Kryesore

infektivi-ambulanca.jpg
nev ila18:21 | 31/03/2020

Ministria e Shëndetësisë ka njoftuar se është rritur bilanci i viktimave që kanë humbur jetën nga koronavirusi në Shqipëri.

Sipas Ministrisë ka ndërruar jetë, në spitalin infektiv, një 77 vjeçar nga Kavaja, dhe një 69 vjeçar nga Hasi.

Ministria e Shëndetësisë ka njoftuar se 77 vjeçari ka patur edhe sëmundje të tjera shoqëruese ndërkohë që për 69 vjeçarin nuk njoftohet se ka patur sëmundje të tjera.

Ai ka qenë gjatë gjithë kohës në gjendje të rënduar shëndetësore ku prej 3 ditësh ishte në frymëmarrje të drejtuar.

Ndërkohë sipas Ministrisë së Shëndetësisë gjatë 24 orëve të fundit janë shënuar 20 raste të reja, duke e cuar numrin total në 243 të prekur dhe numrin e viktimave ne 15.

Njoftimi i plotë:

“COVID-19/ Ministria e Shëndetësisë: Ndërrojnë jetë 2 pacientë në spitalin infektiv

15 viktima të prekur nga COVID-19 në Shqipëri

Dy pacientë kanë ndërruar jetë në spitalin infektiv, të konfirmuar me COVID-19.
Pacienti 77-vjeçar I. B., nga Kavaja, i konfirmuar me COVID-19 po trajtohej prej 2 javësh në spitalin infektiv, teksa ndërroi jetë në mënyrë të papritur nga një infarkt miokardi. 77-vjeçari vuante nga disa sëmundje: Diabet mellitus, insuficience renale kronike dhe insuficiencë kardiake.
Ka ndërruar jetë gjatë ditës së sotme edhe pacienti R. P 69-vjeç nga Hasi, i konfirmuar me COVID-19, i cili është trajtuar prej 8 ditësh në spitalin Infektiv ndërsa prej 3 ditësh gjendja e tij ishte rënduar dhe ishte në respiracion të drejtuar (i intubuar). Pacienti R. P ka qenë në gjendje të rëndë shëndesore gjatë gjithë kohës dhe pavarësisht përpjekjeve të mjekëve, nuk arriti të mbijetojnë.Shkon në 15 numri i qytetarëve që kanë humbur jetën me COVID-19 në Shqipëri.
Ministria e Shëndetësisë dhe Mbrojtjes Sociale u shpreh ngushëllimet familjeve të të ndjerëve dhe apelon qytetarët t’i respektojnë me shumë rigorozitet masat e distancimit social dhe izolimit, pasi janë përcaktuese për frenimin e përhapjes së COVID-19″./abcnews.al

Shperndarja e koronavirusit ne rajon

klodian-qafoku-1280x570.gif
nev ila18:09 | 31/03/2020

Nën organizimin e Suzana Turkut dhe pjesëmarrjen e Inva Mulës, Kastriot Tushës, Vikena Kamenicës, etj., 50 artistë sollën këngën “Shqipëri o vendi im!”, në kushtet e distancimit social ku secili u bë i pranishëm përmes celularit nga shtëpia e tij.

Të pranishëm fizikisht dhe virtualisht në studion e ABC News ishin Inva Mula, Suzana Turku, Klodian Qafoku dhe Ardita Bufaj.

Kjo këngë është realizuar në kushte tepër të vështira montimi, duke qenë se duheshin bashkuar të gjithë copëzat e realizuara nga secili artist.

Klodian Qafoku orkestruesi dhe realizuesi i produktit final teknik të kësaj kënge, tregoi në ABC News se si kishte mundur të nxirrte produktin final, duke qenë se këngëtarët kishin realizuar pjesët e tyre nga celulari.

Biseda:

Endri Xhafo: Si ja bërë për miksazhin?

Klodian Qafoku: Përpara se të flas për çështjen teknike dua të falënderoj të gjithë artistët që u bënë pjesë e kësaj gjëje të bukur. Falënderoj Prof. Zana Turkun që më besoi këtë punë kolosale. Ishte mbështetja e drejtorit artistik Aristidh Prosit që na mundësoi orkestrën simfonike.

Endri Xhafo: Sa kohë keni punuar?

Klodian Qafoku: U desh gati 1 ditë që të hidhja riorkestracionin në letër, në nota, pastaj direkt kam kontaktuar me instrumentistët e Radiotelevizionit, për të cilët u ndamë partiturat.

Endri Xhafo: Çfarë i bëri të ishin të gatshëm?

Klodian Qafoku: E para ishte nisma dhe të gjithë po ti shohësh ata kanë luajtur me shumë emocion. Edhe pse kanë qenë vetëm ata e kanë realizuar sikur të kishin shokun pranë dhe e kanë dhënë emocionin  e tyre.

Endri Xhafo: Çdokush është regjistruar nga celulari?

Klodian Qafoku: Po çdokush e ka regjistruar pjesën e vet nga celulari.

Endri Xhafo: Sa kohë ju mori, ishte e vështirë?

Klodian Qafoku: Në fakt është paska e vështirë por çudia më e madhe ishte se tingulli i vërtetë i të gjithëve ishte i përsosur, ishte shumë i bukur edhe pse jo nga mikrofonët profesional. Kemi gati dy ditë që montojmë videon me telefon, shumë peripecira në fakt./abcnews.al

endri-inva-mula-1280x581.gif
nev ila17:46 | 31/03/2020

Nën organizimin e Suzana Turkut dhe pjesëmarrjen e Inva Mulës, Kastriot Tushës, Vikena Kamenicës, etj., artistët sollën këngën “Shqipëri o vendi im” në kushtet e distancimit social ku secili u bë i pranishëm përmes celularit nga shtëpia e tij.

50 artistë shqiptarë u mblodhën bashkë duke sjellë në një mënyrë origjinale këngën e famshme.

Këtë këngë, të cilën ata e cilësuan si “himn të ditëve të koronavirusit për shqiptarët”, artistët e prezantuan për herë të parë në studion e Endri Xhafos në ABC News, në të cilën nuk munguan edhe emocionet.

Kjo këngë ka ngritur peshat e gjithë shqiptarët e cila nisi si një homazh për të gjithë mjekët në Shqipëri, dhe përfundoi e ka shkuar përtej kësaj, sepse është shndërruar tashmë në një himn për dashurinë për njëri-tjetrin tek të gjithë shqiptarët.

Gjatë bisedës virtuale në ABC News, sopranoja Inva Mula tha se kjo këngë ishte një projeksion shumë i bukur, emocionues  dhe i pabërë ndonjëherë më parë.

“Mos harroni se pavarësisht vështirësive, secili nga ne, pavarësisht së cfarë po ndodh, duhet të mendojmë se cila është pozitivja në këtë që po ndodh”, tha Mula.

Biseda e plotë:

Endi Xhafo: Keni patur regjistrime dixhitale edhe më parë, kohë kur regjistronit me Erik Seran pjesë të “Plava Lagunës” në filmin “Elementi i pestë”, por kësaj herë ishte ndryshe, regjistrimi nuk ishte në një studio por duhet të regjistroje veten me celular. Kjo ju duk pak e çuditshme nga pikëpamja artistike?

Inva Mula: Në fakt këtë po e bën gjithë bota, dhe pikërisht këto selfiet dhe videot në këto momente të vështira për gjithë globin, ishin mjeti më i thjeshtë e komunikues dhe më i domosdoshmi për të përcjellë zërin tonë jashtë mureve të shtëpisë. Mendoj që telefoni nuk ka qenë më i domosdoshëm më parë se në këto kohë të pandemisë.

Endi Xhafo: Ju nuk e dini produktin, si u nise të marrësh pjesë?

Inva Mula: Sigurisht që në momentin që më mori Zana Turku në telefon isha e bindur që po më merrte për një produkt të suksesshëm, ajo e di shumë mirë cfarë bën si artiste. Pashë se kishte projektuar dicka shumë të bukur, dhe menjëherë i thashë: Do ta bëjmë! Nuk doja të kisha protagonizëm, doja të isha si gjithë të tjerët. Bukuria e këtij projekti është se ne aty jemi shumë dhe po të shohim gjithë shembujt e tjerë në botë nuk kanë qenë kaq të shumtë sa ne. Jemi 50 pjesëmarrës aty për të realizuar një gjë të tillë, dhe kjo është shumë e bukur, e pabërë ndonjëherë, është tepër emocionuese.

Endi Xhafo: Ju shtuan emocionet nga fakti se është një këngë e kënduar nga i madhi Avni Mula?

Inva Mula: Sa herë e dëgjoja ditën e parë, edhe të dytën, vazhdova e dëgjova sot përfundimin, dhe përsëri më emocionoi si këngë. Sot kam dëgjuar versionin përfundimtar. Bukuria e kësaj është që nuk jemi vetëm këngëtar në atë video por edhe orkestra e radiotelevizonit. Koncepti për të qenë bashkë nuk e ndryshoi dot as pandemia. Mos harroni se pavarësisht vështirësive, secili nga ne, pavarësisht së çfarë po ndodh, duhet të mendojmë se cila është pozitivja në këtë gjë. Mund t’ju them diçka të bukur, vajza ime sot më pyeti, kur fillon shkolla dhe i thashë se nuk e dimë akoma. Ajo më tha se do donte mos të fillonte akoma, pasi kishte dëshirë të qëndronte ende me mua. Kjo na bën të kuptojmë sa e rëndësishme është familja, sa e rëndësishme është që, këtë kohën tonë t’ja japim fëmijëve. Kësaj që po ndodh le ti japim nota optimizmi e pozitiviteti./abcnews.al

ardita-bufaj.gif
nev ila17:17 | 31/03/2020

50 artistë shqiptarë u mblodhën bashkë duke sjellë në një mënyrë origjinale këngën e famshme “Shqipëri o vendi im”, një tekst i Hysni Milloshit, i orkestruar nga i madhi Avni Mula.

Nën organizimin e Suzana Turkut dhe pjesëmarrjen e Inva Mulës, Kastriot Tushës, Vikena Kamenicës, etj., artistët sollën këngën në kushtet e distancimit social ku secili u bë i pranishëm përmes celularit nga shtëpia e tij.

Këtë këngë, të cilën ata e cilësuan si “himn të ditëve të koronavirusit për shqiptarët”, artistët e prezantuan për herë të parë në studion e Endri Xhafos në Abc News, në të cilën nuk munguan edhe emocionet.

Të pranishëm fizikisht dhe virtualisht në studion e Abc News ishin Inva Mula, Suzana Turku, Klodian Qafoku dhe Ardita Bufaj.

Kjo këngë ka ngritur peshat e gjithë shqiptarët e cila nisi si një homazh për të gjithë mjekët në Shqipëri, dhe përfundoi e ka shkuar përtej kësaj, sepse është shndërruar tashmë në një himn për dashurinë për njëri-tjetrin tek të gjithë shqiptarët.

Në studion e ABC News me gazetarin Endri Xhafo pianistja Ardita Bufaj, pjesë e artistëve që realizuan këtë këngë madhështore në kushtet e virtualitetit u shpreh se, të gjithë artistët në këtë moment të vështirë për njerëzit, kanë dashur të përcjellin mesazhin e dashurisë dhe optimizmit.

“Ky është një mesazh shprese, për të gjithë mjekët që përballen me këtë virus. Është shumë e rëndësishme, muzika në vetvete ka një perceptim emocional, estetik dhe human të veçantë. Një artist me të kënduarin mund të thotë mijëra fjalë, gjithashtu dhe kënga ka një pushtet universal. Të gjithë artistët e rinj të zhanreve të ndryshme, kanë mbërthyer audiencën për të dhënë nje leksion të fortë për optimizmin, për shpresën dhe për të ardhmen e njerëzimit.

Mezashi ynë është: falni sa më shumë dashuri, këtë moment të vështirë shiheni si një moment pozitiv për ti falur dashuri njerëzve që kemi pranë. Ideja fillestare si një homazh për mjekët që janë në vijën e parë që lufton me armikun, është tejkaluar dhe është shkuar përtej idesë fillestare”, tha pjanistja.

kenga.jpg
Autor E16:49 | 31/03/2020

50 arstistë shqiptarë u mblodhën bashkë duke sjellë në një mënyrë origjinale këngën e famshme “Shqipëri o vendi im”, një tekst i Hysni Milloshit, i orkestruar nga Avni Mula.

Nën organizimin e Suzana Turkut dhe pjesëmarrjen e Inva Mulës, Kastriot Tushës, Vikena Kamenicës, etj., artistët sollën këngën në kushtet e distancimit social ku secili u bë i pranishëm përmes celularit nga shtëpia e tij.

Këtë këngë, të cilën ata e cilësuan si “himn të ditëve të koronavirusit për shqiptarët”, arstitët e prezantuan për herë të parë në studion e Endri Xhafos në Abc News, në të cilën nuk munguan edhe emicionet.

Të pranishëm fizikisht dhe virtualisht në studion e Abc Neës ishin Inva Mula, Suzana Turku, Klodian Qafoku dhe Ardita Bufaj.

Abcnews.al ju sjell versionin tepër origjinal të arstistëve shqiptarë për këto ditë të vështira për të gjithë ne:

 

 

ay-1280x507.jpg
in a16:46 | 31/03/2020

50 artistë shqiptarë janë bërë bashkë me një video-mesazh të rëndësishëm në këtë kohë pandemie.

Artistët u mblodhën bashkë duke sjellë në një mënyrë origjinale këngën e famshme “Shqipëri o vendi im”, një tekst i Hysni Milloshit, i orkestruar nga Avni Mula.

Nën organizimin e Suzana Turkut dhe pjesëmarrjen e Inva Mulës, Kastriot Tushës, Vikena Kamenicës, etj., artistët sollën këngën në kushtet e distancimit social ku secili u bë i pranishëm përmes celularit nga shtëpia e tij.

Dirigjentja Suzana Turku në një lidhje me “ABC News” ka treguar për gazetarin Endri Xhafo detaje të video-mesazhit, “Shqipëri o vendi im”, sa prekës aq edhe frymëzues.

“Bota e përsosur falë dashurisë njerëzore për jetën”,  është edhe mesazhi i artistëve të mirënjohur.

Këtë këngë të prezantuar për herë të parë në “ABC News”, Suzana Turku e ka cilësuar kolosale. Gjithashtu ajo shprehu edhe një falënderim për të gjithë artistët që iu përgjigjën kërkesës për të realizuar videon.

“Në periudha të rëndësishme të historisë, në periudha problematike që kalon njerëzimi gjithmonë kanë qenë artistët që japin mesazhe të forta.

Në këtë periudhë duke parë se çfarë ndodh në të gjithë botën, e cila është një luftë me një armik të padukshëm, mendova që edhe në mund të bëjmë diçka. Ideja ishte për të gjetur një këngë, për tu bërë një himn në këtë situatë.  

Mendova për këngën e Avni Mulës edhe pse e kam pasur gjithmonë idenë për ti dhënë përmasat që meritonte kësaj këngë.

Ne të gjithë jemi të izoluar. Në fillim kontaktova me Klodian Qafokun i cili pranoi ta realizonim”, tha Turku.

Më tej theksoi se për të arritur këtë produksion është bërë një punë kolosale nga artistët e mirënjohur.

Ajo theksoi se java e parë për të ishte stresuese. Deri në momentin që e pranuan këtë mënyrë jetesë, atëherë punuan edhe mbi krijimin e kësaj ideje.

“Besoj që me këtë ide kemi punuar gati një jave. Për të arritur realizimin e këtij produksioni është bërë një punë kolosale”, u shpreh ajo. Sa më shumë të ruajmë veten shoqërinë, është një vlerësim maksimal për mjekët, vullnetarët.

Besoj se ne të gjithë do t’ja dalim së bashku. Të gjithë ata pjesëmarrës në këtë produksion janë të gjithë të mëdhenj dhe në këtë situatë të vështirë kanë dhënë një kontribut të madh me një shpirt dhe një emocion të lartë”, u shpreh Turku.

Më tej theksoi se për të arritur këtë produksion është bërë një punë kolosale nga artistët e mirënjohur.

Piano

Ardita Bufaj

Artistët e njohur shqiptar

Inva Mula

Xhieldo Hyseni

Vikena Kamenica

Etleva Shemai

Irida Dragoti

Katriot Tusha

Soleni Alla

Armaldo Kllogjeri

Blerta Zhegu

Ramona Tullumani

Ardita Meni

Klodjan Kaçani

Ulpjana Aliaj

Instrumentistët e Orkestrës së Radios

Violinë

Edlira Shkurti

Elona Islamaj

Lorin Lepuri

Nevila Dergjini

Alma Shelaj

Lirza Zaloshnja

Alma Seferasi

Era Canaj

Drini Kabo

Viola

Vjola Baholli

Alban Meneri

Violonçelë

Gëzim Bejlegu

Blerina Durmishaj

Kontrabas

Artur Stafanasi

Flaut

Jonela Golemi

Klarinetë

Hysen Hoti

Fagot

Lisen Malaj

Korno

Briken Burgjia

Shemshedin Vendresha

Trompë

Gazmor Halilaj

Reinald Foçi

Trombon

Dorian Llanga

Ismet Keta

Ilir Vorpsi

Perkusion

Gridi Kraja

Klodian Qafoku – realizoi orkestracionin e këngës dhe montimin muzikor

Les Likita- mjeshtri i produksionit të videos.

/abcnews.al

 

parate.jpg
in a15:21 | 31/03/2020

Në datën 1 prill, të gjitha bizneset me xhiro vjetore deri në 14 milion lekë dhe që janë mbyllur me vendim qeverie  për të parandaluar përhapjen e koronavirusit, mund të aplikojnë për të marë ndihmën financiare prej 26 mijë lekësh.

Drejtorja e Tatimeve, Delina Ibrahimaj ka sqaruar se ndihma financiare do të jetë për periudhën prill-qershor dhe do të shpërndahet për personat e punësuar apo të vetëpunësuar. Nga të dhënat rezultojnë se nga kjo ndihmë do të përfitojnë  mbi 60 mijë persona.

 “Ndihma ekonomike nis që nga data 1 prill, pasi një pjesë e aktiviteteve kanë ushtruar aktivitet gjatë marsit dhe kanë detyrimin për të deklaruar aktivitetin që kanë kryer gjatë marsit. Ndihma është menduar për një afat maksimalisht 3 mujor, për sa kohë që këto aktivitete do të qëndrojnë të mbyllura.

Pritshmëria që kemi në bazë të dhnëave që ne kemi në bazë të dhënave të administratës tatimore është që rreth mbi 60 mijë të punësuar apo të vetëpunësuar me pagë zero do të përfitojnë nga kjo ndihmë”.

Për shak të disa vendimeve të fundit për hapje biznesesh siç janë gomisteritë apo libraritë drejtorja e Tatimeve thekson se po punohet për një listë përfundimtare të subjekteve që përfitojnë nga ky vendim .

“Ministria e Shëndetësisë ka nxjerrë disa urdhëra në periudha të ndryshme, ne jemi duke punuar listën finale dhe do ta publikojmë në faqen e Drejtorisë së Përgjithsme të Tatimeve”, sqaroi ajo.

Aplikimi do të bëhet vetëm online dhe disa të dhëna do të jenë të plotësuara nga sistemi tatimor.Ndërsa i rëndësishëm  është dërgimi i llogarive bankare ku do të bëhet kalimi i pagesës nga thesari.

“Për këtë arsye në format është përcaktuar lista e individëve që përfitojnë dhe është shumë e rëndësishme që të përcaktohet edhe numri i llogarisë bankare.

Për bizneset e vogla që deklarojnë një herë në tre muaj, ne do të marrim në konsideratë deklaratën e muajit dhjetor dhe të gjithë lëvizjet për marrjen në punë apo largimin nga puna që çdo tatim pagues ka bërë deri në datën 10 mars”, sqaroi ajo.

Pas aplikimit drejtoria e Tatimeve ka një afat 10 ditor për të verifikuar të dhënat  për të qenë përfitues. Në total fondi i vënë në dispozicion nga buxheti për këtë paketë  është 5.8 mld lekë./abcnews.al

Infektiv.jpg
Autor E14:38 | 31/03/2020

Shkon në 3 numri i personave pjesë e Task-Forcës së ngritur kundër koronavirusit që preket prej COVID 19.

Andi Koraqi, shefi i laboratorit të Mikrobiologjisë në QSUT, ka rezultuar pozitiv në testin për koronavirus.

Gazetarja e Abc News, Ajgena Korbi ka mësuar se Koraqi nuk ka shfaqur ndërlikime shëndetësore dhe është vetëizoluar.

Më herët janë identifikuar me COVID 19 dhe Skënder Brataj, shefi i Urgjencës Kombëtare, dhe Mirela Cami, drejtoresha e Operatorit Shëndetësor, të dy anëtar të Task-Forcës.

Abcnews.al ka mësuar se të prekur nga koronavirus janë dhe dy kryeinfermiere dhe një infermiere në spitalin Infektiv në Tiranë ku po trajtohen pacientët me COVID 19.

Ministria e Shëndetësisë e pyetur zyrtarisht as nuk e pohuar dhe as nuk e ka mohuar këtë fakt.

Prej 12 marsit ministria e servir të përgatitur në media raportin ditor për situatën dhe gazetarët nuk kanë mundësi të pyesin drejtpërdrejt zyrtarët e saj për detaje rreth situatës së koronavirusit në vend.

Lexo edhe: Pas Skënder Bratajt, infektohet me koronavirus anëtari tjetër i Task Forcës

Ndryshe ndodh në vendin fqinj.

Në Itali, ndonëse tashmë është epiqendër e COVID 19, zyrtarët e saj çdo ditë në orën 18:00 raportojnë direkt për atë qe po ndodh në vendin e tyre.

Gazetarët atje drejtojnë pyetje dhe marrin përgjigje për rreth një orë, ndryshe nga sa ndodh në Shqipëri ku informacioni vjen gati.

adsdsff-1280x729.jpg
Autor E13:33 | 31/03/2020

Zv.ministrja e Shëndetësisë, Mira Rakacolli konfirmoi 20 raste të reja me koronavirus gjatë 24 orëve të fundit në Shqipëri.

Numri më i madh i rasteve të reja janë konfirmuar pikërisht në qytetin e Durrësit, i cili përjetoi një qetësi në këtë drejtim pas rasteve të para gjatë fillimit të krizës së koronavirusit në vend, shkruan abcnews.al.

Siç raporton Minsitria e Shëndetësisë, në Durrës janë konstatuar 12 të prekur të rinj duke e çuar numrin total të rasteve në 26 në këtë rreth.

Rrethi i dytë me zgjerimin më të madh në rasteve me koronavirus gjatë 24 orëvë të fundit është Tirana me 5 persona që rezultuan pozitivë.

Gjatë ditës së sotme nuk ka patur asnjë rast të ri në Korçë, ndërsa është shënuar nga një rast i ri në Fier dhe Shkodër.

Në total, Shqipëria numëron 243 raste me koronavirus, 13 persona kanë ndërruar jetë, kurse 52 persona janë shëruar. Ministria njofton ndërkohë që 78 persona gjenden të shtruar në spital.

Rastet e reja me koronavirus gjatë 24 orëvë të fundit
12 raste Durrës
5 raste Tiranë
1 rast Shkodër
1 rast Korçë
1 rast Mirditë.  /abcnews.al

Ecuria e koronavirusit ne Europen Jug-Lindore

30virus-autocrats-chile-superJumbo-1280x854.jpg
So Nila13:31 | 31/03/2020

Raportimi u realizua nga Benjamin Novak nga Budapesti; Hannah Beech nga Bangkok; Jason Gutierrez nga Manila; Julie Turkewitz nga Bogotá, Kolumbi; Anatoly Kurmanaev nga Caracas, Venezuela; dhe Rana Sweis nga Aman, Jordani, New York Times

Përshtati në shqip abcnews.al

Udhëheqësit në të gjithë botën kanë miratuar dekrete emergjente dhe legjislacione duke zgjeruar pushtetin e tyre gjatë pandemisë. Por a do t’i heqin  ndonjëherë këto ligje pasi të kalojë kjo krizë?

Në Hungari, kryeministri tani mund të qeverisë me anë të një dekreti. Në Britani, ministrat kanë atë  pushtet që një kritik e quajti fuqi më të madhe se dikush tjetër mund të ketë  për të ndaluar njerëzit dhe për të mbyllur kufijtë.

Kryeministri i Izraelit ka mbyllur gjykatat dhe ka filluar një mbikëqyrje totale të qytetarëve . Kili ka dërguar ushtrinë në sheshet publike dikur të mbushura nga protestuesit. Bolivia ka shtyrë zgjedhjet.

Ndërsa pandemia e koronavirusit ka ndalur botën dhe qytetarët me ankth kërkojnë të veprohet, udhëheqësit në të gjithë globin po thërrasin fuqitë ekzekutive dhe po ushtrojnë autoritetin praktikisht diktatorial, raporton abcnews.al

Qeveritë dhe grupet e të drejtave bien dakort që  këto kohë të jashtëzakonshme kërkojnë masa të jashtëzakonshme. Shtetet kanë nevojë për ligje të reja për të mbyllur kufijtë e tyre, për të zbatuar karantinën dhe për të gjurmuar personat e infektuar. Shumë nga këto veprime mbrohen sipas rregullave të kushtetutës ndërkombëtare, thonë avokatët.

Por kritikët thonë se disa qeveri po përdorin krizën si një mënyrë  për të qënë më të fuqishëm pavarsisht se jo çdo tentativë e tyre lidhet  drejtpërdrejtë me përhapjen e virusit dhe në këtë mënyrë sigurojnë që mos të ketë abuzime me ligjet e reja.

Ligjet po marrin shpejt një gamë të gjerë të sistemeve politike – në shtetet autoritare si Jordania, në një shtet si Hungaria që po i humb kuptimin fjalës demokraci dhe në një demokraci tradicionale si Britania.

Dhe ka shumë pak gjasa që fuqitë do të shfuqizohen pasi të kalojë kërcënimi, raporton abcnews.al

“Ne mund të kemi një epidemi paralele të masave autoritare dhe shtypëse, dhe jo të jemi në majat e një epidemie shëndetësore,” tha Fionnuala Ni Aolain, Reporterja e Kombeve të Bashkuara kundër-terrorizmit dhe të drejtat e njeriut.

Ndërsa ligjet e reja janë për  mbikëqyrjen e shtetit, këto ligje lejojnë qeveritë të ndalojnë njerëzit në mënyrë të pacaktuar dhe të shkelin liritë e lëvizjes dhe të të shprehurit, ato gjithashtu mund të riformojnë jetën qytetare, politikën dhe ekonomitë për dekadat e ardhshme.

Pandemia tashmë është duke ripërcaktuar normat. Sistemet e mbikqyrjes pushtuese në Korenë e Jugut dhe Singapor, të cilat do të quheshin censurim në rrethana normale, kanë ndihmuar në ngadalësimin e infeksioneve. Qeveritë që kritikuan fillimisht Kinën për vendosjen e miliona qytetarëve të saj në karatinë, që nga atëherë kanë ndjekur të njëjtën mënyrë.

Kryeministri i Izraelit, Benjamin Netanyahu, ka autorizuar agjencinë e brendshme të sigurisë së vendit të tij për të gjurmuar qytetarët duke përdorur një rregull të fshehtë të të dhënave për celularët e krijuar  kundra-terrorizmit. Duke gjurmuar lëvizjet e njerëzve, qeveria mund të ndëshkojë ata që kundërshtojnë urdhrat e izolimit dhe duke i dënuar deri në gjashtë muaj burg, raporton abcnews.al

Dhe duke urdhëruar mbylljen e gjykatave të vendit , z. Netanyahu shmangu shumë lehtë detyrim-paraqitjen  për t’u përballur me akuzat e korrupsionit.

Në disa vende të botës, ligjet e reja të emergjencës kanë ringjallur frikën e vjetër të ligjit ushtarak. Kongresi i Filipinëvë miratoi legjislacionin javën e kaluar që i dha presidentit Rodrigo Duterte fuqitë për të përballur emergjencën dhe 5.4 miliard dollar për të përballuar pandeminë. Ligjvënësit hodhën poshtë një projektligj të mëparshëm që do t’i lejonte presidentit të kishte në dorë  bizneset private.

“Ky grant i masave emergjente është i barabartë me autokracinë,” tha një deklaratë për të drejtat e Filipineve, avokati i të drejtave  civile. Avokatët vunë në dukje se Z. Duterte kishte krahasuar dikur Kushtetutën e vendit me një “copë letër higjienike”.

Disa shtete janë duke përdorur pandeminë duke mos marrë parasysh mendimet e kundërshtarëve. Në Jordani, pasi një ligji mbrojtës për emergjencën i dha më shumë pushtet zyrës së tij, Kryeministri Omar Razzaz tha që qeveria e tij do të merrte masa të rënda  me këdo që përhapte “thashetheme, trillime dhe lajme të rreme që shkaktojnë panik”.

Kryeministri Prayuth Chan-ocha i Tajlandës ka  autoritetin për të ndaluar qarkullimin dhe censuruar mediat.Gazetarët atje janë paditur dhe janë të  frikësuar për kundërpërgjigjen që ata i dhanë qeverisë në lidhje më përhapjen e virusit.

Ndërsa vetë virusi mund të ketë zbehur dëshirën e protestuesve për t’u mbledhur në sheshet publike, deklarata e Kilit për një shpalljen e gjendjës së jashtëzakonshme dhe prania e ushtrisë në rrugët e qytetit ka shkaktuar  mosmarrëveshje që la vendin në kaos për muaj, raporton abcnews.al

Pandemia gjithashtu ka ndikuar tek  zgjedhjet.Këtë muaj, Bolivia pezulloi  zgjedhjet presidenciale që ishin caktuar  në fillim të majit.

Zgjedhjet e vitit të  kaluar  shkaktuan  protesta të dhunshme dhe detyruan Presidentin Evo Morales të japë dorëheqjen .

Presidentja e përkohshme, e cila premtoi se do të shërbente vetëm pak kohë që atëherë ka konsoliduar pushtetin dhe njoftoi planin e saj për të kandiduar për një mandat të dytë. Gjykata e vendit për zgjedhjet tha të enjten se do t’i zhvillojë zgjedhjet diku midis qershorit dhe shtatorit.

Në Shtetet e Bashkuara, Departamenti i Drejtësisë i kërkoi Kongresit ligje të reja, duke përfshirë një plan për të eleminuar mbrojtjet ligjore për azilkërkuesit dhe për të arrestuar njerëzit  pa gjyq.

Pasi këto propozime u panë më skepticizëm si nga republikanët, ashtu edhe nga demokratët , departamenti paraqiti një propozim më modest për të lënë disa të burgosur në arrest shtëpie dhe për pjesën tjetër të dërgontë teste dhe pajisje mbrojtëse në burgjet federale.

Grupet e të drejtave të njeriut thonë se qeveritë mund të vazhdojnë të marrin më shumë fuqi ndërsa qytetarët e tyre janë të shpërqendruar. Ata shqetësohen se njerëzit mund të mos i kërkojnë të drejtat që i kanë hequr deri sa të jetë shumë vonë për t’i kërkuar ato.

Disa masa emergjence u vunë aq shpejt në funksion sa ligjvënësit dhe grupet e të drejtave nuk patën kohë t’i lexojnë ato, e lëre më të debatojnë për domosdoshmërinë e tyre. Mbrojtësit e të drejtave kanë vënë në dyshim edhe shpejtësinë me të cilën shtetet kanë hartuar një legjislacion të gjatë.

Disa qeveri kanë gati një listë me ligje që i dëshirojnë  dhe janë të gatshmëm për ti vënë në fuqi në rast emergjence ose krize, tha znj Aolain, raportuese speciale e Kombeve të Bashkuara. Ata hartojnë ligje paraprakisht dhe presin “që të paraqitet mundësia e krizës,” tha ajo.

Është pak e paqartë se çfarë do të bëhet me ligjet e emergjencës kur të kalojë kriza. Në të kaluarën, ligjet e miratuara në  nxitim, si Akti i Patriotëve që pasuan sulmet e 11 shtatorit, kanë tejkaluar krizat për të cilat ata kishin menduar.

Me kalimin e kohës, dekretet urgjente përshkojnë strukturat ligjore dhe bëhen të normalizuara, tha Douglas Rutzen, presidenti i Qendrës Ndërkombëtare për Ligjin  në Uashington, i cili po ndjek legjislacionin e ri dhe dekretet gjatë pandemisë.

“Është me të vërtetë e lehtë  të fusësh në fuqi ligje emergjente,” tha z. Rutzen. “Por është e vështirë për ti analizuar ato”.

Një diktaturë e vërtetë’

Pandemia mund të jetë një ndihmë për qeveritë me një prirje autokratike.

Në Hungari, një ligj i ri i ka dhënë kryeministrit Viktor Orban fuqinë për të anashkaluar Parlamentin dhe pezulluar ligjet ekzistuese. Z. Orban, i cili deklaroi një gjendje të jashtëzakonshme këtë muaj, tani ka fuqinë e vetme për t’i dhënë fund emergjencës. Parlamenti, ku dy të tretat e vendeve kontrollohen nga partia e tij, miratoi legjislacionin të hënën.

Kritikët thonë se legjislacioni i ri mund të lejojë që qeveria e Z. Orban të ndërhyjë  më tej në institucionet demokratike dhe të përndjekë gazetarët dhe anëtarët e opozitës. Ligji do të ndryshojë në mënyrë të përhershme dy nene të kodit penal që do të kufizojnë më tej lirinë e fjalës dhe do të dënojnë njerëzit për shkeljen e urdhrave të karantinës. Ai gjithashtu do të pezullojë të gjitha zgjedhjet dhe referendumet.

Gjithashtu kushdo që shpërndan informacione që mund të pengojnë reagimin e qeverisë ndaj pandemisë, mund të përballet deri në 5 vite burg. Legjislacioni i jep fuqi prokurorit për të përcaktuar se çfarë konsiderohet si informacion i vërtetë ose i rremë.

“Projektligji është alarmues,” tha Daniel Karsai, një avokat në Budapest i cili tha se legjislacioni i ri kishte krijuar “një frikë të madhe” midis hungarezëve se “administrata e Orban do të jetë një diktaturë e vërtetë”, raporton abcnews.al

“Nuk ka mbetur më besim ndaj qeverisë në këtë drejtim,” tha ai.

Të tjerët treguan rezultatet e qeverisë për zgjatjen e masave të emergjnecës pas një krize. Një dekret i tillë, i lëshuar në kulmin e krizës së migracionit të Europës pesë vite më parë, është ende në fuqi.

Zgjerimi i fuqive të mëdha

Demokracitë e fuqishme po përdorin gjithashtu pandeminë për të zgjeruar fuqinë e tyre.

Britania ka një histori të gjatë të demokracisë dhe zakoneve të mira demokratike. Sidoqoftë, një projektligj mbi koronavirusin që u miratua në parlament shumë shpejt do t’u jepi ministrave qeveritare fuqinë për të ndaluar dhe izoluar njerëzit në kohë të pacaktuar, u jep fuqinë të ndalojnë tubimet publike përfshirë protestat dhe mbylljen e porteve dhe aeroporteve

Duke prezantuar projektligjin në Parlament, sekretari i shëndetësisë, Matt Hancock, tha se “është shumë larg mënyrës se si ne i bëjmë gjërat në kohë paqeje”. Ai tha se masat do të ishin “rreptësisht të përkohshme dhe proporcionale me kërcënimin me të cilin përballemi.”

Por disa nga ligjet – të quajtura fuqitë Henry VIII, pas monarkut famëkeq të shekullit të 16-të – do t’i japin qeverisë një kontroll të pakushtëzuar. Legjislacioni i jep kompetencat gjithëpërfshirëse agjentëve të kufirit dhe policisë, të cilët mund të forcojnë politikat armiqësorë kundër emigrantëve, thanë kritikët.

“Çdo klauzolë mund të ketë pasur muaj disktutime, dhe tashmë, të gjitha këto po diskutohen brenda pak ditësh,” tha Adam Wagner, një avokat  për të drejtat e njeriut.

“Të gjithë përpiqen vetëm ta lexojnë atë, e lëre më ta kritikojnë siç duhet”, tha ai për legjislacionin, i cili ka 340 faqe.

“Këto janë fuqi të vendosura me ‘lot” që nuk do të ishin në kohën e paqes në këtë vend më parë,” tha Silkie Carlo, drejtoresha e Big Brother Watch, një grup i të drejtave të  njeriut. Ajo i quajti masat “drakoniane”.

Zonja Carlo ka frikë se Britania “do të kalojë nga kriza në krizë, paniku shëndetësor në panik shëndetësor dhe më pas do të zbulojë se ne kemi humbur”.

“Ne rrezikojmë të  shkojmë në gjendje të jashtëzakonshme” tha ajo./Përktheu: Sonila Backa-abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono