I vdiq vajza në aksident shkon në Kroaci, gjyshi nga Kosova mundohet t’i qetësojë fëmijët e saj

schedule17:52 - 26 Korrik, 2021

schedule 17:52 - 26 Korrik, 2021

Kosova këtë të hënë  ka qenë në  zi kombëtare, në nder të 10 viktimave që humbën jetën në aksidentin e ndodhur një ditë më parë në Kroaci.

Mes viktimave ishte dhe një familjare që la pas jetimë fëmijët e saj. Mediat në Kosovë shkruajnë se një babai i një vajze nga Peja që humbi jetën në aksident është nisur drejt Kroacisë për të qetësuar nipërit dhe mbesat që shpëtuan nga aksidenti.

Para Spitalit të Përgjithshëm në Slavonski Brod të Kroacisë sot ka pasur rreth tridhjetë njerëz të dërrmuar, anëtarë të familjes dhe të afërm të udhëtarëve të lënduar në autobusin që ua mori jetën 10 personave në aksidentin e mëngjesit të djeshëm. Ata erdhën në Slavonski Brod kryesisht nga Gjermania dhe Kosova, që qenë pikënisja dhe destinacioni i viktimave.

Familjet e të vdekurve dje morën informacione të tmerrshme, ndërsa sot do të duhej t’i identifikonin trupat e pajetë të më të dashurve të tyre. Të tjerët erdhën për t’i vizituar të lënduarit në spital.

Tek Arif Kikaj , i cili shkoi nga Peja në Kroaci, emocionet janë të ndara. Vajza e tij 37-vjeçare Alinda vdiq në këtë aksident të tmerrshëm. Ai qan ndërsa flet për të. Kishte me vete katër nga pesë fëmijët e saj në autobus me të dhe të gjitha shpëtuan pa lëndime. Kur e përmend vajzën e tij, mes dy syve të tij të përlotur, një buzëqeshje e zbehtë i shpëton. Dhëndri i tij, burri i Alindës së ndjerë ulet në një mur betoni dhe i ngul sytë në qiell.

“Kam punuar për 10 vjet në Rijekë dhe 30 vjet më parë kam shkuar në Gjermani. Unë u ktheva në Kosovë dhe fëmijët e mi, Alinda dhe dy djem të tjerë, qëndruan në Shtutgart. Ajo ka punuar atje si infermiere. Ajo vinte tek ne për pushime. Ata po mendonin të shkonin me aeroplan për në Prishtinë, por përsëri vendosën të merrnin autobusin, sepse ishte më lirë. Është një tragjedi e madhe për ne”, tregon Arifi me lot, duke shtuar se do ta varrosë vajzën në Kosovë.

Fëmijët janë të moshës 14, 12, 9 dhe 7 vjeç. Ata e kanë parë nënën e tyre dhe po presin momentin kur stafi i spitalit do t’i lejojë ta marrin atë.

“Dhëndri ishte me ta. Ata e pyetën: Babi, ku është mami?”, thotë Arifi për Jutarnji, pastaj qan sërish. Ata planifikojnë t’i marrin fëmijët në Kosovë pas disa ditësh dhe pasi të varrosin nënën e tyre atje, të kthehen në Gjermani./Ekspress