Loading ...
Përfundon seanca gjyqësore për 5 të arrestuarit ditën e diel për ndihmës në kalimin e paligjshëm të kufirit të 15 shtetasve egjiptiane. Mësohet se në masën e sigurisë arrest me burg janë lënë Klodian Gjikondaj si dhe Mohamed Sherifi, ky i fundit dyshohet se ishte personi që mblidhte shtetasit egjiptian.
Ndërkohë Gjykata e Vlorës ka vendosur që të lërë në arrest shtëpie, Fatjon Belaj, Rober Hysa dhe Arjol Lleshin.
Policia e Vlorës kapi15 shtetas të huaj, të cilët po tentonin që të largoheshin përmes zonës së Karaburunit në gjirin e Bristanit.
Klandestinët të cilët dyshohet që të jenë shtetas egjiptianë, janë ndaluar mëngjesin e të shtunës në tentativë për tu larguar nga Vlora me gomone në drejtim të Italisë dhe vendeve të tjera të Bashkimit Evropian.
Ndërkaq ato janë dërguar në komisariatin e policisë ku pritet që të merren dhe në pyetje nga policia./abcnews.al/
