Është rënduar situata në qytetin e Shkodrës dhe reshjet e borës vazhdojnë. Pavarësisht se bashkia ka punuar për të mbajtur rrugët e hapura, ato janë vështirësisht të qarkullueshme. Kurse në zonën e Dukagjinit, Pukës, Thethit situata është më e rëndë. Shkollat janë mbyllur sepse shumë rrugë janë të pakalueshme. Në shumë fshatra janë forcat e Ushtrisë që po punojne për t’i hapur ato. Nuk ka patur urgjenca të rënda, ndërkohë që energjia elektrike ka munguar herë pas here. /abcnews.al
