kurti e e filloi mandatin e tij si kryeministër i Kosovës duke bërë opozitë në Shqipëri. Përmes një postimi në “Facebook”, ajo shprehet se tentimi për opozitarizëm nga qeveria e Kosovës në Shqipëri la shije të keqe dhe mori përgjigjen e pritshme dhe të duhur. Sipas Shahinit, lajmi më i mirë i këtyre zgjedhjeve është ndëshkimi që votuesit i dhanë LSI-së: partisë pa ideologji politike, që lëvizi herë majtas e herë djathtas.
12:43– Rezultati paraprak në Tiranë, shpërndarja e deputetëve sipas partive politike
Tirana është qarku më i madh në vend ku akoma  vijon procesi i numërimit të votave për partitë politik. Shifrat e fundit tregojnë se deri më tani janë numëruar 993 Qendra Votimi, nga 1243 në total Partia Socialiste ka marrë 178 545 vota,  ndërsa Partia Demokratike 142 415 vota. Lëvizja Socialiste për Integrim ka arritur të sigurojë 21717 vota dhe forca e katërt politike është Partia Socialdemokrate, e cila ka marrë deri tani 10524 vota.
12:31–  Fiton PS në Berat, LSI-së i digjet një deputet për vetëm 10 vota
Edhe qarku i Beratit është tashmë i kryesuar nga Partia Socialiste. Mësohet se ka përfunduar procesi i numërimit të kutive dhe PS ka marrë 42355 vota duke lënë pas Partinë Demokratike me 23038 vota. Ndërsa LSI ka marrë 8394 vota, si pasojë i është djeguar një deputet për vetëm 10 vota.
12:28– Balluku përlotet me të bijën: Unaza e Re na dha lumë votash, falënderoj patronazhistët
Teksa ka marrë të bijën përkrah nga podiumi i PS ku shpalli fitoren në Kombinat, kandidatja socialiste Belinda Balluku është përlotur. Ajo tha se falë fëmijëve të saj ka arritur të marrë këtë rezultat në zonën e Kombinatit ndërsa shtoi se pjesë e rëndësishme e fitores është edhe babai i saj që e ka mbështetur në fushatë. Balluku deklaroi se Unaza e Re u përdor si kalë beteje nga opozita por të dielën, ajo i dha votat PS-së.
12:18– Balluku shpall fitoren në Kombinat: Asnjë nga ne nuk do ishte këtu, nëse në krye nuk do kishim Edi Ramën
Ministrja e Infrastrukturës dhe Energjisë Belinda Balluku deklaroi se PS ka marrë shumicë bindëse në Berat. Ajo u shpreh në deklaratë nga selia rozë se askush nuk do ishte këtu në rast se nuk do kishin në krye Edi Ramën.
11:55– Përfundon numërimi në Konispol, minitrja Denaj kryeson ndaj Ina Zhupës
Ka përfunduar procesi i numërimit në KZAZ 92 në Konispol. Mësohet se ka fituar Partia Socialiste me 1748 vota, me në krye ministren e Financës dhe Ekonomise Anila Denaj, duke lënë pas Partinë Demokratike me në krye kandidaten Ina Zhupa. Kujtojmë që në mbyllje të procesit të numërimit në një nga KZAZ në Sarandë, është parë edhe një përqafim miqësor mes dy “rivaleve”, duke dhënë kështu një shembull qytetarie.
11:51– Rama njofton festë në kampin socialist, si është atmosfera në selinë blu? Basha takim me Eduart Halimin
Teksa janë numëruar rreth 90% e votave që deri tani nxjerrin socialistët forcë e parë, nga selia blu nuk ka ende një reagim zyrtar në ditën e dytë të numërimit.
11:45-– Gjoba e KQZ, kreu i KZAZ 35: Duam mbështetje jo ndëshkim
Kryetari i KZAZ 35, Elgit Kërtuku në një prononcim për ABC ka bërë me dije se në këtë qendër numërimi procesi ka vijuar normalisht. Ndër të tjera Kërtuku ka komentuar dhe gjobën e KQZ për shkak të vonesës që është konstatuar sipas tyre se kanë shkelur afatin për nxjerrjen e rezultatit.
11:40– FOTO/Boiken Abazi denoncon: Komisionerët kanë deformuar votat për t’ia kaluar PS-së
Kandidati i Vetëvendosjes, Boiken Abazi ka denoncuar disa fleta votimi nga qendrat e numërimit, ku vihet re që janë me dy shënime. Përmes një postimi në “Facebook”, ai shprehet se për të mbuluar krimin elektoral, tentuan me të gjitha format e presioneve që mos t’i lejonin vëzhguesit e VV të bënin fotografi, por ia dolën të dëshmojnë se si votat deformohen.
11:38– E vlefshme apo e pavlefshme? Debat mes komisionerëve në Kamëz për fletët e votimit
Modeli i ri i fletëve të votimit ku shumë qytetarë kanë zgjedhur kandidat dhe parti të ndryshme ka sjellë shumë fletë të pavlefshme në këto zgjedhje por edhe debate mes komisionerëve sa i takon shpalljes apo jo të pavlefshme.
11:29– “E horrat cigaren ma shuajnë në shpinë”, kandidatja e PD-së: Pse je n’trishtim Atdhe?
“Pse je n’trishtim Atdhe”, kështu shkruan kandidatja e Partisë Demokratike në Elbasan, Flutura Açka. Nëpërmjet një statusi në rrjetin social “Facebook” , Açka prek me fjalët e saj, ndërsa shprehet se shqiptarët i prenë biletat për të ikur nëpër botë. “Pse je n’trishtim Atdhe? Shqiptarët me marrje mendsh u gdhinë, i prenë biletat për në udhëbotë, e horrat cigaren ma shuajnë në shpinë”, shkruan Açka.
11:26– Edmond Spaho flet pas numërimit të votave në Korçë: PD ka realizuar objektivin me 5 mandate
Kandidati demokrat në qarkun e Korçës, Edmond Spaho ka deklaruar në përfundim të numërimit të votave në këtë qark se PD ka realizuar objektivin me 5 mandate me një rritje 20%.
11:24– “Ka probleme me drogën dhe emigracionin”, DW: Pas zgjedhjeve nuk pritet ndryshim i madh
Dy reagimet e para nga Bundestagu për zgjedhjet në Shqipëri vijnë nga opozita. Deputetja liberale, Renata Alt, nuk pret ndonjë ndryshim të madh në Shqipëri, pas zgjedhjeve të 26 prillit 2021.  “Pavarësisht se kush do të formojë qeverinë e re, në Shqipëri nuk pritet ndonjë ndryshim i vërtetë,” tha Alt në një prononcim për media.
11:19-Veliaj: Fitore në njësinë 3, jemi gati t’i shtrijmë dorën kundërshtarit
Në daljen e tij të radhës, kreu i Bashkisë së Tiranës Erion Veliaj, falënderoi të gjithë mbështetësit e kësaj force politike, ndërsa tha se PS ka fituar në njësinë 3 në Tiranë. Ai gjithashtu siguroi qytetarët që ky mandat është për t’i shërbyer qytetarëve dhe jo për t’i përçarë, ndërsa shtoi se janë gati të bashkëpunojnë me kundërshtarët.
11: 17-Artan Hoxha kërkesë për “burrat e shtetit”: Kjo histori nuk mund të vazhdojë sërish
Gazetari Artan Hoxha ka shkruar në një status në rrjetet sociale se sot është dita që burrat e shtetit të bëjnë gati tekstin e dorëheqjes pasi sipas tij ai që humb duhet ët hapë krahun. Hoxha shkruan se në të kundërt nuk e ka fajin populli, na pëlqen apo jo rezultati.
11:08- “Instalimi i sistemit të frikës në vend”, Mustafaj: Sot, ne nuk arritëm të krijojmë një frymë
“Shkoni votoni sepse në dimë gjithçka bëni”, kështu tha Edi Rama në fjalimin e tij elektoral të zhvilluar me patronazhistët, të cilën Mustafaj e sheh si një sistem frike të instaluar në vend. Analisti Besnik Mustafaj, në studion e ABC ka komentuar edhe zgjedhjet parlamentare të 25 prillit të 2021.
11:06- Humbi mandatin në Gjirokastër, Vangjel Tavo: Gara e pabarabartë, jam fitimtar sepse dhashë zemrën
Vangjel Tavo, i pari në listën e LSI në Gjirokastër i cili nuk mund të sigurojë një mandat në këtë qark, ka deklaruar se me anë të një statusi në rrjetet sociale se gara u zhvillua në kushte të pabarabarta dhe sipas tij fitorja elektorale ishte e vështirë për t’u arritur. Tavo shprehet se është krenar për ekipin e kandidatëve dhe strukturat e partisë, komisionerët dhe numëruesit duke shtuar se është fitimtar për mbështetjen që ka marrë nga njerëzit.
11:04-PS forcë e parë në Berat, Nasip Naço: Sot i ktheva borxhin Partisë Socialiste
Pas triumfit socialist në qarkun e Beratit, kandidati për depuet Nasip Naço i cili u largua nga LSI drejt PS pak muaj para zgjedhjeve ka reaguar me anë të një statusi në rrjetet sociale. Ai falenderon mbështetësit ndërsa shton se sot i ka kthyer borxhin Partisë Socialiste.
10:59-Mbyllet numërimi i votave për kandidatët në bashkinë e parë, kush kryeson PS dhe PD në Kolonjë
Bashkia e Kolonjës është bashkia e parë në vend që ka përfunduar në kohë rekord edhe procesin e numërimit të votave për kandidatët. Nga të dhënat rezulton se ajo që kryeson listën e kandidatëve të Partisë Socialiste është Olta Xhaçka me 2 762 vota ndërsa ndiqet nga pas nga drejtuesi politik i qarkut të Korçës Niko Peleshi me vetëm 100 vota.
 10:54-Daja: Të fitojë Rama ynë, tjetri i ka punët në rregull! Akuzat e Laçit? Pema me kokrra gjuhet
Ilir Daja, trajneri i Partizanit, ka dalë sot para mediave dhe ka folur për duelin me Laçin, akuzat e tyre, garën për titull dhe shumë çështje të tjera.
10:53- EMRAT/ Policia jep detaje për sherrin në KZAZ 30 në Tiranë, procedohen penalisht 3 vëzhguesit
Procedohen penalisht tre personat të cilët u përfshinë ditën e djeshme në konflikt në shkollën “1 Maji”, ku edhe po zhvillohej procesi i numërimit të votave. Sipas policisë Jugers Mullahi 26 vjeç, Oriald Laçi 29 vjeç dhe Avni Dushku 35 vjeç, të tre me detyrë vëzhgues në VNV nr. 30,  janë konfliktuar me njëri-tjetrin për radhën e qëndrimit para monitorëve ku edhe bëhej numërimi i votave.
10:46– Zgjedhjet në Shqipëri, BE: Procesi u organizua mirë nga KQZ, palët politike të respektojnë rezultatin
Shqiptarët të dielën kanë votuar për të zgjedhë qeverinë e ardhshme të tyre për 4 vite ku deri më tani forcë e parë është Partia Socialiste e ndjekur nga Partia Demokratike, e treta rënditet LSI dhe e katërta PSD.  Në lidhje me këtë proces zgjedhor kanë reaguar komisioneri Joseph Borell dhe Oliver Varhelyi të cilët përgëzojnë të gjithë ata që kontribuan pavarësisht COVID-19.
10:19-Niko Peleshi shpall fitoren në Korçë: Opozita të mos mërzitet se e ka derën të hapurKandidati socialist në Korçë, Niko Peleshi ka shpallur fitoren në këtë qark duke falenderuar të gjithë qytetarët për besimin e dhënë ndaj partisë së tij. Peleshi deklaroi se opozita nuk duhet të mërzitet për rezultatin pasi ka një derë të hapur për të punuar së bashku për Shqipërinë.09:45–Prokuroria jep të dhënat: 27 kallëzime për procesin zgjedhor, 18 në verifikim, 6 materiale në SPAK
Prokuroria e Përgjithshme ka publikuar të dhënat në lidhje me kallëzimet penale të regjistruara gjatë periudhës së zgjedhjeve. Në total janë bërë 27 kallëzime penale për vepra që kanë të bëjnë me pengimin e procesit zgjedhor. Prej tyre 18 materiale zgjedhor janë në proces verifikimi, ndërsa 6 të tjerë janë referuar në SPAK.
09:23- Mbyllet numërimi në Pogradec, PS fiton me mbi 3 mijë vota më shumë
Ka mbaruar procesi i numërimit të kutive në Pogradec dhe fituese është shpallur Partia Socialiste. Mësohet se në këtë qytet kanë votuar 34.734 persona dhe janë shpalluar 2810 vota të pavlefshme. Ndërkohë sipas të dhënave të fundit nga mbyllja e numërimit, Partia Socialiste ka marrë 15699, Partia Demokratike 12 509 vota dhe LSI 2718 vota.
09:13- PD fiton Kurbinin me një diferencë mbi 5 mijë vota ndaj PS
Kurbini është një tjetër bashki e bastionit të veriut ku Partia Demokratike ka rritur që të fitojë me një avantazh të konsiderueshëm votash. Sipas të dhënëve të fundit nga mbyllja e numrit të 74 qendrave të votimit në këtë bashki mësohet se PD ka fituar me  12 876 vota, PS ka grumbulluar 7392 të votave dhe LSI ka arritur që të grumbullojë 2729 vota.
09:00- Numërohen 90% e kutive të votimit, PS bie, rritet PD në disa zona, si ndahen mandatet
Mëngjesi i kësaj të marte ka nisur me një ndryshim përsa i përket mandateve të siguruar nga Partia Socialiste në zgjedhjet e 25 prillit të 2021 në rang qarqesh. Sipas të dhënave të KQZ-së deri më tani janë numëruar rreth 90% e votave në rang kombëtare dhe Partia Socialiste ndodhet në nivelin e 73 mandateve ndërsa Partia Demokratike 59 mandate. Gazetarja Esiona Konomi raporton për ABC se PS kryeson në 8 qarqe të vendit, kryesisht në jug dhe Shqipërinë e mesme, ndërsa demokratët kryesojnë bastionin e veriut në Shkodër, Lezhë, Kukës dhe në Dibër.
09:00- Partia e Tom Doshit rrezikon mandatin e Ilir Beqajt, drejt fundit procesi i numërimit në Shkodër
Gazetari Simon Shkreli raporton për ABC se deri më tani Partia Demokratike kryeson me 5 mandate, ndjekur nga socialistët me 3 mandate. Surpriza në këtë qark është partia e Tom Doshit, PSD e cila nga votat e deritanishme ka arritur të sigurojë 2 mandate, ndërsa LSI 1 mandat. Sipas përllogaritjes për mandate, deri tani Ilir Beqaj, i renditur i katërti në listën e socialistëve nuk arrin të vijë në Kuvend në parlamentin e ardhshëm.
08:30- Rrezikon Rama, garë e nxehtë mes PS dhe LSI për një mandat në Durrës
Në disa qarqe të vendit akoma nuk është mbyllur procesi i numërimit të votave për zgjedhjet parlamentare të 2021. Durrësi së fundmi është kthyer në vëmendje për shkak të garës që ekzisto tashmë mes PS dhe LSI-së për një mandat në kët qytet. Të dhënat e fundit bëjnë me dije se nga numërimi i deri tanishëm i fletëve të votimit në Durrës Partia Socialiste ka 7 mandate, 6 mandate PD dhe LSI ka arritur që të sigurojë një mandat deri më tani.
08:14- PS merr mandatin e 5 në Berat, Klosi: Sukses spektakolar, kishte që në 2009 që e kërkonim këtë
Partia Socialiste ka marrë mandatin e pestë në qarkun e Beratit, ndërsa Partia Demokratike ka siguruar vetëm dy mandate. Drejtuesi politik i qarkut për Partinë Socialiste, Blendi Klosi në fjalën e tij e ka quajtur një rezultat të jashtëzakonshëm këtë dhe theksoi se ishte një mandat që ato kishin kërkuar që ta merrnin që nga 2009.
08:04-PD kryeson Shkodrën, partia e Tom Doshin surpriza e zgjedhjeve
Në qarkun e Shkodrës po numërohen 9 kutitë e fundit në lidhje me subjektet politike. Sipas të dhënave të Komisionit Qendror të zgjedhjeve nga 411 kuti janë numëruar 402 kuti, dhe deri më tani forcë e parë politike në këtë qark është Partia Demokratike. Të dhënat tregojnë se Partia Demokratike kryeson me  46 217 vota ose 43.94 % të votave e ndjekur më pas me 28.40 % ose  29 877 vota për Partinë Socialiste dhe deri më tani LSI ka arritur që të grumbullojë 9.03 %.
07:52- PS merr edhe Shijakun, vijon numërimi në rang qarku
Shijaku është një ndër bashkitë e para në qarkun e Durrësit që ka mbyllur procesin e numërimit të votave për subjektet politike. Në këtë bashki si në pjesën më të madhe të bashkive ka fituar Partia Socialiste me 7 985 vota, e ndjekur nga Partia Demokratike me 5849 vota dhe e treta renditet LSI me 841 vota.
07:45-PS kryeson si forcë e parë, Rama e nis me shprehjen e basketbollistit: Po punove fort ia del
Kryetari i Partisë Socialiste ka reaguar mëngjesin e kësaj të marte ku kanë kaluar 48 orë nga numërimi i votave për subjektet politike, ku PS është forcë e parë. Rama në profilin e tij në Facebook ka shpërndarë një thënie nga Michael Jordan.
07:35- Fieri mbyll numërimin, PS merr 53.1% të votave ndiqet nga PD-AN
Fieri është një tjetër bashki ku socialistët kanë korrur fitoren e radhës si forcë e parë. Të dhënat e fundit tregojnë se Partia Socialiste ka marrë 17507 vota ose 53.1%, Partia Demokratike 11933 ose 36.2% dhe Lëvizja Socialiste për Integrim 2482 vota ose 7.5%.
07:31- Numërohen kutitë e fundit në Elbasan, kryeson PS-ja me 55.15 % të votave
Qarku i Elbasanit vijon akoma me numërimin e votave për partitë politike. Deri më tani sipas të dhënave të KQZ nga 511 qendra Votimi ka përfunduar numërimi për 499 në rang  qarku. Të dhënat tregojnë se Partia Socialiste është kryesuese me 84.075 vota, ose 55.16%, e dyta vijon Partia Demokratike me 56.614 vota ose 37.15%. Lëvizja Socialiste për Integrim, ka siguruar 6.766 vota, ose 4.46 % të votave.
07:20-Berati drejt fundit, kryeson PS siguron 4 mandate, PD-AN 2
Qarku i Beratit është drejt mbylljes së procesit të numërimit të  votave  për partitë politike, ku nga 277 kuti në total tashmë kanë ngelur shtatë kutitë e fundit. Sipas të dhënave të KQZ , PS në këtë qark vazhdon që të kryesojë si parti e parë me 41258 vota ose 55.81%, me 4 mandate. PD-AN kanë marrë 22552 vota ose 30.51%, konvertuar në 2 mandat në gjithë qarkun, ndërsa LSI ka marrë 8316 vota ose 11.25%, ka arritur që të marrë një mandat.
06:46-PS fiton Gjirokastrën, Çuçi e Kumbaro japin dorën kandidatëve të PD-së Shehut dhe Alikos
Kandidatët e Partisë Socialiste fitues në Gjirokastër janë përshëndetur  me kundërshtarët e tyre politik. Abcnews.al ka siguruar momentin kur Blendi Çuçi e Mirela Kumbaro, janë përshëndetur dhe u kanë dhënë dorën kandidatëve të Partisë Demokratike Tritan Shehu dhe Dasho Aliko.
06:34-Numërohen 88% të kutive, sa vota kanë marrë PS, PD, LSI, e PSD?
Vijon me ritme të larta numërimi i votave në të gjithë vendin tonë. Deri më tani janë numëruar 4588 qendra votimi nga 5199 në total ose thënë ndryshe rreth 88% të votave. Megjithëse së fundmi ka humbur një mandat, Partia Socialiste vijon që të kryesojë zgjedhjet e vitit 2021 në rang kombëtar, me 72 mandate, ose 48.62%. Ndërkohë Partia Demokratike ka marrë 39.2%  duke siguruar 59 mandate. Lëvizja Socialiste për Integrim në këto zgjedhje deri më tani ka siguruar 6 mandate duke marrë 6.86% të votave. LSI së fundmi e ka siguruar mandatin e 6 në qytetin e Durrësit. Një surprizë ka rezervuar edhe Partia Social Demokrate, duke marrë 3 mandate.
06:00-PS humbet një mandat, LSI “hyn në lojë” në Durrës
LSI ka arritur që të sigurojë një mandat tjetër. Bëhet fjalë për qytetin e Durrësit. Tashmë Partia Socialiste ka humbur një mandat duke rënë në 72 në rang vendi deri më tani, ndërsa LSI ka fituar një mandat në qytetin e Durrësit duke shkuar në rang vendi në 6 mandate.
05:46–U denoncua nga PD, momenti kur përfaqësuesja e PS shihet me stilolaps në dorë

Abc ka siguruar pamjet ku një përfaqësuese e Partisë Socialiste shihet me vota dhe me një stilolaps në dorë.  Ajo është denoncuar nga PD se po shënon mbi vota dhe në këtë mënyrë i nxjerr të pavlefshme.

05:03-Duartrokitje dhe përqafime, si e priti Bledi Çuçi fitoren në Gjirokastër

Përfundon numërimi në qarkun e Gjirokastrës. Janë numëruar të 207 qendrat e votimit në qarkun e Gjirokastrës, të cilët nxjerrin fitues Partisë Socialiste. Ato kanë marrë 53.83 % të votave. Kështu PS k siguruar 3 mandate në këtë qark.

04:41 –Mbyllet numërimi në Gjirokastër, PS me 3 mandate, PD ndahet me 1 mandat

Ka përfunduar numërimi në qarkun e Gjirokastrës. Nga hapja e të gjitha kutive në rang qarku, fituese ka rezultuar Partia Socialiste. Ato kanë marrë 53.83 % të votave.

Forcë e dytë në këtë qark është PD. Në përfundim të procesit, demokratët kanë marrë 30.66 % të vota, e ndërsa LSI 12.68 %.

Thënë ndryshe, shpërndarja e mandateve është 3 me 1. LSI nuk ka marrë asnjë mandat.

04:38 – Luan Rama nuk mjafton, thuajse i mbyllur numërimi në Vlorë, LSI nuk merr mandat

Thuajse ka përfunduar numërimi në qarkun e Vlorë, në të cilin kryeson bindshëm Partia Socialiste.

KQZ bën me dije se në Vlorë ka mbetur vetëm një kuti pa numëruar nga 445 dhe deri më tani rezultati është si më poshtë:

Partia Socialiste – 58 845 vota, 57.89 për qind

Partia Demokratike – 32 067, 31.55 për qind

LSI – 6 184, 6.08 Për qind.

PS ka marrë praktikisht 8 mandate në Vlorë, ndërsa PD, 4 mandate. Vlen të theksohet fakti se LSI nuk ka nxjerrë asnjë mandate nga ky qark edhe pse kishte pritshmëri të mëdha duke vendosur në krye të listës Luan Ramën.

04:04 – “Turp t’ju vijë, edhe lopa nuk e bën kështu”: Kreu i KZAZ-së i mëson vëzhguesve rregullat bazike të pastërtisë

Numërimi është ndërprerë për disa orë në KZAZ nr.39 në Tiranë për shkak të numëruesit janë tepër të lodhur. Në momentin kur vëzhguesit e partive po largoheshin nga salla, aty mbërriti kreu i KZAZ-së, i cili iu kërkoi atyre që të pastronin vendin më parë nga shishet dhe mbeturat e tjera dhe më pas mund të largoheshin.

“Pastrojini pak këto shishet dhe të tjerat pastaj ikni. Nëse nuk e bëni nuk futeni më nesër këtu. Edhe lopa është më e kujdesshme”, shprehet ai.

03:25 – Numërohet kutia e parë për kandidatët në Kukës, kush kryeson

Kukësi ka filluar numërimin për kandidatët, megjithatë pasi janë numëruar disa vota ka patur një problem me sistemin duke bërë që numëruesit ta shtyjnë atë për në orën 07:00 të ditës së sotme.

Gazetari Gëzim Hilaj raporton për abcnews.al se në Kukës janë gjetur një numër i madh fletësh të pavlefshme. KZAZ ka shpallur 2188 fletë të pavlefshme.

Numëruesit kanë mundur të hapin vetëm një kuti sa i përket kandidatëve ku udhëheqin Gerta Duraku dhe Halim Dauti.

00:20 – Përplasja e dhunshme në KZAZ, Celibashi: Vendosëm të ndryshojmë vëzhguesit

Kreu i Komisionit qendror të Zgjedhjeve, Ilirjan Celibashi në një prononcim për mediat ka bërë me dije se do të ndryshojnë të gjithë personat e akreditur për vëzhguesit në KZAN-në tek shkolla “1 Maj”.

Ky vendim vjen pas sherrit të dhunshëm që ndodhi mbrëmjen e sotme. Gjithashtu kreu i KQZ tha se kanë udhëzuar katër orë pushim për këtë qendër numërimi, pasi ishte e nevojshme.

“Procesi deri para incidentit ka shkuar mirë. Ka pasur bashkëpunim të mirë. Incidenti që ka ndodhur natyrshëm e ka acaruar situatën dhe nuk ka krijuar kusht pune të mirë. Tani për ta risjellë këtë situatë në pozitat e ligjit kemi vendosur që të shfuqizojmë të gjitha akreditimet e vëzhguesve të dhënë deri më sot. Kemi dhënë akreditime për vëzhgues të tjerë. Kemi dhënë akreditimet e reja për vëzhgues të rinj. Nga një për  secilin subjekt zgjedhor. Në këtë sallë do të jenë vëzhguesit e subjekteve zgjedhore 13 të tillë, deri në 7 të organizatave konfirmimin e t cilave do ta bëjë KQZ.

Numërimi do të vazhdojë por do të dalin të gjithë akredituesit, do të përfundojë procesi i votimit të kutive tani. Kemi autorizuar pushim katër orësh për KZAZ-në. Ishin të gjithë në nevojën për ta pasur këtë pushim,” tha ai.

Mbrëmjen e sotme në këtë qendër numërimi pati një përplasje të fortë mes disa anëtarëve të grupeve të numërimit dhe vëzhguesve. Siç mëson ABC te shkolla “1 Maj” janë konfliktuar fillimisht dy vëzhgues mes njëri tjetrit e më pas kanë dashur të hyjnë brenda ambienteve të numërimit disa persona që ishin jashtë.

23:38 – Fillon numërimi i “hambarit” të votave të PD në Durrës, Baçi: Priten surpriza

Durrësi është një ndër qarqet me ritmin më të ulët të numërimit të votave, gjë që ka detyruar KQZ-në që të gjobisë disa prej anëtarëve të KZAZ-ve për këtë çështje.

PS e nisi me një avantazh të thellë mëngjesin e sotëm, por siç raporton gazetari Leonidha Musaj për Abcnews.al, demokratët po rekuperojnë gjatë orëve të pasdites dhe të mbrëmjes pasi janë duke u hapur kutitë e votave nga zonat e njohura si bastion.

“Tani janë duke u numëruar kutitë e Sukthit dhe zonës së njohur si ish-Këneta, e njohur si hambari i votave të demokratëve”, tha Musaj.

Ndërkohë në studio, kandidati i PD-së në këtë qark Agim Baçi u shpreh se priten ndryshime në Durrës pasi tani ka filluar numërimi i votave në kutitë e bastioneve të demokratëve në qark.

PS ka 35 583 vota në Durrës, kundrejt  27 876 votave që ka marrë PD. Ndërkohë, LSI ka marrë 4 432 vota.

23:04 – Sherr i dhunshëm, derdhet gjak në KZAZ në Tiranë

Një ngjarje e paprecedentë ka ndodhur tek shkolla ‘1 Maji’ në Tiranë. Mësohet se ka pasur një përplasje fizike me grushte dhe me sende të forta mes të pranishmëve.

Deri më tani bëhet fjalë për një përplasje mes një simpatizanti të PD-së dhe një vëzhguesi të PS-së. Menjëherë pas këtij incidenti ka ndërhyrë policia e cila ka shuar konfliktin dhe ka shoqërua deri më tani 7 persona.  Tek shkolla ‘1 maj’ vetëm pak minuta pas ngjarjes ka shkuar edhe kreu i KQZ, Ilirjan Celibashi i cili ka është informuar rreth asaj se çfarë ka ndodhur.  /abcnews.al/

22:48 – PS surprizoi gjatë ditës , PD rikuperon në mbrëmje: Misteri i votave të Dibrës

Një ndër qarqet që ka patur ndryshime më të mëdha të numrit të mandateve ka qenë pikërisht ai i Dibrës, i cili numërimin e nisi në avantazh për demokratët, ndërsa në orët e mëvonshme PS kaloi nënjë avantazh të lehtë me vota duke marrë mandatin e tretë aty përkohësisht. Demokratët rimorën avantazhin gjatë orëve të pasdites duke e marrë ata mandatin e tretë në qarkun me 5 mandate, raporton abcnews.al.

Por, çfarë ndodhi gjatë 24 orëve të fundit me numërimin në qarkun e Dibrës?

Pas mesnatës së të dielës, numërimi filloi kryesisht në Klos dhe Bulqizë, ku çuditërisht sipas demokratëve PS mori një avantazh që e ruajti deri mesditën e sotme. Në përfundim, PS mori vetëm 36 vota më pak në bashkinë e drejtuar vazhdimisht për demokratëve para zgjedhjeve të 2019. Konkretisht, PS mori 3 702 vota dhe PD, 3 738 vota në Klos.

Një situatë e favorshme për socialistët u vërejt edhe në Bulqizë, me një avantazh edhe më thellë në favor të tyre kundrejt demokratëve. PS mori 6 347 vota kundrejt 5 168 votave të marra nga PD.

PS siguroi një avantazh me 1000 vota ndaj PD-së edhe në bashkinë e Matit.

22:43 – Ngadalësimi i procesit, KQZ gjobit anëtarët e KZAZ-ve që kanë numëruar më pak se 50% të votave

Komisioni Qendror i Zgjedhjeve ka gjobitur me 3 mijë lekë të rinj të gjithë anëtarët e KZAZ-ve që kanë numëruar më pak se 50 për qind të votave.

Njoftohet se deri më tani, janë 18 KZAZ të cilët kanë numëruar më pak se 50% të votave.

Ndërsa, aktualisht ka përfunduar numërimi për 39 KZAZ. Sipas Komisionit Qendror të Zgjedhjeve, 35 është numri i KZAZ-ve që  kanë numëruar mbi 50% të Qendrave të Votimit që kanë në administrim.

22:30 – Përfundon numërimi në bashkitë Patos e Peqin, PS del fituese

Në Bashkitë Patos dhe Peqin është mbyllur procesi i numërimit të votave. Rezulton se të dyja këto bashki i ka fituar Partia Socialiste, e ndjekur nga Partia Demokratike. Më konkretisht, në Bashkinë e Patosit rezultati i kutive të votimit është PS me 7,707 vota, PD me 5,112 vota dhe LSI me 1,005 vota.

Ndërsa, në Bashkinë e Peqinit rezultatet janë si vijon: PS ka 6,702 vota, PD ka 5,397 vota dhe LSI 311 vota.

Të pavlefshme janë shpallur të pavlefshme 701 vota.

22:20 – Numërohen mbi 245 mijë vota në Tiranë, si ndahen votat mes PS, PD dhe LSI

Vijon procesi i numërimit në Tiranë. Deri më tani  Partia Socialiste kryeson rezultatin. Nga 1243 qendra votimi janë numëruar 637 prej tyre.

Sipas të dhënave të publikuara në faqen e Komisionit Qendror të Zgjedhjeve PS ka marrë 115171 ose 49.01 %. Partia Demokratike ka rikuperuar votat. Aktualisht PD ka 91033 vota ose 38.74 %.

Ndërkohë Lëvizja Socialiste për Integrim ka 13755 vota përkthyer në 5.85 %.

22:01 – Numërohen 70% e kutive të votimit, PS bie me 4 mandate, rritet PD në disa zona, si ndahet “torta”

Orët e pasdites kanë sjellë një ndryshim sa i takon ndarjes së mandateve në rang qarqesh mes PS dhe PD ku kjo e fundit e ka rikuperuar ndjeshëm pozitën e saj përballë rënies së socialistëve. Nga 77 mandate, PS ka zbritur në 73 mandate, ndërsa PD është rritur në 60 mandate nga 56 që kishte në orët e paradites.

Gazetarja Esiona Konomi raporton për ABC se PS kryeson në 8 qarqe të vendit, kryesisht në jug dhe Shqipërinë e mesme. Ndërsa PD mban kreun në katër qarqe të veriut, konkretisht Shkodër, Lezhë, Kukës dhe së fundmi edhe në Dibër.

Në Kukës beteja është mbyllur ku PD ka triumfuar me 2 mandate përballë 1 mandati të kampit kundërshtar.

21:57 – Kim pas vizitës në Elbasan: Qytetarët presin që policia të garantojë sigurinë ndërsa numërohet

Ambasadorja amerikane Yuri Kim është kthyer në Tiranë pasi vizitoi qendrat e votimit numër 47, 49 dhe 50 në Elbasan.

Në një postim në Twitter, diplomatja amerikane falënderon numëruesit që po punojnë fort gjatë ditës së sotme. Po ashtu, Kim shkruan se qytetarët presin që policia të garantojë sigurinë e të gjithëve ndërsa numërimi vijon.

“Kjo është vizita e dytë në dy ditë, e lumtur që kthehem sipas nevojës,” shkruan ambasadorja.

21:52 – Përfundon numërimi në Malësinë e Madhe, si pozicionohen partitë

Ambasadorja amerikane Yuri Kim është kthyer në Tiranë pasi vizitoi qendrat e votimit numër 47, 49 dhe 50 në Elbasan.

Në një postim në Twitter, diplomatja amerikane falënderon numëruesit që po punojnë fort gjatë ditës së sotme. Po ashtu, Kim shkruan se qytetarët presin që policia të garantojë sigurinë e të gjithëve ndërsa numërimi vijon.

“Kjo është vizita e dytë në dy ditë, e lumtur që kthehem sipas nevojës,” shkruan ambasadorja.

Në Malësinë e Madhe ka përfunduar numërimi i kutive të votimit. Mësohet se nga numërimi i votave rezulton fituese Partia Demokratike me 7,090 vota, e ndjekur nga Partia Socialiste me 6,521 vota dhe PSD me 1,476 vota.

21:12 – Rushaj paralajmëron surpriza në orët në vijim

Nga selia blu, drejtori i fushatës së Partisë Demokratike Alfred Rushaj deklaroi se orët në vazhdim do të sjellin surpriza të pakëndshme për kundërshtarët politikë.Ai u bëri thirrje komisionerëve të mos tjetërsojnë vullnetin e qytetarëve shqiptarë për ndryshim.
20:48 – Numërohet vota e fundit në Mat, socialistët udhëheqin bindshëm

Përfundon numërimi i të gjitha kutive të votimit dhe Partia Socialiste është bindshëm në avantazh.

Konkretisht Partia Socialiste ka marrë 7158 vota. Ndërkohë Partia Demokratike ka marrë 6154 vota.

Ndërsa LSI numëron 423 vota.

20:34 – Përfundon numërimi në Finiq, PS dyfish më shumë vota se PD

Ka mbaruar procesi i numërimit të votave në Finiq.

Partia Socialiste udhëheq rezultatin final në Finiq, në KZAZ nr.91.

Konkretisht PS numëron 2208 vota, ndërkohë Partia Demokratike ka 1422 vota. Nga ana tjetër LSI ka vetëm 183 vota.

20:30 – Qarku i Kukësit bëhet “blu”, PD fiton bindshëm

Ka përfunduar procesi i numërimit të votave në Qarkun e Kukësit. Partia Demokratike ka dalë forcë e parë me 24071 vota në total ose 62.2% kundrejt 13865 votave ose 35.8%. Ndërkohë 2188 vota kanë rezultuar të pavlefshme. LSI-ja është lënë pas nga PSD-ja dhe LRE.

20:24 – Manastirliu: Me 22 kuti të numëruara, PS fituese në njësinë 9, bashkë drejt mandatit të tretë

Ministrja e Shëndetësisë Ogerta Manastirliu thotë se me 22 kuti të numëruara nga njësinë 9 PS është fituese.

Ajo shton se të njëjtin avantazh, PS e ka në të gjithë Shqipërinë.

“KZAZ 39 Njësia9, me 22 kuti të numëruara, PS është fituese në Njësinë 9, me të njëjtin avantazh si e gjithë Shqipëria. Bashkë, drejt mandatit të tretë”, shkruan ministrja.

20:20 – Veliaj: Krraba dhe Shëngjergji na besuan, mirënjohje për patronazhistët

Drejtuesi politik i Partisë Socialiste për qarkun e Tiranës, Eriom Veliaj në  deklaratën e tij të radhës për mediat ka theksuar se socialistët kanë fituar bindshëm Shëngjergjin dhe Krrabënn.

Ndër të tjera ai ka bërë thirrje numëruesve të Partisë Demokratike që të mos e vonojnë numërimin, pasi është koha për punë dhe jo për gjumë.

Ndër të tjera ai ka theksuar se socialistët e kanë merituar fitoren por me këtë mesazh ato duan të tregojnë se do ju shërbejnë të gjithëve pa dallim politik.

19:16-Celibashi: Po verifikojmë pas denoncimeve të kandidatëve për parregullsi
Kryekomisioneri Ilirjan Celibashi ka deklaruar në një dalje për mediat nga KQZ se faqja zyrtare e saj ka pasur problem për shkak të kërkesave të shumta për ta aksesuar. Ai tha se se ka pasur denoncime nga disa kandidatë për deputetë për parregullsi gjatë procesit të numërimit të cilat tha se tashmë po verifikohen.
19:01-Mark Marku: Fitore e qartë me mbi 1000 vota në Mirditë, mesazh për Shqipërinë
Kandidati për deputet i Partisë Demokratike në qarkun e Lezhës, Mark Marku thotë Mirdita i ka dhënë fitoren PD-së në fshatra dhe në qytete. Marku shprehet se është krenar për këtë dhe të gjithë ata që i votuan.
18:65-Mbyllet numërimi në 20 bashki, si ndahen fituesit dhe humbësit
Në 18:30 ditës së sotme përfundoi numërimi i votave në bashkinë e Lushnjes ku fituese u shpall PS me një diferencë të thellë me PD. Rezultati është vetëm për bashkinë pa njësitë administrative. Gjithashtu edhe në Roskovec dhe Delvinë ka fituar PS. Nga 20 bashki në total, 4 i kanë besuar PD-së dhe 16 PS-së.
18:54-Numërimi me ritme të ngadalta, Kim sërish tek KZAZ 39 në Tiranë
Ambasadorja amerikane Yuri Kim ka shkruar sërish për të vëzhguar më nga afër procesin e numërimit në KZAZ-në Nr.39 në Tiranë. Siç raporton gazetari Ermal Vija, numërimi në këtë qendër është duke vijuar me ritme të ngadalta ndërsa kjo nuk është hera e parë që diplomatja amerikane vëzhgon ecurinë e numërimit në këtë KZAZ.
18:43- “Ndryshimi do të vijë”, Paloka në Durrës: Prisni, bastionet e PD-së s’janë numëruar
Drejtuesi politik i Partisë Demokratike në Durrës, Edi Paloka nëpërmjet një komunikimi për mediat deklaroi se shqiptarët votuan ndryshimin. Ai gjithashtu theksoi se rezultati do të shihet kur të numërohen bastionet e djathta, të cilat sipas tij nuk kanë filluar ende.
18:41-Sherri për votat në Rrogozhinë, policia ‘blindon” zonën, kontrollon çdo person nga koka te këmbët
Pas incidentit të ndodhur mesditën e sotme në ambientet e jashtme të KZAZ në Rrogozhinë, ku disa të mbështetës të PS u konfliktuan për votat policia ka blinduar zonën. Forca të shumta të policisë kanë rrethuar godinën në mënyrë që qytetarët të mos afrohen pranë saj.
18:19-Numërohen votat e të dënuarve në burgun e Rrogozhinës (SHIFRAT)
Pasditen e sotme janë numëruar votat e të dënuarve në burgun e Rrogozhinës. ABC mëson se në këtë institucion të vuajtjes së dënimit kanë votuar 53 të dënuar. Pas numërimit të votave, në listën e partive ka marrë shumicë votash PD 25 vota, PS 19 vota, LSI 6 vota dhe PSD 1 votë.
18:18- DW: Nga “artist e liberal” në “autokrat e seksist”, zbehja e shkëlqimit të Ramës në gazetat gjermane
Nëse në vitin 2013 shtypi gjermanofon do ta festonte Edi Ramën si një lider, liberal, shpirtlir dhe jokonvencional, tani liderit shqiptar i ka rënë edhe thërrimja e fundit e pluhurit që mbante të shkëlqyer imazhin e tij. Interesimi i  medias gjermanofone për zgjedhjet në Shqipëri ishte relativisht i madh. Pothuajse  të gjitha mediumet kryesore  patën raportime dhe reportazhe nga Shqipëria, por këtë radhë bie në sy veç qëndrimit kritik, më shumë indinjatë ndaj liderit Rama.
18:09-“Në terren deri në fund”, Ambasada e SHBA sërish thirrje: Prisni rezultatin, askush të mos shpallë fitore
“Ekipet e Vëzhgimit të Ambasadës janë ende kudo në mbarë vendin duke monitoruar procesin e numërimit”, ka deklaruar ambasada e SHBA në Tiranë. Nëpërmjet një statusi në rrjetin social “Facebook” përsërit thirrjen që pa u numëruar dhe konfirmuar të gjitha votat,  të mos supozohen rezultate apo fitore.
18:06-Përfundon numërimi në Librazhd dhe në Belsh, shpallet partia fituese
Pas Cërrikut, Partia Socialiste është shpallur fituese dhe në dy bashki të tjera në qarkun e Elbasanit. Bashkitë e radhës që i kanë siguruar fitore socialistëve janë Librazhdi dhe Belshi. 
17:57-“Sekreti” pas shifrave të Korçës, pse kryesojnë socialistët
Sipas rezultateve paraprake, socialistët kryesojnë listën e mandateve në Korçë nga votat e numëruara deri më tani. Në këtë qark, e vetmja bashki që ka përfunduar tërësisht procesin e numërimit është Kolonja.
17:53-Kryq! Vetëvendosja “zbulon” marifetin: Shikoni pamjet si po i nxjerrin votat tona të pavlefshme
Kandidati i Vetëvendosjes në qarkun e Tiranës Boiken Abazi denoncon se fletët e votimit ku qytetari e ka votuar atë në kryeqytet, por edhe dy përfaqësuesit e tjerë të kësaj lëvizje në Gjirokastër dhe Lezhë po nxirren qëllimisht të pavlefshme. Në një intervistë për ABC ai sqaroi se fletës ku përbri emrit të tij është vendosur shenja kryq apo plus, qëllimisht “i është vënë një tjetër shenjë edhe te numri i PS apo PD nga komisioneri për ta nxjerrë të pavlefshme”.
17:32-Ethet e numërimit, PD rikuperon në Durrës
Deri në orën 17:00 të ditës së sotme në Durrës janë numëruar 146 kuti votimi nga 481 në total. Bazuar te të dhënat e azhornuara nga Komisioni Qendror i Zgjedhjeve PD ka rikuperuar ndjeshëm duke iu afruar PS-së. Nëse do të vijohet me këtë trend diferenca parashikohet që të ngushtohet akoma më shumë, pasi akoma nuk janë numëruar as gjysma e kutive të totalit. LSI është forcë e tretë.
17:19-“Zgjedhjet”, tensione në qendrën e numërimit në Delvinë
Në qendrën e numërimit në Delvinë janë regjistruar incidente gjatë numërimit të votave. Numëruesit e bashkisë Delvinë janë përfshirë në debate të forta me njëri-tjetrin, duke ndikuar në ngadalësimin e procesit të numërimit.
17:17-“Qyteti i nxehtë”, rezultati i fundit nga numërimi në Elbasan
Vijon numërimi në qarkun e Elbasanit për zgjedhjet parlamentare të 25 prillit. Deri më tani janë numëruar 379 kuti nga 511 në total. Ajo që vihet re është se dominon Partia Socialiste me 63773 vota ose 55.60%. Ndërsa në vendin e dytë është Partia Demokratike me 41748 vota ose 36.40%, e cila ndiqet nga LSI me 5608 vota ose 4.89%.
17:15-VIDEO/ Sherr për votat në Rrogozhinë, konfliktohen disa persona, policia “blindon” zonën
Teksa procesi i numërimit të votave vijon në të gjithë vendin, një incident është regjistruar në Rrogozhinë.Disa persona, mbështetës të PS, janë konfliktuar në ambientet e jashtme të KZAZ-së në Rrogozhinë. Shkak për sherrin mes tyre mësohet të jetë bërë procesi zgjedhor.
17:10-Numërohen gjysma e kutive, sa vota kanë PS, PD, LSI dhe PSD? (Shifrat e fundit)
KZAZ-të në të gjithë vendin kanë numëruar 2891 kuti votimi nga 5199 në total, pra më shumë se gjysma ose 880318 fletë votimi, nga të cilat 834435 janë të vlefshme dhe 45100 janë shpallur të pavlefshme. Nga fletët e votimit të vlefshme, 413971 janë për Partinë Socialiste; 332613 janë për PD dhe Aleancën për Ndryshim dhe 59047 vota janë për LSI-në.
16:57- Rushaj flet nga “Shkolla e Kuqe”: PD po thellon avantazhin, shqiptarët votuan ndryshimin
Drejtori i fushatës së PD, Alfred Rushaj nga KZAZ nr. 38 te “Shkolla e Kuqe” u shpreh se ndryshe nga mbrëmë kur u hapën kutitë e para, sot trendi ka ardhur në rritje për PD-në, e cila sipas tij po thellon avantazhin, jo vetëm në këtë njësi, por të gjithë vendin. Rushaj theksoi se bashkë me LSI-në si koalicion avantazhi do të jetë edhe më i thellë.
16:51- Cërriku mbyll numërimin për subjektet politike, shpallet fituesi
Mbyllet numërimi i votave për subjektet politike në bashkinë e parë në qarkun e Elbasanit ku fituese rezulton Partia Socialiste.
16:44-Me armë në dorë, Stresi paralajmëron luftë civile: Manipuloni sa të doni votat
Stresi ka postuar në Instagram një foto, ku shfaqet me armë në dorë dhe ka paralajmëruar luftë civile. Ai i drejtohet Partisë Socialiste se mund të manipulojë votat e 25 prillit, por do të shkaktojnë luftë civile në vend.
16:27-14 bashki mbyllin numërimin për subjektet politike, PS siguron dhe DropollinBashkia e radhës e fituar nga socialistët është ajo e Dropullit në qarkun e Gjirokastrës.Ndërkohë deri më tani Partia Socialiste është ajo që kryeson fitore në 10 bashki, ndërsa PD-AN deri më tani janë shpallur fituese në katër bashki në veri të vendit.
16:20-Mark Marku nga Lezha: Pushteti lokal, i angazhuar në shit-blerjen e votave
Kandidati i PD-së Mark Marku, në një deklaratë për mediat nga Lezha deklaroi se rezultati për Partinë Demokratike është pozitiv. Ai gjithashtu theksoi se kjo forcë politike pothuajse kryeson në të gjitha qarqet, ndërsa shtoi se pushteti lokal është i angazhuar në shit-blerjen e votave.
16:15-Mbyllet numërimi, në Klos fiton PD me 36 vota më shumë se PS, Mirdita një tjetër sukses
Ka përfunduar procesi i numërimit në qytetin e Klosit dhe Mirditës. Mësohet se rezultati i zgjedhjeve në të dy qytetet është në favor të Partisë Demokratike.
16:07- PS fiton bashkinë e Skraparit, LSI del e dyta
Sipas të dhënave të siguruara pas përfundimit të votimit në këtë bashki rezulton se fituese është Partia Socialiste me 3 547 vota.  Ndërkaq në këtë bashki duket një rritje e LSI e cila ka arritur që të grupojë 2 174 vota, ndërsa Partia Demokratike ka arritur vetëm 776 vota.
16:03: Misioni i ODIHR: Emigrantët dhe të infektuarit duhej të kishin votuar
Misioni vëzhgues i OSBE/ODIHR, në një konferencë për media në raportin e parë dhe paraprak për zgjedhjet në Shqipëri ka adresuar edhe fenomene si shit-blerja e votës apo dhuna gjatë fushatës. Të pyetur nga gazetarët lidhur me disa çështje që u shoqëruan me debat në vend si vendosja e karantinës për emigrantët në Greqi dhe Maqedoninë e Veriut, apo mos votimi i personave të infektuar, anëtarët e misionit thanë se kryesisht këto janë probleme të sistemeve përkatëse në çdo vend.
16:02-Jorida Tabaku: PD dhe LSI 400 vota përpara në degën 2 për herë të parë pas 12 vitesh
Kandidatja për deputete e Partisë Demokratike Jorida Tabaku ka deklaruar se PD ka rikuperuar të paktën 2800 vota  krahasuar me vitin 2017 në qendrën e numërimit në shkollën Hoxha Tahsin. Në një deklaratë për mediat jashtë ambienteve të kësaj shkolle, Tabaku deklaroi se koalicioni opozitar kryeson në degën 2 për herë të parë pas 12 vitesh ku PD dhe LSI janë të paktën 400 vota përpara.
15:45: Patronazhistët e PS, OSBE-ODIHR për ABC: Shqetësim i madh, kërcënon demokracinëOSBE-ODIHR dënojnë rrjedhjen e informacioneve të qytetarëve, referuar databaze-s së PS-së për patronazhistët. Në paraqitjen e raportit paraprak për zgjedhjet e 25 Prillit, gazetarja e ABC, Esiona Konomi i pyeti përfaqësuesit e OSBE-ODIHR në lidhje me këtë cështje.
15:23-Vëzhguesi i OSBE: Problem shitblerja e votës, raporti përfundimtar në 28 Maj
Aleksander Pociej, Shefi i delegacionit të Asamblesë Parlamentare të Këshillit të Evropës (PACE) deklaroi gjatë konferencës së prezencës së OSBE në Shqipëri në lidhje me raportin paraprak për zgjedhjet e 25 Prillit se procesi i djeshëm ishte më i qetë se fushata zgjedhore.
15:13-Rezultatet e para, sa deputetë fitojnë PS-PD, LSI “rrezikon” mandatin e Ramës në Durrës dhe Vlorë
Në qarkun e Shkodrës deri tani dominon Partia Demokratike me 5 mandate, ndjekur nga socialistët me 4 mandate. Një vend në kuvend në kryeqendrën e Veriut deri tani e kanë siguruar edhe LSI dhe PSD. Por nëse kjo e fundit rritet mund të marrë një tjetër mandat duke rrezikuar mandatin e 4 të PS, ku renditet Ilir Beqaj. Nëse ndodh ky skenar, Beqaj duhet të thyejë herësin që të sigurojë mandatin.
15:11-Misioni i ODIHR për zgjedhjet: U ushtrua presion mbi administratën, dënojmë vrasjen në Elbasan
Misioni vëzhgues i OSBE/ODIHR është duke mbajtur konferencën e parë dhe paraprake për shtyp në lidhje me mbarëvajtjen e procesit të votimit në Shqipëri. Azay Guliyev, koordinator special dhe drejtuesi afatshkurtër i misionit vëzhgues në Shqipëri u shpreh se në këto zgjedhje nuk pati probleme me listën e zgjedhësve.
15:10-Orjola Pampuri: Aleanca për Ndryshim arriti një fitore të madhe
Orjola Pampuri, në një komunikim për mediat ka reaguar me kritika ndaj kryebashkiakut të Tiranës Erion Veliaj. Pampuri tha se në degën 14 Partia Demokratike ka dyfishuar rezultatin në Qesarakë, ndërsa në degën 12, PD ka arritur rreth 25 % më shumë të votave në Bërzhitë, ndryshe nga çfarë ka deklaruar Veliaj.
15:06-Veliaj: PS, super-fitore edhe në Dajt, kemi siguruar 52% të votave
Erion Veliaj, drejtuesi politik i PS në Tiranë deklaroi se Partia Socialiste ka fituar edhe zonën e Dajtit. Në një deklaratë nga selia rozë, Veliaj tha se PS ka fituar në Dajt me 52%.
15:05– Mbyllet votimi në 10 bashki, PS fiton edhe Libohovën
Ka shkuar në 10 numri i bashkive që kanë mbyllur numërimin për zgjedhjet parlamentare të 25 prillit. Libohova është bashkia e radhës që mbyllet me fitoren e Partisë Socialiste. Sipas të dhënëve të fundit pas përfundimit të numërimit rezulton se Partia Socialiste ka grumbulluar 1 154 vota, Partia Demokratike 901 dhe Lëvizja Socialiste për Integrim 201 vota.
Ndërkohë deri më tani nga 10 bashkitë që kanë mbyllur procesin e numërimit të votave për partitë politike, vetëm në dy bashki Partia Demokratike ka rezultuar fituese, në Has dhe në Tropojë.
14:50– PS kryeson zgjedhjet, Hoxha: Udhëheqësi hesht, këtu ka diçka që nuk shkon
Në rezultatet e deri tanishme ku thuajse janë numëruar gjysma e kutive të votimit në rang  Kombëtar Partia Socialiste udhëheq me 49.17 % të votave, e ndjekur nga PD-ja me 38.91 % dhe LSI me 7.16 %. Gazetari investigativ Artan Hoxha ka reaguar përmes një postimi në rrjetin social Facebook ku thekson se deri më tani PS sipas projeksioneve fiton 77 mandate. Në postimin e tij Hoxha shkruan se kur rezultatet po e nxjerrin fituese mazhorancën, ajo që të bën përshtypje është heshtja e udhëheqësit.
14:42– Kim nga qendra e numërimit: Bota me sytë nga Shqipëria, palët të mos shpallin ende fitoren
Ambasadorja amerikane Yuri Kim, ai spanjoll dhe ajo suedeze Elsa Hastad ndodheshin pasditen e së hënës në KZAZ-në numër 39 në kryeqytet për të vëzhguar më nga afër procesin e numërimit.Gjatë fjalës së saj para mediave, diplomatja amerikane theksoi edhe një herë që qytetarët e bënë detyrën e tyre dhe se tani është radha e kandidatëve dhe liderëve politikë që të presin në qetësi rezultatet.
14:41– Rezultatet e fundit/ PD komandon në veri, PS udhëheq në 9 qarqe
Partia Socialiste e Shqipërisë deri në orën 14:21 nga të dhënat e KQZ-së kryeson me 49.18% të votave të numëruara, PD renditet në vendin e dytë me 38.91% më pas vjen LSI me 7.147% dhe surpriza Tom Doshi 2.06%. Këto të dhëna janë nga numërimi i më pak se gjysmës së të gjitha kutive të votimit në vend, konkretisht 2355 nga 5199. Por si është situata në qarqe? Nga të dhënat e deritanishme, PD është në avantazh në 3 qarqe, përkatësisht në veri, në Shkodër, Kukës dhe Lezhë. Ndërkohë që PS udhëheq në 9 qarqet e tjera të vendit.
14:31– “Surprizon Rrogozhina”, Grida Duma: Jemi drejt një rezultati të jashtëzakonshëm
Në një komunikim për mediat, Grida Duma theksoi se deri tani rezultatet në Kavajë, janë në favor të Partisë Demokratike. Kandidatja e Partisë Demokratike në Kavajë, tha se surpriza sipas saj mbetet Rrogozhina, edhe pse nuk është njohur si bastion i PD-së, rezultatet janë pozitive për këtë forcë politike.
14:26– Xhaçka shpall fitoren në Kolonjë: Kemi marrë 20% të votave se gjithë opozita së bashku
Kandidatja për deputete e PS, Olta Xhaçka ka shpallur fitoren e PS në Kolonjë duke deklaruar se socialistët kanë marrë 20% më shumë vota sesa opozita e marrë së bashku. Ajo shton se qytetarët e bënë të veten dhe tani i takon qeverisë të bëjë realitet punët dhe projektet.
14:14– Beteja për numërimin kthehet në zvarritje, palët akuzojnë njëra-tjetrën
Procesi i numërimit të votave të së dielës u ngadalësua derisa pothuajse ndaloi mesditën e së hënës, ndërsa kutitë e numëruara tregojnë se socialistët mund të jenë në gjendje të krijojnë qeveri të re, për të cilën, këta duket se kanë edhe mbështetjen në distancë të Tom Doshit të Partisë Socialdemokrate, i cili deklaroi në mëngjes tëheqjen nga parlamenti, por jo tërheqjen nga PSD.
14:11– Ambasadori britanik në Vlorë: Është herët për të folur, jemi akoma në proces elektoral
Ambasadori i Britanisë së Madhe në vendin tonë Duncan Norman, këtë të hënë në kuadër të procesit të numërimit të votave ka ndjekur nga afër këtë proces në Vlorë. Nga Vlora Norman është shprehur se është shumë shpejt për të folur në lidhje me procesin elektoral pasi akoma nuk është mbyllur, për të dhënë opinionet dhe komentet  e plota për këtë duhet që të presim përfundimin e numërimit.
14:00– “Qendrat e para të përcaktuara nga partia në pushtet”, Celibashi i përgjigjet Bashës për radhën
Kryetari i KQZ, Ilirjan Celibashi i është përgjigjur Lulzim Bashës, i cili referuar avantazhit të PS-së deri tani, u shpreh nga selia e PD-së se kjo gjë është vetëm për momentin pasi sipas tij qendrat e para që numërohen, “janë të përcaktuara nga partia në pushtet dhe favorizojnë historikisht partinë në pushtet”. Por kryetari i KQZ e ka mohuar këtë pretendim. “Numërimi i kutive në VNV është bërë sipas radhës që ka përcaktuar Kodi Zgjedhor” shkruan ai.
13:55– “Numërimi faktik ka vetëm një rezultat”, Garo: Fitore për Aleancën për Ndryshim
Zëdhënësja e fushatës së Partisë Demokratike, Floriana Garo në një deklaratë për mediat u shpreh se nga numërimi faktik i votave ka vetëm një rezultat. Dhe ky rezultat sipas saj, është fitorja për Aleancën për Ndryshim.
Garo deklaroi se në qendra kryesore të votimit për PS, Aleanca për Ndryshim  për ndryshim po sjell një rritje që ajo e cilësoi të jashtëzakonshme. Ajo bëri thirrje për durim ndërsa shtoi se PD po bën gjithçka për të ruajtur pastërtinë e zgjedhjeve.
13:50– Dibra ruan “qetësinë” edhe pas votimit, numërohen më pak se 50% e kutive
Ashtu si procesi i votimit, edhe procesi i numërimit në qarkun e Dibrës ka pasur incidente të pakta dhe numërimi po vazhdon në të gjitha KZAZ-të. Deri më tani janë numëruar më pak se 50% e kutive të votimit, konkretisht 47 nga 101 në total. Dhe me ritmet e deritanishme pritet që procesi të përfundojë në orët e paradites së nesërme. Dibra ka 5 mandate deputetësh, nga 6 që kishte në zgjedhjet e kaluara, për shkak të uljes së popullsisë në këtë qark
13-46–“Nuk mund të votoja vetëm partinë”, Doktori i drejtohet Celibashit: Ç’kishte ndodhur në sistemin elektronik
Doktor Petrit Vargu i është drejtuar publikisht kryetarit të Komisionit Qendror të Zgjedhjeve, Ilirjan Celibashi. Përmes një postimi në “Facebook”, ai shprehet se ka tentuar të votojë vetëm partinë, por aparati nuk i përgjigjej të deklaruar nga KQZ dhe duhet të votonte i detyruar edhe individin. Sakaq, Vargu ka ftuar komisionerët e kutisë së votimit 1881/1 ku votoi, të prononcohen për vërtetësinë e kësaj deklarate.
13:25-Vlora “nuk njeh” ndryshim, Partia Socialiste kryeson qarkun
Vijon të kryesojë Partia Socialiste në qarkun e Vlorës. Deri më tani janë numëruar 238 kuti nga 445 në total dhe rezultatet nuk kanë pasur një ndryshim të dukshëm. Pas PS-së me 29213 vota ose 57.33%, vjen Partia Demokratike me 16459 vota ose 32.30%. Ndërsa në vendin e tretë vihet re LSI me 3314 vota ose 6.50%.
13:08-Rezultat i thellë dhe surpriza, dalin rezultatet e numërimit të votave në Berat
Vijon procesi i numërimit edhe në qarkun e Beratit, ku ndryshe nga momenti i votimit, tashmë nuk raportohet për incidente. Në këtë qark deri tani janë numëruar 114 kuti nga 277 në total. Sipas të dhënave të KQZ-së që update-ohen online Partia Socialiste kryeson me rezultat të thellë, e ndjekur nga PD dhe në pozicionin e tretë ndodhet LSI me një përqindje shumë të ulët. Forca e katërt është surprizë edhe këtu, PSD.
13:01- PS vijon të kryesojë, të dhënat e fundit nga KQZ: Si radhiten partitë
Ndërsa vijon numërimi i votave thuajse në të gjithë vendit, Komisioni Qendror i Zgjedhjeve ka përditësuar rezultatet e deritanishme për të gjitha forcat politike. Kështu, rezulton se deri në orën 12.30, në të gjithë vendin janë numëruar 2042 kuti votimi nga 5199 që janë në total. Nga numërimi i këtyre kutive, rezulton se Partia Socialiste vijon të kryesojë në rang vendi, e pasuar nga Partia Demokratike, LSI e PSD.
12:45-Soreca nga “Shkolla e Kuqe”: Në disa qendra po bëhet pushim, procesi të rifillojë pa vonesa
Ambasadori i BE-së Luigi Soreca, ka ndjekur nga afër procesin e numërimit në “Shkollën e Kuqe”. Soreca në një komunikim për mediat inkurajoi komisionerët që të vazhdojnë punën, ndërsa apeloi që të mos ketë ndërprerje nga ana e tyre.Ai gjithashtu theksoi se pjesëmarrja në votime ishte e lartë, ndërsa u shpreh se votimi elektronik ishte një shenjë e mirë.
12:42–Fitohen bashkitë e parë nga demokratët, mbyllet numërimi në Tropojë, Has dhe në Përmet
Tropoja, Hasi dhe Përmeti janë bashkitë e radhës që kanë mbyllur procesin e numërimit të votave, për zgjedhjet e 25 prillit. Hasi dhe Tropoja janë bashkitë e para të djathta që i kanë dhënë fitoren PD-AN, ndërsa Përmeti është një bashki që u bashkohet 5 bashkive të tjera në jug që e kanë mbyllë deri më tani procesin e numërimit të votave dhe fituese është Partia Socialiste.
12:20-Vijon numërimi i votave në Durrës, kandidatja e PD debate me komisionerët për fletat e pavlefshme
Në KZAZ nr. 22 në shkollën Marie Kaçulini në Durrës, paraditen e sotme ka pasur disa ndërprerje të procesit të numërimit. Gazetari Leonidha Musaj raporton për ABC se kandidatja e Partisë Demokratike në qarkun e Durrësit Merita Dakovelli ka debatuar me komisionerët duke hedhur poshtë klasifikimin e votave të pavlefshme.
12:20 –Durrësi me hapa të ngadaltë në numërim, si paraqitet situata në Elbasan dhe kush kryeson
Vijon procesi i numërimit intensivisht në të gjithë Shqipërinë. Vihet re se në dy nga qarqet më të përfolura si në Durrës dhe Elbasan dominon Partia Socialiste duke lënë pas Partinë Demokratike. Ndërsa në vendin e tretë renditet LSI, por votat i ka më të shumta në Elbasan.
12:08 –PS: Partia Demokratike të mos vonojë numërimin duke kërkuar pushim
Zëdhënësja e fushatës së Partisë Socialiste Bora Muzhaqi në emër të kreut të qeverisë Edi Rama u ka bërë thirrje Partisë Demokratike të mos e vonojë procesin e numërimit të votave duke kërkuar vazhdimisht pushim.
12:07 –Basha: PS ka humbur thellë, PD pret fitoren
E ndërsa nga rezultatet e numërimit deri tani, PS është në avantazh, Lulzim Basha nga selia e PD-së u shpreh i bindur se shumica socialiste në pushtet ka humbur thellë. Lideri i PD-së tha se PS është thyer në bastionet e saj dhe i kërkoi që t’i lerë lojërat.
12:42-Tom Doshi: Jemi të gatshëm për koalicion me Ramën, me Bashën kurrë
Kryetari i Partisë Social Demokrate, Tom Doshi në një dalje publike për mediat ka rikonfirmuar se dorëheqja e tij është vendim i prerë. Doshi ndër të tjera në fjalën e tij ka theksuar se është i gatshëm për të bërë koalicion me Partinë Socialiste, ndërsa me Partinë Demokratike nuk do të bënte kurrë bashkëpunim.
11:43-Numërohen 146 kuti në Korçë, surprizon partia e Tom Doshit
Vijon procesi i numërimit të votave në të gjithë Shqipërinë. Ndërsa në disa qarqe ka pasur edhe surpriza. Në qarkun e Korçës mësohet se janë numëruar deri tani 146 kuti nga 427 në total. Vihet re që kryeson Partia Socialiste me 22413 vota ose 47.40%, teksa ndiqet nga Partia Demokratike me 19670 vota ose 41.60%.
11:43-Rekord fletësh të pavlefshme në zgjedhje
Një rekord fletësh votimi janë shpallura të pavlefshme në zgjedhjet e 25 prillit të vitit 2021. Deri më tani KQZ ka numëruar gati 563 932  vota të hedhura në 1894 kuti votimi në të gjithë vendin, por ajo që bie në sy është numri i lartë i fletëve të votimit të pavlefshme.
11:43-Veliaj: Kemi fituar 55% të votave te zona e Freskut, do punojmë njësoj për ata dhe pjesën tjetër
Mes një atmosfere festive që ka nisur prej orëve të paradites në selinë rozë, drejtuesi politik i PS për Tiranën, njëherazi kryetari i kësaj bashkie Erion Veliaj deklaroi në një dalje për mediat se PS ka fituar 55% të votave te zona e Freskut në kryeqytet. Veliaj deklaroi se PS do të vazhdojë të punojë njësoj për këtë përqindje që kanë votuar socialistët dhe për pjesën tjetër.
11:43-KQZ nxjerr të dhënat, humbësi dhe fituesi deri tani
KQZ ka përditësuar të dhënat e fundit nga numërimi në të gjithë vendin në orën 11:31. Deri tani janë numëruar 1894 kuti votimi nga 5199 në total nga ku rezulton.
11:40-FOTO/“Kryeministri i mandatit të tretë”, Rama shfaqet i buzëqeshur krah ish-deputetit socialist
Ndërkohë që procesi i numërimit të votave vazhdon, ethet e garës po ndihen gjithmonë e më shumë. Kryeministri Edi Rama është shfaqur i buzëqeshur krah ish-deputetit socialist Alfred Peza.
11:37-“Lodhen” komisionerët, ndërpritet numërimi i votave në disa KZAZ në Shijak dhe Rrogozhinë
Në një pjesë të madhe të KZAZ-ve në vend nuk është marrë parasysh zëvendësimi i komisionerëve në rast problemesh shëndetësore apo lodhje. Ky është rasti i KZAZ nr. 20 dhe 21 në Shijak dhe asaj nr. 43 në qytetin e Rrogozhinës. Burime bëjnë me dije për ABC se në KZAZ nr. 20 në Shijak numërimi është ndërprerë dhe do të fillojë në orën 15:00, ndërsa atë nr. 21 do të fillojë në orën 14:00.
11:25-Celibashi: Nuk ka justifikim ndërprerja e procesit, numëruesit duhet të zëvendësohen menjëherë
Kryetari i Komisionit Qendror të Zgjedhjeve, Ilirjan Celibashi  këtë të hënë në kuadër të vijimit të procesit të numërimit të votave për zgjedhjet parlamentare të 25 prillit ka bërë thirrje numëruesve për vijim të numërimit. Celibashi përmes një postimi në Facebook bën thirrje të gjithë partive politike që kanë numërues që ti përmbahen premtimit publik për të garantuar numërimin dhe vlerësimin e pandërprerë të votave.
11:17-Dha dorëheqjen, Tom Doshi tregon arsyet: Kam hequr dorë nga mandati, por jo nga partia
Kryetari i Partisë Social Demokrate ka shpjeguar arsyet e tërheqjes nga mandati para publikimit të rezultatit përfundimtar të zgjedhjeve të djeshme parlamentare. Doshi thotë se është tërhequr nga mandati dhe jo nga partia.
11:17-Këlliçi në KZAZ nr.36 në Kombinat: Kemi ngushtuar diferencën me plot 5 200 vota
Kreu i FRPD-së Belind Këlliçi, ka falënderuar qytetarët që i kanë besuar Aleancës për Ndryshim. Nga KZAZ nr 36 në Kombinat bën me dije se me numërimin e më shumë se gjysmës së kutive është ngushtuar diferenca me 5 200 vota.
11:15-Mbyllet numërimi në Poliçan, del rezultati final
Poliçani është bashkia e radhës që ka përfunduar numërimin e votave për zgjedhjet parlamentare të zhvilluar me 25 prill në vendin tonë. Kutitë e fundit janë numëruar në KZAZ-në numër 67, ku rezultati është në favor të Partisë Socialiste.
11:12-VIDEO/ Atmosfera në selinë rozë, socialistët festojnë para daljes së rezultateve
Rezultatet e para që favorizojnë socialistët kanë sjellë festë në selinë rozë.
11:11-Përfundon numërimi i 146 kutive në Shkodër, kush kryeson mes PD-së dhe PS-së
Vihet re që dominon Partia Demokratike me 16710 vota ose 43.35%. Ndërsa ndiqet nga Partia Socialiste me 11494 vota ose 29.82%. Në vendin e tretë ndodhet LSI 3631 ose 0.12%, duke u ndjekur nga pas nga PSD me 5419 vota ose 14.06%.
11:10-Vasili e pranon: PS në avantazh, por akoma s’ka mbaruar, forca numëruesve
N/ kryetari i LSI-së, Petrit Vasili pranoi avantazhin e PS-së deri në momentin që po flasim, por u kërkoi komisionerëve që të vijojnë numërimin deri në fund dhe inkurajim për të qenë të freskët.
10:54-Braçe: Komisionerët e PD dhe LSI kanë braktisur numërimin në Divjakë, KQZ të marrë masa
Zv/kryeministri Erion Braçe thotë se numëruesit e caktuar nga opozita në KZAZ e Divjakës kanë braktisur procesin prej orës 05:30 të mëngjesit të sotëm. Ai i bën thirrje KQZ-së të rinisë numërimin e votave të qytetarëve të Divjakës. Braçe kërkon që prokuroria të hetojë krimet elektorale dhe numëruesit që kanë braktisur detyrën.
10:50-Zgjedhjet në Shqipëri bujë në mediat greke: Numërimi i votave në proces, kryeson Rama
Procesi zgjedhor në Shqipëri vazhdon të bëjë jehonë në mediat fqinje. Ditën e sotme, një nga mediat greke i ka kushtuar një artikull numërimit të votave. Në të thuhet se Edi Rama është në avantazh nga të dhënat e para nga numërimi i votave që është në progres.
10:35-Zgjohen nga gjumi komisionerët e Gjirokastrës
Pas më shumë se 5 orësh ndërprerje ka rinisur numërimi i votave në KZAZ-në e Gjirokastrës. Komisionerët e tre palëve, PD, PS dhe LSI u shprehën se ishin të lodhur dhe për këtë arsye shkuan të pushonin 5 orë për t’u rikthyer në orën 10:30.10:30-Përfundon numërimi i 1695 kutive në rang kombëtar, kryeson PS
Kanë kaluar thuajse 12 orë nga fillimi i numrit  të votave nga zgjedhjet parlamentare të 25 prillit . Rezultatet e deri më tanishme nga KQZ në rang kombëtar kryeson Partia Socialiste me 49.51 % e ndjekur nga Partia Demokratike 38.72 %. Deri më tani janë numëruar 1695 kuti nga 5199, ku vihet re se Partia Socialiste kryeson me 234.530 vota dhe ndiqet nga Partia Demokratike me 183.427 vota dhe LSI me 33 674 vota.10:30 Trëndafili i fitores, Ajola Xoxa shpall suksesin e PS-së me foton e veçantë
Bashkëshortja e kryebashkiakut Veliaj, Ajola Xoxa ka përshendetur ndjekësit e saj këtë mëngjes me një foto të veçantë. Ajo ka publikuar në Instagram foton e një trëndafili rozë, simboli i Partisë Socialiste. Ndërkohë që numërimi i votave vazhdon prej disa orësh, Xoxa lë të kuptohet se janë optimist për fitoren.10:23-Mbyllet numërimi me fitore të thellë në Memaliaj
Pas Pustecit, Këlcyrës dhe Himarës është mbyllur numërimi i votave edhe në Memaliaj. Fitues në këtë bashki është partia Socialiste me 3271 vota, diferencë shumë e thellë nga vendi i dytë që është PD me 1404, ndërsa LSI ka marrë një mijë vota./ Abcnews.al10:23-PS fitoi në njësinë 10, Tabaku: Partia Demokratike është rritur me 30%Pas rezultateve të shpallura në njësinë 10 në Tiranë, Jorida Tabaku në një komunikim për mediat bëri me dije se Partia Demokratike ka një rritje me 1200 vota. Tabaku në këtë komunikim theksoi se Partia Socialiste ka pësuar një rënie me 200 vota, ndërsa bëri thirrje që të vijojë numërimi.
10:12-“Zgjedhjet”, Kim: SHBA është me ju, të presim me durim rezultatet
Ambasadorja amerikane në Tiranë, Yuri Kim e shoqëruar nga kryekomisioneri Ilirjan Celibashi, bën me dije se ka ndjekur nga afër procesin e numërimit të votave, në qendrat tek Vasil Shanto dhe Shkolla e Kuqe.10:11-Zgjedhjet parlamentare të 25 prillit, gazetari Enkel Demi dhe Flamur Kuçi analizojnë shifrat
Mëngjesin e kësaj të hëne në studion e ABC ka qenë i ftuar Flamur Kuçi i cili në një bisedë me gazetarin Enkel Demi kanë bërë një analizim në lidhje me shifrat e deri më tanishme për zgjedhjet e 25 prillit.10:05-Veliaj jep një tjetër lajm të mirë për socialistët nga fronti i numërimit, Rama: Deri në votën e fundit
Brenda pak minutash drejtuesi politik i PS-së në Tiranë Erion Veliaj doli sërish në një deklaratë për mediat duke shpallur një tjetër fitore. Kryebashkiaku tha se PS ka fituar në Bërzhitë me një rezultat më të thellë, ishte 55% dhe arriti në 65%. “Bërzhita një njësi rurale e Tiranës që ka qenë e djathtë, kemi fituar herën e fundit 55%, kemi thelluar rezultatin, sot jam plot krenari dhe mirënjohje” tha Veliaj. Një falënderim për votuesit e Bërzhitës kishte edhe Edi Rama. “Deri në votën e fundit. Faleminderit zgjedhësve të Njësisë Bërzhitë, Tiranë”.

10:05-Çfarë po ndodh në PD? Vjen reagimi i parë: Nuk kish si ndodhte ndryshe
Nga numërimi deri tani i kutive të votimit në të gjithë Shqipërinë, gjithmonë bazuar te të dhënat e KQZ-së, PS është në avantazh. Nga selia e PD-së ditën e sotme ende nuk ka asnjë reagim për procesin e numërimit dhe rezultatin.

09:35-Përfundon numërimi i 1543 kutive në rang kombëtar, cila parti kryeson rezultatin
Vihet re se në rang kombëtar kryeson Partia Socialiste me 212014 vota. Ndiqet nga Partia Demokratike me 164.554 vota dhe LSI me 30423 vota.
09:35- Meta: Të mos tjetërsohet asnjë votë në procesin e numërimit
Presidenti i Republikës Ilir Meta, nëpërmjet një postimi në rrjetin social “Facebook” bën thirrje që asnjë votë të mos tjetërsohet gjatë procesit të numërimit. Meta gjithashtu bën apel që të ruhet qetësia deri në shpalljen e rezultateve. Presidenti shton se çdo votë në kuti do të numërohet dhe rinumërohet deri në fund.

09:31-Fituan Njësinë Nr. 10, Veliaj: Të pranojmë rezultatin, të nisim fushatën e vëllazërisë
Drejtuesi politik i Partisë Socialiste për qarkun e Tiranës, Erion Veliaj në një deklaratë nga selia ka përshëndetur dhe falënderuar të gjithë për fitoren e arritur në Njësinë 10 në Tiranë. Veliaj në fjalën e tij ka theksuar se është në një mendim me ambasadorët dhe me kundërshtarët politik që të pranohet rezultati i këtyre zgjedhjeve dhe të shtrihet dora e bashkëpunimit pa dallim.

09:21-Kurti votoi në Shqipëri, Vuçiç: Mesazh i qartë për ne dhe për të gjithë
Presidenti i Serbisë Aleksandër Vuçiç ka komentuar votimin e kryeministrit Albin Kurti në zgjedhjet e 25 prillit në Shqipëri. Vuçiç në fjalën e tij ka thënë se vota e Kurtit në Shqipëri është një sinjal i përgjithshëm për të gjithë për mesazhin që doni të përcillni.

09-20-Surprizat e mëdha, Shehaj la pas Bashën, prezantuesja Berishën, dështojnë 2 risitë e Ramës
Në listën e PD-së, nuk është Lulzim Basha më i votuari, por Agron Shehaj me 525 vota, që lë pas liderin e PD-së me 492. Surprizë është edhe Orjela Nebijaj që ka marrë 469 vota duke lënë pas liderin historik Sali Berisha që mori vetëm 238 vota.

09-18- Debat në KZAZ nr.65 në Berat, vëzhguesi i PS-kandidatit: Do t’ju nxjerr jashtë nëse thyeni sërish etikën
Kandidati i “AOKBPEK” ka debatuar me komisonerët dhe me vëzhguesin e Partisë Socialiste, për shkak se kërkon që fleta e votimit të qëndrojë më gjatë në monitor, me qëllim që sipas tij fleta të lexohet më mirë.

09:05-Mbyllet numërimi në Himarë dhe Këlcyrë, del rezultati final
Ka përfunduar numërimi në bashkinë e Këlcyrës ku rezulton se PS-ja ka marrë shumicën më pas vjen PD dhe LSI. Konkretisht PS ka marrë 1750 vota, PD 1070, LSI 509 nga 18 kutitë e numëruara. Numërimi ka përfunduar edhe në bashkinë e Himarës, PS ka marrë 3447 vota, PD 1854 dhe LSI 341.

08:47- Çfarë po ndodh në Vlorë? PS kryeson qarkun, sa vota kanë marrë PD dhe LSI
Deri më tani në këtë qark janë numëruar 191 kuti nga 445 në total. Vihet re që deri më tani kryeson bindshëm Partia Socialiste me 22227 vota ose 57.09%. Më pas ndiqet nga Partia Demokratike me 12796 vota ose 32.87%. Ndërsa LSI ka marrë aktualisht 2594 vota ose 6.66%, duke u renditur partia e tretë në qark. 

08:43-Komisionerë të lodhur, Celibashi: Partitë politikë të kishin marrë masat, t’i jepet fund kësaj historie
Kryekomisoneri i KQZ-së, Ilirjan Celibashi pas shpalljes së rezultatit në KZAZ nr.40 në Tiranë, në një prononcim për mediat foli edhe për kërkesat që janë bërë në disa qendra votimi për ndërprerjen e numërimit , me arsyetimin se komisionerët janë lodhur. Celibashi tha se kjo histori duhet të marrë fund dhe se partitë politike duhet të kishin marrë të gjitha masat dhe se në raste të tilla komisionerët duhet të zëvendësoheshin.

08:29-Doshi dha dorëheqjen, Celibashi: Akoma herët, do ta shohim, ja kur del rezultati final
Kryetari i KQZ, Ilirjan Celibashi i pyetur mbi dorëheqjen e Tom Doshit u shpreh se është akoma herët dhe nuk e kanë vlerësuar kërkesën, por shtoi se do të procedohet sipas parashikimeve të kodit.

08:27- Numërohen 153 kuti në qarkun e Fierit, rivalitet mes PS dhe PD, kush kryeson deri më tani
Nga rezultatet e deritanishme, vihet re një kryesim i Partisë Socialiste me 22749 vota ose 52.60%. Më pas ndiqet nga Partia Demokratike me 16639 vota ose 38.47%. Ndërsa në vendin e tretë qendron Lëvizja Socialiste për Integrim, e cila ka marrë ka marrë deri në këto momente në qarkun e Fierit 2707 vota ose 6.26%.

08:20- Shpallet rezultati te njësia 10 në Tiranë, sa vota kanë marrë të gjithë kandidatët
 PS mori 6007 vota, PD 4550, LSI 628, PSD 208 dhe Boiken Abazi 179.

08:15- U votua dhe numërua elektronikisht, shpallet rezultati në KZAZ nr.40 në Tiranë
Në rezultatet e publikuara bëhet me dije se në këtë njësi ka fituar Partia Socialiste.

07:50-Ndërpritet numërimi në Gjirokastër, komisionerët: Jemi të lodhur
Procesi i numërimit në qytetin e Gjirokastrës, që ka vetëm një KZAZ është ndërprerë në orën 05:00 të mëngjesit dhe do të rinisë në 10:00 paradite. Komisionerët e tre palëve, PD, PS dhe LSI janë shprehur se janë të lodhur dhe për këtë arsye do të shkojnë të pushojnë për 5 orë për t’u rikthyer paradite.

07:31-Mëngjes me befasi, KQZ nxjerr rezultatet e fundit për Tiranën
Deri në orën 07:31 të mëngjesit të sotëm në Tiranë janë numëruar 195 nga 1243 kuti në total. Deri tani PS udhëheq me 51.46 %, e ndjekur nga PD me 36.12 %, 6.07 % dhe PSD e drejtuar nga Tomi Doshi, i cili dha dorëheqjen, 2.84 %.

07:20-Lodhen komisionerët e PD-së, ndërpritet numërimi te Pazari i Ri në Tiranë
Në orën 07:20 është ndërprerë procesi i numërimi në KZAZ nr. 32 në Tiranë, që ndodhet te shkolla “Hasan Tahsim” te Pazari i Ri. Gazetari i ABC, Juxhin Mustafaraj që po ndjek nga afër procesin prej mbrëmjes së djeshme thotë se komisionerët e PD-së kanë kërkuar pushim për shkak të lodhjes.

07:00-KQZ nxjerr rezultatet e fundit, udhëheqje bindshëm dhe surpriza
E hënë ora 06:51 është përditësimi i fundit i KQZ për të dhënat e numërimit të votave. Deri në mëngjesin e sotëm në këtë orë janë numëruar 1125 nga 5199 kuti nga ku rezulton se Partia Socialiste ka marrë 50.19%, PD 38.26%, LSI 7% dhe PSD 1.86%. Pra socialistët udhëheqin bindshëm deri tani nga numërimi i 1125 kutive, por janë edhe shumë në proces.
06:20 – Kukësi “blu”, PS e pafuqishme përballë PD

Kukësi deri më tani ka numëruar 41 qendra votimi nga 141 në total. Në qarkun e Kukësit nga 11274 vota të numëruar 582 prej tyre kanë dalë të pavlefshme.

Ashtu siç pritej, në qarkun e Kukësit po kryeson bindshëm Partia Demokratike me 63.275,ose thënë ndryshe 6765 vota. Në vend të dytë renditet PS, me 34.90% ose 3732 vota. Ndërkohë LSI deri më tani ka 10 vota.

05:59 – PS prin në Elbasan: LSI “shkrin” në Belsh, sa vota ka PD
Sipas përditësimit të fundit të KQZ-së, në Qarkun e Elbasanit janë numëruar 30801 vota, nga të cilat 16187 vota i përkasin PS-së, 55.52 %, PD me 10826 vota ose 37.14 % ndërsa LSI me vetëm 1247 vota, 4.28 %. Në bashkinë e Belshit, socialistët dominojnë me 2691 vota ose 53.70 % krahas demokratëve me 2093 vota ose 41.77 %.Partia e Kryemadhit rezulton të ketë marrë deri më tani vetëm 98 vota në këtë bashki me vetëm 1.96 %. Po ashtu dhe në Cërrik vazhdon para PS me 2757 vota ndërsa PD “Aleanca për Ndryshim” me 1267. LSI përsëri në disfatë me 194 vota. Të dhënat nga Bashkia e Elbasanit tregojnë PS me 3499 vota ndërsa demokratët me 3020 vota dhe LSI 211 vota.Rezultat të thellë mes PS dhe PD në Gramsh, ku e para numëron 1942 vota deri më tani ndërsa PD 940 vota dhe LSI 187 vota. PS ecën e para gjithashtu dhe në Librazhd me 3291 vota kundrejt 1879 votave të PD-së. Dhe në këtë bashki, LSI ka marrë vetëm 278 vota. Në ndryshim nga bashkitë e tjera, vihet re një rritje e Nismës Thurje me 72 vota.Socialistët kryesojnë gjithashtu dhe në Peqin me 1094 vota ndërsa PD me 1128 vota. LSI ka marrë vetëm 38 vota në këtë bashki por ka siguruar disa më tepër në bashkinë e Përrenjasit.
05:56 –PS prin bindshëm në Vlorë, sa vota kanë marrë PD dhe LSI
KZAZ-të e qarkut të Vlorës kanë administruar deri më tani 101 kuti votimi nga 445 që është totali. Në këtë qark prin dukshëm Partia Socialiste me 57.85 për qind të votave kundrejt 32.38 për qind që ka Partia Demokratike.Ndërkohë, LSI ka marrë 1327 vota deri më tani duke u renditur partia e tretë në qark.Lexo edhe: Numërohen 210 000 fletë votimi, sa vota kanë deri më tani PS, PD, LSI dhe PSDBindja Demokratike ka arritur të ngjitet mbi 1 % duke marrë 244 vota deri më tani.Abcnews.al po vijon  publikimin e të dhënave live përmes platformës së saj unike.
05:40 – Shkodra nuk ka surpriza, me sa vota kryeson PD
Në Qarkun e Shkodrës deri më tani janë numëruar 46 qendra votimi nga 411 në total. Deri më tani janë numëruar 11370 vota, ndërkohë 584 prej tyre kanë qenë të pavlefshme.Në këtë qark kryeson Partia Demokratike me 42.26%ose 4558 vota. Në vendin e dytë është Partia Socialiste me 28.53% ose 3077 vota. Ndërkohë vendin e tretë në Shkodër deri më tani e zë PSD, me 16.73% të votave ose 1805. Për sa i përket LSI, deri më tani ka vetëm 927 vota ose 8.59%. Lëvizja për ndryshim e Jozefina Topallit ka aktualisht 136 vota.
05:20 –  Numërohen 15% e kutive në Fier, prin PS: Sa vota morën PD dhe LSI
Në Fier janë numëruar 90 nga 580 kuti që ka i gjithë qarku, ku deri më tani duket se prin Partia Socialiste me 52.56 për qind të votave, kundrejt 38.50 për qind që ka Partia Demokratike. Ndërkohë, LSI ka marrë 5.61 për qind të votave.Deri më tani nuk ka ndonjë rezultat për t’u vlerësuar partia Lëvizja Demokratike Shqiptare e Myslym Murrizit, e cila ka marrë më pak se 1 për qind të votave.
02:24 –Yuri Kim: Të presim me durim rezultatin, SHBA do jetë me ju
Ambasadorja amerikane Yuri Kim me anë të një postimi në rrjetet sociale shkruan se procesi i numërimit në Shqipëri.Kim thekson se duhet të presim me durim për rezultatin, ndërsa shton se SHBA-të do të jenë gjithnjë me qytetarët shqiptarë.“Procesi i numërimit ka filluar për zgjedhjet e Flamurit të Shqipërisë. Kam vizituar qendrat e numërimit në Vasil Shanto dhe Shkollën e Kuqe.Punë për mbarë dhe faleminderit për të gjithë sportelet dhe stafin që punon gjatë gjithë natës. Le të presim të gjithë me durim rezultatet. Shtetet e Bashkuara të Amerikës do të jetë me ju deri në fund!”, shkruan ambasadorja Kim.

02:06 –Numërohen gjashtë kutitë e para, PD prin në Dibër  Ka përfunduar numërimi i gjashtë kutive të para në Dibër. Nga të dhënat e para për këto kuti të numëruara rezulton se prin Partia Demokratike.PD ka marrë 760 ose 49.64 %. Ndërkohë Partia Socialiste rezulton të 640 vota ose 41.80 %. LSI ka marrë 95 vota nga gjashtë kuti të numëruara.KQZ ka numëruar më shumë se 11 000 fletë votimi deri më tani duke nxjerrë rezultatet e para në rang vendi.Mësohet se deri më tani janë numëruar 11134 fletë votimi, nga të cilat 5708 ose 51.27 për qind janë për Partinë Socialiste; 4317 ose 38.77 për qind janë për PD dhe Aleancën për Ndryshim dhe 825 vota ose 7.41 për qind janë për LSI-në.Ndërkohë, 158 vota ose 1.42 për qind në rang vendi ka marrë PSD e Tom Doshit. Votat e tjera që mbeten ndahen mes partive të tjera të vogla.

02:02-Numërohen 8 kutitë e para në Tiranë, kush kryeson

Ka përfunduar numërimi i votave në 8 kutitë e para në Tiranë. Bëhet fjalë për 4 kuti votimi në Kombinat. Nga kutia e parë rezulton në kombinat: PS 174, PD 124 dhe LSI 12 vota. Ndërkohë në kutinë e dytë, Partia Socialiste numëron 176 vota, Partia Demokratike 114 vota ndërsa LSI numëron 13 vota. Nga kutia e tretë: PS 246 vota, PD 136 vota, LSI 33 vota. Ndërsa për sa i përket kutisë së katërt mësohet se votat janë ndarë: PS 216 vota, PD 118 vota dhe LSI 24 vota.

Ndërkohë tek “Shkolla e Kuqe’ në Tiranë janë numëruar 4 kuti: PS 570 vota, PD 522 vota, LSI 53 vota, PSD 33 vota, Boiken Abazi 21 vota, të tjera 34.

Procesi i numërimit në Tiranë ka nisur në shumë qendra votimi. Fillimisht numërimi ka filluar tek shkolla “Vasil Shanto”, por edhe në Kombinat dhe tek “Shkolla e Kuqe”.
Për të parë nga afër procesin ishin në qendrën e numërimit tek “Shkolla e kuqe”, ambasadorja Yuri Kim si dhe kreu i KQZ, Ilirjan Celibashi.​

01:12 – Numërohet kutia e parë në Tiranë, sa vota merr PS, PD dhe LSI

Është numëruar kutia e parë në Tiranë. Abcnews.al mëson se bëhet fjalë për një kuti në Kombinat, nga e cila rezulton: PS 174, PD 124 dhe LSI 12.

Procesi i numërimit në Tiranë ka nisur pak minuta më parë. Fillimisht numërimi ka filluar tek shkolla “Vasil Shanto”, por edhe në Kombinat dhe tek “Shttps://abcnews.al/wp-admin/post-new.phphkolla e Kuqe”.

Për të parë nga afër procesin ishin në qendrën e numërimit tek “Shkolla e kuqe”, ambasadorja Yuri Kim si dhe kreu i KQZ, Ilirjan Celibashi.

Kim bëri thirrje për të ruajtur qetësinë, ndërsa partitë sipas saj duhet të presin rezultatin përfundimtar dhe të pranojnë atë.

00:55 – Dalin rezultatet e kutive të para në Roskovec, kush kryeson

Ka përfunduar numërimi i katër kutive të para në Bashkinë e Roskovecit. E para renditet PS me 860 vota, ndjekur më pas nga PD me 606 dhe LSI 74.

Në qendrën e votimit në Kuman PS ka siguruar 438 vota, PD-ja 299 vota ndërsa LSI 41 vota. Në qendrën e votimit në Marinëz PS ka marrë 422 në total, PD 307 ndërsa LSI 33 vota.

00:10 – PROJEKSIONI/ Sa mandate marrin PD, PS, LSI në Tiranë, Durrës, Elbasan, Fier, Vlorë, Korçë, Shkodër dhe Gjirokastër

Agim Tutulani është duke publikuar të dhënat e projeksionit të “Geo Cartography” në ABC duke zbardhur deri më tani se sa mandate merr secila parti në qarqet e vendit. Deri më tani janë zbardhur parashikimet për Shkodrën, Korçën dhe Gjirokastrën, e cila surprizon sipas Tutulanit duke marrë dy mandate.

Tirana sipas Tutulanit ndahet me nga 16 mandate për PS dhe PD, 2 mandate i merr LSI dhe për 2 mandate të tjera do të luftojnë PS, PD, LSI dhe PSD.

Sipas tij, në Gjirokastër mandatet ndahen 2 me 2 mes PS-së dhe PD-së, po ashtu një ndarje barabartë mes PS dhe PD me nga 5 mandate ndodh edhe në Korçë, ndërsa 1 mandat pritet ta marrë LSI.

Sa i përket Shkodrës, “Geo Cartography”  projekton 6 mandate të PD-së, 3 mandate të PS-së dhe 1 mandat të Tom Doshit duke lënë pa deputetë Jozefina Topallin dhe LSI-në.

Ndërkohë, në Elbasan raportohet se PS i ka të çimentuara 7 mandate dhe lufton për mandatin e 8, ndërsa PD pritet të marrë 6 mandate, kurse LSI merr 1 mandat. Tutulani shprehet se PS mund t’ja marrë PD-së mandatin nëse shkon në mandatin e 8.

Në lidhje me Durrësin Tutulani u shpreh se PD ka patur një rritje të ndjeshme gjatë muajve të fundit, e cila ka qenë një rritje mbi mesataren e vendit.

“Geo Cartography” parashikon një rezultat 6 mandate të sigurta për PS, 6 mandate të sigurta për PD dhe 1 mandat të sigurt për LSI-në.

Ndërkohë, sipas tij mbetet i diskutueshëm mes PD-së dhe PS-së mandati i fundit në Durrës, ku do të vendoset nësë opozita do të kalojë në një avantazh me dy mandate apo do të kemi një rezultat të barabartë PS përballë opozitës.

PD paraqitet më e fortë se 2017 në Fier, ku sipas Tutulanit ndarja e sigurt është se PS merr 8 mandate, PD merr 6 mandate dhe LSI një mandat.

‘Sot për sot janë 8 mandate të PS, 6 PD dhe një LSI. Kemi 1 mijë e më shumë. Me një seri variabël. PDIU jep shanse PD. PD ka shanse reale për të barazuar 8 me 8 me PS-në. Jemi 8-6-1 në këto momente. Një mandat është në lojë”, tha eksperti Agim Tutulani . 

PS duket se nuk i ruan dot mandatet e marrë në Vlorë duke zbritur në 8 të tilla, kurse PD pritet të ngjitet në 4 të tilla dhe një mandat pritet të marrë një mandat.

Mandatet sipas “Geo Cartography”

Tirana

PS- 16 mandate

PD – 16 mandate

LSI- 2 mandate

2 mandate të diskutueshme mes PS, PD, LSI dhe PSD

Durrës

PS – 6 mandate

PD- 6 mandate

LSI- 1 mandat

1 mandat i diskutueshëm mes PD dhe PS

Fieri

PS -8 mandate

PD – 6 mandate

LSI – 1 mandat

1 mandat i diskutueshëm

Vlora

PS- 8 mandate

PD – 4 mandate

LSI – 1 mandat

Korça

PS – 5 mandate

PD- 5 mandate

LSI – 1 mandat

Gjirokastër

PS – 2 mandate

PD -2 mandate

Shkodër

PS- 3 mandate

PD – 6 mandate

PSD -1 mandat

1 mandat i diskutueshëm

Elbasani

PS – 7 mandate

PD – 6 mandate

LSI – 1 mandat

23:54 –Beteja për Tiranën, projeksioni në ABC: Si ndahen mandatet mes PS, PD e LSI në kryeqytet

Agim Tutulani nga “Geo Cartography” tregoi në studion e ABC se në Tiranë dy forcat kryesore PS dhe PD, janë në një barazim statistikor. Tutulani tha se deri para një javë kur u bë sondazhi, këto dy forca ishin barazim ndërsa shtoi se projeksioni u bë duke u ndarë në zonat rurale dhe ato urbane.

Sipas ekspertit, në zonat rurale ishte Partia Demokratike në avantazh me 20 mijë vota, kurse në zonat urbane në avantazh ishte Partia Socialiste me 15 mijë vota.

Ndërsa, LSI ishte me dy mandate të sigurta. Sa i përket dy mandateve shtesë në kryeqytet, Tutulani nga kompania “Geo Cartography” tha se në lojë janë katër parti.

“Këtu ishin dy mandatet në lojë. Ku ishin në garë partia e zotit Doshi, Partia Demokratike, Partia Socialiste dhe LSI. Për shkak të formulës mund të lëvizë me 1,000 deri në 4,000 vota.” 

23:39 – Numërohet kutia e parë në Devoll, sa vota morën PS, PD dhe LSI

Ka përfunduar numërimi në kutinë e parë në Devoll, ku PD ka marrë 211 vota, PS ka marrë 94 vita dhe LSI, 4 vota.

Ndërkohë, deri më tani në Pustec janë numëruar 5 kuti ku rezultati i përgjithshëm është 380 vota për PD, 702 vota për PS dhe 117 vota për LSI.

23:36 – PROJEKSIONI/ Sa mandate marrin PS, PD dhe LSI në Durrës

Agim Tutulani nga “Geo Cartography” publikoi në ABC  projeksionin e kompanisë në lidhje me rezultatin e zgjedhjeve në Durrës.

Sipas tij, PD ka patur një rritje të ndjeshme gjatë muajve të fundit, e cila ka qenë një rritje mbi mesataren e vendit.

“Geo Cartography” parashikon një rezultat 6 mandate të sigurta për PS, 6 mandate të sigurta për PD dhe 1 mandat të sigurt për LSI-në.

Ndërkohë, sipas tij mbetet i diskutueshëm mes PD-së dhe PS-së mandati i fundit në Durrës, ku do të vendoset nësë opozita do të kalojë në një avantazh me dy mandate apo do të kemi një rezultat të barabartë PS përballë opozitës.

23:35 – PROJEKSIONI/ Si ndahen mandatet në Fier? Eksperti: PS 8 mandate të sigurta, sa merr PD e LSI

Eksperti zgjedhor Agim Tutulani duke folur për ndarjen e mandateve në qytetin e Fierit, është shprehur se Partia Demokratike dhe partitë opozitare kanë shanse reale që të marrë 8 mandate dhe të barazojë Partinë Socialiste.

Megjithatë sipas ekspertit, Tutulni  ndarja e sigurt deri më tani është, PS merr 8 mandate, PD merr 6 mandate dhe LSI 1 mandat.

‘Sot për sot janë 8 mandate të PS, 6 PD dhe një LSI. Me një seri variabël. PDIU jep shanse PD-së. PD ka shanse reale për të barazuar 8 me 8 me PS-në nëse merret si tërësi opozitare. Jemi 8-6-1 në këto momente. Një mandat tjetër është në lojë.” Tha eksperti Agim Tutulani . 

23:29 – Fillon numërimi në Vlorë, si ndahen mandatet sipas projeksionit në ABC

Ka filluar numërimi në qarkun e Vlorës. Gazetari Elton Nika raporton për abcnews.al se ka filluar tashmë numërimi në KZAZ-në e vendosur në fshatin Kote, ku po numërohen votat për bashkinë e Selenicës.

Janë katër grupe që po bëjnë numërimin e kutive të votimit për Selenicën. Ndërkohë pritet të fillojë shumë shpejt numërimi edhe në bashkinë e Himarës.

Vlora ka në total 10 KZAZ me gati 318 mijë votues.

Sa i përket Vlorës, eksperti zgjedhor Agim Tutulani u shpreh se në këtë qark nuk pritet ndonjë ndryshim i madh sa i përket numrit të deputetëve duke anuar më shumë se PD mund të rritet maksimalisht deri në 4 mandate.

23:08 – Numërohen tre kutitë e para, sa vota kanë gjithsej PS, PD dhe LSI

Është hapur kutia e tretë e në bashkinë e Pustecit, ku PS ka marrë 159 vota; PD ka marrë 69 vota,ndërsa LSI ka marrë 9 vota.

Në total, në tre kuti të hapura në Pustec, PS ka marrë 418 vota, PD ka marrë 179 vota, kurse LSI ka marrë 78 vota.

Po ashtu raportohet se ka nisur numërimi edhe në Devoll.

 Lexo edhe: PROJEKSIONI/ Sa mandate marrin PD, PS, LSI në Korçë, Shkodër dhe Gjirokastër

Gjate minutave në vijim pritet të fillojë numërimi edhe në Pogradec, ndërsa raportohet se ka vonesa në fillimin e numërimit në Kolonjë.

22:30 – PROJEKSIONI/ PD rritet ndjeshëm në Elbasan, PS “çimenton” 7 mandate

Eksperti zgjedhor Agim Tutulani ka deklaruar se sipas projeksionit të “Geo Cartography” në ABC, në Elbasan PS ka gjasa të marrë 8 mandate dhe PD të sigurojë 6.

“Në 2017 PDIU ishte faktor në Elbasan se kishte dy mandate. Forca e PDIU në këto zgjedhje nuk është e njëjta, por nga sondazhi vumë re se mbaheshin. Nuk është se ato vota diku  te 29 mijë nuk po transmetohen direkt te PS. Një pjesë e tyre kanë vajtur drejt PD.

Lexo edhe: PROJEKSIONI/ Sa mandate marrin PD, PS, LSI në Korçë, Shkodër dhe Gjirokastër

Është e sigurt që PS ka 7 mandate dhe lufton për të tetin. PD 5 mandate të sigurta dhe LSI 1. Kjo lë një mandat në lojë që tre forcat kanë shanse ta tejkalojnë. Gjasa janë më të larta që lufta është mes PD dhe PS. Që PS të shkojë 8 dhe PD 6,” theksoi ai.

22:17 – Hapen kutitë e para, sa vota morën PD, PS dhe LSI

Ka nisur tashmë numërimi i votave në kutitë e votimit në vend. Gazetarja Ledjona Xheladinaj raporton për abcnews.al se kutia e parë është numëruar në Pustec dhe PS ka marrë 118 vota, PD merr 114 vota dhe LSI, 14 vota.

Ndërkohë njoftohet se ka përfunduar edhe numërimi i kutisë së dytë në Pustec dhe Goricë e Madhe. Konkretisht votat janë ndarë 259 për PS, 110 PD dhe 69 vota kanë shkuar për LSI.

Po ashtu raportohet se ka nisur numërimi edhe në Devoll.

22:06 – Shqiptarët votuan, Balla: PS, rezultat historik në Elbasan

Drejtuesi Politik i Partisë Socialiste për Qarkun e Elbasanit , Taulant Balla në një deklaratë për mediat u shpreh se në këto zgjedhje PS në Elbasan ka një rezultat historik.

Balla deklaroi se, në kutitë e votimit, PS ka siguruar vota të mjaftueshmja për të marrë më shumë se 9 mandate.

22:00 – Projeksioni në ABC: Si ndahen mandatet në Shkodër

Eksperti i zgjedhjeve Agim Tutulani ka shpjeguar projeksionin në ABC për zgjedhjet e 25 prillit. Tutulani tha se në këto zgjedhje, sipas projeksionit PD merr 6 mandate, PS 3 dhe është afër të katërtit.

Sipas tij partia e Jozefina Topallit nuk do arrijë të marrë mandat dhe do të sigurojë 4-5 mijë vota, ndërsa Tom Doshi merr 1.

LEXO EDHE: Gara në Korçë, eksperti në ABC: PD-ja “i merr” PS-së një mandat në Korçë

“Nuk do ketë forcë. Lsi këtu ka qenë te pragu dhe më poshtë, ne dimë që këtu PD ka 6, PS 3 dhe është shumë afër të 4 dhe është pikëpyetje e madhe. LSI dhe PD luftojnë me njëra tjetër, janë të opozitës. Opozita do t’i ketë 6. PSD me 1. PD ka 6 mandate të sigurt, PS ka 4 nëse llogarit mandatin e zotit Doshi. Është ndarje rajonale. Topalli ka diku te 4-5 mijë vota.”tha ai.

21:55 – Gara në Korçë, eksperti në ABC: PD-ja i merr PS-së një mandat, ndahen 5 me 5

Eksperti zgjedhor Agim Tutulani u shpreh në studion e ABC se në qarkun e Korçës Partia Demokratike, do të arrijë të marrë një mandat më shumë se në zgjedhjet e 2017. Sipas Tutulanit PD do të marrë një mandat nga Partia Socialiste.

Konkretisht sipas tij, PS do të marrë 5 mandate edhe PD 5 mandate, ndërsa 1 mandat shkon për LSI

Tutulani: Korça është i vetmi qark 5,5,1. PD merr një mandat PS në krahasim me zgjedhjet e 2017. Duhet të ketë ndodhur shumë madhore diçka për të pasur diçka ndryshe, PD avancon me një mandat. Ka një Devoll shumë të djathtë apo Maliqin. Pogradeci me Korçën kanë qenë me balancë. Kolonja ka qenë në tëmajtë por nuk ndikon.

21: 20 – Veliaj: Të gjitha Exit Poll-et na nxjerrin fitues me 71-72 mandate

Kryebashkiaku i Tiranës, Eerion Veliaj, para mbështetësve të Partisë Socialiste në Selinë Rozë deklaroi se të gjitha Exit Poll-et, e nxjerrin PS fituese me 71 deri në 72 mandate. Gjithashtu, Veliaj shtoi se projeksionet e PS, si në Tiranë ashtu edhe në gjithë Shqipërinë, janë më shumë se 72 mandate.

“Por, si projeksionet e Exit Poll-eve, si tonat që janë më shumë se 71-72, duhet të presin me shumë durim procesin e numërimit,” theksoi Veliaj.

21:15- Tutulani në ABC: Numrat tregojnë që opozita e ka barazimin në xhep

Eksperti i zgjedhjeve, Agim Tutulani ka deklaruar se nga numrat duket që opozita e ka në xhep barazimin.

“Nga numrat duket sikur opozita ka në xhep barazimin,” tha ai në studion e ABC.

Duke komentuar deklaratën e Lulzim Bashës nga selia, gazetari Berat Buzhala tha se ishte shumë më festiv se Edi Rama.

Lexo edhe: SONDAZHI/ Tutulani: PS merr 69 mandate, Tom Doshi nuk merr më shumë se dy deputetë

“Deklarata e Bashës në krahasim me Ramën shumë më festive, ishte në përputhje me Exit Poll. Votat janë në kiutu, do të ishte eb hershme të bërtiste fitire. Në krahasim me Ramën duket që Basha ishte shumë më i lumtur,” tha ai.

21:14 – Eksperti zgjedhor: 62% e të rinjve kanë votuar opozitën

Të ftuar në studion e Abcnews, ekspertët e komunikimit dhe zgjedhjeve kanë treguar lidhur me projeksionet për zgjedhjet që u zhvilluan ditën e sotme.

Sipas ekspertit, Agim Tutulani nga të dhënat paraprake mendohet se në kutitë e votimit  62% e të rinjve kanë votuar opozitën.

Ndërkohë, mësohet se pjesëmarrja në zgjedhje sipas KQZ është 48.56 për qind.

21:13 – SONDAZHI/ Tutulani: PS merr 69 mandate, Tom Doshi nuk merr më shumë se dy deputetë

Eksperti i Zgjedhjeve Agim Tutulanii cili prezanton në ABC sondazhin e përgatitur nga kompania izraelite ka deklaruar se socialistët do të marrë maksimumi 69 mandate.

Ndërsa sipas tij partia e Tom Doshit, PSD nuk do të marrë më shumë se 2 mandate.

“Nuk e shoh që PS do shkojnë më shumë se 68 apo 69 mandate.  Tom Doshi maksimumi dy mandate nuk ka si të marrë më shumë”, deklaroi Tutulani.

21:05 – Lulzim Basha shpall fitoren nga selia blu

Kryetari i Partisë Demokratike Lulzim Basha mbajti një fjalim të shkurtër nga Selia Blu pas përfundimit të procesit të votimit. Para mbështetësve dhe gazetarëve, lideri demokrat falënderoi të gjithë qytetarët që zgjodhën ndryshimin në këto zgjedhje.

Basha u shpreh po ashtu se kjo e sotmja është një fitore për popullin shqiptar dhe për Aleancën për Ndryshim. Kryedemokrati tha se ka besim të plotë që numëruesit dhe komisionerit do ta mbyllin procesin me përgjegjësi dhe sipas ligjit.

21:04 – Atmosferë e zjarrtë në selinë e PD

Me qindra simpatizantë janë mbledhur përpara selisë së Partisë Demokratike. Ndërkohë që kreu i PD mbajti fjalën para tyre.

Basha deklaroi se kjo është fitore e qartë, duke theksuar se vullneti i popullit është në kutitë e votimit.

Lexo edhe: Lulzim Basha shpall fitoren

Menjëherë pas përfundimit të procesit të votimit mbështetësit u mblodhën para selisë blu, ku nuk mungon entuziazmi i tyre për fitore.

20:29 – Celibashi thirrje partive: Qetësi dhe vetëpërmbajtje, të presim të numërohen fletëtKreu i Komisionit Qendror të Zgjedhjeve, Ilirja Celibashi u ka bërë thirrje partive politike që procesin në vijim ta përcjellin me qetësi dhe ka kërkuar vetëpërmbajtje nga ana e liderëve.

Sipas Komisionerit, askush nuk e di kush ka fituar. Celibashi thekson se duhet të presim të numërohen fletët e votimit.

20:27  – Rama i pakënaqur me “Exit Poll-et”: Janë thjeshtë parashikime para ndeshjes, votat janë ende në kuti

Kryeministri Edi Rama ka reaguar lidhur me Exit Poll që po zhvillohen në vend nga disa media. Sipas Ramës ato janë thjeshtë disa parashikime dhe jo rezultati përfundimtar.

Sipas Ramës këto Exit Poll janë vetëm një parashikim para ndeshjes sipas tij ndërsa shton e socialistët duhet të rrinë të qetë pasi e kanë bërë punën e tyre.

Rama është rikthyer edhe një herë tek patronazhistët duke përgëzuar punën e tyre dhe duke u kërkuar që të presin të qetë rezultatin.

20:16 – Tension tek shkolla “11 Janari” në Tiranë , komisionerët nuk pranojnë të transportojnë kutitë me mjet privat

Tension tek shkolla “11 Janari” në Tiranë , komisionerët nuk pranojnë të transportojnë kutitë me mjet privat. Mësohet se komisionerët nuk kanë pranuar që të transportojnë kutitë me mjet privat.

Për këtë arsye pritet që furgoni të vijë sërish për të marrë kutitë e mbetura.

20:09- Meta apelon sërish: Asnjë votë nuk mund të tjetërsohet, sondazhet kanë prapavijë partiake

Presidenti Ilir Meta ka bërë thirrje për qetësi pas përfundimit të votimit në të gjithë vendin. Meta shprehet se tashmë është përgjegjësi e komisionerëve dhe numëruesve ndërsa bën thirrje që askush të mos cenojë procesin.

Ai shton se asnjë votë nuk mund të tjetërsohet, ndërsa sondazhet paraprake i quan me prapavijë partiake.

19:17 – Mbyllet orari zyrtar i votimit, Celibashi: Brenda 48 orësh del fituesi i zgjedhjeve

Partia apo koalicioni fitues që do të drejtojë vendin në katër vitet e ardhshme do të shpallet brenda 48 orësh nga mbyllja e orarit zyrtar të votimit. Kreu i KQZ Ilirjan Celibashi deklaroi se brenda këtij afati do të numërohen votat për partitë dhe më pas do të nisë procesi i numërimit për kandidatët. Ai tha se në 167 qendra votimi, identifikimi biometrik ka dështuar.

Kjo tha ai, ka ardhur për shkak të mungesës së operatorëve ndërsa në disa qendra ka pasur pamundësi për ta përdorur atë. Ai u bëri thirrje partive politike të mos shpallin fitoren ende pa nisur procesi i numërimit, pasi kjo do të sjellë problematika në vazhdimësinë e kësaj procedure.

19:09 – “Fitorja është e jona”, Kryemadhi shpall suksesin pas mbylljes së orarit zyrtar të votimit

Kryetarja e LSI-së, Monika Kryemadhi ka deklaruar fitoren menjëherë pas përfundimit zyrtar të mbylljes së procesit të votimit.

LEXO EDHE:  Shqipëria vendos/ Mbyllet orari zyrtar i votimit, vijon përtej 19:00 për qytetarët në radhë

Përmes një postimi në “Facebook”, ajo deklaron se procesin duhet ta çojmë deri në fund pa provokime, duke numëruar edhe votën e fundit.

“Urime! Fitorja është e jona! Tani mos lëshoni asnjë milimetër, ta çojmë deri në fund procesin pa provokime duke numëruar edhe votën e fundit”, ka shkruar Kryemadhi. l.k/abcnews.al

19:00 – Shqipëria vendos/ Mbyllet orari zyrtar i votimit, vijon përtej 19:00 për qytetarët në radhë

Ora 19:00! Mbyllet orari zyrtar i votimit në të gjithë Shqipërinë. Por urdhri i KQZ është shumë i qartë për të gjithë komisionerët. Në të gjitha qendrat e votimit në të cilat do ketë qytetarë që presin në radhë, procesi do të jetë i hapur deri kur qytetari i fundit të shprehë vullnetin e tij.

3588869 qytetarë shqiptarë me të drejtë vote kishin sot të drejtë për të zgjedhur 140 deputetët e Kuvendit të ri dhe qeverinë që do të drejtojë vendin për 4 vitet e ardhshme. Në garë janë 13 parti dhe në disa qarqe disa kandidatë të pavarur.

Pjesëmarrja ishte mjaft e lartë. Deri në orën 18:00 KQZ raportoi se nga 1654 qendra votimi që kanë informacion nga 5199 në total, qytetarët që kanë votuar janë 45.48%, shifër kjo që pritet që të rritet pas përpunimit të të dhënave deri në orën 19:00, por edhe më pas deri kur të votojë qytetari i fundit.

Procesi i votimit në përgjithësi sot ishte i qetë. Drejtuesit e lartë të shtetit dhe partive votuan që në mëngjes me thirrjet drejtuar qytetarëve për të ndjekur shembullin e tyre.

Jo në të gjithë vendin votuesit u identifikuan në mënyrë biometrike, pasi pajisja në disa qendra nuk arriti që të ishte funksionale duke kaluar në planin “B” votimi manual. Nuk munguan incidentet dhe dhuna deri në derdhje gjaku në Korçë, Berat, Tropojë dhe Elbasan.

Disa qytetarë që tregun votën u arrestuan. Ambasadorët, sidomos të SHBA-BE-së ishin në disa qytete me vëmendje të veçantë Elbasanin, Shkodrën dhe Durrësin duke monitoruar procesin.

Presidenti Ilir Meta ishte gjatë gjithë kohës në lëvizje nga njëri qytet në tjetrin, ndërsa Lulzim Basha ishte në Elbasan dhe Durrës, teksa në qytetin bregdetar e ndoqi pasdite edhe Edi Rama.

Pas mbylljes së votimit, hapi i radhës është transportimi i kutive për t’i lënë vendin numërimit. Mos harroni, në 20:00 pak pas mbylljes së kutive të votimit, në ABC dhe Abcnews.al do të publikohet ekskluzivisht projeksioni mbi fituesin nga kompania e famshme izraelit “Geo Cartography”, e cila parashikoi saktë edhe rezultatin e zgjedhjeve të fundit në Kosovë./ db/ Abcnews.al

Mos rri jashtë: bashkohu me ABC News. Ne jemi kudo!

Aktualitet

Të ngjashme

KQZ vulos mandatin e tretë të Ramës

KQZ vulos mandatin e tretë të Ramës
Nuk ka surpriza, Kolegji Zgjedhor rrëzon PD-në për Durrësin, vulos fitoren e PS-së

Nuk ka surpriza, Kolegji Zgjedhor rrëzon PD-në për Durrësin, vulos fitoren e PS-së
“Para të errëta” dhe këshilltarë izraelitë pas zgjedhjeve shqiptare

“Para të errëta” dhe këshilltarë izraelitë pas zgjedhjeve shqiptare
Tragjedi në tryezën e Krishtlindjeve në Brazil/ Tre të vdekur pasi hëngrën tortë

schedule21:45 - 27 Dhjetor, 2024

Tragjedi në tryezën e Krishtlindjeve në Brazil/ Tre të vdekur pasi hëngrën tortë
Australi/ Gara vjetore e jahteve shkakton dy viktima

schedule21:41 - 27 Dhjetor, 2024

Australi/ Gara vjetore e jahteve shkakton dy viktima
Egjipti humbi shtatë miliardë dollarë të të ardhurave të tij

schedule21:23 - 27 Dhjetor, 2024

Egjipti humbi shtatë miliardë dollarë të të ardhurave të tij
Kina, sanksione ndaj 7 kompanive si kundërpërgjigje ndaj ndihmës ushtarake amerikane për Tajvanin

schedule21:18 - 27 Dhjetor, 2024

Kina, sanksione ndaj 7 kompanive si kundërpërgjigje ndaj ndihmës ushtarake amerikane për Tajvanin
Edicioni qendror me Juli Krisafin, (27/12/2024)

schedule21:09 - 27 Dhjetor, 2024

Edicioni qendror me Juli Krisafin, (27/12/2024)
Fundoset anija në Marok, konfirmohen mbi 69 viktima

schedule21:07 - 27 Dhjetor, 2024

Fundoset anija në Marok, konfirmohen mbi 69 viktima
Denis Shmykhal: Ukraina mori 485 milionë dollarë nga SHBA dhe Banka Botërore

schedule21:00 - 27 Dhjetor, 2024

Denis Shmykhal: Ukraina mori 485 milionë dollarë nga SHBA dhe Banka Botërore
“Galaktikët” mendojnë për mbrojtjen, Real Madrid piketon “yllin” anglez

schedule20:56 - 27 Dhjetor, 2024

“Galaktikët” mendojnë për mbrojtjen, Real Madrid piketon “yllin” anglez

ABC NEWS AL

[email protected] +355 67 400 9040

Rreth nesh

Abcnews.al është website kryesor i lajmeve në Shqipëri. Pjesë e televizionit ABC, redaksia e Abcnews.al ka të shenjtë verifikimin e lajmit në mënyrë të pavarur nga gazetarët tanë para publikimit. Me një redaksi të riorganizuar, Abcnews.al mundëson një mbulim të plotë të zhvillimeve më të fundit nga vendi dhe bota, përmes një stafi të kualifikuar dhe profesional. Saktësia në informim mbështetet edhe me risitë më të fundit në lidhje me mediat online duke e bërë Abcnews.al një media avangardë në vend. NUIS/NIPT K01711004F

| Privacy | Kushtet e Përdorimit |

Harta e faqes

Copyright © 2024 ABC NEWS. All rights reserved.